Morgunblaðið - 17.08.2004, Blaðsíða 48

Morgunblaðið/Árni Torfason
Gunnur Vilborg Guðjónsdóttir, starfsmaður hjá Máli og menningu, segir
annir á skiptibókamarkaðnum dreifast meira en áður var.
SKIPTIBÓKAMARKAÐIR eru
orðnir jafnsjálfsagður hluti af haust-
inu og sláturgerð en þetta ár standa
markaðirnir lengur en áður. Ástæð-
an er sú að flestir skólar eru farnir
að setja bókalista á Netið og nem-
endur hafa aðgang að þeim fyrr en
venjulega. Þá hafa bókabúðir verið
að taka við notuðum bókum frá því
snemma sumars.
Framhaldsskólanemar geta selt
notaðar en vel með farnar bækur á
skiptibókamörkuðum og fá að jafn-
aði um 45% af verði nýrrar bókar
fyrir. Bókabúðir selja svo bækurnar
á um 55–60% af verði nýrrar bókar.
Að sögn Gunnar Vilborgar Guð-
jónsdóttur, starfsmanns Máls og
menningar, er örtröðin í skipti-
bókamarkaði búðarinnar ekki eins
bundin við nokkra daga eins og var
fyrir nokkrum árum. „Þetta er
dreifðara núna. Krakkarnir eru
farnir að koma inn með bækurnar
snemma í ágúst.“ Hún segir bóka-
lista á Netinu mikla bót fyrir skóla-
fólk. Bæði setji skólarnir sína lista á
Netið sem og bókabúðirnar sjálfar,
þannig að nemendur geti vitað við
hvaða bókum er tekið á skipti-
bókamarkaðnum og á hvaða verði.
„Áður komu nemendur ekkert fyrr
en skólasetningin var. Það hefur
orðið mikil breyting og nemendur
eru orðnir skipulagðari í þessu en
áður. Eftir að skólarnir byrja verður
ekki þetta brjálæði sem hefur verið.“
Og Gunnur segir viðskiptavini
skiptibókamarkaðarins alveg lausa
við leiðindi. „ Menntaskólanemar
eru skemmtilegustu kúnnarnir okk-
ar. Þau eru svo jákvæð. Ef til dæmis
einhver bók er ekki til, hefur klárast,
þá er það bara allt í lagi. Það er eng-
in reiði eða stress eins og er oft er
hjá fullorðna fólkinu,“ segir Gunnur.
„Menntaskólanemar eru
skemmtilegustu kúnnarnir“
 Góða veðrið/4
MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 17. ÁGÚST 2004 VERÐ Í LAUSASÖLU 220 KR. MEÐ VSK.
VERKTAKAR hófu í gærkvöldi að rífa fyrr-
verandi húsnæði Landssímans á Sölvhóls-
götu 11 í Reykjavík. Er það fimm hæða
3.500 fermetra steinhús og á verkinu að
vera lokið fyrir næstu mánaðamót. Mun í
staðinn rísa 4.800 fermetra bygging stjórn-
arráðsins fyrir dóms- og kirkjumálaráðu-
neyti, umhverfisráðuneyti og heilbrigðis- og
tryggingaráðuneyti.
Morgunblaðið/Júlíus
Byrjað að rífa hús Landssímans
ÍSLANDSBANKI hefur lokið sínu fyrsta sam-
þætta fjárfestingarverkefni í Bretlandi, en bank-
inn var ráðgjafi kaupenda að iðnaðarbakaríinu
Oakdale Bakeries. Gengið var frá viðskiptunum í
Lundúnum fyrir helgina. Kaupandi er eignar-
haldsfélag í meirihlutaeigu stjórnenda Oakdale,
en Íslandsbanki mun eiga minnihluta í félaginu.
Fyrirtækjaþróun útibús Íslandsbanka í Lond-
on var ráðgjafi stjórnenda í kaupunum, en fjár-
mögnun kaupanna var í höndum Samþættrar
fjármögnunar Íslandsbanka í Reykjavík.
Samþætt fjármögnun eru þau verkefni kölluð
þar sem umsjónarbanki skuldsettra kaupa kem-
ur að öllum þáttum fjármögnunar, allt frá lang-
tíma fasteignafjármögnun, hefðbundum lang-
tímalánum, rekstrarfjármögnun og milli-
lagsfjármögnun, auk þess að leggja til drjúgan
hluta áhættufjármagns í formi áhættulána og
hlutafjár. Þetta er fyrsta samþætta fjármögnun-
arverkefnið sem Íslandsbanki hefur umsjón með
í Bretlandi.
Íslandsbanki
í ráðgjöf í
Bretlandi
 Kemur að/12
ÁRNI Ragnar Árnason
alþingismaður lést á
líknardeild Landspítal-
ans í gær, mánudaginn
16. ágúst, 63 ára að
aldri.
Árni Ragnar var
fæddur á Ísafirði 4.
ágúst 1941, sonur
hjónanna Árna Ólafs-
sonar skrifstofustjóra
og Ragnhildar Ólafs-
dóttur húsmóður.
Árni Ragnar lauk
prófi frá Samvinnuskól-
anum 1960 og starfaði
fyrst hjá Sparisjóðnum í Keflavík.
Hann var útibússtjóri Verslunar-
banka Íslands 1966–1971, en rak síð-
an um árabil bókhaldsstofu í Kefla-
vík með útibú víðar.
Árni Ragnar var formaður Heim-
is, félags ungra sjálfstæðismanna í
Keflavík, 1966 til 1971 og var í stjórn
SUS, 1969–1974. Hann átti sæti í
fulltrúaráði sjálfstæðisfélaganna í
Keflavík, síðar Reykjanesbæ, frá
1964 og var formaður þess 1987 til
1991. Hann var í kjördæmisráði
Sjálfstæðisflokksins í
Reykjaneskjördæmi og
síðar Suðurkjördæmis
frá 1966. Hann var bæj-
arfulltrúi í Keflavík
1970–1978.
Árni Ragnar var einn
af stofnendum JC Suð-
urnes og fyrsti forseti
þess og landsforseti JC
Íslands 1976–1977.
Hann var sæmdur öllum
æðstu viðurkenningum
JC-hreyfingarinnar á
Íslandi og útnefndur
heiðursfélagi JC Íslands
og Senators.
Árni Ragnar var fyrst kosinn á Al-
þingi árið 1991 sem þingmaður Sjálf-
stæðisflokksins í Reykjaneskjör-
dæmi. Hann var þingmaður
Suðurkjördæmis frá 2003 til dánar-
dægurs. Á Alþingi átti hann sæti í
fjölmörgum fastanefndum. Þá var
hann fulltrúi þingflokksins í mið-
stjórn Sjálfstæðisflokksins.
Eftirlifandi eiginkona Árna Ragn-
ars er Guðlaug P. Eiríksdóttir og
eiga þau fjögur uppkomin börn.
Andlát
ÁRNI RAGNAR
ÁRNASON
BLÓM úr mannshári prýddu höfuð Bjarkar Guð-
mundsdóttur þegar hún söng á setningarhátíð
Ólympíuleikanna. Blómin eru handverk Ástu
Bjarkar Friðbertsdóttur á Suðureyri við Súg-
andafjörð. Hún hefur áður sent blómalengjur,
eða greinar, til Bjarkar. „Mér fannst mjög gam-
an að sjá þessi hárblóm á Björk á setningunni. Ég
hef líka séð myndir af henni, til dæmis í Vogue,
þar sem hún er með blómalengjur frá mér.“ /20
Morgunblaðið/Golli
Hár er höfuðprýði
HALLDÓR Ásgrímsson utanríkisráðherra
hyggst leggja til á ríkisstjórnarfundi í dag að
deilum Íslendinga og Norðmanna um veiðar á
Svalbarðasvæðinu verði vísað til Alþjóðadóm-
stólsins í Haag. Segir hann í samtali við Morg-
unblaðið að það geti þó tekið nokkurn tíma að
undirbúa málið áður en það fer fyrir dómstól-
inn.
Halldór segir reyndar æskilegt fyrir Ís-
lendinga og Norðmenn að leysa málið með
samningum. „Ég vona að það sé líka skoðun
Norðmanna,“ segir hann. Ákveðið hefur verið
að Halldór og norski starfsbróðir hans, Jan
Petersen, ræði Svalbarðadeiluna á fundi í
næstu viku.
Árni M. Mathiesen sjávarútvegsráðherra
segir að Norðmenn hafi með hegðan sinni
neytt Íslendinga til þess að grípa til þessara
aðgerða. „Málið hefur aldrei farið í þennan
farveg, við höfum ekki staðið frammi fyrir því
áður að Norðmenn hóti því að taka skipin okk-
ar og setja þau á svartan lista verði þau ekki
farin af svæðinu fyrir tiltekinn tíma.“
Landssamband íslenskra útvegsmanna,
LÍÚ, sendi frá sér tilkynningu í gær þar sem
það fagnar ákvörðun íslenskra stjórnvalda um
að hefja undirbúning að því að vísa deilunni til
alþjóðlegs dómstóls. Ekki hafi verið unnt að
semja um veiðar á Svalbarðasvæðinu.
Svalbarðadeilu vísað til Haag
 Vísa/24
Æskilegt að þjóðirnar
semji sjálfar um málið
♦♦♦