Morgunblaðið - 02.10.2004, Blaðsíða 4

4 LAUGARDAGUR 2. OKTÓBER 2004 MORGUNBLAÐIÐ
FRÉTTIR
ÓGLEYMANLEG
SAGA UM VINÁTTU
GYÐINGADRENGS VIÐ
ARABAKAUPMANNINN
IBRAHIM
ÚTGEFANDI SÖGUNNAR AF PÍ KYNNIR:
HERRAIBRAHIMOGBLÓMKÓRANSINS
M
Á
T
T
U
R
IN
N
&
D
Ý
R
Ð
IN
EFTIR
ERIC-EMMANUELSCHMITT
TALSVERT hefur verið um far-
tölvuþjófnaði í Reykjavík að undan-
förnu og hefur fartölvum verið stol-
ið í um 30 innbrotum það sem af er
þessum mánuði.
Að sögn Ómars Smára Ármanns-
sonar aðstoðaryfirlögregluþjóns
hefur ýmist verið brotist inn í bíla
eða híbýli fólks. Á einum sólarhring
var fartölvum t.a.m. stolið úr fjór-
um bílum. Í flestum tilvikum hafa
innbrotin átt sér stað að næturlagi.
Ómar Smári segir að áhugi þjófa
ráðist yfirleitt af eftirspurninni. Nú
virðist vera eftirspurn eftir fartölv-
um hjá fólki og því leiti þjófar þær
uppi. Tilgangurinn sé iðulega að
afla fjár til fíkniefnakaupa. Al-
menningur geti tekið þátt í að
draga úr líkum á þjófnuðum með
því að kaupa ekki muni sem ætla
megi að séu illa fengnir. Ómar
Smári segir mikilvægt að fólk skilji
ekki fartölvur eftir sýnilegar í bíl-
um sínum þegar þeir eru yfirgefnir.
Þjófnaður á
fartölvum eykst
KÓKAÍNIÐ, um 140 grömmm, sem
24 ára gamall maður flutti innvortis
til landsins í október í fyrra voru til
greiðslu á fíkniefnaskuld, að því er
fram kemur í dómi Héraðsdóms
Reykjaness sem kveðinn var upp í
gær.
Maðurinn keypti kókaínið í
Kaupmannahöfn og þótti sýnt að
verulegur hluti þess var ætlaður til
sölu hér á landi. Maðurinn komst
hins vegar ekki með efnið fram hjá
tollvörðum á Keflavíkurflugvelli.
Ákæruvaldið féllst fyrir sitt leyti
á þá frásögn mannsins að með inn-
flutningnum hefði maðurinn ætlað
að greiða fíkniefnaskuld. Dómur-
inn tók tillit til þess sem og að mað-
urinn hefur farið í fíkniefna-
meðferð, hefur stundað vinnu af
áhuga og væri þar að auki í sambúð
með barnsmóður sinni og fjögurra
mánaða gömlu barni. Þótti dómn-
um hæfilegt að dæma hann í sex
mánaða fangelsi, þar af þrjá óskil-
orðsbundna. Sveinn Sigurkarlsson
kvað upp dóminn.
Ætlaði að greiða
fíkniefnaskuld
TUTTUGU sjúklingar eru nú á Arn-
arholti á Kjalarnesi, heimili fyrir
geðsjúka, en því verður lokað um
áramót. Um fjörutíu heimilismenn
voru í Arnarholti í janúar sl. en síð-
an í ágúst hafa þeir verið tuttugu
talsins auk starfsfólks.
Eydís Sveinbjarnardóttir, sviðs-
stjóri hjúkrunar geðsviðs Landspít-
alans, segir engin vandamál hafa
skapast fyrir sjúklingana þrátt fyrir
að rýmum í Arnarholti hafi verið
fækkað. Sjúklingum hafi verið vísað
til annarra úrræða innan geðsviðs
spítalans sem og annarra aðila.
Rýmum fækkað
á Arnarholti
SJÚKRALIÐAFÉLAG Íslands
(SLFÍ) hefur kært til Landlæknis-
embættisins þá ákvörðun stjórnenda
kvennasviðs Landspítala – háskóla-
sjúkrahúss (LSH) að fela ófaglærð-
um starfsmönnum verkefni sem fé-
lagið telur aðeins vera á færi
sérmenntaðra heilbrigðisstétta að
annast. Frá þessu er greint í nýjasta
tölublaði af Sjúkraliðanum, fagblaði
SLFÍ. Að sögn Kristínar Á. Guð-
mundsdóttur, formanns Sjúkraliða-
félags Íslands, fékk félagið fregnir af
því í febrúar sl. að til stæði að stofna
nýja stétt „sérhæfðra aðstoðar-
manna ljósmæðra“ með nýrri starfs-
lýsingu og stuttu námskeiði fyrir
ófaglært starfsfólk. „Samkvæmt
upphaflegri starfslýsingu sem við
fengum í hendur var hins vegar ljóst
að þessu aðstoðarfólki var ætlað að
sinna störfum sem falla undir verk-
svið sjúkraliða. Eftir að við sendum
málið til Landlæknisembættisins,
sem óskaði í kjölfarið eftir upplýs-
ingum frá LSH, þá var starfslýsing-
unni skyndilega breytt og hún gerð
loðnari á allan hátt.“
Að sögn Kristínar hafa sjúkraliðar
aldrei starfað á fæðingardeild LSH
þó að þær hafi aðstoðað ljósmæður
við fæðingar á öðrum heilbrigðis-
stofnunum landsins.
Í samtali við Morgunblaðið sagði
Margrét Hallgrímsson, annar
tveggja sviðstjóra og yfirljósmóðir á
kvennasviði LSH, að um hreinan
misskilning væri að ræða. „Í raun er
þetta engin breyting. Það eina sem
ég gerði var að víkka út verksvið
ræstingarkvennanna í þá átt að láta
þær hjálpa til við að búa um rúmin
eftir fæðingar, en aðallega að sjá um
að þvo óhrein áhöld eftir fæðingar og
ganga frá birgðum. Þannig að ég get
ekki séð að það gangi inn á verksvið
sjúkraliða,“ sagði Margrét, en út-
víkkunin á verksviði ræstingar-
kvennanna tók gildi í upphafi árs og
hafa þær starfað eftir henni síðan.
Vilborg Ingólfsdóttir, yfirhjúkr-
unarfræðingur hjá Landlæknisemb-
ættinu, staðfesti að kæra Sjúkraliða-
félagsins hefði borist embættinu.
Sjúkraliðafélag Íslands kærir LSH til landlæknis
Telja ófaglærða starfs-
menn ganga í störf sín
LÆKNAR vilja að Alþingi og ríkisstjórn hafi for-
göngu um aðgerðir til að auka heilbrigði Íslend-
inga með hollara mataræði og aukinni hreyfingu,
samkvæmt tillögu að ályktun sem fjallað verður
um á aðalfundi Læknafélags Íslands, LÍ, sem lýk-
ur í dag.
Sigurbjörn Sveinsson, formaður LÍ, segir í sam-
tali við Morgunblaðið að með þessu útspili vilji
læknar opna umræðuna um aðgerðir á þessu sviði,
en hugmyndin sé að mynda áhuga í samfélaginu á
því að eitthvað verði gert til að bregðast við vax-
andi offitu og sjúkdómum af hennar völdum.
Í tillögu að ályktun aðalfundarins kemur fram
að móta ætti stefnu ríkisstjórnarinnar um breytt-
ar áherslur í verðlagsmálum neysluvara, almenn-
ingsfræðslu, breytta námsskrá í leik- og grunn-
skóla, stuðning við menningartengda hreyfingu
barna og unglinga auk keppnisíþrótta, og aukna
áherslu á almenningsíþróttir og aðstöðu til útivist-
ar og hreyfingar.
Ráðherra tók vel í hugmyndir
Hugmyndirnar voru kynntar við setningu aðal-
fundar LÍ í Nesi við Seltjörn á Seltjarnarnesi, og
tók Jón Kristjánsson heilbrigðisráðherra mjög vel
í þær. Hann sagði fundarmönnum að þær pössuðu
vel inn í hugmyndir sem uppi séu í ráðuneytinu.
Hann nefndi sem dæmi frumvarp um reykinga-
bann á veitingahúsum og skemmtistöðum, og
sagðist binda miklar vonir við hugmyndir lækn-
anna.
Sigurbjörn segir að mestu máli skipti að aðgerð-
ir af þessu tagi séu gerðar í sátt við fólk, það verði
að gera þetta á jákvæðu nótunum frekar en setja
einhverjar sperrur á fólk. Hann segir mikilvægt
að þetta verkefni verði ekki bara eitthvað sem
heilbrigðisráðuneytið vinnur að, heldur verði það
ríkisstjórnin öll sem taki þetta upp á sína arma,
enda tengist heilbrigði sviðum fleiri ráðherra en
heilbrigðisráðherra.
Aðspurður um hugmyndir lækna um breyttar
áherslur í verðlagsmálum neysluvara segir Sigur-
björn að hér sé hann ekki að tala um einhverskon-
ar skatt á óhollustu, frekar ætti að reyna jákvæða
nálgun og gera fólki auðveldara að kaupa hollar
vörur og stuðla þannig að breyttum neysluvenj-
um.
Breytingar á námsskrá í leik- og grunnskólum
segir Sigurbjörn að gætu að miklu leyti snúist um
að opna smekk barna í ríkara mæli fyrir hollustu,
en einnig væri verðugt verkefni að þróa fræðslu
fyrir grunnskólabörn um hvernig þau geti útbúið
sér hollan málsverð þegar foreldrarnir eru svo
mikið í vinnunni.
Ekki forræðishyggja
Næsta skrefið, samþykki þingið ályktunina, er
að kynna ríkisstjórninni hana. Ef ríkisstjórnin
tekur vel í málið mætti skipa starfshóp til að
kanna hvort þessar hugmyndir séu framkvæm-
anlegar, og vinna betur úr þeim. Mikilvægast er,
að mati Sigurbjörns, að þessar hugmyndir endur-
spegli ekki forræðishyggju eða stjórnsemi, heldur
kynni þær fyrir fólki möguleika á skynsamlegu
vali.
Læknar vilja auka heilbrigði
og hefja aðgerðir gegn offitu
Morgunblaðið/Árni Torfason
Jón Kristjánsson heilbrigðisráðherra tók vel í
hugmyndir lækna um aðgerðir gegn offitu.
ÞYRLUÁHAFNIR Landhelgisgæsl-
unnar hafa fengið rauð viðvörunar-
ljós til að auðvelda þeim að komast
leiðar sinnar í útköll. Tafir í um-
ferðinni geta haft alvarlegar afleið-
ingar. Dómsmálaráðuneytið ákvað,
í samráði við Landhelgisgæsluna og
lögregluyfirvöld, að útvega þyrlu-
áhöfnum rauðu blikkljósin. Ekki er
um eiginleg forgangsljós að ræða
heldur eiga þau að stuðla að auknu
öryggi og til að óska eftir tillitssemi
annarra ökumanna. Eins verður
auðveldara fyrir lögregluna að að-
stoða þyrluáhafnir við að komast
leiðar sinnar í neyðartilfellum.
Morgunblaðið/Árni Sæberg
Sigurður Heiðar Wiium þyrluflugmaður með blikkljós og borða sem auð-
kenna bíla þyrluáhafna þegar þær eru á leið í útköll.
Þyrlumenn með hraði
DORRIT Moussaieff forsetafrú er
umfjöllunarefni greinar sem birtist
undir fyrirsögninni „Norræna
stjarnan“ eða
„Norse Star“ í
nýjasta hefti
tímaritsins W.
Greinin hefst á
lýsingu blaða-
manns á hátíð-
arkvöldverði þar
sem forseti Ís-
lands, Ólafur
Ragnar Gríms-
son, býr sig undir
að halda ræðu en er stöðvaður kurt-
eislega af eiginkonu sinni sem minn-
ir hann í tvígang á að fólk vilji áreið-
anlega frekar taka til matar síns en
að sitja undir ræðuhöldum. „Og
þannig gengur vanalega mik-
ilfenglegur kvöldverður í boði for-
seta Íslands fyrir sig – í það minnsta
þegar hinn opinskái og fljóthuga of-
urhugi og þotuliðskvendi, eiginkona
hr. Grímsson, er í bænum,“ segir
greinarhöfundurinn Natasha Singer.
Forsetafrúin er í grein hennar
sögð laus við tilgerð og afar vinsæl
meðal Íslendinga, sem sjálfir séu
frjálslynd þjóð. Þess er getið að
Dorrit Moussaieff sé jafnfær um að
pluma sig í hátíðlegum kvöldverð og
á íþróttaviðburðum innanlands.
Vitnað er í frétt Morgunblaðsins af
því að forsetafrúin hafi stolið sen-
unni á glímumóti unglinga nýverið.
„Fjörleg og hreinskilin nálgun frú
Moussiaeff á lífið, sem eiginmaður
hennar kallar „barnslegu hliðina
sem vill fara í Disneyland“ virðist
ætla að heilla þjóðina jafnmikið og
það heillaði leiðtoga hennar. Íslend-
ingar voru sérstaklega upp með sér
fyrr á árinu þegar danskt tímarit
valdi hana bestu klædda gestinn – í
samkeppni við sjö drottningar, 25
prinsessur, 18 greifynjur, sex her-
togaynjur og sex barónessur – í hinu
konunglega brúðkaupi Friðriks
krónprins af Danmörku í Kaup-
mannahöfn.“
Dorrit Moussaieff er í greininni
sögð vera frábrugðin öðrum forseta-
frúm að því leyti að hún hafi ekki
tekið valin málefni upp á sína arma,
eins og t.d. bókmenntir eða heil-
brigðismál, heldur hafi hún helgað
sig öllu sem íslenskt er. Hún ferðist
um heiminn til að kynna listir, kvik-
myndir, hönnun, tísku og matargerð
Íslendinga.
Dorrit Moussaieff
hælt í tískutímariti
Dorrit Moussaieff