Morgunblaðið - 02.10.2004, Qupperneq 21

Höfuðborg | Akureyri | Suðurnes | Árborgarsvæðið | Land
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Skapti Hallgrímsson, skap-
ti@mbl.is, Margrét Þóra Þórsdóttir, maggath@mbl.is og Kristján Kristjánson,
krkr@mbl.is, sími 461-1600. Vesturland Ásdís Haraldsdóttir, asdish@mbl.is, sími 898-
5258. Austurland Steinunn Ásmundsdóttir, austurland@mbl.is, sími 669-1115. Árborg-
arsvæðið og Landið Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Eins og annars staðar er farið að hausta
að í Skagafirði og fjallferðum flestum lokið.
Eins og oft áður bar hæst stóðréttina við
Laufskála og kom þangað múgur og marg-
menni, víðsvegar að af landinu, og jafnvel
lengra að. Töluðu gárungarnir um glæsileg-
ustu jeppa- og pallbílasýningu landsins,
enda bílar og fólk mun fleira en hrossin sem
rekin voru til réttar. Að vísu var veðurfarið
ekki eins og það hefur verið best í sumar,
nokkur væta og því svolítið slabbsamt í rétt-
inni, en menn létu það ekki á sig fá.
  
Allmiklar hræringar eru í orkumálum
Norðlendinga um þessar mundir. Norður-
orka á Akureyri vill seilast til áhrifa vestur
yfir Tröllaskaga til orkuöflunar fyrir stór-
iðju á Eyjafjarðarsvæðinu eða við Húsavík,
og hefur sent Skagfirðingum drög að vilja-
yfirlýsingu þar um. Hins vegar munu vera
uppi raddir heimamanna um að ný virkjun
við Skatastaði, ásamt ónýttri orku frá
Blönduvirkjun, og ef til vill smærri virkj-
unarkostum á svæðinu, ættu að nýtast á
Norðvesturlandi, og gæti þessi orka staðið
undir stóriðju sem staðsett væri hugsanlega
á svæðinu á milli Blönduóss og Skaga-
strandar, enda hafnaraðstaða góð hvort sem
er á Skagaströnd eða Sauðárkróki.
Stóriðja á þessum stað væri ákjósanlegur
kostur fyrir þá þrjá þéttbýlisstaði sem eru í
Austur Húnavatnssýslu og Skagafirði, og
mundi styrkja verulega byggð á þessu
svæði, sem hefur á undanförnum árum átt
undir högg að sækja.
  
Í tæpan aldarfjórðung hefur héraðs-
fréttablaðið Feykir komið út vikulega á
Sauðárkróki. Á ýmsu gekk í útgáfu blaðsins
á fyrstu árunum, en undanfarin sextán ár
hefur Feykir verið undir styrkri ritstjórn
Þórhalls Ásmundssonar sem í haust til-
kynnti blaðstjórn að hann mundi ritstýra
sínu síðasta blaði 29. september.
Eftir allmikil fundahöld, þar sem fram
kom eindreginn vilji til þess að útgáfa blaðs-
ins félli ekki niður, var ákveðið að ný blað-
stjórn héldi útgáfunni áfram. Árni Gunn-
arsson var fenginn til að ritstýra blaðinu
fyrst um sinn eða þar til nýr ritstjóri verður
fundinn og útgáfan kemst á fast land, þannig
að dyggir lesendur Feykis munu fá sitt blað,
eins og ekkert hafi í skorist.
Úr
bæjarlífinu
SAUÐÁRKRÓKUR
EFTIR BJÖRN BJÖRNSSON FRÉTTARITARA
Sveitarstjórn Dala-byggðar samþykktiá fundi að skora á
Landssímann að bæta úr
því ófremdarástandi sem
ríkir í sveitarfélaginu
vegna lélegs fjarskipta-
sambands. Vakin er at-
hygli á því að GSM síma-
samband er óvíða í
Dalabyggð til mikilla
óþæginda bæði fyrir
heimamenn og gesti sem
fari sífellt fjölgandi.
Ekki batni ástandið
þegar gagnaflutningur um
Netið sé skoðaður. Víða í
sveitum sé varla hægt að
notast við Netið og í þétt-
býliskjarna sveitarfé-
lagsins, Búðardal, sé ekki
einu sinni komin ADSL
tenging. „Með vísan til
framanritaðs er það krafa
sveitarstjórnar að úr
þessu verði bætt þannig
að íbúar sveitarfélagsins
og gestir þess geti notast
við fyrsta flokks þjónustu
hvað fjarskiptasamskipti
varðar,“ segir í álykt-
uninni.
Léleg fjarskipti
Fregn í útvarpinuum það að konumlíði mun ver í
hjónabandinu en körlum
samkvæmt sænskri rann-
sókn varð Birni G. Eiríks-
syni sérkennara að verð-
ugu yrkisefni:
Það virðist margt í
veröld hér,
er vísindi mönnum kenna
og hjónabandið heyrist
mér
sé hættuspilið kvenna.
Aftur munu mennirnir
meiri gleði finna
svo kátir gjörast
karlarnir
er konunum þeir sinna.
Hallmundur Kristinsson
slær á létta strengi vegna
skipunar nýs hæstarétt-
ardómara:
Skeleggur ráðherrann
skilyrðin fann.
Við skiljum það öll hvað
hann meinar:
Að hæstarétt vanti þann
hæfasta mann
sem heitir því nafni Jón
Steinar.
Um útvarps-
fregn
pebl@mbl.is
Skagafjörður | Víða má sjá lömb
á túnum og ökrum þessa dagana.
Bændur eru að gefa þeim kost á
að safna forða fyrir veturinn eða
þyngja þau aðeins fyrir slátrun.
Menn nýta fóðurkálið einnig í
þessum tilgangi þótt það hafi
víða vaxið kindunum yfir höfuð.
Þessar voru á beit í repjuskógi
í Blönduhlíð í Skagafirði og
reyndu um leið að fela sig fyrir
vegfarendum.
Morgunblaðið/Helgi Bjarnason
Í felum á repjuakri
Sveitin
Vestmannaeyjar | Félagsmálaráðuneytið
hefur með úrskurði hafnað kröfu um að
ráðuneytið ógildi þá ákvörðun forseta bæj-
arstjórnar Vestmanna-
eyjabæjar að fresta fundi
bæjarstjórnar sem boð-
aður hafði verið kl. 18
hinn 16. september sl. til
kl. 23.15 sama kvöld.
Ráðuneytið finnur þó að
ákvörðun forsetans.
Tveir bæjarfulltrúar
og einn varabæjar-
fulltrúi minnihluta bæjarstjórnar í Vest-
mannaeyjabæ óskuðu eftir að félagsmála-
ráðuneytið úrskurðaði um lögmæti
frestunar á fundinum. Töldu þeir m.a. fund-
artímann kl. 23.15 ólíðandi nema um neyð-
arástand væri að ræða og að um tvö þeirra
mála sem á dagskrá voru hafi verið mikill
ágreiningur en þau varði mikla fjárhagslega
hagsmuni sveitarfélagsins. Í umsögn for-
seta bæjarstjórnar kom m.a. fram að hann
telji að í ljósi aðstæðna hafi verið lögmætt
að fresta fyrirhuguðum fundi og að eins og
málum hafi verið háttað hafi legið beinast
við að fresta honum til kl. 23.15 sama kvöld.
Ráðuneytið gerir athugasemdir
Ráðuneytið ákvað að taka fyrri hluta er-
indisins um lögmæti frestunar fundarins til
flýtimeðferðar. Í rökstuðningi ráðuneytis-
ins segir meðal annars að taka hafi átt til
umfjöllunar og atkvæðagreiðslu mikilvæg
og umdeild mál og mikilvægt sé að fundur
um slík mál fari fram á eðlilegum fundar-
tíma, m.a. að teknu tilliti til hagsmuna bæj-
arfulltrúa og þess réttar sem íbúum sveitar-
félagsins sé tryggður í lögum. Telur
ráðuneytið ástæðu til að gera alvarlegar at-
hugasemdir við þá ákvörðun að hafa fund-
inn kl. 23.15 að kvöldi „enda verður því vart
haldið fram að slíkt neyðarástand hafi verið
fyrir hendi að réttlætanlegt hafi verið að
velja þann fundartíma. Það er hins vegar
niðurstaða ráðuneytisins að ágalli þessi sé
ekki slíkur, með vísan til 1. mgr. 1. gr. sveit-
arstjórnarlaga, að hann leiði til þess að
fundurinn verði úrskurðaður ólögmætur,“
segir í úrskurði ráðuneytisins.
Kröfu um
ógildingu
frestunar
hafnað
Úrskurður um lögmæti
frestunar á fundi
Fljótsdalur | Félag ljóðaunnenda á
Austurlandi hefur gefið út ljóðabók-
ina Fljótsdalsgrund eftir Jörgen E.
Kjerúlf (Jörgen frá Húsum).
Jörgen var fæddur á Melum í
Fljótsdal árið 1878 og lést 1961. For-
eldrar hans voru Sigríður Sigfús-
dóttir frá Skriðuklaustri og Eiríkur
Andrésson Kjerúlf frá Melum, en
Andrés var sonur Jörgens læknis á
Brekku (1819–1831), ættföður Kjer-
úlfsættar á Íslandi.
Jörgen stundaði nám í Möðru-
vallaskóla og kvæntist Elísabetu
Jónsdóttur frá Brekkugerði. Þau
eignuðust 12 börn sem öll komust á
fullorðinsaldur og eru þrjú þeirra á
lífi.
Jörgen var alla tíð bóndi í Fljóts-
dal, síðast á Húsum sem hann kenndi
sig við, en stundaði auk þess húsa-
smíðar. Nokkur kvæði Jörgens birt-
ust í blöðum og tímaritum, en lang-
mest er ennþá óbirt í handritum.
Hann var lipurt skáld og ljóðrænt og
hafði yndi af tónlist og söng. Flest
kvæði hans eru í rómantískum anda
og fjalla mörg þeirra um heimasveit
hans. Eitt þeirra, Fljótsdalsgrund,
varð sveitarsöngur Fljótsdælinga og
er enn sungið við hátíðleg tækifæri.
Af því dregur bókin nafn.
Það eru þeir Magnús Stefánsson,
formaður Félags ljóðaunnenda á
Austurlandi, og Helgi Hallgrímsson,
náttúrufræðingur frá Droplaugar-
stöðum, sem hafa haft veg og vanda
af útgáfunni, ásamt Droplaugu J.
Kjerúlf, dóttur skáldsins, sem kost-
aði prentun bókarinnar.
Morgunblaðið/Guttormur Þormar
Útgefendur Þau standa að útgáfu ljóðabókar Jörgens frá Húsum, Magnús
Stefánsson, Droplaug J. Kjerúlf og Helgi Hallgrímsson.
Rómantísk
Fljótsdalsgrund
Nú er sauðum unnvörpum safnað í réttirlandsins og stefnt í hús ellegar á vit mein-legra örlaga í sláturhúsum. Þessi mynd var
tekin í Melarétt í Fljótsdal á dögunum og sýnist
helst sem veðurguðir hafi brugðið boga sínum yfir
menn og fé eina örskotsstund. Nágrannar þeirra
Fljótsdælinga, Fellamenn, eru líka búnir að draga í
sundur og ætla að efna til árlegrar hrútasýningar á
Skipalæk kl. 14 á sunnudaginn næsta. Geta menn
þar metist á um vænleik hrúta sinna eftir kúnst-
arinnar reglum.
Ljósmynd/Einar Bragi Bragason
Regnboga brugðið