Morgunblaðið - 02.10.2004, Page 34

34 LAUGARDAGUR 2. OKTÓBER 2004 MORGUNBLAÐIÐ
UMRÆÐAN
BRÉF TIL BLAÐSINS
Morgunblaðið Kringlunni 1 103 Reykjavík  Bréf til blaðsins | mbl.is
MEÐ ÞVÍ að hafna Dalamönnum um
leyfi til slátrunar í sláturhúsinu í
Búðardal hefur Framsóknarflokk-
urinn endanlega yfirgefið þær hug-
sjónir sem hann var í upphafi stofn-
aður um, en það var að standa vörð
um hinar dreifðu byggðir landsins.
Vestfjarðakjálkinn er ekki aðeins
besta og áhugaverðasta sauð-
fjárræktarsvæði landsins, hann hefur
einnig verið talinn höfuðvígi Fram-
sóknarflokksins í gegnum tíðina.
Það verður því að teljast fjarri öll-
um veruleika ef fólk kýs aftur yfir sig
slíka framgöngu sem landbún-
aðarráðuneytið undir forystu Fram-
sóknarflokks hefur sýnt í þessu máli.
Það er ekki síst í því ljósi að áður
hefur heyrst og haft á orði í þessu
ráðuneyti að auka þyrfti frelsi í af-
urðasölumálum bænda til að mæta
aukinni samkeppni og efla vöruþróun
vegna sívaxandi komu ferðamanna til
landsins.
Á því leikur enginn vafi að aukinn
ferðamannastraumur á sl. ári hefur
átt sinn þátt í aukinni sölu á lamba-
kjöti, en þá aukningu hefði mátt tvö-
falda ef ekki þrefalda með öflugri
vöruþróun.
Á þessu svæði öllu er aðeins eitt
sláturhús starfandi og það af minni
gerðinni, en það er Sláturhúsið á
Króksfjarðarnesi. Vestfjarðakjálkinn
skilar einhverjum bestu kjötgæðum
sem völ er á og þyngdarflokkar þeir
hentugustu til staðlaðrar vöruþróun-
ar.
Með slíkt hráefni í höndum hefði
vel mátt hugsa sér að sláturhúsið í
Búðardal yrði öflug miðstöð vöruþró-
unar og þá ekki síst fyrir hótel, veit-
ingahús og stóreldhús, en einmitt á
því sviði liggja mestu möguleikar á
aukinni neyslu og sölu lambakjöts.
Sameining og fækkun sláturhúsa
hefur engu skilað og mun engu skila
til bænda nema vandræðagangi. Það
er sjálfsagt fyrir okkur að eiga í
rekstri tvö öflug sláturhús sem upp-
fylla öll skilyrði til útflutnings á kjöti,
en það er fyrst og fremst innanlands-
markaðurinn sem skiptir höfuðmáli,
þar liggja mestu möguleikar á auk-
inni sölu.
Það sem vekur upp spurningar um
hin ströngu skilyrði sem dýralækn-
isembættið setur Dalamönnum er að
það veitir með heldur veikum skil-
yrðum leyfi fyrir tilgangslausum
flutningi sláturfénaðar landshorna á
milli sem hefur og á eftir að koma
fram á gæðum kjötsins.
Það er greinilegt að Framsókn-
arflokkurinn styður sig nú við fúinn
staur fyrri hugsjóna.
Hættan er sú að fáir og útvaldir
einstaklingar sem hafa það eitt að
markmiði að berjast um völd og eigin
frama fylli þennan hugsjónasnauða
flokk.
GUNNAR PÁLL INGÓLFSSON
Smáragata 3,
101 Reykjavík.
Banabiti Fram-
sóknarflokksins
Frá Gunnari Páli Ingólfssyni kjöt-
iðnaðarmeistara:
ER EKKI lausnin fólgin í lækkun
tekjuskatts en hækkun útsvars? Setj-
um á skólaútsvar. Flestir eru því
sammála að meira fé þurfi til skóla-
mála. Þeir sem málin þekkja eru sam-
mála um að of lítið fé hafi komið með
skólunum frá ríkisvaldinu til sveitar-
félaganna. Lausn kennaraverkfalls-
ins gæti falist í kosningaloforðum
stjórnarflokkanna og mikilli þenslu
efnahagslífsins. Stjórnarflokkarnir
lofuðu lækkun tekjuskatts. Við það
vilja þeir standa. Allflestir efnahags-
sérfræðingar telja lækkun skatta hið
mesta óráð í svona þensluástandi.
Hvernig væri þá að heimila sveit-
arfélögunum að hækka útsvarið. Þá
færi tekjuskattslækkunin ekki út í að
skapa aukna þenslu í efnahagslífinu.
Það mætti hengja heimild til útsvars-
hækkunar við tekjuskattstillögur rík-
isstjórnarinnar. Þá er ekki eins og
ríkið sé að viðurkenna mistök eða
sveitarfélögin að láta undan kenn-
urum. Almenningur fyndi þá að kenn-
arar tækju líka þátt í eflingu skóla-
starfsins og væru ekki bara að heimta
stórar launahækkanir. Peningarnir
yrðu teknir til baka af sveitafélög-
unum og notaðir til skólamála. Skóla-
útsvar. Peningarnir yrðu þá sýnilegir
í bættu skólastarfi með ánægðari úr-
valskennurum. Mér hefur sýnst að
foreldrar séu tilbúnir að borga meira
til skólanna. Geta þá ekki allir aðilar
haldið haus? Að lokum vildi ég koma
því á framfæri að samninganefnd
kennara láti ekki teyma sig áfram í
umræðunni um kostnaðarauka sveit-
arfélaga. Við erum ekki að semja um
það. Við erum að fara fram á launa-
hækkanir í prósentum, beinar og
óbeinar í sérkjarasamningum. Talið
mál sem fólkið skilur. Flestir halda að
þessar kostnaðaraukaprósentur séu
sú launaprósenta sem við förum fram
á. En því fer víðs fjarri. Kröfur kenn-
ara eiga enga möguleika á að setja ís-
lenskt þjóðfélag í efnahagskollsteypu.
JÓN GRÖNDAL,
Dalseli 8,
109 Reykjavík.
Grunnskólabörnin
eru peð í deilunni
Frá Jóni Gröndal kennara:
Eftirfarandi greinar eru á
mbl.is:
Jón Steinsson: „Það er engin
tilviljun að hlutabréfamarkað-
urinn í Bandaríkjunum er öfl-
ugri en hlutabréfamarkaðir
annarra landa.“
Regína Ásvaldsdóttir: „Eitt
af markmiðum með stofnun
þjónustumiðstöðva er bætt að-
gengi í þjónustu borgaranna.“
Jónas Gunnar Einarsson:
„Áhrifalaus og mikill meirihluti
jarðarbúa, svokallaður almenn-
ingur þjóðanna, unir jafnan
misjafnlega þolinmóður við
sitt.“
Jakob Björnsson: „Mörg rök
hníga að því að raforka úr
vatnsorku til álframleiðslu
verði í framtíðinni fyrst og
fremst unnin í tiltölulega fá-
mennum, en vatnsorkuauðug-
um, löndum…“
Tryggvi Felixson: „Mikil
ábyrgð hvílir því á þeim sem
taka ákvörðun um að spilla
þessum mikilvægu verðmæt-
um fyrir meinta hagsæld
vegna frekari álbræðslu.“
Stefán Örn Stefánsson: „Ég
hvet alla Seltirninga til kynna
sér ítarlega fyrirliggjandi
skipulagstillögu bæjaryfir-
valda…“
Gunnar Finnsson: „Hins veg-
ar er ljóst að núverandi kerfi
hefur runnið sitt skeið og
grundvallarbreytinga er
þörf…“
Eyjólfur Sæmundsson og
Hanna Kristín Stefánsdóttir:
„Öryggismál í landbúnaði falla
undir vinnuverndarlög og þar
með verksvið Vinnueftirlits-
ins.“
Jakob Björnsson: „Með því-
líkum vinnubrögðum er auðvit-
að lítil von um sættir.“
Guðmundur Hafsteinsson:
„Því eru gráður LHÍ að inntaki
engu fremur háskólagráður en
þær sem TR útskrifaði nem-
endur með, nema síður sé.“
María Th. Jónsdóttir: „Á
landinu okkar eru starfandi
mjög góðar hjúkrunardeildir
fyrir heilabilaða en þær eru
bara allt of fáar og fjölgar
hægt.“
Á mbl.is
Aðsendar greinar
MUNUM við eftir því sem gerðist
í Norður-Ossetíu í Rússlandi ný-
lega? Sum okkar erum búin að
gleyma því, en samt tók þetta á okk-
ur öll. Gíslatakan í skólanum var
hræðileg og um 155 börn létust.
Þetta er eitthvað sem við viljum ekki
gleyma, en við vitum samt að við
munum gleyma þessu.
Það er svo mikið áreiti
alls staðar að maður
bara gleymir svona
vondum fréttum. Hvað
eru margir að hugsa
um það sem er að ger-
ast í Írak? Maður
vaknar ekki á hverjum
degi og hugsar: Hvað
ætli margir deyi í Írak
í dag? Nei, þá yrði
maður bara þunglynd-
ur.
Samt er okkur hollt
að hugsa stundum um
það sem er að gerast í
heiminum, ekkert svo langt frá okk-
ar litla Íslandi. Börn eru misnotuð
alls staðar í heiminum hvort sem það
er á stríðstímum eða ekki, en samt
sem áður er ástandið enn verra á
stríðstímum. Börn eru tekin í her og
notuð sem lifandi skildir fyrir þá
eldri, þeim er misþyrmt og þau eru
tekin í þrældóm. Mörg börn þurfa
einnig að flýja heimaland sitt, og það
er ekki nóg með að þau þurfi oft að
skilja allt sitt eftir, fara frá öllu því
sem þau þekkja, heldur missa mörg
börn foreldra sína og eru því ein og
yfirgefin á flóttanum. Sum þessara
barna sem eru búin að vera lengi á
flótta vita ekki hvað foreldrar þeirra
heita, og eru jafnvel óviss um eigið
nafn.
Dagana 2.–6. september hélt Ung-
mennahreyfing Rauða kross Íslands
alþjóðlegar sumarbúðir að Snorra-
stöðum á Vesturlandi.
Umræðuefnið var að-
stæður barna í stríði.
Við völdum þetta um-
ræðuefni til þess að
vekja athygli þátttak-
enda og eins almenn-
ings um stöðu barna á
stríðstímum.
Um 30 ungir sjálf-
boðaliðar frá átta lönd-
um tóku þátt í sum-
arbúðunum, fólk frá
Suður-Afríku, Banda-
ríkjunum, Noregi,
Serbíu Svartfjallalandi,
Slóveníu, Sviss og
Þýskalandi. Á fyrsta degi sumarbúð-
anna vorum við minnt á alvarleika
málsins svo um munaði.
Skólabörn voru tekin í gíslingu í
Beslan í Rússlandi með hrikalegum
afleiðingum. Þessi hræðilegi atburð-
ur sýnir okkur að þetta umræðuefni
er þarft og má ekki gleymast þó svo
hætt sé að skrifa um það í blöðunum.
Á síðastliðnum 10 árum hafa tvær
milljónir barna látist af völdum
stríðs. Núna þegar þú lest þetta er
líklegt að barn sé að deyja af völdum
stríðsátaka.
Í sumarbúðunum var unnið í
þremur mismunandi hópum, sem
ræddu um barnahermenn, börn sem
flóttamenn og börn sem hefur verið
misþyrmt. Helsta niðurstaðan úr öll-
um hópunum var sú að börn þurfi að
vera upplýstari. Meiri þekking og
upplýsing getur komið í veg fyrir að
börn séu tekin í hernað og að þeim
sé misþyrmt.
Við hvetjum okkar ríkisstjórnir til
að huga betur að börnum, og meðal
annars upplýsa börn um réttindi
þeirra. Flóttamenn og hælisleit-
endur hafa líka sinn rétt og þurfa að
þekkja hann.
Eitt má ekki gleymast í þessari
umræðu um börn í stríði og það er
að börn þurfa meira en bara mat og
skjól, þau verða að fá umhyggju og
þau verða að fá að leika, leyfum þeim
að leika sér. Leyfum þeim að vera
börn.
Hjálpum börnum í stríði
Þóra Kristín Ásgeirsdóttir
fjallar um landssöfnun RKÍ ’Samt er okkur hollt aðhugsa stundum um það
sem er að gerast í heim-
inum, ekkert svo langt
frá okkar litla Íslandi. ‘
Þóra Kristín
Ásgeirsdóttir
Höfundur er formaður Ungmenna-
hreyfingar Rauða kross Íslands.
NÚ HEFUR Morgunblaðið end-
urtekið birt leiðara til að verja
hagsmuni Jóns Steinars Gunn-
laugssonar, bæði fyrir og eftir
skipan hans í emb-
ætti. Það verður að
teljast hæpið að upp-
hefja slíkt persónulof
um einn umsækj-
anda. Fjöldi að-
sendra greina lýsti
reyndar einnig
mannkostum hans.
Okkur er sagt frá
húmor umsækjand-
ans, ásamt dálæti á
íslensku lambalæri
með brúnuðum kart-
öflum og baunum.
Leiðarar Morg-
unblaðsins og marg-
ar hinna aðsendu
greina fjalla ekkert
um meginmálið sem
er að umræddum
umsækjanda er van-
treyst sem hæsta-
réttardómara af því
að hann hefur verið í
fremstu víglínu sem
dráttarklár flokks-
legra hagsmuna um
áratuga skeið.
Leiðarar Morg-
unblaðs og settur
dómsmálaráðherra
gagnrýna að Hæsti-
réttur geti raðað um-
sækjendum eftir hæfni, þó hann
hafi slíkt lögskipað hlutverk. Í
framhaldi vaknar sú spurning
hvort sé betra fyrirkomulag að
hópur dómara fari yfir þá þætti
sem taldir eru koma réttinum best
eða að einn ráðherra geti valið
þann umsækjanda, sem hefur sínt
mesta þjónustulund við Flokkinn?
Það virðist því vera vilji þessara
aðila að hin þrönga klíka valdhafa
fái algjört sjálfdæmi í að velja
frændur og vini í réttinn. Óháð því
hversu stórkostlega persónu er
verið að fjalla um, þá er allt of
“guðföðurslegur bragur á þessum
vinnubrögðum.
Sjálfstæðisflokk-
urinn hefur sótt að
embætti forseta Ís-
lands síðustu misseri
og framkvæmdavaldið
hefur reynt að breyta
eðli Alþingis sem af-
greiðslustofnun, frekar
en að vera umræðu-
vettvangur. Með
tveimur seinustu skip-
unum í hæstarétt hef-
ur verið vegið enn
frekar að þrískiptingu
valdsins og sjálfstæði
hæstaréttar. Skyn-
samlegum rökstuðn-
ingi er vikið til hliðar
fyrir persónulofi og
eftirá skrifuðum for-
sendum dóms-
málaráðherra. Und-
irritaður áskrifandi að
Morgunblaðinu hefur
iðulega orðið fyrir
vonbrigðum með
flokkslega hags-
munagæslu blaðsins.
Einhliða umfjöllun eða
afstaða hlítur að fæla
frá áskrifendur. Blaðið
skortir víðsýni og
sanngirni í þessu máli.
Að geta skilið viðhorf þeirra sem
gagnrýna að hugsanlegt sé að
frændsemi og vinsemd vegi meira
við ráðningar í æðstu stöður, held-
ur en hlutlaust og faglega samsett
mat á hæfnisþáttum.
Flokksins drátt-
arklár verður yfir-
dómari með aðstoð
Morgunblaðsins
Gunnlaugur B. Ólafsson gagn-
rýnir Morgunblaðið fyrir
flokksleg hagsmunagæsluskrif
Gunnlaugur B.
Ólafsson
’Undirritaðuráskrifandi að
Morgunblaðinu
hefur iðulega
orðið fyrir von-
brigðum með
flokksleg hags-
munagæsluskrif
blaðsins. ‘
Höfundur er framhaldsskólakennari.
KENNARAFÉLAG Flensborg-
arskóla samþykkti hinn 24. sept-
ember 2004 eftirfarandi stuðnings-
yfirlýsingu:
Kennarar Flensborgarskóla lýsa
yfir fullum stuðningi við grunn-
skólakennara í kjarabaráttu þeirra.
Kennarastarfið er ábyrgðarfullt
og krefjandi starf og verður svo um
allan fyrirsjáanlegan tíma. Framtíð
íslensks samfélags og jafnframt af-
koma barnanna okkar byggist á því
að það sé unnið af menntuðu og
hæfu fólki. Því er nauðsynlegt að
þjóðfélagið stuðli að því að þetta
grundvallarstarf sé mannað vel-
menntuðu fólki sem fái laun í sam-
ræmi við ábyrgðina sem starfi
þeirra fylgir. Það vekur furðu að
fulltrúar sveitarfélaga virðast ekki
sjá þetta eða skilja þýðingu grunn-
skólans í eflingu sveitarfélaganna.
Barátta grunnskólakennara
snýst ekki aðeins um nauðsynlegar
launabætur heldur ekki síður um
skýrari skilgreiningu á vinnutíma,
eflingu samstarfs foreldra og
skóla, öflugri fagmenntun og annað
sem nútímasamfélag krefst af
þegnum sínum.
JÓHANN GUÐJÓNSSON,
Nönnustíg 8,
220 Hafnarfjörður.
.
Stuðningur við
grunnskólakennara
Frá Jóhanni Guðjónssyni: