Morgunblaðið - 15.11.2004, Side 9

MORGUNBLAÐIÐ MÁNUDAGUR 15. NÓVEMBER 2004 9
FRÉTTIR

  
       


 ! "#$ %&

&'&( )
& *  '
+
 

     

 
Tilboðsmyndatökur
Jólamyndatökur
Hefðbundnar myndatökur
Barnamyndatökur
Pantið tímanlega
Ljósmyndastofa Kópavogs sími 554 3020
Mynd, Hafnarfirði s. 565 4207
www.ljósmynd.is
www.feminin.is
Bæjarlind 12, Kópavogi • sími 544 2222
Opið virka daga kl. 11-18, lau. kl. 10-16.
Glæsilegt
úrval af
pilsum
frá
Str. 38-60
ÞAÐ væri æskilegt að efnahags-
brotadeild ríkislögreglustjóra gæti
hafið rannsóknir að eigin frumkvæði,
en til þess hefur hún enn ekki nægan
mannafla. Í fyrra voru starfsmenn
deildarinnar 14 og hafði fjölgað um
fjóra frá árinu 2001. Þetta er meðal
þess sem kemur fram í svari dóms-
málaráðherra við fyrirspurn Jó-
hönnu Sigurðardóttur alþingis-
manns.
Jóhanna spurði m.a. að því hvort
ástæða væri til að ætla að efnahags-
brotadeild ríkislögreglustjóra væri
undirmönnuð og annaði ekki þeim
málum sem bærust henni til rann-
sóknar.
Í svari Björns Bjarnasonar dóms-
málaráðherra segir að leitast sé við
að vinna að öllum þeim verkefnum
sem berast á eins öruggan og skil-
virkan hátt og kostur er. „Deildin
hefur aðeins haft mannafla til þess að
vinna að rannsókn og meðferð þeirra
mála sem berast henni með kærum.
Til þess að hefja athugun og rann-
sókn að eigin frumkvæði er ekki
nægur mannafli og efnahagsbrota-
deild getur því ekki tekið upp mál að
eigin frumkvæði. Það væri hins vegar
æskilegt vegna eðlis mjög margra, ef
ekki þá allra, málaflokka sem deildin
á að fást við en í flestum tilvikum eru
brotaþolar þannig settir að þeir eiga
erfitt með að gæta sjálfir réttar síns.
Þetta snertir ekki síst eigendur lítils
hluta hlutafjár, aðila að lífeyrissjóði,
skattgreiðendur og greiðendur að
vörum og þjónustu,“ segir í svarinu
við því hvort deildin sé undirmönnuð.
Fjölgun kærumála
Þá kemur fram að á árunum 2001–
2003 var refsing milduð í sex tilfellum
vegna þess að dómari taldi að rann-
sókn hefði dregist úr hófi. Tekið er
fram að sakfellt hafi verið í 95%
þeirra mála sem efnahagsbrotadeild
höfðaði á árunum 1998–2003.
Í fyrra bárust 384 kærumál til
deildarinnar en þau voru 202 árið
2001. Mest hefur aukningin orðið í
kærum vegna gruns um peninga-
þvætti eða alls 241 kæra.
Í svarinu kemur fram að smæstu
málunum sé hægt að ljúka á nokkr-
um klukkustundum, að meðaltali taki
rannsókn um 500–1.500 klukku-
stundir, en sum málin taki 1–3 ár að
rannsaka. „Svo umfangsmikil mál
eru nokkur á hverjum tíma og hefur
þeim fjölgað og umfangið vaxið síð-
astliðin fjögur ár. En fyrir þann tíma
eru vart dæmi um að slík mál hafi
komið til kasta lögreglu,“ segir í svari
dómsmálaráðherra.
Frumkvæði efnahagsbrotadeildar
Hefur ekki
nægan mannafla
GEÐVERNDARFÉLAG Akureyrar
og nágrennis er þrjátíu ára um
þessar mundir og af því tilefni var
efnt til afmælisfagnaðar í Ketilhús-
inu í gær, sunnudag. Við það tæki-
færi heiðraði Akureyrarbær Brynj-
ólf Ingvarsson lækni, en hann hefur
alla tíð verið driffjöðrin í starfi fé-
lagsins og tekið þátt í að koma á fót
margs konar þjónustu fyrir geðfatl-
aða á Akureyri. Brynjólfur var
fyrsti geðlæknirinn búsettur á
Akureyri og í fastri stöðu á FSA,
auk þess sem hann rak stofu úti í
bæ. Hann var hvatamaður að stofn-
un Geðverndarfélags Akureyrar,
lengi formaður þess og er það nú.
Þá hafði hann forgöngu um stofnun
bráðageðdeildar á FSA og áfanga-
heimilis í Álfabyggð og athvarfsins
Lautarinnar. Þá var Brynjólfur
hvatamaður að stofnun AA-sam-
takanna á Akureyri.
Áfangaheimili og athvarf
Geðverndarfélagið beitti sér fyr-
ir stofnun áfangaheimilis fyrir fólk
með langvinna geðsjúkdóma í sam-
vinnu við Svæðisskrifstofu um mál-
efni fatlaðra og Akureyrarbæ árið
1988 og í náinni samvinnu við geð-
deild FSA. Starfsemi áfangaheim-
ilisins, sem á sér ekki hliðstæðu hér
á landi, hefur frá upphafi sýnt góð-
an árangur og hefur orðið til að
auka lífsgæði tuga einstaklinga
sem hafa fatlast verulega vegna
geðraskana. Félagið beitti sér einn-
ig fyrir því að koma á fót athvarfi
fyrir fólk með langvinna geðsjúk-
dóma í samvinnu við Akureyrar-
deild Rauða krossins og Akureyrar-
bæ. Athvarfið tók til starfa í
desember árið 2000 og er rekið
undir merkjum Rauða krossins. Að-
sókn í athvarfið hefir aukist stöð-
ugt allt frá upphafi og nú er svo
komið að núverandi húsnæði er
orðið of lítið og til trafala fyrir
starfsemina. Næsta verkefni Geð-
verndarfélagsins er því í samvinnu
við þá aðila sem standa að rekstri
athvarfsins, að finna húsnæði sem
hentar sívaxandi þörf fyrir athvarf
af þessu tagi.
Morgunblaðið/Kristján
Geðverndarfélag Akureyrar og nágrennis fagnar 30 ára afmæli um þessar
mundir. Af því tilefni var efnt til afmælisfagnaðar í Ketilhúsinu í gær.
Geðverndarfélag Akureyrar 30 ára
Brynjólfur heiðraður
Jakob Björnsson, formaður bæjar-
ráðs, t.v., afhenti Brynjólfi Ingvars-
syni geðlækni viðurkenningarskjal
og fyrstu 4 bindin af Sögu Akureyr-
ar að gjöf, fyrir óeigingjarnt starf í
þágu geðfatlaðra.
Fáðu fréttirnar
sendar í símann þinn