Morgunblaðið - 15.11.2004, Page 18

18 MÁNUDAGUR 15. NÓVEMBER 2004 MORGUNBLAÐIÐ
UMRÆÐAN
ÍSLENDINGAR eru lánsöm
þjóð. Að geta gengið út í banka og
fengið 100% lán til að kaupa sitt
fyrsta hús er ekki allra. Hér þarf
ekki að hugsa út í á
hvers landi skal
byggja eða hver á
ólífutrén hinum megin
við veginn. Fyrst og
fremst vegna þess að
hér vaxa engin ólífutré
en einnig vegna þess
að hér spretta ekki
heldur upp átta metra
háir steypuveggir sem
aðskilja landareignir
ósáttra nágranna.
Íbúar Palestínu eru
ekki jafn lánsamir og
við. Stoðir samfélags-
ins eru við það að bresta og atvinnu-
leysi er mikið, allt frá 37 til 67 pró-
senta á sumum svæðum skv.
samtökunum Palestine Monitor. Á
Íslandi er atvinnuleysi undir fjórum
prósentum. Þrátt fyrir stanslaust
ónæði og hernaðaraðgerðir ná-
granna sinna reyna Palestínumenn
að lifa eðlilegu lífi eftir bestu getu.
Ísraelar aftur á móti lifa í stöðugum
ótta um að hver kveðjustund geti
verið hin síðasta, sérstaklega ef al-
menningssamgöngur
eru notaðar eða kosið
er að gera sér eitthvað
til dægrastyttingar. Til
að halda lífi er best að
gera sem minnst og
halda sig innan veggja
heimilisins. Þann mun-
að er varla að finna í
Palestínu. Ógnin
leynist alls staðar og þá
kannski sér í lagi ein-
mitt heima hjá hverjum
og einum, sérstaklega
ef svo óheppilega vill til
að viðkomandi býr við
landamærin.
Þann 16. júní 2002 var hafist
handa við að byggja risavaxinn átta
metra múrvegg á landamærum
Vesturbakkans og Ísraels eða við
hina svokölluðu „grænu línu“ sem
gaf til kynna landamærin fyrir Sex
daga stríðið og innrás Ísraela árið
1967. Græna línan sem alþjóða-
samfélagið viðurkennir sem hin lög-
mætu landamæri Ísraels er þó að
engu höfð við byggingu steypu-
veggjarins og er hann sums staðar
byggður sex kílómetra inn á palest-
ínskt land. Ef verkið verður klárað
mun múrinn teygja sig yfir 750 kíló-
metra en samliggjandi landamæri
Ísraels að Vesturbakkanum eru að-
eins rúmur fjórðungur þeirra vega-
lengdar eða 200 kílómetrar. Nú þeg-
ar hafa yfir 100.000 ólífu-og
sítrustré verið felld, öll af svæðum
Palestínumanna til að rýma fyrir
byggingu múrsins. 218 byggingar
hafa verið jafnaðar við jörðu og á
næstunni stendur til að rífa niður 20
heimili og einn grunnskóla. Stað-
setning þeirra þykir ekki henta og
þá skulu þau eyðilögð, án skaðabóta
fyrir fjölskyldurnar sem eru reknar
út á gaddinn. Hvað fyndist Reykvík-
ingum ef þeim væri hent út úr sín-
um eigin húsum og skóli barnanna
eyðilagður, ekki einu sinni af yf-
irvöldum heldur af ósamvinnuþýð-
um nágrönnum og það að öllum
óspurðum? Það yrði ekki látið við-
gangast, hvorki af okkur né alþjóða-
samfélaginu.
Ef Veggurinn verður kláraður
mun hann gera að minnsta kosti 395
þúsund Palestínumenn heim-
ilislausa, fleiri en samanlagða íbúa-
tölu Íslands. Veggurinn hefur gíf-
urlega alvarlegar afleiðingar í för
með sér fyrir allt samfélag Palest-
ínumanna, ekki bara atvinnu og
landbúnað. 71 heilsugæslustöð er
útilokað að sinna sjúklingum sínum
og hátt í 3000 námsmenn hafa orðið
að hætta námi vegna veggjarins,
einungis vegna þess að þeir komast
ekki á milli skóla og heimilis. Hver
sá sem heldur því fram að aðskiln-
aðarmúrinn þjóni aðeins þeim til-
gangi að vernda Ísraela fyrir sjálfs-
morðsárásum Palestínumanna ætti
að hugsa sig um tvisvar. Er ekki
langtímaáætlun múrsins sú að rífa
niður mátt og vilja palestínsku þjóð-
arinnar? Og þá sérstaklega að rýma
til fyrir ólöglega landnema?
Öll eigum við rétt á mannsæm-
andi lífsskilyrðum og að geta rækt-
að land okkar. Það er skoðun al-
þjóðasamfélagsins að
Palestínumenn hafa verið sviptir
þessum réttindum og Sameinuðu
þjóðirnar fordæma yfirdrifna land-
töku Ísraela á landsvæðum Palest-
ínumanna. Í júlí síðastliðnum sam-
þykktu Sameinuðu Þjóðirnar (SÞ)
með miklum meirihluta (150 lönd á
móti 6) ályktun sem fordæmir bygg-
ingu aðskilnaðarmúrsins. Hún
fylgdi í kjölfar úrskurðar Al-
þjóðadómstólsins í Haag sem
dæmdi sama múr ólöglegan og kvað
á um að hann gengi gegn mann-
úðarsjónarmiðum og hagsmunum
Palestínumanna, sem og að hann
skyldi rifinn. Þrátt fyrir alþjóðlega
fordæmingu og hneykslan hefur
sama og enginn þrýstingur verið
settur á Ísraela um að hætta bygg-
ingu múrsins tafarlaust. Ísraelar
halda uppteknum hætti eins og ekk-
ert hafi í skorist. Þeir hunsa al-
þjóðalög og fá samt stuðning
Bandaríkjanna.
Þjóðir heims verða að berjast
sameiginlega fyrir því að al-
þjóðalögum og úrskurðum sé fram-
fylgt í hvívetna. Þó þær hafi ekki
vald til að refsa löndum sem ekki
hlýða getur Öryggisráð SÞ beitt ríki
ákveðnum þrýstingi. Væri ekki til-
valið að Íslendingar yrðu í forsvari
friðarferlisins fyrir botni Miðjarð-
arhafs með því að beita Ísraela póli-
tískum þrýstingi og fengju önnur
Norðurlönd, svo og Evrópuríki í lið
með sér? Slík staðfesta og ákveðni
myndi hjálpa Íslandi að marka sér
sess innan Öryggisráðsins. Þjóðin
öll ætti að krefjast öflugrar fram-
göngu af hálfu forsvarsmanna sinna
í þessu máli sem varðar alla heims-
byggðina. Nú er rétti tíminn til að
sá fræjum í frjósaman jarðveg.
Hver veit nema upp frá þeim vaxi
ólífutré, sameiningartákn friðar?
Samstöðudagskrá Íslands–
Palestínu stendur yfir dagana 15.
nóv.–1. desember. Upplýsingar á
vefsíðunni www.palestina.is.
Fræ friðar í höndum
Íslendinga?
Sara M. Kolka
skrifar um Palestínu ’Þjóðir heims verða aðberjast sameiginlega
fyrir því að alþjóðalög-
um og úrskurðum sé
framfylgt í hvívetna.‘
Sara M. Kolka
Höfundur er fjölmiðlafræðingur.
Eftirfarandi greinar eru á
mbl.is:
Gunnlaugur Jónsson: „Sú
staðreynd að stúlkan á um sárt
að binda má ekki valda því að
rangar fullyrðingar hennar
verði að viðteknum sannind-
um.“
Ólafur F. Magnússon: „Sigur-
inn í Eyjabakkamálinu sýnir að
umhverfisverndarsinnar á Ís-
landi geta náð miklum árangri
með hugrekki og þverpólitískri
samstöðu.“
Ásthildur Lóa Þórsdóttir:
„Viljum við að áherslan sé á
„gömlu og góðu“ kennsluað-
ferðirnar? Eða viljum við að
námið reyni á og þjálfi sjálf-
stæð vinnubrögð og sjálfstæða
hugsun?“
Bergþór Gunnlaugsson: „Ég
hvet alla sjómenn og útgerðar-
menn til að lesa sjómannalögin,
vinnulöggjöfina og kjarasamn-
ingana.“
Sveinn Aðalsteinsson: „Nýj-
asta útspil Landsvirkjunar og
Alcoa, er að lýsa því yfir að
Kárahnjúkavirkjun, álbræðsl-
an í Reyðarfirði og línulagnir
þar á milli flokkist undir að
verða „sjálfbærar“!“
Hafsteinn Hjaltason: „Landa-
kröfumenn hafa engar heimild-
ir fyrir því, að Kjölur sé þeirra
eignarland, eða eignarland
Biskupstungna- og Svínavatns-
hreppa.“
María Th. Jónsdóttir: „Á land-
inu okkar eru starfandi mjög
góðar hjúkrunardeildir fyrir
heilabilaða en þær eru bara allt
of fáar og fjölgar hægt.“
Guðmundur Hafsteinsson:
„Því eru gráður LHÍ að inntaki
engu fremur háskólagráður en
þær sem TR útskrifaði nem-
endur með, nema síður sé.“
Á mbl.is
Aðsendar greinar
Í DV hinn 10. nóvember voru
þessi ummæli um starfslok mín
hjá Reykjavíkurborg höfð eftir
Vilhjálmi Þ. Vilhjálmssyni, borg-
arfulltrúa Sjálfstæðisflokksins:
Miðað við að borgarstjóri sé á
sömu launum og forsætisráð-
herra og 19 mánuðir eru eftir af
kjörtímabilinu hverfur Þórólfur
Árnason á braut með 20 milljónir
króna.
Nú spyr ég þig, Vilhjálmur:
Eru þessi orð rétt eftir þér höfð?
Ef svo er ekki er málið dautt. Ef
hinsvegar svo er, spyr ég:
Hyggstu draga þennan róg til
baka, því vitaskuld vissirðu bet-
ur? Ef þú gerir það ertu maður
að meiri og málinu lokið af minni
hálfu.
Já eða nei, Vilhjálmur?
Þórólfur Árnason
Já eða nei,
Vilhjálmur?
Höfundur er borgarstjóri.
MIRALE
Grensásvegi 8
108 Reykjavík
sími: 5171020
Opið:
mán. - föstud.11-18
laugard.11-15
Spennandi
gjafavörur og húsgögn