Morgunblaðið - 01.12.2004, Qupperneq 12

Morgunblaðið/Golli
Þorgeir Ólafsson afhenti Stefáni Jóni Hafstein sextant afa síns, Jóns Eiríkssonar, við stofnun sjóminjasafnsins. Þor-
geir sagðist vona að tækið myndi hjálpa safninu að ná öruggri höfn eins og það hefði hjálpað afa hans í gegnum tíðina.
VÍKIN – Sjóminjasafn Reykjavíkur
var stofnað formlega í húsnæði
safnsins við Grandagarð 8 í gær, og
var það síðasta skipulagða embætt-
isverk Þórólfs Árnasonar sem
borgarstjóri Reykjavíkur að skrifa
undir samning um rekstur
sjóminjasafnsins.
Nú í framhaldinu verður unnið
að því að afla fjár til að setja upp
fyrstu sýningu safnsins, og er stefnt
að því að opna fyrstu sýninguna á
sjómannadaginn 6. júní 2005. Stef-
án Jón Hafstein var í gær kjörinn
stjórnarformaður safnsins, og sagði
hann að safnið mundi verða ein af
höfuðskrautfjöðrum Reykjavíkur,
bæði hvað varðar menningu og eins
skemmtanagildi.
Halldór Ásgrímsson forsætisráð-
herra hélt stutta tölu, og fagnaði
hann sérstaklega hugmyndum um
að sýna lífríki sjávar í glerbúrum í
safninu, og sagði skömm að því að
einungis eitt safn fyrirfyndist hér á
landi þar sem hægt sé að sjá lifandi
fiska, og vísaði þar til Náttúru-
gripasafnsins í Vestmannaeyjum.
Reyndar mun fiskasafn Fjölskyldu-
og húsdýragarðsins í Laugardal
opna í dag, og því fékk ráðherrann
ósk sína uppfyllta, og trúlega fyrr
en hann átti von á.
Undirbúningur að stofnun safns-
ins hófst árið 2001 þegar borgarráð
skipaði starfshóp til að undirbúa
stofnun sjóminjasafns. Hópurinn
ræddi við fjölmarga aðila sem hafa
tengsl við sjósókn og siglingar, og
fengu góðar undirtektir. Fyrir
rúmu ári keypti Reykjavíkurborg
svo húsnæðið að Grandagarði 8 fyr-
ir safnið, en þar var áður frystihús
og því bæði staðsetning hússins og
fyrri notkun vel við hæfi fyrir sjó-
minjasafn.
Sjóminjasafn formlega stofnað í Reykjavík
Safnið verði ein
af skrautfjöðrum
Reykjavíkur
BANKALÁN, yfirdráttur og úttektarheimild á
greiðslukorti upp á um 650.000 krónur var höf-
uðstóllinn sem rúmlega tvítugur maður notaði
til að kaupa um 2 kíló af hassi í Danmörku í júní í
fyrra og flytja til landsins. Ágóðann af sölunni
notaði hann til að kaupa fimm kíló af hassi
tveimur mánuðum seinna og í desember var
hann kominn með nægt fé til að flytja inn átta
kíló.
Þessum viðskiptum mannsins lauk þegar toll-
gæslan í Reykjavík fann síðustu sendinguna í
vöruafgreiðslu við Sundahöfn. Aðalmeðferð yfir
manninum, föður hans og tveimur öðrum sem
ákærðir eru í málinu fór fram í Héraðsdómi
Reykjavíkur í gær.
Í fyrstu ferðinni tók höfuðpaurinn sér far með
Norrænu til Danmerkur, keypti 2 kíló af hassi
og faldi það í varadekkinu á bifreið sinni áður en
hann hélt aftur heim. Næsta sending kom í sept-
ember en þá flaug maðurinn til Kaupmanna-
hafnar, keypti hassið af sömu aðilum í borginni
og bjó um það í dekkjum sem hann keypti ytra.
Fram kom að hann hafði lengi unnið á hjól-
barðaverkstæði og því átti hann ekki í neinum
vandræðum með að koma hassinu fyrir í dekkj-
unum án þess að hafa til þess sérstök verkfæri.
Raunar valdi hann dekkin sérstaklega með það í
huga að auðvelt væri að koma þeim upp á felgur.
Í báðum tilvikum gekk smyglið að óskum og
vikurnar eftir að hassið kom til landsins sáu fé-
lagar hans og jafnaldrar um að selja það fyrir
hann. Þeir hjálpuðu honum síðan við að skipta
ágóðanum í danskar krónur til að undirbúa
áframhaldandi fíkniefnaviðskipti. Mennirnir
tveir fengu grammið á 1.500 krónur og máttu
sjálfir hirða ágóðann af sölunni, ef einhver varð,
auk þess sem höfuðpaurinn sá þeim fyrir hassi,
mat og sígarettum. Þremenningarnir játuðu að
mestu ef ekki öllu leyti sinn þátt í málinu fyrir
fjölskipuðum héraðsdómi í gær.
Varð ekki var við neysluna
Faðir höfuðpaursins er ákærður fyrir að hafa
í félagi við son sinn skipulagt smygl á 8 kílóum af
hassi en sú sending fannst við tollskoðun, eins
og fram hefur komið. Faðirinn neitaði sök og
sagðist eingöngu hafa leyft syni sínum að nota
nafn sitt á vörusendinguna þar sem sonurinn
hefði ekki verið viss um að vera kominn til
landsins á undan sendingunni. Hann kvaðst
ekkert hafa vitað um hassið og sonur hans bar á
sama veg.
Fimmtán kílóum af hassi smyglað til landsins í dekkjum
Bankalán var upphafið að um-
fangsmiklum hassviðskiptum
Framburður sonarins hjá lögreglu var tals-
vert frábrugðinn því sem kom fram fyrir dómi í
gær. Lögreglumaðurinn sem handtók hann
greindi frá því að hann hefði m.a. rætt um að
faðir hans hefði sagst ætla að taka á sig sök í
málinu ef eitthvað færi úrskeiðis og ekki annað á
honum að skilja en að faðirinn væri fullkomlega
meðvitaður um smyglið. Þessu neitaði sonurinn
fyrir rétti í gær. Fyrir dómi kom fram að hann
hefði átt við þunglyndi að stríða og sagði lög-
reglumaðurinn að þegar hann var handtekinn
hefði hann brotnað niður og rætt um að hann
vildi helst koma sér fyrir. Gæta hefði þurft sér-
staklega að honum.
Þegar seinni ferðirnar tvær voru skipulagðar
bjuggu allir ákærðu saman í íbúð í Hraunbæ.
Aðspurður kvaðst faðirinn ekki hafa mikið orðið
var við hassreykingar á heimilinu en hann hefði
mikið verið fjarverandi vegna vinnu. Hjá full-
trúa ríkissaksóknara kom á hinn bóginn fram að
„stæk kannabislykt“ hefði verið í íbúðinni þegar
lögreglan lét til skarar skríða.
Auk refsingar krefst ríkissaksóknari þess að
fjármunir að upphæð rúmlega 2,8 milljónir
verði gerðar upptækar hjá höfuðpaurnum og 1,7
milljón hjá einum samverkamanni hans.
12 MIÐVIKUDAGUR 1. DESEMBER 2004 MORGUNBLAÐIÐ
FRÉTTIR
LATIBÆR ehf. hefur verið dæmdur
til að gefa út og afhenda Nýsköpunar-
sjóði atvinnulífsins hluti í fyrirtækinu
að nafnvirði 305.154 krónur vegna 20
milljóna króna láns sem sjóðurinn
veitti fyrirtækinu. Þetta eru rúmlega
1,5% af skráðu nafnvirði hlutafjár í
Latabæ og má gera ráð fyrir að verð-
mæti þess sé a.m.k 60 milljónir þó lík-
lega sé það talsvert meira.
Ágreiningur var um 20 milljóna
króna lán sem sjóðurinn veitti fyrir-
tækinu í desember 2001. Í samningi
um lánið fólst réttur til að breyta lán-
inu í hlutafé í Latabæ en deilt var um
hvort sá réttur hefði fallið úr gildi.
Ágreiningurinn snerist um yfirlýs-
ingu sem Nýsköpunarsjóður taldi
endurnýja breytiréttinn og á þau
sjónarmið féllst dómurinn.
Héraðsdómur Reykjavíkur komst
að þeirri niðurstöðu að breytiréttur
Nýsköpunarsjóðs hafi verið tvíþætt-
ur. Annars vegar var um að ræða
breytirétt með 30% afsláttarkjörum
frá gengi hlutabréfa í stefnda við
næstu hlutafjáraukningu eftir útgáfu
lánssamnings. Þessum rétti þurfti að
beita innan þriggja mánaða frá til-
kynningu um hlutafjáraukninguna og
féll hann niður á fyrrihluta árs 2003
án þess að sjóðurinn nýtti sér hann.
Síðast metið á 1,5 milljarða
Það sem varð til þess að dómurinn
féll sjóðnum í vil var yfirlýsing sem
stjórn Latabæjar gaf út í maí 2003 og
var einkum tekist á um túlkun og gildi
hennar. Þar segir að breytirétturinn
sé staðfestur og eigi að gilda í 12 mán-
uði frá síðustu útborgun á láni Ný-
sköpunarsjóðs, þ.e. til október 2003,
en Latibær taldi að rétturinn hefði
fallið niður vegna þess að samningar
hefðu náðst við erlenda aðila um kaup
á þáttunum um Latabæ. Fimm dög-
um áður en 12 mánaða fresturinn
rann út tilkynnti sjóðurinn að hann
hygðist nýta sér breytiréttinn. Hér-
aðsdómur taldi að líta yrði á yfirlýs-
ingu stjórnarinnar sem sjálfstæða og
hún fæli í sér endurnýjun á breyti-
réttinum.
Nýsköpunarsjóður gerði kröfu um
að fá 366.947 krónur hlutafjár að
nafnvirði en dómurinn dæmdi honum
talsvert lægri fjárhæð eða 305.154
krónur. Þá var málskostnaður látinn
falla niður. Skúli J. Pálmason dæmdi,
Guðmundur Ingvi Sigurðsson hdl.
flutti málið f.h. Nýsköpunarsjóðs en
Tómas Þorvaldsson hdl. var til varna
fyrir Latabæ ehf.
Síðast þegar viðskipti áttu sér stað
með hlutafé í fyrirtækinu var það
metið á 1,5 milljarða króna. Þetta var
á haustdögum 2002. Síðan þá má ætla
að verðmæti félagsins hafi aukist um-
talsvert. Sé miðað við að verðmæti
þess sé nú 3 milljarðar er verðmæti
hlutafjársins sem Latibær verður að
afhenda um 47 milljónir króna.
Nýsköpunarsjóður vinnur mál gegn Latabæ í héraði
Fær rúmlega 1,5% af
hlutafé Latabæjar
BJÖRGVIN Njáll Ingólfsson sér-
fræðingur hjá Nýsköpunarsjóði segir
að yfirleitt láni sjóðurinn ekki fé held-
ur kaupi hlutafé í fyrirtækjum. Þegar
lán séu veitt sé á hinn bóginn algengt
að kveðið sé á um að sjóðurinn geti
breytt því í hlutafé líkt og gert hafi
verið þegar Latibær fékk lánaðar 20
milljónir í desember 2001.
Björgvin segir að á þessum tíma
hafi fyrirtækið verulega þurft á
áhættufjármagni að halda og starf-
semi þess hafi alls ekki verið tryggð.
Björgvin segir að samskiptin við
Latabæ hafi ávallt verið afar góð og
honum finnst slæmt að til málaferla
skyldi hafa komið, sjóðurinn hafi
teygt sig langt til að ná samkomulagi.
Á endanum hafi honum síðan verið
dæmt hlutafé svipað að fjárhæð og
hann krafðist. Björgvin minnir á að
sjóðurinn leggi fé í áhættufjárfest-
ingar. Eðli málsins samkvæmt geti
orðið tap á slíkum fjárfestingum og
því mikilvægt að sjóðurinn njóti
hagnaðar þegar vel gangi.
Alls lánaði Nýsköpunarsjóður 30
milljónir til Latabæjar. 10 milljónum
hefur þegar verið breytt í hlutafé og
samkvæmt dómnum þarf að breyta
20 milljónum til viðbótar í hlutafé.
Sjóðurinn á því rúmlega 2% í fyrir-
tækinu. Sé miðað við að verðmætið sé
3 milljarðar hefur sjóðurinn fengið
100% ávöxtun á fjárfestingunni.
Málinu verður ekki áfrýjað af hálfu
Nýsköpunarsjóðs. Talsmaður Lata-
bæjar segir að verið sé að íhuga hvort
dómnum verði áfrýjað til Hæsta-
réttar. Gert hafi verið ráð fyrir þess-
um útgjöldum hjá fyrirtækinu áður
en breytirétturinn féll niður, að mati
fyrirtækisins en ekki héraðsdóms.
Slæmt að málið
fór fyrir dómstóla
Morgunblaðið/Þorkell
Bæjarstjóri Latabæjar.
VEFSVÆÐIÐ www.visir.is hefur verið tek-
ið út af lista Samræmdrar vefmælingar sem
fyrirtækið Módernus sér um í samvinnu við
Verslunarráð Íslands.
Í tilkynningu sem birt er á vef Módernus
segir að á síðustu vikum hafi visir.is tekið
mjög miklum breytingum sem séu jákvæðar
fyrir notendur vefjarins.
Uppfyllti ekki reglur
„Svo örar og miklar breytingar, sem m.a.
fela í sér innlimun þekktra vefja á borð við
www.folk.is, ýmsa vefþjónustu sem veitt er í
nafni Norðurljósa o.fl. eru hins vegar mjög
flóknar fyrir samstarf eins og Samræmda
vefmælingu®, þar sem leitast er við að sýna
heildarnotkun eftir tilgreindum lénum (url).
Innlimun Vísis.is á bloggvefnum www.folk-
.is, og sameiginleg vefmæling þessara
tveggja vefja dagana 22.11. til föstudagsins
26.11. uppfyllti ekki reglur Samræmdrar
vefmælingar® á þessum tíma. Þær lúta m.a.
að því sem kallað er „look and feel“, eða
upplifun notandans. Til þess að notendur
megi teljast sem notendur eins vefs, er afar
mikilvægt að þeir sjálfir, þ.e.a.s. notendur
vefsins, velkist ekki í vafa um hvaða vef þeir
eru að nota hverju sinni. Þessu þótti ábóta-
vant varðandi sameiningu folk.is við visi.is
og því kom ekki til birtingar talna vefsins að
þessu sinni,“ segir í tilkynningu frá Mód-
ernus.
Visir.is tekinn út
af lista Módernus