Morgunblaðið - 01.12.2004, Síða 18

Suðurlandsbraut 32
Sími 577 5775
Fundur eða veisla
framundan?
útbúum girnilega brauðbakka
fyrir stórar veislur sem smáar
Hlíðasmára 11, Kópavogi
sími 517 6460
www.belladonna.is
Réttu stærðirnar
Höfuðborgin | Akureyri | Landið
Minnstaður
Höfuðborgarsvæðið Brjánn Jónasson, brjann@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri Margrét Þóra Þórsdóttir,
maggath@mbl.is og Kristján Kristjánson, krkr@mbl.is, sími 461-1600. Vesturland Ásdís
Haraldsdóttir, asdish@mbl.is, sími 898-5258. Austurland Steinunn Ásmundsdóttir, aust-
urland@mbl.is, sími 669-1115. Árborgarsvæðið og Landið Helgi Bjarnason, helgi@mbl.is,
sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Úr
bæjarlífinu
HÉÐAN OG ÞAÐAN
Fyrsta eintakið í áhaldahús | Gísli
Hjartarson rithöfundur afhenti fyrsta ein-
tak nýútkominnar bókar sinnar „101 ný
vestfirsk þjóðsaga“ í
gærmorgun. Afhenti
hann Flosa Jónssyni,
starfsmanni Áhaldahúss
Ísafjarðarbæjar, eintak-
ið og las síðan úr bók-
inni.
Þetta er sjöunda bók-
in sem Gísli gefur út
með þessu nafni og
ávallt hefur verið haldið
upp á útkomuna í kaffistofu Áhaldahússins.
Gísli segir í samtali við vef Bæjarins besta
að starfsmenn bæjarins hafi ávallt verið
honum mikilvæg uppspretta góðra sagna í
bækurnar. „Þetta eru allt menn með næmt
og gott skopskyn og fara auk þess mjög
víða og heyra margt. Þeir hafa sem betur
fer ekki legið á þeim sögum sem þeir heyra
og það er fyrst og fremst fyrir áhuga slíkra
manna sem tekist hefur að gefa þessar sí-
vinsælu bækur út,“ segir Gísli við bb.is.
  
Gísli Hjartarson
Bæjarpósturinn
hættir | Útgáfu Bæj-
arpóstsins á Dalvík
verður hætt um næstu
áramót, en hann hefur
með einhverjum hléum
komið út frá árinu 1985.
Guðmundur Ingi Jón-
atansson hefur gefið
blaðið út allan þann tíma.
Blaðið hefur komið út vikulega og
fjallað um héraðsfréttir og verið vett-
vangur umræðna í Dalvíkurbyggð. „Út-
gáfa héraðsfréttablaða er erfið glíma og
ríður enginn feitum hesti frá slíkum
rekstri,“ segir frétt í Norðurslóð. Einnig
er þess getið að Bæjarpósturinn hafi skip-
að afgerandi sess í bæjarmálaumræðunni í
byggðarlaginu undanfarin ár „og verður
sjónarsviptir að honum þegar hann hættir
að koma út“.
  
Tveir sparkvellirverða vígðir form-lega á Snæfells-
nesi í dag. Vellirnir eru í
Grundarfirði og Ólafsvík.
Sparkvöllurinn í
Grundarfirði verður vígð-
ur kl. 11 í dag af Eyjólfi
Sverrissyni. Boltar sem
Knattspyrnusamband
Evrópu gefur verða af-
hentir Grunnskóla
Grundarfjarðar auk þess
sem sambandið færir
Ungmennafélagi Grund-
arfjarðar gjafabréf.
Opnunarhátíð nýja
sparkvallarins við Grunn-
skólann í Ólafsvík verður
síðan haldin klukkan 13 í
dag. Á dagskrá eru meðal
annars leikir yngri flokka
og boltagjöf Knatt-
spyrnusambands Evrópu
verður afhent.
Sparkvellir
Samtökin Lifandi landbúnaður kynnti möguleikaheimaframleiðslu á Uppskeruhátíð Félags ferða-þjónustubænda sem nýlega var haldin. Var það
gert með því að bjóða upp á heimalagaðar sultur, kæf-
ur, rúllupylsur, flatkökur, hafrakex, orkuskonsur, osta
og smákökur auk þess sem kynnt var lífræn jógúrt frá
Hálsi í Kjós. Á myndinni sjást forystukonur samtak-
anna kynna framleiðsluna á hlaðborði, f.v. Arnheiður
Hjörleifsdóttir Bjarteyjarsandi, Ólöf Þ. Halldórsdóttir
Vogafjósi og Sigrún Bjarnadóttir Fossnesi.
Morgunblaðið/Guðrún Bergmann
Kynna heimaframleiðslu
Davíð Hjálmar Har-aldsson fylgdistmeð umræðum á
þingi, þegar Davíð Odds-
son kom fram með nýyrði
um Samfylkinguna. Hann
setti ræðuna í samhengi
við atburði á undanliðnu
ári og orti:
Bráðlyndur birtist hann okkur,
bati kom síðan allnokkur
þótt ennþá til reiði
hann egni sá leiði
afturhaldskommatittsflokkur.
Þó að Rúnar Kristjáns-
son búi á Skagaströnd fór
stórbruninn í Reykjavík á
dögunum ekki framhjá
honum. Ef til vill hefur
reykjarstrókurinn sést frá
Skagaströnd. Hann yrkir:
Þó að aukið eftirlit
alltaf heimti gjöldin,
stunda einkum stólaslit
strembin yfirvöldin.
Eldvarnar um opnar dyr
öryggi þau fórna.
Hættublindir hagsmunir
hringrásinni stjórna!
Bruni
pebl@mbl.is
Grindavík | Víða er unnið af fullum krafti í bygg-
ingavinnu þótt komið sé fram á harða vetur. Ekki
er víst að einn einasti dagur falli úr, miðað við
reynsluna frá síðustu vetrum. Smiðirnir hjá Kefla-
víkurverktökum vinna við óvenjulegar aðstæður í
Illahrauni við byggingu húðlækningastöðvar Bláa
lónsins. Lögð er áhersla á að húsið falli vel að um-
hverfinu og það raskist sem minnst við fram-
kvæmdina. Þeir vinna að þessu verkefni í allan
vetur enda á að opna stöðina í apríl.
Morgunblaðið/Helgi Bjarnason
Unnið úti í allan vetur
Framkvæmd
LÍKUR eru á að hámarkshraði yrði lækk-
aður víða á tveggja akreina þjóðvegum hér
á landi, úr 90 kílómetrum á klukkustund í
80 km, ef beitt yrði aðferð þeirri sem Norð-
menn nota við að ákvarða frávik frá al-
mennum leyfilegum hámarkshraða. Sums
staðar yrði umferðarhraðinn jafnvel tak-
markaður enn frekar.
Vegagerðin fékk Línuhönnun til að gera
athugun á norsku aðferðinni og eru nið-
urstöðurnar birtar á vef Vegagerðarinnar.
Þrír íslenskri vegkaflar voru skoðaðir í
þessu samhengi, einn var á Vesturlands-
vegi upp í Borgarfjörð, annar á Norður-
landsvegi norðan við Blönduós og sá þriðji
á Vestfjarðavegi um Bröttubrekku. Niður-
staðan var að hámarkshraði á þessum veg-
um yrði lækkaður í 80 km og til greina
kæmi að lækka leyfilegan hámarkshraða á
Bröttubrekku niður í 70 km. Fram kemur
að það er einkum lega dreifbýlisþjóðvega
sem myndi orsaka þessa takmörkum á
hraða auk ónógrar slitlagsbreiddar.
Hámarks-
hraði myndi
víða lækka
Borgarnes | Þórarinn Eldjárn rithöfundur
mun í dag afhenda Héraðsskjalasafni
Borgarfjarðar vinnuskjöl sín frá gagnaöfl-
un og ritun bókarinnar Baróninn sem
byggð er á ævi franska barónsins Gauldréc
de Boilleu sem bjó á Hvítárvöllum í Borg-
arfirði um aldamótin 1900.
Í Byggðasafni Borgarfjarðar eru varð-
veittir nokkrir munir barónsins á Hvítár-
völlum, meðal annars flygill hans og veiði-
byssa. Ása Harðardóttir, forstöðumaður
Safnahúss Borgarfjarðar, segir að mikill
fengur sé í því að fá vinnuskjölin hjá Þór-
arni enda hafi hann farið víða um heim til
að afla gagna vegna ritunar sögunnar.
Safnahúsið hyggst nýta þann áhuga sem
nú er á sögu barónsins vegna útkomu bók-
arinnar og heimildamyndar sem unnið er
að til að halda sýningu á munum hans. Er
hún fyrirhuguð í vor. Auk muna safnsins
verður óskað eftir því að fá að láni muni
sem vitað er að til eru í héraðinu og víðar.
Í dag, klukkan 17, verður Kaffistofan í
Safnahúsinu í Borgarnesi opnuð með upp-
lestri Þórarins og afhendingu skjalanna
auk þess sem Finnur Torfi Hjörleifsson les
eigin ljóð. Þá flytur Snjólaug Guðmunds-
dóttir vefnaðarkennari á Brúarlandi vinnu-
stofu sína og gallerí í Kaffistofuna en hún
er listamaður desembermánaðar. Að-
ventudagskráin í Kaffistofunni heldur síð-
an áfram til jóla.
Færir safninu
vinnuskjöl
um baróninn
♦♦♦
Verkstæði hættir | Vélaverkstæði Dal-
víkur hætti starfsemi um síðastliðin mán-
aðamót. Húseignin var í eigu Kaldbaks, en
Framtak í Hafnarfirði átti vélar og tæki.
„Framtaksmenn hafa nú sótt tæki sín og tól
og flutt á bíl suður yfir heiðar,“ segir í frétt
í Norðurslóð. Í blaðinu greinir einnig frá
því að Gúmmívinnslan á Akureyri hafi
keypt Bílaþjónustu Dalvíkur af Gesti Ár-
skóg og hyggjast nýir eigendur reka verk-
stæðið áfram með svipuðu sniði og verið
hefur.
AUGLÝSINGADEILD
netfang: augl@mbl.is eða sími 569 1111
Fréttasíminn
904 1100