Morgunblaðið - 28.11.2004, Blaðsíða 18
18 | 28.11.2004
K
lukkan er rétt skriðin yfir tíu og Haussmann-breiðgatan í París er
lokuð fyrir allri bílaumferð, úrillir og andfúlir Frakkar hamast á
flautunni. Mannfjöldinn fyrir utan H&M-verslunina lokar breið-
strætinu og hamlar umferðinni. Þetta er fátíð sjón og mætti einna
helst líkja henni við vöruhömstrunarástandið í Rússlandi. Sölu-
maður í versluninni segir fyrstu kúnnana hafa verið mætta fyrir utan klukkan sex í
morgun. Loftið er lævi blandið þegar tískudrósum þessa heims og annarra er loksins
hleypt inn í dísæta huliðsheima H&M og þær brotlenda í mjúkum faðmi herra
Lagerfeld. Kóngurinn sjálfur blasir við á veggspjöldum sem hanga uppi um alla versl-
unina. Í gegnum „tákn“ sitt, kolsvörtu sólgleraugun, horfir hann, fullkomlega stóísk-
ur og óhagganlegur, á okkur brjálæðingana sem hrifsum til okkar allt sem við náum
taki á. Ljóska á óræðum aldri með Louis Vuitton-tösku og mjög fína andlitslyftingu
öskrar á manninn sinn: „Taktu allt ástin mín, við sjáum svo til.“ Sölufólkið reynir af
veikum mætti að róa æstan mannfjöldann sem rífur allt sem hönd á festir. Ung stúlka
í snjáðum Diesel-gallabuxum og Chanel-jakka með Gucci-hliðartösku er með fangið
fullt af flíkum, kápur, jakka og gallabuxur í öllum stærðum. Hún beitir sömu tækni
og allar aðrar; rakar að sér fyrst og sorterar síðan. Þetta er fátíð sjón sem er þó ekki
aðeins bundin við París. Á föstudaginn settu Svíarnir vörulínuna, sem Karl Lagerfeld
hannaði fyrir þá, í sölu í tuttugu Evrópulöndum og í Norður-Ameríku. Auglýsingar
hafa leikið lausum hala í dagblöðum, tímaritum og í sjónvarpi í nokkurn tíma, ljóst er
að H&M hefur borgað skildinginn fyrir hinn þýskættaða Lagerfeld. Leikurinn er
gerður til að plægja nýjan markaðskima; lúxusvara á spottprís! Er ekki Þjóðverjinn
viðkunnanlegi yfirhönnuður Chanel? Jú, og það eitt nægði til að lokka hálfa París inn
í verslanir H&M föstudaginn 12. nóvember. „Karl Lagerfeld for H&M“-vörulínan
samanstóð af þrjátíu sniðum fyrir konur og karla. Til að mynda klassísk, svört kápa
(149,9 evrur), samkvæmisjakki úr svörtum pallíettum (69,9 evrur), hvít smókings-
kyrta (39,9 evrur), sexí undirföt (14,9 evrur), svartur kúluhattur (24,9 evrur) og
skartgripir að ógleymdum ilminum fyrir bæði kynin! Allt var þetta í takmörkuðu
upplagi en það kom ekki í veg fyrir að fólk tapaði peningunum úr buddunni og glór-
unni líka hjá H&M.
Bleikar nærbuxur | Eitt stærsta flaggskip H&M við rue de Rivoli er tæmt á 13 mín-
útum. Allt er í hers höndum eins og von er þegar saman koma allar skvísur
borgarinnar á ekki stærri gólffleti en þessum. Þær allra ríkustu og þær
fátækustu, allar með þann eina draum í maganum að kaupa há-
tísku á spottprís. Slík er firringin að siðprúðar, franskar
dömur fleygja sér örvinglaðar á vöruslárnar og grípa í
allt sem á þeim hangir, bara til að ná í eitthvað. Einar
nærbuxur, eitt belti, einn hring eða eitt hár – hvað sem er
svo lengi sem það er frá Karli Lagerfeld. Þrettán mínútum
eftir opnun er lagerinn uppseldur. Það er meira að segja bú-
ið að berhátta gínurnar, ekki tuska eftir í búðinni. Ég sem
átti mér þá ósk heitasta að kaupa svartan Lagerfeld-jakka á
69,9 evrur (raunvirðið er um 1–2.000), gríp í tómt við kom-
una. Hvergi er stingandi strá, fyrir utan einmana, bleikar
nærbuxur sem blasa við mér eins og nakin kona í
Bankastrætinu. Hámark hégómleikans er að ég
leggst svo lágt að læsa í þær klónum eins og hungr-
að ljón. Nærbuxur frá Lagerfeld á skitnar 14,9 –
kostakaup, non?
Ég stend eins og strandaglópur í mann-
þrönginni en samt með nærbuxurnar. Versl-
unin hefur breyst í kvennabúr Karls Lag-
erfelds, gargandi kvensur eru alls staðar.
Ein finnur kjól undir fataslá og hrósar
happi þótt hann sé alltof stór. Það skiptir
engu máli þótt fötin passi ekki, þau
ganga kaupum og sölum á eftir, eins og ein frá Túnis segir: „Nærbuxurnar þínar í
stærð 38 fyrir toppinn minn.“ Það er tilgangslaust að máta fötin, biðin í mátunarklef-
ana er hátt í klukkutími. Skyndilega stökkva tveir sölumenn upp á borð og kasta til
fjöldans örfáum stykkjum úr draumalínunni sem fæstir hafa séð. Búðin tryllist og
konurnar æpa að afgreiðslumönnunum með hendurnar á lofti, öskrandi eftir sölu-
vörunni sem flýgur út í loftið og hafnar tilviljanakennt í höndum vitstola kaupenda.
„Yella, yella,“ veina þær að arabískum sið. Ein fellur í yfirlið og steinliggur í gólfinu.
Franska sjónvarpið er ekki langt undan og festir fallið á filmu. Því næst er byrjað að
kasta sérhönnuðum Karls Lagerfelds-hringum á 7,9 evrur yfir okkur. Ein fær hring í
augað og þakkar sínum sæla fyrir þetta glópalán.
Glænýr ilmur frá Karli Lagerfeld
streymir inn í kössum, innsiglaðar ilm-
vatnsflöskur með alls óþekktum ilmi á
19,9. Fyrir þetta kjaraverð ilmar loftið af
ljúfri peningalykt, enda rennur ilmurinn
út eins og heitar lummur. Við kassana tek-
ur við endalaus bið, þyturinn í kreditkort-
unum slær tóninn og Lagerfeld-vörunum
er pakkað af kostgæfni inn í silkipappír.
Örlítill lúxus og enn meiri aukavinna fyrir
örþreytt afgreiðslufólkið. Það er heldur
ekki eftirsóknarvert að tilkynna kúnnunum
að lagerinn sé uppseldur. Einhver rödd segir
að nýjar vörur komi inn næsta morgun og kon-
urnar grenja af vonbrigðum. Fyrir utan versl-
unina lónar brjóstumkennanlegur flækingur.
Glamúrlegur sýningargluggi H&M vekur hjá hon-
um kátínu og hann andvarpar: „Hvað er verið að
fárast yfir þessu?“
Hliðarspor úr skíragulli | Dýrkeypt hliðarspor
sænska fatarisans H&M með Karli Lagerfeld
er athyglisvert fyrir önnur tískufyrirtæki og
stór dreifingarfyrirtæki í fataiðnaði. Verður í
framtíðinni hægt að kaupa annars mjög
dýra lúxusvöru á „Bónusverði“ út úr
búð? Að sögn yfirstjórnenda H&M sló
söluvaran hvarvetna í gegn, í öllum
Karl Lagerfeld bjó
ekki bara til sniðin og
valdi efnin heldur sat
hann líka fyrir í aug-
lýsingaherferðum.
MUNAÐUR Á
GJAFVERÐI
Hliðarspor sænska fatarisans með Karli
Lagerfeld er athyglisvert fyrir önnur tískufyrirtæki
og stór dreifingarfyrirtæki í fataiðnaði
Eftir Guðrún Gunnarsdóttir í París
Vörurnar voru í tak-
mörkuðu upplagi en það
kom ekki í veg fyrir að
fólk tapaði peningunum
úr buddunni og glórunni
líka hjá H&M.