24 stundir - 26.02.2008, Qupperneq 32

32 ÞRIÐJUDAGUR 26. FEBRÚAR 2008 24stundir
Icelandic for foreigners
Framvegis oferuje kursy nauki języka
islandzkiego. New courses starting March 3rd.
www.framvegis.is / skraning@framvegis.is / 581 4914
LÍFSSTÍLLMENNTUN
menntun@24stundir.is a
Fyrir mér snýst þetta fyrst og fremst um að temja nem-
endum þann hugsunargang að þeir hafi alltaf þann
möguleika að hugsa hlutina upp á nýtt sjálfir og finna nýjar
leiðir og nýjar lausnir.
Eftir Einar Jónsson
einarj@24stundir.is
„Ég er búin að vera að vinna á þess-
um nótum í skólastarfinu frá því
upp úr 1990. Nýsköpunarmenntun
kom ekki inn í námskrána sem
námsgrein fyrr en með aðalnám-
skrá 1999 þannig að þetta er frekar
ung námsgrein í skólunum,“ segir
Kolbrún Hjörleifsdóttir, skólastjóri
Grunnskóla Mýrdalshrepps. Kol-
brún er meðal fyrirlesara á mál-
þingi Félags íslenskra kennara í ný-
sköpunar- og frumkvöðlamennt
sem fram fer í Háskólanum í
Reykjavík föstudaginn 29. febrúar.
„Fyrir mér snýst þetta fyrst og
fremst um að temja nemendum
þann hugsunargang að þeir hafi
alltaf þann möguleika að hugsa
hlutina upp á nýtt sjálfir og finna
nýjar leiðir og nýjar lausnir,“ segir
hún.
Hugmyndir spretta af þörf
Kolbrún bendir á að góðar hug-
myndir spretti af þörf og því sé
fyrsta skrefið hjá nemendunum að
átta sig á því hver þörfin sé. „Það
getur verið eitthvað sem krakkarnir
hafa rekið sig á heima hjá sér, eitt-
hvað sem er óþægilegt eða eitthvað
sem þeim finnst vanta,“ segir Kol-
brún. Sem dæmi má nefna að
nemendur hafa farið í vettvangs-
ferð um þorpið sitt og punktað hjá
sér hvað sé gott og hvað megi betur
fara. Einnig hafa þeir tekið þátt í
Nýsköpunarkeppni grunnskóla-
nemenda og hugmyndasamkeppni
um miðbæ Reykjavíkur.
Ekki drepa neitt niður
Börn eru frjó í hugsun og því yf-
irleitt dugleg við að velta upp hug-
myndum og finna lausnir á vanda-
málum hversdagsins. „Það er
ekkert óleysanlegt og hluti af þess-
ari kennslu er að passa að drepa
ekkert niður. Það má líka bulla svo-
lítið því að þannig koma kannski
nýjar lausnir. Þetta snýst um að
hugsa út fyrir rammann,“ segir
Kolbrún.
Auk þess að hvetja börnin til að
finna lausnir á vandamálum í um-
hverfi sínu er einnig mikilvægt að
sýna þeim hvernig hugmynd getur
þróast í vöru í raunveruleikanum.
„Hér í Vík erum við til dæmis með
lítið iðnfyrirtæki, Víkurprjón sem
framleiðir sínar eigin vörur og er
með verslun líka. Þangað er hægt
að fara með krakkana og leiða þá í
gegnum allt ferlið frá því að hug-
myndin verður til, gegnum fram-
leiðsluferlið og út í búð,“ segir Kol-
brún að lokum.
Frumkvöðla- og nýsköpunarmennt er ört vaxandi námsgrein
Læra að hugsa
út fyrir rammann
Nýsköpunarmenntun
snýst fyrst og fremst
um að temja nem-
endum þann hugs-
unargang að þeir geti
sjálfir fundið nýjar leið-
ir og lausnir á vanda-
málum í umhverfi sínu.
Fyrst þurfa þeir þó að
átta sig á hver þörfin er.
Sköpunarkrafturinn virkjaður Nýsköp-
unarmenntun snýst öðrum þræði um að
sýna nemendum að þeir geti sjálfir fundið
nýjar leiðir og lausnir á vandamálum.
➤ Nýsköpunar- og frum-kvöðlamennt á heima á öllum
skólastigum.
➤ Hér á landi hafa kennarar íþessum fræðum stofnað með
sér Félag íslenskra kennara í
nýsköpunar- og frum-
kvöðlamennt (FÍKNF).
NÝSKÖPUNARMENNT
„Þetta er þverfaglegur áfangi þar
sem vetni er í aðalhlutverki og
lokamarkmiðið er að smíða lítinn
fjarstýrðan vetnisdrifinn torfæru-
bíl,“ segir Ívar Valbergsson, kenn-
ari í vélstjórn við Fjölbrautaskóla
Suðurnesja. Mikil áhersla er lögð á
nýsköpun og frumkvöðlamennt í
skólanum og er vetnisáfanginn gott
dæmi um það. Nemendurnir eru
flestir á náttúrufræðibraut og segir
Ívar að þá hreinlega þyrsti í verk-
nám. „Þetta er svolítill Akkilesar-
hæll hjá okkur að við erum að
keyra krakka í gegnum náttúru-
fræðibraut og þeir komast aldrei í
verknámsáfanga,“ segir Ívar og
bendir á að það sé góður undir-
búningur til dæmis fyrir þá sem
hyggja á nám í verkfræði.
Í Fjölbrautaskóla Suðurnesja er
einnig boðið upp á áfanga þar sem
nemendur búa til nytjalist svo sem
púsluspil og handtöskur og má því
segja að þar renni listin saman við
tæknina. Í áfanga í vöruhönnun er
hugmynd síðan fylgt eftir til afurð-
ar. „Þar búum við til dæmis fyrst til
kerti. Síðan búum við til kerta-
stjaka, umbúðir utan um þetta og
jafnvel lógó. Síðan fara nemend-
urnir í stórmarkaði og selja kertin
sín,“ segir Ívar.
Áhersla á nýsköpun í Fjölbrautaskóla Suðurnesja
Hanna fjarstýrðan vetnisbíl
Mönnun grunnskólanna – flótti
úr kennarastétt? er yfirskrift sam-
ráðsfundar foreldra og borgaryfir-
valda sem fram fara í sal gamla
Miðbæjarskólans að Fríkirkjuvegi 1
í dag, þriðjudaginn 26. febrúar, kl.
12.
Á fundinn koma Ólafur F.
Magnússon borgarstjóri, Júlíus
Vífill Ingvarsson, formaður
menntaráðs, Þorgerður Diðriks-
dóttir, formaður Kennarafélags
Reykjavíkur, og Ragnar Þorsteins-
son fræðslustjóri auk foreldra og
fulltrúa SAMFOKs.
Foreldrum gefst tækifæri til að
koma á framfæri skoðunum sínum
og sjónarmiðum á fundinum. Þetta
er annar fundurinn af fjórum um
skólamál í Reykjavík en sá fyrsti fór
fram í nóvember.
Samráðsfundir foreldra og borgaryfirvalda
Mönnun grunnskóla
Fundað um skólamál Foreldrar í
Reykjavík geta spurt ráðamenn út
í skólamál á hádegisfundi í dag.
Fræðslu- og menningarsvið
Garðabæjar og Urriðaholt ehf.
bjóða til kynningar á nið-
urstöðum hugmyndavinnu vegna
hönnunar á skóla- og íþrótta-
mannvirkjum á Urriðaholti í dag.
Kynningin fer fram í Jónshúsi á
Sjálandi kl. 16-17. Yfirskrift
fundarins er „Nýr skóli – ný
hugsun.“
Áhersla verður lögð á sjálfbærni
og sterk tengsl við náttúruna í
hönnun á skóla- og íþróttamann-
virkjum á svæðinu. Enn fremur
var leitast við í hugmyndavinn-
unni að hanna umhverfi barna og
unglinga á heildstæðan hátt.
Hugmyndavinnunni var stýrt af
starfshópi á vegum Garðabæjar
og Urriðaholts, í samstarfi við
Mark Dudek arkitekt og Önnu
Kristínu Sigurðardóttur,
forstöðumann kennarabrautar
Kennaraháskóla Íslands og munu
þau kynna niðurstöðurnar á
fundinum í dag.
Hönnun skóla
á Urriðaholti