24 stundir - 17.05.2008, Qupperneq 32

ÞRIÐJUDAGUR 6. NÓVEMBER 2007ATVINNA32 stundir
Auglýsingasíminn er
510 3728 og 510 3726
Hvolsvöllur er í Rangárþingi eystra sem er
fallegt sveitarfélag í hjarta Suðurlands þar
sem fjölskyldan er í fyrirrúmi.
Sveitarfélagið nær frá Eystri-Rangá i vestri
að Jökulsá á Sólheimasandi í austri.
Í skólanum eru um 250 nemendur í 1.–10.
bekk úr öllu sveitarfélaginu og er öll aðstaða
mjög góð. Í Hvolsskóla er framsækið og
metnaðarfullt skólastarf. Einstaklingurinn er
í brennidepli og því er lögð mikil áhersla á
fjölbreytta kennsluhætti og samstarf.
Húsnæði í boði fyrir nýja kennara
á góðum kjörum.
Sjá nánar á heimasíðu Hvolsskóla
www.hvolsskoli.is
og heimasíðu Rangárþings eystra
www.hvolsvollur.is
Nánari upplýsingar gefur skólastjóri
í símum: 488 4241 og 898 8408
eða í netpósti: unnar@hvolsskoli.is
Skriflegar umsóknir sendist til skólastjóra Hvolsskóla fyrir 30. maí 2008
Lausar stöður næsta skólaár:
• deildarstjóra á yngsta stig
• deildarstjóra á miðstig
• umsjónarkennara sérkennslu
• kennsla í heimilisfræði
• kennsla í tónmennt
• kennsla í náttúrufræði
Spennandi stöður í góðum skóla
Hvolsskóli á Hvolsvelli
leitar eftir kennurum næsta skólaár
Sumarafleysingar
í vörudreifingu
MS Reykjavík óskar eftir að ráða bílstjóra í
vörudreifingu vegna sumarafleysinga.
Meiraprófsréttindi eru áskilin eða 5 tonna réttindi.
Nánari upplýsingar veitir Þórður Jóhannsson í
síma 569-2320. Umsóknarfrestur er til 23. maí nk.
og skulu umsóknir á netfangið
starfsmannasvid@ms.is.
Kennarar athugið!
Súðavíkurhreppur er sveitarfélag við
Ísafjarðardjúp og er kauptúnið Súða-
vík við Álftafjörð þéttbýlastihluti
hreppsins. Hreppurinn skartar mjög
fallegri og ósnortinni náttúru og veður-
sæld mikil. Einungis er tíu mínútna
akstur á Ísafjarðarflugvöll og tekur 40
mínútur að fljúga til Reykjavíkur.
Við Súðavíkurskóla eru 2 stöður grunnskólakennara, fyrir
komandi skólaár, lausar til umsóknar. Meðal kennslu-
greina er kennsla yngri barna og almenn kennsla á ung-
lingastigi (stöður umsjónarkennara) sem og íþrótta-
kennsla á öllum skólastigum, textílmennt og heimilisfræði.
Skólahúsnæðið er glæsilegt og vel búið og samanstendur
af grunnskóla, leikskóla, tónlistarskóla ásamt íþróttarhúsi
og mötuneyti. Þróunarverkefni er unnið í anda Uppbygg-
ingarstefnunnar sem og samvinnu og samkennslu við
leikskólann. Skólinn er einsetinn með fámennum aldurs-
blönduðum bekkjardeildum, vel búinn tækjum og góðri
vinnuaðstöðu. Mikil samkennsla og samvinna er við leik-
skólann þar sem elstu nemendum þar er kennt með
yngstu nemendum grunnskólans. Leikskólinn er gjald-
frjáls. Lögð er áhersla á fjölbreytta og sveigjanlega
kennsluhætti, einstaklingsmiðað nám, vellíðan nemenda
og samvinnu starfsmanna.
Súðavíkurhreppur greiðir laun eftir kjarasamningi KÍ og
Sambandi íslenskra sveitarfélaga.
Umsóknarfrestur er til 6. júní 2008,
meðmæli óskast með umsókn.
Nánari upplýsingar veitir Anna Lind Ragnarsdóttir
skólastjóri í hs: 456-4985, vs: 456-4924, gsm: 893-4985,
netfang: annalind@sudavik.is
Af hverju ertu
atvinnulaus?
Atvinnuleysi kemur aldrei vel út á ferilskránni og þeir
sem hafa átt í erfiðleikum með að finna vinnu kvíða oft
fyrir því að skýra eyðuna í ferilskránni. Ýmsar leiðir eru
þó í boði til að útskýra hvers vegna þú hefur ekki verið
á vinnumarkaðinum sem eru bæði skiljanlegar og geta
jafnvel aukið líkurnar á því að þú fáir starfið sem sótt er
um.
Í fyrsta lagi getur þú útskýrt að þú hafir þurft á hvíld að
halda eftir langa vinnutörn. Þú hafir einfaldlega tekið
þér tíma til að endurskoða þín mál og ákveða framhald-
ið. Þessi skýring mun mjög líklega falla í kramið ef
aðeins um eina langa eyðu er að ræða. Hún virkar lík-
lega ekki jafn vel ef um margar eyður er að ræða. Ekki
halda langa ræðu um hversu ómögulegt hafi verið á fyrri
vinnustaðnum og að þú hafir átt í stöðugu stríði við yf-
irmenn þína. Segðu frá því jákvæða og bentu á allt það
sem þú lærðir á síðasta vinnustað sem mun koma þér til
góða á nýja staðnum.
Þú getur líka bent á að þú hafir unnið sjálfstætt um tíma
(ef það er raunin). Þú getur bent á að þessi tími hafi veitt
þér tækifæri til þess að komast að því hvað það er sem
þú í raun og veru vilt auk þess sem þú hafir lært skipu-
lögð og öguð vinnubrögð.