24 stundir - 15.08.2008, Blaðsíða 18
18 FÖSTUDAGUR 15. ÁGÚST 2008 24stundir
Sérfræðingar
í saltfiski
466 1016
- Útvatnaður saltfiskur án beina til suðu
- Sérútv. saltfiskur án beina til steikingar
- Ýsa, þorskur, gellur, kinnfiskur, rækjur
- Einnig fjölbreytt úrval tilbúinna rétta
www.ektafiskur.is
pöntunarsími:
frumkvöðlafyrirtæki ársins - viðurkenning frá matur úr héraði - localfood
ÍS
L
E
N
S
K
A
S
IA
.I
S
S
F
G
42
04
0
04
.2
00
8
DUKA
Kringlunni 4-12
Sími 533 1322 | duka@duka.is
Gamall kjóll Angelu
Frá árinu 2002.
Eftir Kristjönu Guðbrandsdóttur
dista@24stundir.is
Angela Stokes kom til Íslands árið
2002 í þeim tilgangi að taka þátt í
sjálfboðaverkefni á Sólheimum, þá
24 ára. Þrátt fyrir ungan aldur var
líkamlegt ástand hennar slakt. Hún
hafði frá barnæsku aukið jafnt og
þétt við þyngd sína, borðað óholla
fæðu í óhófi og var orðin afar þung
eða um 140 kg. „Ég var alltof feit,
alltaf þreytt, orkulaus, geðvond og
alltaf veik eða slöpp,“ sagði hún.
„Ég var líka alltaf reið og sár,“ bætir
hún við. „Búin að gefast upp á
sjálfri mér og möguleikanum á
grönnum og hraustum líkama og
reiðin, þunglyndið, afneitunin,
særindin og þunglyndið sem fylgdi
líkamlegu ástandi mínu litaði líf
mitt. Ég sá það ekki fyrr en eftir
breytinguna, hversu lítið og fúlt líf
mitt var. Ég lifði í vörn. Þrátt fyrir
að ég ætti augljóslega við offitu-
vandamál að stríða þá átti ég afar
erfitt með að vera nærri fólki sem
talaði um offitu og ofát, megrun og
fleira. Ég lét sem ekkert væri en
þegar ég var ein brotnaði ég niður
og fór yfir samtöl og athugasemdir
fólks tímunum saman af þrá-
hyggju. Velti mér upp úr áliti ann-
arra og uppgjöf minni. En án þess
að gera nokkuð sem skipti máli. Ég
var sem lömuð. Þóttist kannski
gera eitthvað frá degi til dags en
þær breytingar og tilraunir til betra
lífs voru alltaf til skamms tíma og
einfaldlega alls ekki nógu stórtækar
til að vinna á offitu minni.“
Það er erfitt að ímynda sér An-
gelu um 80 kílóum þyngri en hún
er í dag. Hún er smábeinótt, grönn
og stælt, og heilbrigt, geislandi
litaraft húðar hennar vekur athygli
blaðamanns.
En hvað gerðist á Sólheimum?
„Líf mitt breyttist á einni nóttu,“
segir Angela. „Ég man hvaða dag
það var, 30. maí 2002. Þá rétti sam-
starfskona mín á Sólheimum mér
bók um hráfæði sem ég las seinna
um kvöldið. Ég vakti síðan alla
nóttina og gat ekki sofið, ég var
ákveðin í að mér skyldi takast að
lifa þessum lífsstíl og mér tókst
það,“ bætir hún við. „Nú er lífið
stærra, fullt af möguleikum og ég
er að lifa því til hins ýtrasta,“ segir
hún og brosir innilega.
En var þetta ekki strembið?
„Jú, ég get ekki neitað því,“ segir
Angela. „Fyrstu dagarnir og vik-
urnar voru erfiðar og tóku á líkam-
ann en átakinu fylgdi líka mikil sig-
ursæla því kílóin hrundu af mér.
Þegar þyngdartapið er svo hratt er
það sterk hvatning. Ég trúði því
stundum varla sjálf hversu hratt
líkaminn hreinlega skrapp saman.
Ég gladdist í hvert skipti sem ég
steig á vigtina og leit í spegil. Ég sá
nýja manneskju í mótun og hlakk-
aði til að hitta hana,“ bætir hún
við.
Angela segist hafa fengið nið-
urgang, hausverk, svitaköst og verki
um allan líkamann. Auk þess hafi
hún fundið svo sterkt fyrir löngun í
annan mat að hún líkir henni við
fíkn í ávanabindandi efni.
„Tímabilið leið svo hjá og þá fór
ég að finna að ég hafði meiri orku
til alls, ég fann ekki til þunglyndis,
húðin varð björt og falleg, augun
skýr og lífið fór að opnast í allar
áttir. Það er ótrúleg upplifun að
breyta lífi sínu því það er svo erfitt
að viðurkenna að maður verði að
gera það, að maður hafi gert mis-
tök, sé veikgeðja og verði að gera
betur.“
Hvað er hráfæði?
Þeir sem eru á hráfæði borða
einungis hrátt grænmeti, ávexti,
fræ, hnetur og sjávarþara. Ekki má
hita matinn upp fyrir 48°C því við
hitun skemmast ensímin í matn-
um.
„Við þurfum ensím til að melta
mat, hráfæði gengur mikið út á að
fæðan gangi vel og auðveldlega í
gegnum líkamann og sé að auki
sneisafullur af næringarefnum. Þá
sem borða hráfæði þarf ekki að
skorta neitt en þeir þurfa að vera
úrræðagóðir í matreiðslunni,“ segir
Angela. „Hér á landi er gott hrá-
efni, ég er sérstaklega hrifin af blá-
berjunum hér og ég tíndi mikið af
þeim til matreiðslu. Þá er ég hrifin
af sölvum og fjallagrösum.“
Kúrbítspasta
1 heill kúrbítur
5 stórir tómatar
2 hvítlauksgeirar
½ chili
1 rauð paprika
handfylli ólífur
1 bolli niðurskorið sellerí
½ bolli niðurskorið fennel
Skerið kúrbítinn í eins mjóa
strimla og mögulegt er svo útkom-
an verði ekki ólík núðlum. Ef þið
búið svo vel að eiga skurðarvél sem
sker í þunnar ræmur er tilvalið að
nota slíka. Setjið tómata, ólífuolíu,
hvítlauk, chili og papriku í bland-
ara og maukið. Saltið og piprið að
vild. Hellið maukinu yfir kúrbíts-
strimlana og skreytið með ólífum,
fennel og selleríi.
Angela missti meira en 80 kíló á stuttum tíma en borðaði þó fylli sína
Girnilegt og heilsu-
bætandi hráfæði
Hvað er hráfæði, hverjir
eru kostir þess eða gallar
og hvernig er hráfæði
eldað? Angela Stokes er
ung bresk kona sem
kynnir lesendum lífsstíl-
inn sem henni er svo annt
um, enda tók líf hennar
stórtækum breytingum
eftir að hún tileinkaði sér
hann.
Fyrirmyndar
hráfæði Íslensk
bláber í kökur, sal-
öt og orkustangir.
Hráfæðisréttur Kúr-
bítsnúðlur og tómatsósa
með ólífum og selleríi.
Matur
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is
24 Stundir/Ómar