24 stundir - 19.08.2008, Síða 18

18 ÞRIÐJUDAGUR 19. ÁGÚST 2008 24stundir
ÍS
L
E
N
S
K
A
S
IA
.I
S
S
F
G
42
04
0
04
.2
00
8
Eftir Sigurð Boga Sævarsson
sigbogi@simnet.is
„Okkar markmið er að kynna
nýsköpun til sveita og þá bæi sem
taka á móti gestum undir merkjum
Opins landbúnaðar sem gengur
m.a. út á að kynna íslenskan land-
búnað. Einnig munu starfsmenn
BÍ dæma í búfjársýningum og leiða
gesti í allan sannleik um þokka ís-
lenska kúastofnsins og hreysti ís-
lensku sauðkindarinnar,“ segir
Tjörvi Bjarnason, sviðsstjóri út-
gáfu- og kynningarsviðs Bænda-
samtakanna.
„Við hlökkum til að mæta á
svæðið en Búnaðarsamband Suð-
urlands hefur unnið gríðarlega gott
starf við undirbúning og skipu-
lagningu. Ég fullyrði að þetta er
einstakur viðburður og sérlega gott
tækifæri til að kynna þann fjöl-
breytta landbúnað sem er stund-
aður í landinu í dag.“
Það býr í eðli íslenskrar sveita-
menningar að hafa skoðanir og
sýna mönnum og málefnum
áhuga. Tjörvi segir að því muni
þeir starfsmenn Bændasamtakanna
sem standa vaktina á Hellu leggja
höfuðáherslu á að hitta gesti augliti
til auglitis og ræða við þá um allt
milli himins og jarðar. „Það skortir
yfirleitt ekki umræðuefnin þegar
landbúnaður er annars vegar! En
það sem mætti nefna og er nýtt í
þjónustu samtakanna er skýrslu-
haldskerfið Huppa í nautgriparækt,
verkefnið Opinn landbúnaður og
sérstök fjármálaráðgjöf. Þá viljum
við nýta tækifærið og kynna ým-
isleg félagsleg réttindi bænda og
ekki síst ræða við almenning um
stöðu landbúnaðar og gildi hans
fyrir íslenskt þjóðfélag.“
Fjölbreytnin hefur aukist
Æ fleiri hafa á síðustu árum hasl-
að sér völl í sveitum landsins, með
búskap, tvöfaldri búsetu, skógrækt,
hestamennsku og öðru. Þetta segir
Tjörvi að hafi um margt breytt
starfsemi Bændasamtakanna; eðli
hennar og inntaki.
„Já, því er ekki að neita að fjöl-
breytnin í íslenskum sveitum hefur
vaxið mikið síðustu ár og hún er af
hinu góða. Það er breiður hópur
sem býr í dreifbýli og kallar sig
bændur þó þeir stundi ekki hinar
hefðbundnu búgreinar. Það er
nefnilega fleira búskapur en ær og
kýr því möguleikar landsins okkar
eru nær óendanlegir. Bænda-
samtökin og þjónusta þeirra tekur
að sjálfsögðu breytingum í takt við
breytta tíma. Við leggjum mikla
áherslu á að gæta hagsmuna okkar
félagsmanna sem endranær og
fögnum öllum nýjum íbúum til
sveita,“ segir Tjörvi sem telur að
orðið landbúnaður hafi í dag víðari
merkingu í hugum fólks en áður
var.
Verðmæti í náttúrunni
„Annars eru skilgreiningar sem
þessar oft erfiðar og ekki auðvelt að
setja ákveðin mörk, menn þrátta
t.d. sumir um það hvort ferðaþjón-
usta bænda geti talist landbúnaður,
en í mínum huga er landbúnaður
allt það sem hægt er að nýta landið
í til aukinnar velmegunar. Ferða-
þjónustubóndinn selur þjónustu
heima á býlinu í nálægð við náttúr-
una sem mikil verðmæti eru fólgin
í. Landbúnaðurinn gegnir mik-
ilvægu hlutverki við að sjá okkur
fyrir mat og er stór hluti af okkar
menningu,“ segir Tjörvi Bjarnason
að síðustu.
Bændasamtök Íslands kynna fjölbreytta starfsemi sína
Fleira er búskapur
en ær og kýr
➤ Bændasamtökin eru með ráð-gjafarstarfsemi og halda úti
gagnagrunnum.
➤ Aukin fjölbreytni í íslenskumsveitum.
➤ Nýta landið til aukinnar vel-megunar.
SAMTÖKINBændasamtök Íslands
taka virkan þátt í Land-
búnaðarsýningunni á
Hellu. Þau verða með
stóran bás og er meg-
ináherslan sú að hitta
bændur og aðra og
kynna þá starfsemi sem
fram fer hjá samtök-
unum. Þar má nefna ráð-
gjafarstarfsemi samtak-
anna, tölvuforrit og þá
gagnagrunna sem nýtast
í landbúnaði. Þá verður
Bændablaðið að hluta til
unnið á staðnum og kem-
ur út laugardaginn sem
sýningin er haldin.
Eflaust munu margir leggja leið
sína suður á Landbúnaðarsýn-
inguna á Gaddstaðaflötum. Fram-
kvæmdaraðilar sýningarinnar
sjálfrar munu ekki standa fyrir sölu
eða þjónustu á tjaldsvæðum en
vísa á ferðaþjónustuaðila á Suður-
landi og þar er úr mörgum góðum
gistimöguleikum að velja.
Aðstaða fyrir hjól- og fellihýsi
Í göngufæri frá sýningarsvæðinu
er ferðaþjónustan Árhús þar sem
finna má gróið og skjólsælt tjald-
svæði og afar góða aðstöðu fyrir
húsbíla, hjól- og fellihýsi.
Aðstaðan fyrir bæði tjaldbúa og
aðra er þægileg. Á svæðinu er enda
hægt að komast í þvottavél og
þurrkara, fá sér kaffi og veitingar
og elda í skjóli ef veður er ekki upp
á marga fiska. Þar er einnig hægt
að leigja smáhýsi og eru 28 slík á
svæðinu. Smáhýsin eru margs kon-
ar og í þeim er ýmist boðið upp á
svefnpokapláss, rúmstæði eða
uppbúið rúmstæði. Verð á smáhýsi
fyrir tvo með uppbúnu rúmi er
9500 krónur á mann.
Þá má líka benda á tjaldsvæði á
Laugalandi í holtum og við Hvols-
völl, Hótel Rangá og fleiri gisti-
möguleikar.
Á vefsvæðinu south.is má einnig
nálgast upplýsingar um aðra gist-
ingu á Suðurlandi.
dista@24stundir.is
Ferðaþjónustuaðilar á Suðurlandi gera klárt fyrir gesti
Gistimöguleikar við Gaddstaðaflatir
Í göngufæri Árhús býður upp
á fjölbreytta gistimöguleika
nærri Gaddstaðaflötum.
Sigurgeir Hilmar Friðþjófsson
stígur á stokk á landbúnaðarsýn-
ingunni og flytur svokallaðan
annál landbúnaðarins. „Ég ætla
að taka fyrir landbúnaðinn fyrr
og nú og fjalla um hann í léttum
dúr. Ég hef flutt svona annál
undanfarin ár á svokölluðu Sel-
fossblóti hjá honum Kjartani
rakara og það hefur mælst vel
fyrir. Ég vona bara að hið sama
verði uppi á teningnum núna á
landbúnaðarsýningunni,“ segir
hann.
Sigurgeir verður einn á sviði
og segist munu nota blandaða
tækni og flytja bundið mál í
bland við óbundið ásamt því
sem vera megi að hann taki lag-
ið. „Aðalatriðið er að sjá spaugi-
legu hliðarnar á tilverunni, enda
á þetta að vera í lauf-léttum dúr
og helst á ekki að vera neitt vit í
þessu,“ segir hann glaðlega.
Grínþáttur á landbúnaðarsýningunni
„Laufléttur annáll og
helst ekkert vit í honum“
Lauflétt grín
Sigurgeir Hilmar
Friðþjófsson.
„Eiginlega má segja að við séum
græn og vistvæn hljómsveit, enda
endurvinnum við tónlist sem aðrir
eru hættir að nota,“ segir Hjörleif-
ur Hjartarson, annar meðlima
dúettsins Hundur í óskilum sem
ætlar að spila á Landbúnaðar-
sýningunni. „Við spilum aðallega á
gítar og bassa en stundum tökum
við okkur til og grípum í hljóðfæri
sem enginn annar myndi nota.
Sem dæmi má nefna að við höfum
stundum spilað á hækju, hár-
þurrku og ýmis eldhúsáhöld,“ bæt-
ir hann við.
Hjörleifur segist alltaf eiga í dá-
litlu basli með að lýsa tónlist dú-
ettsins þegar hann er spurður. „En
ætli það megi ekki segja að við spil-
um endurunna slagara, þjóðlega
sem alþjóðlega.“
Hundur í óskilum spilar
Vænn, grænn og
vistvænn dúett
Hundur í
Óskilum
Vistvæn
hljómsveit.
Landbúnaðarsýningin
Umsjónarmenn:
Svanhvít
Ljósbjörg
svanhvit@24stundir.is
Kristjana
Guðbrandsdóttir
dista@24stundir.is
María
Ólafsdóttir
maria@24stundir.is