24 stundir - 12.09.2008, Qupperneq 17

24stundir FÖSTUDAGUR 12. SEPTEMBER 2008 17
Eftir Maríu Ólafsdóttur
maria@24stundir.is
Í veitingastofu Þjóðmenning-
arhússins stendur Ingi Rafn
Hauksson nú yfir pottunum og
matreiðir gómsætar súpur og
brauð ofan í gesti sína. Hann gefur
hér uppskrift að gúllassúpu sem
hann hefur eldað í fjölda mörg ár.
Fræg í vinahópnum
„Ég hef notað þessa uppskrift
síðan árið 1992 og hún er fræg í
mínum vinahópi. Uppskriftin hef-
ur í rauninni ekki breyst mikið í
gegnum tíðina en ef eitthvað er
hef ég kannski bætt aðeins í hana
hvítlauk. Ég set líka chili-pipar í
súpuna til að gera hana svolítið
sterka og hún er mjög góð á
haustdögum þegar það er rigning
og kalt úti og farið að dimma.
Súpan er síðan langbest upphituð
eins og svo margar slíkar nagla-
súpur. Ég baka brauð líka og hér í
vinnunni baka ég brauðin hans
Jóns kokks sem eru með alls konar
hráefnum eins og til dæmis osti.
Súpuna elda ég mest í mat-
arboðum en ætla reyndar að elda
hana fyrir gesti Þjóðmenning-
arhússins í dag,“ segir Ingi Rafn.
Innihald
Hér gefur Ingi Rafn lesendum
síðan uppskriftina að gúllassúp-
unni sinni. Uppskriftin nægir fyrir
fjóra og rúmlega það.
300 g nautahakk
400 g nautagúllas
300 g kartöflur
4 hvítlauksrif
200 g gulrætur
1 dós niðursoðnir tómatar
(stappaðir)
100 g sveppir
2 stk. rauðlaukur
1 stk. chili-pipar (ferskur)
salt og pipar eftir smekk.
Aðferð
Veltið gúllasinu upp úr hveiti og
brúnið á pönnu. Setjið í meðal-
stóran pott. Brúnið hakkið á
pönnunni og bætið í pottinn.
Brúnið laukinn og sveppina og
bætið í. Sjóðið kartöflurnar í frek-
ar litlu vatni og maukið síðan
(með hýðinu). Bætið í pottinn
ásamt öllu hinu. Kartöflurnar eru
notaðar til að þykkja súpuna að-
eins. Sjóðið allt í ca. 45 mínútur.
Borin fram með grófu brauði
(helst nýbökuðu). Eldið frekar ríf-
lega af súpunni, því hún er æðisleg
upphituð daginn eftir.
Fræg súpa innan vinahópsins
Góð gúllassúpa á köldum haustdegi
Æðisleg
upphituð
Ingi Rafn
eldar ríflega
af súpunni.
Tilboð 4
Sími 800 9999
MJÓD
D MJÓDD
KYNNING
Mörgum þykir flatbakan góð og
alltaf virðist vera markaður fyrir
góða pitsustaði.
Nú á dögunum var staðurinn Big
Papas opnaður í Mjóddinni, en
hann var áður til húsa í Engihjalla í
Kópavogi. Þangað geta borgarbúar
nú sótt sér bökur ef hungrið steðj-
ar að.
Fjölskylduframtak
Hjónin Hafþór Sigmundsson og
Katrín Guðmundsdóttir hyggjast
sjá landanum fyrir gæðapitsum, en
þau eru engir nýgræðingar í þess-
um geira og búin að starfa við
pitsugerð síðastliðin 10 ár.
„Við leggjum mikið upp úr að
veita góða þjónustu og réðum því
til okkar fólk sem við höfum starf-
að með um árabil og þekkjum vel,“
segir Hafþór um starfsemina. Það
má því segja að Big Papas-
pitsurnar séu fjölskylduframtak
þar sem nostrað er við pitsurnar af
alúð. Jafnframt leggja þau hjóna-
korn upp úr fyrsta flokks hráefni
og iðka rótgrónar aðferðir við
pitsugerðina.
„Pitsurnar okkar eru þunnbotna
og bakaðar í steinofni,“ bætir Haf-
þór við en fróðum mönnum og
matelskum þykja pitsurnar yfirleitt
betri bakaðar á þennan gamla
ítalska máta.
Pitsustaðurinn Big Papas í Mjóddinni
Eldheitar pitsur
Bip Papas Alltaf markaður fyrir góðar pítsur.