Eintak - 25.08.1994, Blaðsíða 24

I
I'
F
i
l
I
i
Skagamenn komnir áfram í Evrópukeppni félagsliða
Sannfæmndi gegn
slöku liði Bangor
íslands- og bikarmeistarar Skaga-
manna eru komnir áfram í fyrstu
umferð Evrópukeppni félagsliða
eftir sannfærandi 2:0 sigur á welska
liðinu Bangor City á Akranesi í gær-
kvöld. Þar með er ljóst að gjaldkeri
félagsins brosir breiðar en áður og
kemur í ljós á morgun hverjir mót-
herjar Skagamanna verða.
Það er skemmst frá því að segja
að yfirburðir Skagamanna í leikn-
um voru miklir strax ffá fyrstu mín-
útu. Ljóst var að leikmenn Bangor
City komu ákveðnir til leiks og ætl-
uðu sér að bæta fyrir ósigurinn ytra,
en fengu f staðinn, eins og kalda
vatnsgusu á sig, tvö mörk á fyrstu
tuttugu mínútunum.
Skagamenn skoruðu fyrra mark
sitt úr sinni fyrstu sókn í leiknum.
Þar var að verki Haraldur Ingólfs-
son með laglegu skoti í nærhornið
með hægri fæti, nokkuð sem ekki er
algengt að sjá til Haraldar gera. Að-
eins þrettán mínútum seinna lá
boltinn aftur í neti gestanna eftir
laglegt skot Ólafs Þórðarsonar
með vinstri, og er athyglisvert að sjá
bæði mörk Skagamanna skoruð
með „veikari" fætinum. Markið var
annars mjög glæsilegt og kom eftir
velheppnaða hugsun Ólafs, einleik
upp völlinn þar sem hann lét líta út
sem hann ætlaði að senda boltann á
Alexander Högnason og sendi þar
með tvo vamarmenn frá sér, en
sneri síðan skyndilega frá og þrykkti
boltanum hnitmiðað í markið.
Þar með var staða Bangor City
orðin nær vonlaus og leikmenn
liðsins gáfust hreinlega upp. Hver
sókn Skagamanna rak aðra og leik-
menn klúðruðu ótrúlegustu tæki-
færum fyrir framan markið, til að
mynda átti Sigurður Jónsson tvö
algjör dauðafæri sem fóru forgörð-
um, fyrst með skalla og síðar föstu
skoti.
Lið heimamanna lék feikilega vel
og hefði hæglega átt að rúlla eftir-
minnilega yfir gestina. Að vísu er iið
Bangor ekkert til að hrópa húrra
fyrir og leikur liðsins í gærkvöld var
hreint hræðilegur, enda sló byrjun
leiksins þá út af laginu, en það dreg-
ur ekki úr því að meistaraefni lands-
ins sýndu enn og aftur hvaða lið er
best á landi hér.
Ólafur Þórðarson lék ágætlega í
leiknum þrátt fyrir að vera sárþjáð-
ur en Ólafur Adolfsson var fjarri
góðu gamni. Sökum þessa þurfti að
gera nokkrar breytingar á vörn liðs-
ins og voru þær helstar að Sigur-
steinn Gíslason var settur í haf-
sentinn, Theódór Hervarsson tók
stöðu hans og stóð sig frábærlega og
var í reynd besti maður liðsins. Afar
ánægjulegt að sjá mann koma beint
af bekknum og í byrjunarlið og
blómstra þar.
Leikurinn var sumsé hin besta
skemmtun fyrir þá rúmlega þúsund
áhorfendur sem horfðu á hann og
var sérstaklega garnan að fylgjast
með faglegum vinnubrögðum
dómarans frá Lúxemborg og væri
gaman að sjá íslenska dómara
dæma af sama samræmi. Hann
hafði þó í nógu að snúast, gaf
nokkrar áminningar og vísaði Lee
Noble af velli urn miðjan seinni
hálfleikinn. Haldi Skagamenn sama
dampi í næstu leikjum er íslands-
meistaratitillinn endanlega gull-
tryggður auk þess sem ævintýrin
gætu gerst í fyrstu untferð Evrópu-
keppninnar.O
Sigurvegarar í Norðdekk-raltýinu
Þetta eru þeir Árni Óli Friðriksson og isak Guðjónsson sem urðu í
fjórða sæti í Hótel Áningar-rallýinu sem fram fór um siðustu helgi.
Þeir sigruðu hins vegar í sinum flokki, Norðdekk-flokknum sem
inniheldur óbreytta bíla, en sigurvegarar í rallýinu urðu feðgarnir
Rúnar Jónsson og Jón Ragnarsson sem efstir eru i keppninni til
íslandsmeistaratitilsins. Þeir félagar segjast vera með króníska
bíladellu og hefur Árni ekið i rallýi siðan 1983 en ísak keppti fyrst
i fyrra. Þeir aka um á Toyotu Corollu ‘84 og taka næst þátt í Rallý
Reykjavík, alþjóðlegu rallýi sem haldið verður dagana 9., 10. og
11. september næstkomandi.
__________________________________________;___________t_
Framarar heppnir
Breiðablik í fall-
hættu 22
Vatnasport ‘94
Hátíð á Hafravatni
22
Ungt fólk og sterar
Skapar fegurðin
hamingjuna? 20
Mjólkurbikarinn
Spekingar spá í
spilin 23
Lúkas Kostic
Um ævintýrin í
Grindavík 23
Guðjón Þórðarson
ÆUa að vinna bik-
arínn með KR 23
Úrslitaleikur bikarsins
Forsala
hafín
Forsala á úrslitaleik Mjólk-
urbikarsins, viðureign KR
og Grindavíkur, er hafin.
KR-ingar selja miða í fé-
lagsheimili sínu við Frosta-
skjól og í Spörtu á Lauga-
vegi, en Grindvíkingar selja
miða í sínu félagsheimili
auk þess sem miðar eru
seldir í Kefiavík og á Akra-
nesi.
Leikurinn hefst klukkan
14.00 á sunnudag og verð-
ur selt á vellinum frá kl. 11.
Miðaverð er 1100 krónur í
stúku, 700 krónur í stæði
og 300 krónur fyrir börn.