Morgunblaðið - 21.04.2005, Side 17

MORGUNBLAÐIÐ FIMMTUDAGUR 21. APRÍL 2005 B 17

SIMDEX ehf. er dótturfyrirtæki
Nýherja hf. og hefur þróað nýstár-
lega lausn sem gerir verslunum
kleift að selja ýmiskonar þjónustu
rafrænt í gegnum afgreiðslutæki
eins og posa eða sjóðsvélar. Af-
greiðslutæki verslana verða eins-
konar sölukerfi fyrir nýja þjónustu.
Viðskiptahugmyndin um að nýta
afgreiðslutæki verslana sem sölu-
tæki fyrir margvíslega þjónustu
kviknaði árið 2001, en hingað til hafa
greiðslukortavélar gegnt einu hlut-
verki, að sækja heimild á greiðslu-
kort og skila kortafærslum. Agnar
Jón Ágústsson, framkvæmdastjóri
SimDex, segir að með SimDex
PrePay-lausninni geti verslanir eins
og stórmarkaðir, bensínafgreiðslu-
stöðvar o.fl. nýtt afgreiðslutækin til
að selja nýja þjónustu rafrænt og
þjónustuaðilar nýtt árangursríkar
leiðir til að dreifa þjónustu sinni raf-
rænt til verslana.
„Dæmi um þjónustu sem hægt er
að selja í gegnum posa eða sjóðs-
vélar eru forgreidd símakort, lottó-
eða happdrættismiðar og í raun önn-
ur miðasala hverskonar, JAVA-
leikir í farsíma og fleira,“ segir Agn-
ar Jón. „Nýjungin felst meðal ann-
ars í því að farsímafélög geta dreift
frelsisinneignum í farsíma í gegnum
sjóðsvélar verslana í stað fyrirfram
prentaðra skafspjalda. Með þessu er
tryggt að varan selst ekki upp og að
auðveldara er að bjóða ýmis sér-
tilboð á hverjum og einum sölustað.
Þá er jafnframt komið í veg fyrir
rýrnum í þessum vöruflokki.
Fyrir verslanir er tækifærið fólgið
í því að bjóða uppá ýmsar vörur raf-
rænt úr sjóðsvélum sem ekki hafa
staðið til boða áður. Þessi nýbreytni
felur einnig í sér mikinn tímasparn-
að við afgreiðslu og eykur öryggi í
viðskiptum.“
SimDex ehf. var stofnað árið 2000
og er alfarið í eigu Nýherja hf. Í dag
starfa 4 starfsmenn hjá SimDex en
starfsmenn Nýherja og SimDex
hafa saman borið þungann í þróun
kerfisins og þróun viðskipta-
hugmyndarinnar.
Agnar Jón segir að þróun hugbún-
aðarlausnarinnar sé lokið og búið er
að reka hana í hálft annað ár fyrir
viðskiptavini. Nú taki við sala og
markaðssetning, bæði innanlands og
erlendis. „Næsta skref er að kynna
og markaðssetja lausnina víðar í
Evrópu eins og Belgíu og Austur-
Evrópu en þar eru markaðir að opn-
ast fyrir lausnir af þessu tagi. Það er
okkar mat að þetta verði helsta leið-
in til dreifingar og sölu forgreiddra
farsímakorta en 60%–70% af far-
símanotkun í Evrópu er forgreidd
áskrift, öfugt við það sem er hér á
landi þar sem farsímanotkun er
mest eftir á greidd.“
SimDex tók þátt í Seed Forum
fyrst íslenskra fyrirtækja og var
kynnt á þingi í Moskvu í desember
s.l. fyrir tilstuðlan Klaks nýsköp-
unarmiðstöðvar. Agnar Jón segir
það hafa skipt miklu máli að fá tæki-
færi til að kynna fyrirtækið og við-
skiptahugmyndina fyrir vænt-
anlegum fjárfestum. „Það að blanda
saman útrás, fjármögnun, þjálfun og
viðskiptatengslamyndun er gríð-
arlega verðmætt fyrir sprotafyr-
irtæki eins og SimDex. Þá fá áhuga-
samir aðilar að sjá tækifærin sem
felast í þessari nýsköpun SimDex
hér heima og ekki síður erlendis þar
sem markaðurinn er stór og hagn-
aðartækifærið mikið.“
Rafræn sala á þjónustu
í gegnum afgreiðslutæki
Morgunblaðið/Sverrir
SimDex „Fyrir verslanir er tækifærið fólgið í því að bjóða upp á ýmsar
vörur rafrænt úr sjóðsvélum sem ekki hafa staðið til boða áður.“
HLUTVERK Klaks ehf. er að vera
framsækin nýsköpunarmiðstöð, sem
kemur að mótun, mati og útfærslu
viðskiptahugmynda sem byggja á
nýsköpun í upplýsingatækni. Klak
er dótturfélag Nýherja hf. og segir
Þórður Sverrisson, forstjóri Ný-
herja og stjórnarformaður Klaks, að
einkaaðilar gegni mikilvægu hlut-
verki í því að hlúa að sprotafyr-
irtækjum, til jafns við hið opinbera
en þó með öðrum hætti.
„Að mínu mati á það vel við að fyr-
irtæki á borð við Nýherja sinni ný-
sköpun með þessum hætti. Við störf-
um í upplýsingatæknigeiranum, þar
sem nýsköpun er mikil og þróunin
ör. Við stofnuðum Klak til að vera
nálægt grasrót nýsköpunar og þau
fyrirtæki sem Klak vinnur með
starfa flest á sviði hugbún-
aðarþróunar eða nálægt upplýs-
ingatækni. Þessi fyrirtæki skortir
oft meira hæfi á ákveðnum sviðum,
til dæmis sérfræðiþekkingu og
rekstrarþekkingu. Klak veitir og
miðlar þessari þekkingu og reynslu,
til að mynda margháttaðri sér-
fræðiþjónustu m.a. frá Nýherja. Eins
geta nýsköpunarfyrirtækin náð við-
skiptatengslum erlendis í gegnum
birgja Nýherja, eins og IBM.“
Þórður segist fullviss um að sú
áhersla sem Nýherji leggur í ný-
sköpunarstarf Klaks skili sér. „Það
skilar sér í verðmætri þekkingu og
reynslu inn í fyrirtækið ásamt nýjum
verkefnum. Það er aftur á móti
markmiðið að reka Klak með hagn-
aði en fyrir utan það að reka ný-
sköpunarverkefni er Klak í ýmsum
öðrum verkefnum, til dæmis Evr-
ópusambandsverkefnum sem tengj-
ast á einn eða annan hátt nýsköpun.“
Þórður segir Klak hafi til þessa
aðstoðað nýsköpunarfyrirtæki við
að ná fjármagni innanlands. Mark-
miðið með Seed Forum sé að sprota-
fyrirtæki fái einnig betri aðgang að
erlendu fjármagni og búa til heil-
stæðara ferli í þeirri vinnu. Hann
segir rekstur Klaks hafa gengið
ágætlega á þeim fimm árum frá því
að fyrirtækið var stofnað.
Morgunblaðið/Sverrir
Þórður Sverrisson „Við stofnuðum Klak til að vera nálægt grasrótinni.“
Einkaaðilar eiga
að sinna nýsköpun
EFTIR að netbylgjan reið yfir
og menn höfðu fjárfest mikið í
þekkingar- og hugbúnaðar- og Int-
ernetfyrirtækjum varð ákveðið
hrun í þekkingar- og hugbúnaðar-
iðnaðinum. Í kjölfarið reyndist síð-
an mjög erfitt að fá áhættu-
fjármagn í félögin og menn hafa í
raun verið að sleikja sárin upp frá
því.
Þetta segir Jón Ágúst Þor-
steinsson, formaður Samtaka
sprotafyrirtækja, sem eiga aðild að
Seed Forum.
„Nýsköpunarsjóður varð þurr-
ausinn eftir þetta og fjárfestar
héldu algerlega að sér höndum.
Síðan hafa menn verið að reyna að
átta sig á því hvernig væri hægt að
komast af stað aftur. Við stofn-
uðum félag sprotafyrirtækja í
fyrra og fórum að reyna að kort-
leggja hvað það er sem við þurfum.
Fjármálin eru auðvitað mikilvægur
hluti af þessu öllu og við fórum í
ákveðna stefnumótunarvinnu í
fyrrasumar þar sem við settum
fram áhersluatriði. Og eitt af þess-
um áhersluatriðum er að auka
áhuga fagfjárfesta á þessum fé-
lögum og reyna að fá svokallaða
englafjárfesta meira að félögunum,
fjárfesta sem hafa þolinmæði. Við
vorum síðan með í framhaldi af því
að stofna Seed Forum sem er
ákveðinn vettvangur til að draga
saman á skipulagðan hátt fjárfesta
og sprotafyrirtæki.“
Jón Ágúst segir Seed Forum-
kerfið hafa reynst ágætlega er-
lendis eins og t.d. í Noregi. „Það er
auðvitað að koma meiri reynsla á
þetta og við erum að fara af stað
núna á Íslandi. En þetta er eitt af
mörgu. Við erum náttúrulega líka
að vinna að því að fá t.d. lífeyr-
issjóðina inn í þetta, þ.e. að fá þá
til þess að stofna sjóðasjóði. Við er-
um að reyna að fá íslenska ríkið til
að koma með öflugri hætti inn í
rannsóknarverkefni. Það er margt
í gerjun og iðnaðarráðherra er að
setja af stað nefnd núna sem á að
endurskoða umhverfi þessara
þekkingarfyrirtækja. Þannig að
það er ýmislegt að fara af stað
núna.“
Jón Ágúst segir aðstæður ekki
enn orðnar hagfelldar þekking-
arfélögunum en menn voni að það
sé að breytast. „Það eru auðvitað
gríðarleg tækifæri í þessum iðnaði
og við megum því ekki bara gefast
upp.“
Erfitt að fá
áhættufjármagn
Jón Ágúst Þorsteinsson „Við er-
um að reyna að fá íslenska ríkið til
að koma með öflugri hætti inn í
rannsóknarverkefni.“
MIKLAR breytingar hafa orðið
á þeim efnum sem notuð eru til
tannviðgerða á undanförnum ára-
tugum en hinsvegar hefur lítið
breyst í vinnuferlinu sjálfu. Egill
Jónsson tannlæknir, frumkvöðull
Globodent ehf., hefur undanfarin ár
unnið að þróun á nýrri tækni sem
ætlað er að mæta þörfum tann-
lækna á þessu sviði. Til þess hefur
hann ásamt fjárfestum stofnað fyr-
irtækið Globodent á Íslandi ehf.
sem stefnir að því að verða þekk-
ingarfyrirtæki á sviði tannlækn-
inga. Globodent er eitt þeirra fyr-
irtækja sem taka þátt í
Sprotaþingi.
Frá ársbyrjun 2000 hefur Globo-
dent ehf. markvist unnið að þróun
á hugmyndum Egils um tæki og
aðferð til að gera við tann-
skemmdir í jöxlum með stöðluðum
fjöldaframleiddum fyllingum úr há-
gæða postulíni. Með stöðluðum fyll-
ingum er hægt að bjóða tannlitaðar
postulínsfyllingar á sambærilegu
verði og amalgam- (silfur) og plast-
fyllingar. Endingartími postulíns-
fyllinga er almennt talinn lengri en
endingartími hefðbundinna fyllinga,
en hingað til hefur þurft að hand-
smíða þær hjá tannsmið. Forsenda
þess að hægt sé að nota staðlaðar
fyllingar, er að hægt sé að bora ná-
kvæmlega sama form í jaxlinn og
hin staðlaða fylling hefur.
Þá hefur Globodent einnig unnið
að þróun á nýrri tækni sem gerir
tannlæknum kleift að nýta forsmíð-
aðar staðlaðar fyllingar fram-
leiddar úr plastblendi til tann-
viðgerða.
Ásgeir Magnússon, stjórn-
arformaður Globodent, segir að
staða þróunarverkefna fyrirtækisin
sé þannig að nú þegar hafi fyrsta
tannskurðartækið verið smíðað og
það notað til að gera við tönn í
sjúklingi. „Næstu skref eru að þróa
gerð tækisins enn frekar m.a. þarf
að létta það og fella það betur að
vinnuaðstöðu tannlækna. Þá er
samhliða unnið að undirbúningi á
framleiðslu stöðluðu fyllinganna
bæði úr postulíni og plastblendi.“
Vonast er til að fyrsta fram-
leiðsluvara Globodent, staðlaðar
fyllingar úr plastblendi, verði tilbú-
in til prufumarkaðssetningar síðar
á þessu ári og tannskurðartækið og
postulínsfyllingar á síðari hluta
næsta árs.
Globodent á þegar þrjú einka-
leyfi þessu tengd. Tvö snúa að
tannskurðartækinu og það þriðja
að formi fyllinganna. Þá er í athug-
un að sækja um fjórða einkaleyfið
og snýr það einnig að fyllingunum.
„Þróunarvinna sem þessi er
mjög fjárfrek, hátt í 200 milljónir
króna hafa verið settar í þróun
þessarar tækni frá árinu 2000, og
hafa til dæmis þrjár mismunandi
frumgerðir af tæki til nákvæms
tannskurðar þegar verið smíðaðar,“
segir Ásgeir.
Hann segir mjög ánægjulegt að
Globodent hafi verið valið til þátt-
töku í Seed Forum International.
„Það getur, ef vel tekst til, skipt
máli við að nálgast bæði innlenda
og erlenda fjárfesta sem áhuga
kunna að hafa á að koma að verk-
efninu.
Það var lærdómsríkt að taka þátt
í undirbúningsnámskeiði fyrir þátt-
tökuna í Seed Forum sem fram fór
í Ósló og greinilegt að þeir sem að
þessu verkefni standa kunna til
verka,“ segir Ásgeir.
Aðferð til að gera við tennur
með stöðluðum fyllingum
Morgunblaðið/Kristján
Globodent „Þróunarvinna sem þessi er mjög fjárfrek, hátt í 200 milljónir
króna hafa verið settar í þróun þessarar tækni frá árinu 2000.“