Morgunblaðið - 15.05.2005, Síða 3

15.5.2005 | 3
4 Flugan
setti upp spæjaragleraugun og njósnaði um
marga mæta menn að mingla þegar CIA var
opnað. Þá lét hún sig hvorki vanta á útskrift-
arhátíð Listaháskóla Íslands né samsvarandi
hátíð Hússtjórnarskólans við Sólvallagötu.
6 Er þessi Liza Marklund ekki rosaleg
frekja?
Anna Ragnheiður Ingólfsdóttir tónlistar-
kennari sneri við blaðinu, hóf að þýða bæk-
ur sænsks metsöluhöfundar og stofnaði í
kjölfarið útgáfufyrirtæki þar sem hún er allt
í öllu.
8 Kona er ekki traktor
Ástríður Helenar Halldórsdóttur í lífinu eru
tvær; tangó og bókmenntir. Hún situr ekki
við orðin tóm, heldur rekur tvo tangóstaði,
stýrir ljóðahátíð í Lundi í Svíþjóð, kennir,
þýðir og ótalmargt fleira.
12 Hugmyndaheimur Birnu
Birna Karen Einarsdóttir, fatahönnuður í
Kaupmannahöfn, hannar föt í fataskápinn
sinn og er svo heppin að hennar stíll fellur
öðrum í geð.
16 Eitur í beinum Akureyringa
Skuggahliðar mannlífsins er víða að finna.
Líka í höfuðstað Norðurlands þar sem fíkni-
efnaneysla ungmenna hefur aukist að und-
anförnu og gróft ofbeldi komið upp á yf-
irborðið.
24 „Betri en bókmenntir!“
Carl Hiaasen skrifar sakamálasögur þar sem
sögusviðið er oftast sólskinsfylkið Flórída.
26 Ilskór og fínar tær
Sumarið er tíminn þegar tásurnar líta dags-
ins ljós og sóma sér einkar vel snyrtar í il-
skónum.
28 Framúrstefna og klassík í Stokkhólmi
Veitingahúsamenning blómstrar víða á
Norðurlöndum, ekki síst í Stokkhólmi. Lux,
F12 og Wedholms Fisk teljast með betri
veitingastöðum þótt víðar væri leitað.
30 Kona eins og ég
Ragnheiður Inga Þórarinsdóttir, settur
orkumálastjóri, er í þremur saumaklúbbum.
30 Saga hlutanna
Richard G. Drew, verkfræðingur hjá námu-
fyrirtækinu 3M í Minnesota, fann upp lím-
bandið snemma á síðustu öld.
32 Krossgáta
Hvaða hluti flösku er ekki gott að lendi á
manni? Skilafrestur úrlausna krossgátunnar
rennur út næsta föstudag.
34 Pistill
Þegar tengdamóðir og mágkona Helga Snæs
komu í heimsókn upphófst mikið mynda-
tökuball.
Tímarit Morgunblaðsins Kringlunni
1, 103 Reykjavík, sími 5691100, net-
fang: timarit@mbl.is Útgefandi Ár-
vakur hf. Umsjón Valgerður Þ. Jóns-
dóttir, vjon@mbl.is Auglýsingar sími
5691111 netfang augl@mbl.is Bréf-
sími 5691110 Prentun Prentsmiðja
Morgunblaðsins ISSN 1670-4428
Forsíðumyndina tók Kristinn Ingvarsson 10. maí 2005 af
hnefa, sem Guðrún Þorvarðardóttir, forstöðumaður Hár- og
förðunardeildar Borgarleikhússins, farðaði.
26 28
6
„Þeim þykir flott að ógna samfélaginu,“ segir einn margra við-
mælenda í umfjöllun Skapta Hallgrímssonar í Tímaritinu í dag
um aukna fíkniefnaneyslu og ofbeldi meðal ungmenna á Ak-
ureyri. Sá hinn sami telur íslenskt samfélag beinlínis byggt
þannig upp að það ýti undir leit krakka að einhverju spennandi, sem sé svo ekkert spennandi þegar upp sé
staðið. Það er svosem ekkert nýtt að unga fólkið sé í uppreisn gegn ríkjandi gildum, hafi hátt og aðhafist
sitthvað, sem fer óskaplega í taugarnar á foreldrum þess og yfirleitt þeim sem eldri eru. Stælarnir og til-
tækin eru þó oftast stundarfyrirbrigði, vita meinlaus og í rauninni aðeins liður í þroskaferlinu. Hins vegar
horfir málið öðruvísi við ef unga fólkinu þykir það vera flott að ógna samfélaginu með því að byrja að neyta
fíkniefna. Framangreind umfjöllun rennir sannarlega stoðum undir að þá fyrst sé voðinn vís. Þótt sjónum
sé að þessu sinni einungs beint að ástandinu á Akureyri í framhaldi af fréttum, sem þaðan hafa borist um
ofbeldisverk og samtökum bæjarbúa gegn þeim, er fráleitt að ætla að öðruvísi hátti til í öðrum sveit-
arfélögum að Reykjavík meðtalinni. Að festast í fjötrum eiturlyfja er trúlega eitt mesta sjálfskaparvíti sem
hægt er að hugsa sér. Ekki aðeins verður fólk þrælar eigin fíknar heldur líka ósjálfbjarga peð í baráttu sið-
lausra manna um peninga og völd. Peðin mega sín einskis, þau eru bara lamin í klessu ef þau koma sér í
skuldir eða kjafta frá og eru jafnvel í lífsháska. Þannig er raunveruleikinn hjá ákveðnum kreðsum jafnt á
Akureyri sem í Reykjavík og stórborgum úti í heimi. Eins og fram kemur hjá tveimur af viðmælendum
Skapta, sem þekkja fjötra fíknarinnar af eigin raun, hvarflar ekki að þeim að segja til skúrkanna af ótta við
að verða beittir ofbeldi. Þeim og öðrum í sömu sporum þótti kannski einhvern tímann flott að ógna sam-
félaginu með því að neyta fíkniefna. Þeir vissu ekki að ógnin beindist að þeim sjálfum. | vjon@mbl.is
15.05.05
8Helen Halldórsdóttir á sér tvær ástríður í lífinu; tangó og bókmenntir.