Morgunblaðið - 15.05.2005, Blaðsíða 26

Sumarið er tíminn … þegar tásurnar fara á stjá. Enáður en þeim er sleppt út í birtu og yl er ekki úr vegi aðfegra dálítið og snyrta. Ingibjörg Eysteinsdóttir er nagla-
fræðingur hjá Professionails og starfar hjá Lyfjum og heilsu í
Kringlunni. Hún útbjó þrjú tilbrigði við sumartískuna fyrir
Tímarit Morgunblaðsins og fæturna eiga þrjár konur á aldr-
inum 14, 23 og 48 ára.
Efst í fótaröðinni vinstra megin eru leggir með hefð-
bundna franska tásnyrtingu, það er hvíta rönd
fremst á tánöglunum og glansáferð. Þar fyrir
neðan eru neglur með ferskjulitu geli, sem
Ingibjörg segir vinsælt, sérstaklega hjá kon-
um í eldri kantinum. Auk gelsins er skreytt
með glitögnum og steinum. Loks gefur að líta
tær með fyrrgreindu frönsku yfirbragði sem þar
að auki eru skreyttar með silfurlitum steinum og
bronslitaðri rönd.
Franska aðferðin og litað gel á neglurnar eru fastir punktar í
starfi naglafræðingsins, en skreytiaðferðirnar og skrautið
sjálft er í stöðugri framþróun. „Svo er hægt að fá sér lím-
miða og myndir, ef þannig ber undir. Margir láta
skreyta á sér táneglurnar þegar sandalatíminn
kemur, eða áður en þeir fara til sólarlanda. Ég
tók sérstaklega eftir því síðasta sumar, þetta
virðist vera að færast í vöxt,“ segir Ingibjörg.
Helstu tískulitirnir í naglalakki þetta miss-
erið eru bleikt, skærbleikt, ljósblátt, rautt og
ferskjulitt. Einnig eru glimmerlitir áberandi, að
hennar sögn. Tánaglasnyrting með skrauti getur enst allt
að sex vikur, en ef neglurnar lengjast um of er hægur vandinn að
sverfa aðeins af þeim án þess að það skemmi heildarmyndina.
Hendur og fætur þurfa umhirðu, líkt og aðrir líkamshlutar, og til þess að
halda þeim fallegum má nota skrúbbkrem, rakamaska, handáburð og olíu-
penna með næringu sem bera má á naglabönd. „Einnig er til fótalína
með sápu, skrúbb, djúphreinsikremi, græðandi kremi og
kremi til kælingar,“ segir Ingibjörg.
Málmáferð, glitagnir og fylltir hælar eru ein-
kennandi fyrir skótískuna í sumar. Sparilegir
heilsuskór eru líka áberandi í verslunum,
en þá er átt við afbrigði af skóm sem
þykja hollari fyrir fætur en spíssar
og pinnar og eru fótlaga eða með
trébotni, í stuttu máli vinnustaða-
inniskór með töfraljóma og stíl. Hægra
megin á síðunni eru fáein sýnishorn af opn-
um skóm í þessum anda, það er bandaskór með
fylltum hæl og krókódíla- og skjaldbökuplat-
áferð (Bossanova, 7.400), málmafbrigði í
rósableiku (Bianco, 3.800), opinn spari-
skór með glimmeráferð (Bianco, 6.200),
grískur sandali með silfurmálmáferð
(Noa Noa, 5.690) og síðast en ekki
síst trétafla með gulli og glitsteinum,
sem líka er til í bleiku, (Steinar Waage,
5.995). Gleðilegt tásusumar! | helga@-
mbl.is | www.professionails.is
ILSKÓR OG
FÍNAR TÆR
TÍSKA | HELGA KRISTÍN EINARSDÓTTIR
L
jó
sm
yn
d:
K
ri
st
in
n
In
gv
ar
ss
on