Morgunblaðið - 05.07.2005, Side 8

8 ÞRIÐJUDAGUR 5. JÚLÍ 2005 MORGUNBLAÐIÐ
FRÉTTIR
Staðgengill lækninga-forstjóra, NielsChristian Nielsen,
ætlar að funda með sviðs-
stjórum spítalans í dag
vegna óánægju sem bloss-
að hefur upp meðal lækna
með vinnutímaskráningu
spítalans. Einnig örlar á
óánægju meðal lækna með
stjórnunarstíl yfirstjórnar
spítalans. Í ályktun fundar
Félags íslenskra þvag-
færaskurðlækna, frá því
um helgina, er skráningar-
kerfinu mótmælt, en í
ályktuninni segir enn-
fremur: „Fundurinn skorar einnig
á yfirstjórn spítalans að breyta um
stjórnunarstíl og í stað tilskipana
og einhliða ákvarðana að ganga til
samráðs við lækna.“ Magnús Pét-
ursson, forstjóri LSH, kvaðst ekki
vilja tjá sig um málið, þegar blaða-
maður leitaði eftir því í gær. Hann
teldi rétt að ræða það fyrst við við-
komandi aðila. Hann hyggst taka
málið upp á fundi framkvæmda-
stjórnar í dag.
Eins og fram kom í Morgun-
blaðinu í gær fór óánægjualda af
stað meðal lækna í kjölfar bréfs
sem þeir fengu allir frá Jóhannesi
M. Gunnarssyni, lækningafor-
stjóra LSH, um miðjan júní og
fjallaði um rafræna skráningu
vinnutíma lækna í kerfi sem kallað
er Vinnustund. Í bréfinu segir
m.a. að í kjarasamningi lækna sé
dagvinnutími skýrt skilgreindur
frá kl. 8 til 17. „Vinnutími hvers
læknis í dagvinnu er í hlutfalli við
ráðningarhlutfall hans og skal all-
ur falla innan þessara tímamarka,
vera reglubundinn og fyrirfram
skilgreindur af yfirmanni.“
Í bréfinu segir ennfremur að
starfsmenn sem hafi fastan dag-
vinnutíma fái hvorki umframtíma
greiddan né geti þeir safnað hon-
um til úttektar seinna meir. „Hinn
svokallaði tímabanki heldur utan
um vinnuskil dagvinnu manna
með sveigjanlegt vinnufyrirkomu-
lag og á því ekki við um lækna
LSH. Því er rétt að skrá alla
lækna inn í Vinnustund með fast-
an vinnutíma.“ Í lok bréfsins er
ítrekað að rafræn skráning á
vinnutíma lækna, sem sé nýtt
kerfi, muni ekki breyta launakjör-
um lækna frá því sem áður var.
Eins og fram kom í Morgun-
blaðinu í gær hefur Helgi H. Sig-
urðsson, formaður Skurðlækna-
félags Íslands, í bréfi sínu til
Jóhannesar mótmælt harðlega
skráningu á vinnutíma lækna.
„Hluti vinnu lækna fyrir LSH fer
fram utan veggja sjúkrahússins
og í gegnum síma og engir mögu-
leikar eru gefnir á að slíkt sé skráð
eða metið,“ segir hann m.a. í bréfi
sínu.
Greiði fyrir yfirvinnu
Sigurbjörn Sveinsson, formað-
ur Læknafélags Íslands, segir að
málið hafi ekki komið formlega inn
á borð stjórnar félagsins, hún fylg-
ist þó með því. Aðspurður segir
hann hins vegar að ákveðinn
ósveigjanleiki komi fram í bréfi
Jóhannesar M. Gunnarssonar. „Í
bréfi lækningaforstjórans er
dregið fram að það sé skýlaus
krafa sjúkrahússins að menn skili
fyrirfram ákveðnum vinnutíma,
en að sjúkrahúsið geri ekkert með
það, þótt þeir vinni eða þurfi að
vinna umfram þann vinnutíma.
Með því er gefið í skyn að ekki eigi
að uppfylla kjarasamninga
lækna.“ Hann tekur þó fram að
málið varði innri málefni sjúkra-
hússins, sem beri að leysa á þeim
vettvangi, vonandi án aðkomu
læknafélagsins.
Framkvæmdastjóri Lækna-
félagsins, Gunnar Ármannsson,
segir m.a. í grein, sem birt er á vef
Læknafélagsins, að skv. stjórn-
unarrétti vinnuveitenda beri ekki
að greiða fyrir yfirvinnu nema sér-
staklega sé um hana beðið af hálfu
vinnuveitenda. Í greininni segir
hann ennfremur að viðurkennt sé
að störf í heilbrigðisgeiranum séu
annars eðlis en flest önnur störf.
Síðar skrifar hann: „Læknum ber
í lok vinnudags að sjá svo um að
hagsmunir sjúklinga séu í fyrir-
rúmi og ganga þannig frá málum
gagnvart þeim að tryggt sé að
samfella sé í þjónustunni og gæta
þess að traust ríki milli læknis og
sjúklings. Læknum er því beinlín-
is óheimilt að víkja af vinnustað
fyrr en hagsmunir sjúklings eru
tryggðir, jafnvel þótt það geti þýtt
að þeir þurfi að sinna einhverri
yfirvinnu að aflokinni dagvinnu.
Falli yfirvinna til með þessum
hætti ber vinnuveitanda að greiða
fyrir hana, jafnvel þótt það geti
þýtt að þeir þurfi að sinna ein-
hverri yfirvinnu að aflokinni dag-
vinnu. Ef vinnuveitandinn er ekki
reiðubúinn að greiða fyrir tilfall-
andi yfirvinnu með þessum hætti
ber honum að skipuleggja vinnuna
með þeim hætti að tryggt sé að
læknar geti lokið störfum sínum
innan dagvinnumarka.“
Ekki náðist í Jóhannes M.
Gunnarsson í gær. Niels Christian
Nielsen, staðgengill lækningafor-
stjóra, telur að ákveðins misskiln-
ings gæti í málinu. Almenna regl-
an sé sú að menn skammti sér ekki
vinnu og rukki fyrir hana eftir á.
Þannig hafi það ávallt verið. „Sé
viðkomandi hins vegar, að beiðni
yfirmanns, að vinna lengur er að
sjálfsögðu greitt fyrir það.“ Hann
vonast til þess að lausn finnist á
málinu á fundinum í dag.
Fréttaskýring | Kurr meðal lækna LSH
Óánægja með
stjórnunarstíl
Yfirlæknar deilda fái óskoraða heimild
til að meta vinnuframlag læknanna
Enn er óánægja meðal lækna LSH.
Stjórnendur LSH funda
með sviðsstjórum í dag

Félag íslenskra þvagfæra-
skurðlækna mótmælti vinnu-
tímaskráningu lækna í ályktun
sem samþykkt var um helgina.
„Fundurinn skorar á lækninga-
forstjóra að breyta þessu
ósveigjanlega skráningarkerfi og
veita yfirlæknum deilda óskor-
aða heimild til að ákvarða ramma
og meta vinnuframlag og um-
saminn vinnutíma hvers og eins
læknis og tekur heilshugar undir
þau mótmæli lækna sem fram
hafa komið af þessu tilefni.“
Eftir Örnu Schram
arna@mbl.is
GAGNKVÆMUR áhugi er hjá
Landhelgisgæslunni og bandarísku
strandgæslunni að viðhalda sam-
skiptum milli stofnananna og hefur
bandaríska strandgæslan boðist til
að taka starfsfólk Gæslunnar á
margvísleg námskeið sem kennd eru
þar vestra. Á vegum bandarísku
strandgæslunnar er einnig starf-
rækt 4 ára háskólanám í US
Coastguard Academy og hefur einn
starfsmaður Gæslunnar, Ásgrímur
L. Ásgrímsson, lokið því námi.
Á föstudag og laugardag var
Thomas Collins, aðmíráll og yfir-
maður strandgæslunnar, staddur
hér á landi til að hitta dómsmála-
ráðherra og yfirmenn Gæslunnar.
Að sögn Georgs Kr. Lárussonar,
forstjóra Gæslunnar, stendur stofn-
uninni til boða að senda menn sína á
námskeið og þjálfun í Bandaríkj-
unum. Gríðarlegt úrval námskeiða
er í boði, s.s. á sviði fiskveiðieftirlits,
í þyrluflugi og ótal mörgu öðru. Coll-
ins fór af landi brott með einkaþotu
frá Keflavík en hann var með heim-
sókn sinni að endurgjalda Banda-
ríkjaheimsókn yfirmanna hjá Gæsl-
unni í mars sl.
Morgunblaðið/ÞÖK
Thomas Collins aðmíráll ásamt Georg Kr. Lárussyni, forstjóra Landhelgisgæslunnar, í varðskipinu Tý um helgina.
Bandaríska strandgæslan í heimsókn
UPPSAGNIR allra starfsmanna
fiskvinnslufyrirtækisins Bílddælings
hf. á Bíldudal tóku gildi fyrsta júlí.
Um 50 manns misstu þar með vinn-
una og um 30 af 240 íbúum á Bíldu-
dal, en fyrirtækið var stærsti vinnu-
veitandi bæjarins. Með lokuninni
lagðist af eina framleiðsluatvinnu-
greinin á staðnum, þar sem rækju-
verksmiðjunni var lokað í vetur.
Pétur Sigurðsson, formaður
Verkalýðsfélags Vestfirðinga, segir
að nú taki ekki annað við hjá þessu
fólki en að fara á atvinnuleysisbætur
og bíða þess enn einu sinni að nýr
ævintýrariddari mæti á staðinn og
hefji fiskvinnslu með loforðum um
bjarta framtíð. Spurður um hvort
slíkur riddari sé í sjónmáli segist
hann ekki hafa frétt af honum enn en
þeir komi stundum fyrirvaralítið.
Verst sé þó að þótt þeir séu allir af
vilja gerðir skorti þá allt sem til þarf
og það séu veiðiheimildir.
Guðmundur Guðlaugsson, bæjar-
stjóri Vesturbyggðar, segir að vonir
standi enn þá til að eitthvað fari aft-
ur af stað í húsnæði fyrirtækisins.
„Það eru ákveðnar þreifingar í gangi
og við erum vongóð. Við höldum í
vonina eins lengi og við getum.“
Guðmundur segir að á þessu stigi
sé ekkert hægt að gefa upp um fyr-
irhugaðan áframhaldandi rekstur í
húsnæðinu, en segir að hugsanlega
muni einhverjir sömu aðilar og áður
koma að því. „Allt er óljóst á þessu
stigi en það er fyrirhugaður fundur
um þetta alveg á næstunni.“
Ekki aðra vinnu að hafa
Spurður um hvað verði gert fyrir
fólkið gangi áform um rekstur ekki
upp segir Guðmundur að sveitarfé-
lagið hafi lítið bolmagn til að standa
fyrir atvinnurekstri og megi það
raunverulega ekki.
„Við reynum að hlúa að þeim sem
hafa kannski hug á að koma ein-
hverju af stað hér aftur og beita
áhrifum okkar til að aðstoða þá eftir
föngum,“ segir Guðmundur, sem ótt-
ast að ef vonir gangi ekki eftir verði
fólksflótti úr bænum. Öll sveitar-
félög í þessari stöðu óttist það.
Pétur Sigurðsson segir að ekki sé
aðra vinnu að hafa, enda sé yfir fjall-
veg að fara í næstu byggðir og það
geri menn ekki auðveldlega nema yf-
ir hásumarið. Um hugsanlegan
fólksflótta segir hann að menn séu
auðvitað tregir að yfirgefa heima-
byggðina auk þess sem getu til þess
skorti. Fólk þurfi þá að fá inni á dýr-
ari svæðum og losni ekki við eignir
sem það eigi á Bíldudal.
„Menn eru því bundnir í báða skó.
Þetta er auðvitað dæmi um hvernig
kvótakerfið eyðir byggð og það er
verðugt verkefni fyrir sérfræðinga
að tengja ástandið á Bíldudal við
það,“ segir Pétur. Hann telur að fáir
erlendir starfsmenn hafi misst vinnu
sína. „Ég held að stærsta hlutfall Ís-
lendinga í fiskvinnslu hafi einmitt
verið á Bíldudal og það er bara eðli-
legt því þar er ekki um önnur störf
að ræða.“
Þreifingar í gangi um
atvinnumál á Bíldudal
Eftir Hrund Þórsdóttur
hrund@mbl.is