Morgunblaðið - 05.07.2005, Page 12

12 ÞRIÐJUDAGUR 5. JÚLÍ 2005 MORGUNBLAÐIÐ
FRÉTTIR
TÆPLEGA 10.000 tonnum af kolmunna
hefur verið landað á síðustu dögum, en þá
lönduðu 12 skip afla sínum. Kolmunna-
aflinn er nú orðinn um 225.000 tonn og
eru því óveidd um 120.000 tonn af leyfi-
legum heildarafla, sem er 345.000 tonn.
Reyndar eru allar líkur á því að kvótinn
verði aukinn verulega.
Erlend skip hafa landað um 90.000
tonnum hér á landi og því hafa íslenzku
verksmiðjurnar tekið á móti um 315.000
tonnum. Mestu hefur verið landað hjá
Eskju á Eskifirði, 71.600 tonnum. Síldar-
vinnslan á Seyðisfirði er næst með 69.600
tonn, Síldarvinnslan í Neskaupstað er
með 45.200 tonn, Loðnuvinnslan á Fá-
skrúðsfirði er með 37.000 tonn, Ísfélag
Vestmannaeyja er með 33.700 og HB
Grandi á Vopnafirði er með 25.000 tonn.
Aðrar verksmiðjur eru með mun minna.
Alls hafa nú veiðzt um 42.000 tonn af
norsk-íslenzku síldinni en leyfilegur
heildarafli er 157.000 tonn. Af því hafa
vinnsluskipin tekið um helming en 21.200
tonn hafa komið til vinnslu í landi. Auk
þess hafa erlend skip landað hér um 6.300
tonnum. Mest af síldinni hefur borizt til
Síldarvinnslunnar í Neskaupstað, um
8.000 tonn. HB Grandi á Vopnafirði hefur
tekið á móti 6.000 tonnum. Verksmiðja Ís-
félagsins í Krossanesi er með 4.600 tonn,
Vinnslustöðin í Vestmannaeyjum er með
3.800, Ísfélagið í Vestmannaeyjum með
2.000 tonn og loðnuvinnslan á Fáskrúðs-
firði er með 1.800 tonn.
Eskja með
mest af
kolmunna
FISKVINNSLAN Kambur á Flateyri hefur
keypt línubátinn Frey ÞH af Vísi í Grindavík.
Báturinn er með beitningarvél um borð og
hefst útgerð hans með nýju kvótaári. Bátur-
inn er kvótalaus og verða heimildir leigðar á
hann og smám saman keyptar eftir því sem
efni og aðstæður leyfa, að sögn Hinriks Krist-
jánssonar, framkvæmdastjóra Kambs.
Hinrik segir að með þessum kaupum sé
verið að tryggja stöðugt flæði hráefnis til
fiskvinnslunnar. Fyrir á Kambur línubeitn-
ingarbátinn Halla Eggerts og á hann eru
skráð ígildi 700 tonna af þorski. Þá gerir
fyrirtækið út tvo 15 tonna báta í krókakerf-
inu og eru þeir með veiðiheimildir. Hins veg-
ar er verið að selja þrjá kvótalausa smábáta.
Hinrik segir að með því að kaupa svona stór-
an línubát verði hráefnisöflunin tryggari.
Kambur vinnur mest af saltfiski, léttsöltuð
fryst flök fyrir markaði í Evrópu. Einnig er
smávegis unnið af ýsu og steinbít. „Við förum
okkur yfirleitt hægt yfir sumarið. Halli Egg-
erts hefur verið gerður út frá upphafi fisk-
veiðiárs og fram yfir sjómannadag og sama
mynstur verður væntanlega á nýja bátnum. Á
sumrin fáum við því fisk af smábátum, drag-
nótarbátum og kaupum á mörkuðum,“ segir
Hinrik.
„Nýi báturinn verður nefndur Siggi Þor-
steins í höfuðið á góðvini okkar sem fórst í
flóðinu árið 1995. Siggi var sjómaður í langan
tíma, sat í hreppsnefnd og var formaður
verkalýðsfélagsins á staðnum. Hann var mik-
ill öðlingur í alla staði og við viljum halda
nafni hans á lofti,“ segir Hinrik í samtali við
fréttavef BB.
Búið er að ráða heimamanninn Aðalstein
Rúnar Friðþjófsson sem skipstjóra, en stýri-
maður verður Ólafur Halldórsson. Áhöfnin
verður skipuð 14 mönnum í það heila.
„Ég er bara bjartsýnn á þetta og treysti því
að það verði áfram þorskur í sjónum. Svo ef
gengi krónunnar verður útflytjendum hag-
stæðara brosum við bara. Þetta er bara
skemmtilegt,“ segir Hinrik Kristjánsson.
Eigendur Kambs, Ingibjörg Kristjánsdóttir og Hinrik Kristjánsson,
Aðalsteinn Rúnar Friðþjófsson skipstjóri og hjónin Hildur Halldórs-
dóttir og Steinþór Bjarni Kristjánsson sem einnig eru eigendur Kambs.
Ljósmynd/Páll Önundarson
Hið nýja skip, Siggi Þorsteins, siglir inn í höfnina á Flateyri. Báturinn
hét áður Freyr og var í eigu Vísis í Grindavík. Fyrir á Kambur línubát-
inn Halla Eggerts og tvo smábáta sem báðir eru í krókakerfinu.
Þetta er bara skemmtilegt
ÚR VERINU
MORGUNBLAÐINU hefur borist
eftirfarandi athugasemd frá fram-
kvæmdastjóra Félags fasteignasala,
Grétari Jónssyni hdl.:
„Fyrir nokkru birtist í Frétta-
blaðinu mjög áberandi fyrirsögn inni
í blaðinu þess efnis að fasteignasalar
væru að fara í mál við íslenska ríkið.
Félag fasteignasala óskaði eftir því
við Morgunblaðið að þetta yrði leið-
rétt sem var gert og einnig var rætt
við blaðamann Fréttablaðsins sem
lofaði að bæta vinnubrögð blaðsins
enda um alranga frétt að ræða þar
sem enginn fasteignasali er að fara í
mál við ríkið svo vitað sé.
Í gær, mánudaginn 4. júlí, birtist
sams konar frétt í Fréttablaðinu og
nú á forsíðu með stóru letri, þess efn-
is að fasteignasalar væru að fara í
mál við ríkið. Enn er Fréttablaðið að
birta alrangar fréttir varðandi fast-
eignasölu en því miður hefur Frétta-
blaðið á undanförnum mánuðum
ítrekað birt rangar og villandi frá-
sagnir af fasteignasölum þrátt fyrir
að Félag fasteignasala hafi margoft
óskað eftir að blaðið vandi frétta-
flutning sinn.
Fréttablaðið er væntanlega að
reyna að greina frá því að tilteknir
eigendur að fasteignasölum sem ekki
eru fasteignasalar séu að undirbúa
málarekstur gagnvart ríkinu. Hin
fyrirhugaða málshöfðun kemur ein-
mitt til af því þeir aðilar sem um er
fjallað eru ekki fasteignasalar. Með
lögum um sölu fasteigna, fyrirtækja
og skipa sem sett voru í lok síðasta
árs var sú krafa gerð að fasteignasöl-
ur yrðu í meirihlutaeigu fasteigna-
sala, enda mikilvægt þar sem fast-
eignasalar bera persónulega alla
faglega ábyrgð á rekstri fyrirtækj-
anna, þ.m.t. að réttinda kaupenda og
seljenda sé gætt í hvívetna. Það er
því fullkomlega óeðlilegt að þeir sem
ekki eru fasteignasalar og eiga þ.a.l.
að vera fasteignasalanum til aðstoðar
geti á grundvelli eignaraðildar sinnar
og vinnuveitandasambands, haft boð-
vald og stjórnunarrétt yfir fasteigna-
salanum. Slík staða er fullkomlega
óásættanleg gagnvart neytendum og
auðvitað fasteignasalanum sjálfum.
Á þessu var löggjafinn einmitt að
taka, enda löngu tímabært að koma
böndum á góða skipan í fasteignasölu
þar sem mjög alvarlegt er að eigend-
ur sumra fasteignasölufyrirtækja
hafa möguleika á að taka fram fyrir
hendurnar á fasteignasalanum á
grundvelli meirihlutaeignaraðildar
sinnar. Þá koma sumir réttindalausir
eigendur iðulega fram sem fasteigna-
salar á grundvelli eignaraðildar sinn-
ar og sinna þeim störfum sem lög-
gjafinn hefur gert kröfu til að
fasteignasalar sinni til að tryggja ör-
yggi neytenda sem best í fasteigna-
viðskiptum.
Lögverndað starfsheiti
Fréttablaðið virðist ekki, þrátt fyr-
ir margítrekaðar áskoranir Félags
fasteignasala, vilja gera greinarmun
á fasteignasölum og öðru starfsfólki
á fasteignasölum. Starfsheitið fast-
eignasali er lögverndað starfsheiti og
enginn má kalla sig fasteignasala
sem hefur ekki til þess þá menntun
og reynslu sem krafa er gerð um. Þá
þurfa fasteignasalar einnig ávallt
löggildingu ráðherra til starfsins og
eru þ.a.l. allir fasteignasalar löggiltir
fasteignasalar. Það er ábyrgðarhluti
og ámælisvert af hálfu Fréttablaðs-
ins að nota starfsheiti tiltekinnar
starfsstéttar í andstöðu við lögvernd-
un starfsheitisins. Allar starfsstéttir
með lögverndað starfsheiti verða að
geta gert kröfu til þess að slíkt gerist
ekki, einnig fasteignasalar.“
Félag fasteignasala gerir athuga-
semd við skrif Fréttablaðsins
MEIRIHLUTI Íslendinga, eða 65%, er andvígur fram-
leiðslu erfðabreyttra matvæla. Rúmlega 21% er hlynnt og
tæplega 14% eru hvorki hlynnt né andvíg.
Mikill munur er á viðhorfum kynjanna þar sem nærri
þrjár af hverjum fjórum konum eru andvígar framleiðslu
erfðabreyttra matvæla en um 56% karla eru sama sinnis.
Eins er munur eftir stjórnmálaskoðunum í þá veru að
um 76% kjósenda Vinstrihreyfingarinnar – græns fram-
boðs, 69% fylgismanna Samfylkingar, 65% framsóknar-
manna og 52% sjálfstæðismanna eru andvíg framleiðslu
erfðabreyttra matvæla.
Einnig var spurt um hvort þarft eða óþarft sé að sér-
merkja erfðabreytt matvæli í verslunum og telja ríflega
níu af hverjum tíu að það sé þarft. Rúmlega 65% telja það
mjög þarft og rúmlega 25% telja það frekar þarft.
Könnunin var gerð dagana 15. til 28. júní. Úrtakið var
1.254 manns á aldrinum 18 til 75 ára. Svarhlutfall var 61%.
Andstaða gegn erfðabreyttum
matvælum mikil hérlendis
Morgunblaðið/Þorkell
Grindardráp
í Færeyjum
Úr verinu á morgun