Morgunblaðið - 08.07.2005, Qupperneq 23

MORGUNBLAÐIÐ FÖSTUDAGUR 8. JÚLÍ 2005 23
MINNSTAÐUR
HÖFUÐBORGARSVÆÐIÐ
AUSTURLAND
Neskaupstaður | Níunda lands-
mót Sambands íslenskra harm-
ónikuunnenda var sett í Neskaup-
stað í gær og stendur það fram á
sunnudag. Fjórtán harmóniku-
félög, þrettán innlend og eitt frá
Færeyjum, taka þátt að þessu
sinni.
Fréttaritari leit inn á síðustu
æfingu heimamanna í Félagi
harmónikuunnenda Norðfirði á
miðvikudagskvöldið þar sem verið
var að fínpússa tónana. Í sveitinni
eru 14 hljóðfæraleikara, þar af
einungis tvær dömur, sem eru
jafnframt yngstu meðlimirnir.
„Kom aukanótan?“ spurði
stjórnandinn Egill Jónsson „Hún
má ekki heyrast. Við tökum þetta
aftur“. Æfingin, líkt og mótið, fer
fram í íþróttahúsinu í Neskaup-
stað og hefur því verið umbreytt í
glæsilegan veislusal með teppum,
dansgólfi, sviði og uppdúkuðum
borðum.
„Við frumflytjum tvö verk eftir
heimamenn á mótinu, annars veg-
ar Daladansinn eftir Bjarna Hall-
dór Bjarnason og hins vegar
Tangó eftir mig,“ sagði Egill sem
stjórnað hefur sveitinni af rögg-
semi í ein ellefu ár.
Húsbílakynslóðin
vill harmónikuspil
Ómar Skarphéðinsson, fram-
kvæmdastjóri mótsins, segir að
alls spili um 200 manns á mótinu
og að búist sé við um 1.000 manns
á lokaballið, en þannig hefur það
verið á undanförnum mótum.
„Annars veit maður aldrei, veðrið
gæti haft mikil áhrif“.
En hvað er þetta með húsbíla
og harmónikur, spyr fréttaritari
Ómar, enda hafa húsbílar streymt
til Neskaupstaðar undanfarna
daga vegna mótsins. „Þetta er svo
færanlegt hljóðfæri, það þarf ekk-
ert hljóðkerfi og svo er þessi hús-
bílakynslóð af þeirri kynslóð sem
ólst upp við harmónikuspil. Það er
alveg frábært að geta rúntað um
landið yfir sumarmánuðina á hús-
bílnum með nikkuna og tekið þátt
í mótum harmónikufélaga víðs
vegar um landið.“
Landsmót Sambands íslenskra harmónikuunnenda hafið á Neskaupstað
„Tökum
þetta
aftur“
Morgunblaðið/Kristín Ágústsdóttir
Síðasta æfingin Egill Jónsson stjórnar síðustu æfingu Félags harmónikuunnenda fyrir landsmótið af röggsemi.
Reykjavík | Öll heimili í Reykjavík
verða tengd ljósleiðarakerfi í eigu
Orkuveitu Reykjavíkur á næstu sex
árum, og er ráðgert að á bilinu 7–10
þúsund heimili verði tengd kerfinu á
ári þar til það er orðið. Reiknað er
með að byrjað verði á Fossvogs-
hverfi, en þegar eru um 1.000 heimili
með slíka tengingu.
Þetta kemur fram í samningi sem
Steinunn Valdís Óskarsdóttir
borgarstjóri og Guðmundur Þór-
oddsson, forstjóri OR, undirrituðu í
gær. Alls eru heimilin í borginni um
45 þúsund talsins, og því verða að
meðaltali 20 heimili tengd á degi
hverjum næstu árin. Kostnaður við
verkið er áætlaður 6,75 milljarðar
króna, eða 150.000 krónur fyrir
hvert heimili sem tengt er.
Steinunn Valdís sagði í gær að
þetta samkomulag væri liður í því að
auka samkeppnishæfni Reykjavíkur
við önnur sveitarfélög, en þegar hafa
tvö sveitarfélög, Seltjarnarnes og
Akranes, samið við OR um ljósleið-
aratengingu. „Það er ekki meiningin
að Orkuveitan sjálf reki þjónustu um
ljósleiðaranetið, heldur er hún að
leggja opið net sem aðrir aðilar geta
svo keypt sig inn í,“ sagði Steinunn.
Netið í eigu OR
Netið verður því í eigu OR, sem
mun sjá um rekstur þess og verður
opið fyrir þá sem uppfylla lágmarks-
kröfur til þess að dreifa efni til
borgarbúa. Meðal þess sem hægt er
að flytja um kerfið eru símtöl, Netið,
sjónvarp, myndefni o.fl. Gert er ráð
fyrir því að fjárfestingin í kerfinu
skili sér aftur á rúmum áratug, en
talið er að líftími kerfisins verði að
lágmarki um 25 ár. Gengið er út frá
því að þeir Reykvíkingar sem kjósa
að nýta sér ljósleiðaranetið greiði á
bilinu 1.500–2.000 kr. fastagjald á
mánuði, en heimtaugargjald verður
ekkert.
Guðmundur Þóroddsson, forstjóri
OR, sagði eftir að skrifað hafði verið
undir samninginn að rask vegna
lagningar ljósleiðarans yrði alltaf
eitthvert, en reynt yrði að lágmarka
raskið eins og hægt væri, skurðir
verði litlir og eftir sem áður haft
samstarf við önnur veitufyrirtæki
sem geta hugsanlega nýtt skurðina,
þó ljósleiðaravæðingin muni ganga
mun hraðar en hefðbundnar endur-
nýjunarframkvæmdir.
Undanfarin misseri hefur OR lagt
lögn fyrir ljósleiðarastreng þegar
lagnir í götum og gangstéttum hafa
verið endurbættar, sem og í nýbygg-
ingarhverfum, og verða því þessi
hverfi meðal þeirra fyrstu til að fá
tengingarnar, enda rask þar í algeru
lágmarki.
Önnur atriði sem hafa áhrif á þá
röð sem hverfin verða tekin í eru
m.a. móttökuskilyrði sjónvarps og
hagkvæmni vegna þéttleika byggð-
ar. Einnig munu íbúar geta haft
áhrif með því að lýsa áhuga sínum á
sérstökum vef sem settur verður
upp í þessu augnamiði.
Borgarstjóri ánægður með samning um
ljósleiðaravæðingu heimilanna í Reykjavík
Eykur samkeppnishæfi
höfuðborgarinnar
Eftir Brján Jónasson
brjann@mbl.is
Morgunblaðið/Eyþór
Ljósleiðaravæðing Steinunn Valdís Óskarsdóttir borgarstjóri og Guð-
mundur Þóroddsson, forstjóri OR, undirrituðu samkomulagið í Ráðhúsinu.
Reykjavík | Þúsundir krakka munu
nota þrjá kappróðrarbáta sem sjó-
mannadagsráð gaf íþrótta- og
tómstundaráði Reykjavíkur, enda
er markmiðið með gjöfinni að
auka áhuga barna og unglinga á
róðraræfingum og efla siglinga-
starf.
Bátarnir eru tíu metra langir,
hver um sig búinn sex árum og
stýri, en þeir voru notaðir sem
kappróðrarbátar á sjómannadag-
inn þegar hann var haldinn hátíð-
legur í Nauthólsvík á árunum
1971 til 1984. Sjómannadagsráð
hefur nú fest kaup á fimm nýjum
kappróðrarbátum og ákvað að
færa ÍTR þá gömlu að gjöf.
Fengu báta Guðmundur Hallvarðsson, formaður Sjómannadagsráðs,
afhenti Önnu Kristinsdóttur, formanni ÍTR, bátana í Nauthólsvík.
ÍTR fær kappróðrarbáta
Hafnarfjörður | Fjölskylduráð
Hafnarfjarðar mótmælir í yfirlýs-
ingu nýrri reglugerð heilbrigðis- og
tryggingamálaráðherra um samein-
ingu allrar heilsugæslu á höfuðborg-
arsvæðinu, en bæjarstjórn Hafnar-
fjarðar hefur einnig einhuga og
ítrekað lýst andstöðu við þessi
áform. Jafnframt hafa samtök
sveitarfélaga á höfuðborgarsvæðinu
lýst sig mótfallin þeim.
Segir í tilkynningu frá Hafnar-
fjarðarbæ að ekkert samráð hafi
verið haft við Bæjarstjórn Hafnar-
fjarðar um sameininguna, þrátt fyrir
skýran vilja og ályktun bæjar-
stjórnar 8. mars 2005, þar sem óskað
var eftir viðræðum við ráðuneytið
um gerð samnings um rekstur stofn-
ana á sviði heilbrigðis- og öldrunar-
mála í bænum.
Óskar fjölskylduráðið því eindreg-
ið eftir því að heilbrigðisráðherra
hefji þegar í stað viðræður við bæj-
aryfirvöld um framtíðarfyrir-
komulag heilsugæslunnar sem og
annarra heilbrigðis- og öldrunar-
mála í Hafnarfirði.
Vilja ekki samein-
ingu heilsugæslu
PÓSTSENDUM
www.islandia.is/~heilsuhorn
Glerártorgi, Akureyri, sími 462 1889,
fæst m.a. í
Lífsins Lind í Hagkaupum,
Maður Lifandi Borgartúni 24,
Árnesapóteki Selfossi,
Yggdrasil Skólavörðustíg 16, Fjarðarkaupum,
Lyfjaval Hæðasmára og Þönglabakka,
Lífslind Mosfellsbæ, Stúdíó Dan Ísafirði
Oil of oregano
Sótthreinsandi og sveppadrepandi
Útsala
Opið virka daga kl. 10-18
laugardaga kl. 10-16
Nýbýlavegi 12,
Kópavogi
sími 554 4433