Morgunblaðið - 20.12.2005, Side 24

Akureyri | Þrír akureyrskir
matreiðslumenn sem allir starfa
á þekktum veitingastöðum í
Reykjavík, lífguðu heldur betur
upp á jólastemmninguna á
sínum heimaslóðum á laugar-
dag. Þeir mættu með um 20
skúlptúra á Ráðhústorg, sem
þeir höfðu unnið úr ísklumpum.
Forvinnan hafði staðið yfir vik-
um saman og það var greinilegt
að piltarnir höfðu lagt á sig
ómælda vinnu, með fullri vinnu,
enda unnið listaverk úr tæpum
6 tonnum af ís. Á myndinni eru
listamennirnir Kjartan Marinó
Kjartansson, Jónas Oddur
Björnsson og Hallgrímur Frið-
rik Sigurðarson við eitt verka
sinna, eftirlíkingu af Akureyr-
arkirkju.
Morgunblaðið/Kristján
Íslistaverk á Ráðhústorgi
Jólastemning
Akureyri | Suðurnes | Austurland | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100. Suðurnes
Helgi Bjarnason, helgi@mbl.is, sími 569-1310 og 669-1310. Akureyri Margrét Þóra Þórs-
dóttir, maggath@mbl.is og Kristján Kristjánson, krkr@mbl.is, sími 461-1600. Vesturland
Ásdís Haraldsdóttir, asdish@mbl.is, sími 898-5258. Austurland Steinunn Ásmundsdóttir,
austurland@mbl.is, sími 669-1115. Árborgarsvæðið og Landið Helgi Bjarnason, helgi-
@mbl.is, sími 569-1310 og 669-1310 og Guðrún Aðalsteinsdóttir, frett@mbl.is, sími 569-1290.
Mínstund frett@mbl.is
Ómissandi liður í jólastemningunni í
Borgarnesi er Jólaútvarp Óðals sem hljóm-
ar hér árlega síðla í desember, á tíðninni fm
101,3. Það eru unglingar í félagsmiðstöðinni
Óðali sem sjá um útvarpið. Fyrirtæki og
stofnanir í héraði sjá sér leik á borði og aug-
lýsa vörur og þjónustu í útvarpinu og
styrkja um leið starfsemina. Unglingarnir
létu sérstaklega gott af sér leiða og styrktu
fjárhagslega tvo unga Borgnesinga; Ingu
Björk Bjarnadóttur, vegna Bandaríkja-
ferðar með einstökum börnum og Torfa
Lárus Karlsson, sem nýkominn er heim frá
Boston úr aðgerð.
  
Jólaútvarpinu lauk með tónleikum Skíta-
mórals í beinni útsendingu. Fyrr um daginn
voru pallborðsumræður í beinni útsend-
ingu, fyrst með fulltrúum úr bæjarstjórn og
síðan mættu fjórir mektarkarlmenn úr
borgnesku samfélagi til skrafs og ráða-
gerða. Þar sem fréttaritari er einarður tals-
maður jafnréttis og telur að konur og karlar
eigi að vera fulltrúar kvenna og karla í sam-
félaginu, er óskiljanlegt hvers vegna konur
voru ekki fengnar í síðari pallborðsumræð-
urnar. Hér vantar ekki frambærilegar og
duglegar konur. Í fyrrgreindum karlapall-
borðsumræðum kom fram að hér búa og
starfa fjölmargir erlendir verkamenn.
Margir koma hingað með það að markmiði
að vinna sem mest og senda launin sín til
fjölskyldunnar í heimalandinu. Þó eru vís-
bendingar um að sumir hafi áhuga á að setj-
ast hér að og fá til sín fjölskyldur sínar. Það
gæti sannarlega orðið samfélaginu hér til
góða að auka á menningarlega fjölbreytni.
  
En eins og staðan er í nú er húsnæð-
ismarkaðurinn löngu sprunginn. Og
kannski þess vegna hefur fasteignaverð-
sprengjan loksins náð til okkar. Einbýlis-
hús og raðhús seljast á verði sem engan
hefði dreymt um fyrir ári síðan. Fram-
kvæmdir við nýbyggingar eru töluverðar og
margt spennandi framundan. Að lokum vil
ég óska íbúum Borgarbyggðar af báðum
kynjum gleðilegrar jólahátíðar og jafnréttis
á nýju ári!
Úr
bæjarlífinu
BORGARNES
EFTIR GUÐRÚNU VÖLU ELÍSDÓTTUR
FRÉTTARITARA
Tónlistarfélag Ísa-fjarðar hefurákveðið að festa
kaup á nýjum flygli sem
verður í tónleikasalnum
Hömrum. Félagið hefur
staðið fyrir söfnunarátaki
síðastliðnar vikur, en flyg-
illinn, sem kostar 8,4 millj-
ónir, er Steinway konsert-
flygill og þykir tilvalinn
fyrir Hamra. Enn hefur
ekki safnast að fullu fyrir
flyglinum, en söfnun verð-
ur haldið áfram þar til
flygillinn er að fullu
greiddur. Ástæðuna fyrir
því að farið er í kaupin nú
er að annars vegar hefur
krónan ekki verið sterkari
í langan tíma og hins vegar
að verð Steinway flygla
hækki að jafnaði um 4%
um hver áramót og sú upp-
hæð sparist því við að fara
í kaupin nú.
Kaupa
flygil
Akureyri | Einn af viðskiptavinum Sparisjóðs Norð-
lendinga, Steinunn Elsa Níelsdóttir á Akureyri, hlaut
aðalvinninginn í VISA leiknum. Um er að ræða ferð
fyrir tvo á Vetrarólympíuleikana 2006, sem eru þeir
tuttugustu í röðinni og verða haldnir í Torino á Ítalíu í
febrúar næstkomandi. Leifur Steinn Elísson, aðstoð-
arframkvæmdarstjóri VISA, gerði sér ferð norður til
Akureyrar og afhenti Steinunni vinninginn í höfuð-
stöðvum Sparisjóðs Norðlendinga. Með þeim eru Örn
Arnarson sparisjóðsstjóri og Orri Arnarsson, sonur
Steinunnar.
Hlaut aðalvinninginn
Á Kaffivagninummá lesa ljóð meðítölsku kúnstn-
eraletri og undir ein-
kennisstafina J.S.:
Kaffivagninn er hér enn
eigendum til sóma
Allra þjóða þyrstir menn
þennan staðinn róma.
Hungraðir hér hafa um nóg
að velja
sem held ég verði of langt
upp að telja.
Kaffivagninn er hér enn
öllum mjög til gleði.
Hérna ræða margir menn
margt sem áður skeði,
– bátamenn og bílstjórar
bændur, smiðir, málarar,
vitleysingar, vitringar,
vinstrimenn og burgeisar,
trillumenn og togarakallar,
túristar og leikkonur snjallar.
–
Allir jafn vel una sér
og um það flestum saman
ber
að þessi vagn sé vögnum
öllum betri.
Á Kaffi-
vagninum
pebl@mbl.is
Dalvíkurbyggð | Bæjarráð Dalvíkurbyggð-
ar fjallaði á fundi sínum um erindi frá for-
eldrum tveggja barna í 8. bekk Dalvíkur-
skóla, en þar kemur fram að þau geti ekki
lengur unað við að börnunum þeirra sé ekki
búin sú aðstaða sem þau eiga rétt á í skól-
anum. Börn þeirra hafi verið í Húsabakka-
skóla og auðvitað hafi þau gert sé grein fyrir
að það yrði mikil breyting fyrir þau að
skipta um skóla en þau hafi aldrei gert sér í
hugarlund hvað beið þeirra. Bréfritarar tala
um að í þessum 20 nemenda bekk ríki al-
gjört agaleysi og enginn vinnufriður fyrir
þau börn sem vilja læra og að bæði nem-
endur og kennarar séu undir miklu álagi
sökum vanlíðanar. Bréfritarar vilja taka það
skýrt fram að þau eru ekki að kasta rýrð á
störf kennara, að þau geri sér fulla grein
fyrir að þeir geri allt sem í þeirra valdi
stendur til að bæta ástandið. Fram kemur
að þau hafi þær upplýsingar að ekki sé til
stofa til að tvískipta bekknum og það stang-
ist á við það að þeim hafi verið sagt að nóg
pláss væri í Dalvíkurskóla. Það sé alveg ljóst
að skólinn og foreldrar hafa reynt að vinna
bug á því ástandi sem þarna ríkir en ráða
hreinlega ekki við verkefnið. Nú sé komið að
bæjarstjórn og fræðsluráði að standa við
þær fullyrðingar að börnin muni fá betri
þjónustu í Dalvíkurskóla en á Húsabakka.
Fram kom í umræðum að ýmsar ráðstaf-
anir hafa þegar verið gerðar til að bregðast
við þeim aðstæðum sem til staðar eru í til-
greindum bekk. Upplýst var m.a. að það
væri mat skólans að ekki væri til bóta að
skipta bekkjardeildinni alfarið, en það væri
gert í tilteknum verkefnum.
Bæjarráð fól félags- og skólaþjónustunni
að vinna áfram að úrlausn þessa máls og
lýsti því jafnframt yfir að það beri fullt
traust til skólaþjónustu og skólastjórnenda
til að bregðast við þeim aðstæðum sem upp
koma í skólastarfi á hverjum tíma.
Börnunum
ekki búin sú
aðstaða sem
þau eiga rétt á
Fiskur og ferðaþjónusta | Ellefu
manns voru fyrir helgi útskrifaðir úr námi
sem staðið hefur yfir síðastliðið ár á vegum
Verkalýðsfélags Húsavíkur og samstarfs-
aðila. Námsleiðin heitir Fiskur og ferða-
þjónusta. Námið gefur þeim sem útskrif-
ast allt að 24 einingar til stúdentsprófs.
Þetta er í fyrsta skiptið sem Verkalýðs-
félag Húsavíkur kemur að námskeiði sem
veitir þátttakendum einingar til stúdents-
prófs og því er um að ræða stóra stund í
sögu félagsins.
♦♦♦