Fréttablaðið - 30.09.2002, Qupperneq 2

2 30. september 2002 MÁNUDAGURLÖGREGLUFRÉTTIR
FJÁRHÆTTUSPIL Lögreglan réðst til
atlögu við spilavíti sem rekið hefur
verið við Suðurgötu 3 í Reykjavík í
nokkur ár og lokaði því á föstudag-
inn. Spilavítið hefur verið til húsa
á þessum stað í rúm þrjú ár en var
áður starfrækt á Klapparstíg.
Eigandi spilavítisins og aðal-
gjafari hans voru handteknir og
hafðir í haldi alla helgina. Þeir eru
báðir vel þekktir úr heimi reyk-
vískra fjárhættuspilara og hefur
gjafarinn í það minnsta áður kom-
ist í kast við lög vegna reksturs
spilavíta.
Lögreglan hefur lengi vitað af
spilavítinu við Suðurgötu en látið
afskiptalaust. Spilavítið var lengst
af rekið sem einkaklúbbur og voru
meðlimir um 80 talsins. Vegna
smæðar markaðarins gekk á ýmsu
í rekstrinum og samkeppnisaðilar
sem opnuðu annað spilavíti á Fiski-
slóð úti á Granda gáfust upp eftir
nokkurra mánaða rekstur og sátu
eftir með miklar skuldir.
Ástæðan fyrir aðgerðum lög-
reglu gegn spilavítinu í Suðurgötu
einmitt nú mun vera sú að yfirvöld
munu hafa talið að ekki væri leng-
ur um einkaklúbb að ræða heldur
væri spilavítið opið almenningi, en
sú mun reyndar hafa verið orðin
raunin.
Auk þess að handtaka eigandi
og gjafara spilavítisins lagði lög-
reglan hald á spilaborð af ýmsum
gerðum, áfengi og peninga sem í
umferð voru.

RAMALLAH, AP Ísraelsmenn hófu í
gær að draga herlið sitt til baka
frá höfuðstöðvum Arafats og
aflétta þar með herkví sem staðið
hefur í tíu daga. Talsmenn Ísraels
segja þó að þeir muni áfram leita
þeirra manna á svæðinu sem þeir
saka um hryðjuverk. Arafat sakar
Ísraelsmenn um að ganga á svig
við ályktanir Sam-
einuðu þjóðanna.
„Þeir eru að reyna
að blekkja örygg-
isráð Sameinuðu
þjóðanna,“ sagði
Arafat um það
leyti sem skrið-
drekar Ísraelsmann hörfuðu frá
rústum húsanna í kringum höfuð-
stöðvar PLO.
Margir í hópi Palestínumanna
líta þó á hörfun Ísraelsmanna sem
áfangasigur. „Staðfesta Arafats er
ástæða þess að Ísraelsmenn hörfa
nú, sagði Ahmed Abdel Rahman
fulltrúi í stjórn Palestínumanna.
Hann bætti við að þetta sýndi að
með staðfestu mætti snúa við
gangi mála.
Viðbrögð í Ísrael eru blendin.
Stjórnin sætir gagnrýni bæði frá
hægri og vinstri. Sharon og stjórn
hans er sökuð um uppgjöf og
ákvörðunin um að draga herliðið
til baka sögð styrkja Arafat á
sama tíma og aukinn þrýstingur
var á að hann endurskipulegði
stjórnina og drægi úr eigin völd-
um.
Ísraelsmenn hafa verið undir
miklum þrýstingi frá öryggisráði
Sameinuðu þjóðanna. Í flest skjól
fauk þegar Bush Bandaríkjafor-
seti sagði að umsátrið hjálpaði
ekki. Í tilkynningu Ísraelsstjórnar
í kjölfar ákvörðunar um að hörfa
er lögð rík áhersla á vináttu
Bandaríkjanna og Ísraels. Arafat
kallar ákvörðunina „fegrunarað-
gerð“.
Sameinuðu þjóðirnar hafa
fagnað lokum umsátursins. „Þessi
ákvörðun markar ekki endalok
erfiðleikanna, en má líta á sem
skref í átt að pólitískum leiðum til
að endurvekja friðarferlið,“ sagði
Terje Roed Larsen, sendifulltrúi
Sameinuðu þjóðanna sem fór inn í
höfuðstöðvar Palestínumanna um
leið og Ísraelsmenn hörfuðu.
Ísraelsmenn hyggjast þó ekki
fara langt. Þeir segjast áfram
fylgjast með svæðinu og tryggja
það að eftirlýstir hryðjuverka-
menn verði handteknir, reyni þeir
að komast burt.

Aðeins einn gisti fangageymsl-ur lögreglunnar á Akranesi
eftir stórdansleik á Breiðinni,
gamla hótelinu, á laugardags-
kvöldið. Þykir það vel sloppið því
mikið fjölmenni var á dansleikn-
um og uppselt snemma kvölds.
Sá eini sem var með óspektir var
handtekinn fyrir ölvun á almann-
færi. Sálin hans Jóns míns lék
fyrir dansi.
Ungur piltur var tekinn á 139kílómetra hraða á veginum á
milli Ólafsvíkur og Hellissands
um helgina. Pilturinn hafði haft
bílpróf í tæpt ár og gaf litlar
skýringar á ofsaakstri sínum en
vegurinn á milli Víkur og Sands
þykir á köflum góður til
hraðaksturs. Að auki stöðvaði
lögreglan fjóra aðra fyrir of
hraðan akstur í byggðarlaginu
um svipað leyti og voru þeir allir
á 110-120 kílómetra hraða.
Fólksbíll með ökumanni og far-þega valt á veginum á milli
Blönduós og Skagastrandar
snemma á laugardagsmorguninn.
Ökumaður er grunaður um ölvun
en að öðru leyti er óljóst um til-
drög slyssins. Meiðsl á fólki urðu
lítil en því meiri á bílnum.
LÖGREGLUFRÉTTIR
Lögreglan lokar spilavíti í Suðurgötu:
Lögregla handtók
eigandann og gjafarann
Arafat kallar
ákvörðunina
„fegrunar-
aðgerð“.
HÖRFAÐ
Ísraelskir skriðdrekar hafa sig á brott frá löskuðum höfuðstöðvum Palestínumanna. Stjórn
Ísraels sætir harðri gagnrýni heimafyrir og er sökuð um styrkja Arafat í sessi með ákvörð-
un sinni.
Slökkvilið höfuðborgarsvæðisinsvar hvatt út á laugardagskvöld-
ið og stefnt út á Krísuvíkurveg.
Þar stóð stórvirk vinnuvél í björtu
báli. Enga mannveru var að sjá í
námunda við vinnuvélina og því
líklegt talið að kveikt hafi verið í
henni. Vinnuvélin er talin ónýt.
Ökumaður var tekinn á 167 kíló-metra hraða á Mývatnsöræf-
um um helgina. Er það langt yfir
leyfilegum hámarkshraða og lífs-
hættulegur glannaskapur af öku-
manni þó svo vegurinn þarna sé
góður og bjóði upp á hraðakstur.
Bíl var ekið á ljósastaur í Hafn-arfirði árla laugardagsmorg-
uns. Við áreksturinn kviknaði í
bílnum en ökumanni tókst að
sleppa út áður en bifreiðin varð al-
elda. Slökkvilið kom á staðinn og
slökkti eldinn.
NEYTENDAMÁL Þing Neytendasam-
takanna var haldið um helgina. Jó-
hannes Gunnarsson, formaður
samtakanna, segir þingið hafa
farið vítt og breytt yfir neytenda-
málin sem séu býsna umfangs-
mikill málaflokkur. „Þingið mark-
aði samtökunum stefnu til næstu
tveggja ára. Þar stendur þrennt
upp úr sem við teljum mikilvægt
að leggja mikla áherslu á. Það er í
fyrsta lagi að verð á vörum og
þjónustu verði sambærilegt við
það sem neytendum í öðrum Evr-
ópulöndum býðst best. Þá krefjast
samtökin þess að það ríki raun-
veruleg samkeppni á fjármála-
markaði og að sú fákeppni sem
ríki á matvörumarkaði verði rof-
in.“
Jóhannes segir kannanir sýna
að matarverð hérna sé með því
hæsta í heimi. „Þetta er algerlega
óásættanlegt og stjórnvöld verða
að breyta þessu.“ Hvað fjármála-
markaðinn varðar segir Jóhannes
það mjög íþyngjandi fyrir heimil-
in að „vera bundin á klafa átthaga-
fjötra bankakerfisins á meðan
fyrirtæki geta átt viðskipti við er-
lenda banka á allt öðrum kjör-
um“.

GRÉTAR MAR JÓNSSON.
Segir hugmyndir samgönguráðherra um
fækkun réttindamanna í fiskiflotanum stór-
hættulegar.
Grétar Mar Jónsson:
Tvískinnung-
ur ráðherra
ÖRYGGISMÁL Grétar Mar Jóns-
son, skipstjóri og fyrrverandi for-
maður Farmanna- og fiskimanna-
sambands Íslands, segir það
skjóta skökku við að Sturla Böðv-
arsson, samgönguráðherra, tali
um leiðir til að fækka slysum á sjó
um leið og hann hyggst leggja
fram frumvarp sem dragi veru-
lega úr öryggi sjómanna.
„Mér finnst það svolítið ein-
kennilegt að menn skuli vera að
halda Öryggisviku sjómanna þar
sem ráðherra kemur fram og slær
sig til riddara með tali um fækkun
slysa á sjó þegar hann er með
frumvarp um fækkun réttinda-
manna í flotanum í farteskinu.
Hann hefur áður lagt frumvarpið
fram en dró það til baka og hyggst
nú flytja það enn á ný. Frumvarp-
ið gerir ráð fyrir að það fækki um
2. stýrimann og vélstjóra í sumum
áhöfnum. Þetta er mjög alvarlegt
mál og það væri eðlilegra að bæta
við 3. stýrimanni í sumum stærri
skipum til að auka enn á öryggið.
Það fer ekki saman að tala um
mikilvægi þess að gæta að öryggi
sjómanna í einu orðinu og leggja
svo til fækkun réttindamanna í
því næsta.“

Tígrisdýr gekk laust:
Hafði
áður glefs-
að í barn
ILLINOIS, AP Bengaltígur sem vó
180 kíló strauk úr búri sínu rétt
fyrir utan íbúðahverfi í Bloom-
ington í Illinois-fylki í Bandaríkj-
unum. Átta tímum síðar var hann
skotinn af lögreglunni. Íbúum á
svæðinu hafði verið skipað að
halda sig innandyra. „Þetta voru
ekki endalokin sem við óskuðum
okkur, en ég býst ekki við að lög-
reglumennirnir hafi átt annars úr-
kosta,“ sagði talsmaður lögregl-
unnar. Tígrisdýrið var í eigu konu
frá Texas sem áður hafði verið
kærð fyrir að stofna barni í hættu
eftir að tígurinn hafði glefsað í
unga stúlku. Dómari hafði gert
henni að fara með dýrið úr fylk-
inu.

Neytendasamtökin:
Matarverð á Íslandi
verður að lækka
JÓHANNES GUNNARSSON.
„Kvörtunarþjónusta Neytendasamtakann
kostaði 25 milljónir í fyrra. Ríkisstyrkur
nam 8,3 milljónum en þetta er samfélags-
leg þjónusta sem ríkinu ber að veita og
þess vegna teljum við eðlilegt að það kosti
hana alfarið.“
Ísraelsmenn hörfa frá
höfuðstöðvum Arafats
Ísraelsmenn luku í gær umsátri um höfuðstöðvar Arafats í Ramallah.
Sameinuðu þjóðirnar hafa beitt Ísraelsmenn miklum þrýstingi.
Þögn Bandaríkjamanna við afgreiðslu í öryggisráðinu olli áhyggjum
hjá stjórn Ísraels. Fegrunaraðgerð, er nafnið sem Arafat gefur
lokum herkvíarinnar.
Fréttablaðið:
Með forystu
í flestum
markhópum
FJÖLMIÐLAR Samkvæmt nýrri fjöl-
miðlakönnun Gallup er Fréttablað-
ið mun meira lesið en Morgunblað-
ið á höfuðborgarsvæðinu í öllum
lykilhópum sem auglýsendur
sækjast eftir.
Fréttablaðið er með mikla for-
ystu í aldurshópunum frá 25 til 49
ára; með 71,5 prósent meðallestur
á móti 58 prósent lestri hjá Morg-
unblaðinu. Rétt tæplega fjórðungi
fleiri á þessum aldri lesa Frétta-
blaðið en Morgunblaðið.
Fréttablaðið er lesið af 80,3 pró-
sent sérfræðinga, stjórnenda og
atvinnurekenda á móti 66,6 pró-
sentum hjá Morgunblaðinu. Rétt
rúmlega fimmtungi fleiri á þess-
um störfum lesa Fréttablaðið en
Morgunblaðið.
Fréttablaðið er lesið af 68,3 pró-
sentum þeirra sem stunda faglærð
iðnstörf á móti 50,9 prósentum hjá
Morgunblaðinu. Rétt rúmlega
þriðjungi fleiri á þessum störfum
lesa Fréttablaðið en Morgunblaðið.
Fréttablaðið er lesið af 73,2 pró-
sent kvenna á aldrinum 25 til 49
ára á móti 57,9 prósenta lestri hjá
Morgunblaðinu. Rétt rúmlega
fjórðungi fleiri konur á þessum
aldri – hinir svokölluðu „inkaupa-
stjórar heimilanna“ – lesa Frétta-
blaðið en Morgunblaðið.
„Markmið okkar á Fréttablað-
inu er að veita lesendum góða
þjónustu án endurgjalds og aug-
lýsendum góða þjónustu fyrir
sanngjarnt verð,“ segir Gunnar
Smári Egilsson, ritstjóri Frétta-
blaðsins. „Æ fleiri auglýsendur
hafa áttað sig á slagkrafti Frétta-
blaðsins. Fjölmiðlakönnun Gallup
staðfestir að enginn annar miðill
er jafn klæðskerasaumaður að
þörfum auglýsenda.“

SPILAVÍTIÐ
Lokað og spilaborð. áfengi og peningar í
vörslu lögreglunnar.