Fréttablaðið - 15.10.2002, Blaðsíða 2
2 15. október 2002 ÞRIÐJUDAGURALÞINGI
Rjúpnaveiði:
Veiðibann á
ríkisjörðum
RJÚPNAVEIÐI Landbúnaðarráðu-
neytið hefur bannað alla rjúpna-
veiði á ríkisjörðum á veiðitímabil-
inu sem hófst í gær. Bannið nær
til allra ríkisjarða í umsjá land-
búnaðarráðuneytisins, þar með
talið jarða í umsjá Landgræðslu
ríkisins og Skógræktar ríkisins
og er veiði bönnuð nema með
leyfi ábúanda.
Landbúnaðarráðuneytið tekur
fram af gefnu tilefni að bannið
nær einnig til þeirra jarða sem
undanfarin ár hafa verið opnar til
rjúpnaveiða svo og annarra eyði-
jarða á forræði landbúnaðarráðu-
neytisins.
ALÞINGI „Mér finnst það harðir
kostir að þurfa að gefa upp hval-
veiðar til 2006,“ sagði Jóhann Ár-
sælsson, Samfylkingu, eftir að
Árni Mathiesen, sjávarútvegsráð-
herra, hafði tilkynnt um að Ísland
væri á ný orðinn aðili að Alþjóða
hvalveiðiráðinu.
Jóhann vísaði þar til fyrirvar-
ans sem fylgi aðildarskjölum Ís-
lands að Alþjóða hvalveiðiráðinu.
Þar er lýst yfir að hvalveiðar í at-
vinnuskyni verði ekki hafnar á ný
fyrr en árið 2006 nema ráðið veiti
Íslendingum hvalveiðikvóta. Jó-
hann sagði þó ánægjulegt að Ís-
land væri orðinn aðili að ráðinu
aftur.
Sjávarútvegsráðherra sagði að
það væri erfitt að gera þingmönn-
um Samfylkingar til hæfis. Þegar
aðild Íslendinga var hafnað síðasta
vor hafi Svanfríður Jónasdóttir
gagnrýnt hann fyrir að breyta fyr-
irvaranum ekki nægilega. Nú þeg-
ar aðildin sé samþykkt standi Jó-
hann upp og gagnrýni hann fyrir
að breyta fyrirvaranum um of. „Sú
viðbót sem var gerð við fyrirvar-
ann að þessu sinni hefur engin
praktísk áhrif.“
VIÐSKIPTI Lyfjaheildsalar bjóða inn-
kaupadeildum sjúkrahúsa mikinn
afslátt af nýjum lyfjum til að tryg-
gja að þau komist í
notkun á sjúkra-
stofnunum. Sjúk-
lingar halda svo oft
og tíðum áfram að
nota lyfin þegar þeir
útskrifast á sjúkra-
húsum og greiða
þau þá fullu verði.
„Þetta hefur ekki verið rætt
sérstaklega hér í ráðuneytinu en
full ástæða til. Þessir afslættir
lyfjafyrirtækjanna eru vel þekktir
víða um heim og einskorðast alls
ekki við Ísland,“ segir Ingolf Pet-
ersen, skrifstofustjóri í heilbrigð-
isráðuneytinu, sem tekur þó fram
að oft séu þessir afslættir af hinu
góða og eigi sinn þátt í að minnka
lyfjakostnað sjúkrahúsanna. Í
sumum tilvikum sé um að ræða lyf
sem eingöngu eru notuð á sjúkra-
húsum og sjúklingar haldi því ekki
áfram að taka þau eftir útskrift.
„Ég hef heyrt um allt að 80 pró-
senta afslátt af nýju lyfi til sjúkra-
húsa en þess ber að geta að lyfin
eru keypt að undangengnu útboði,“
segir hann.
Ingolf Petersen telur fulla
ástæðu til að endurskoða afsætti
lyfjafyrirtækjanna til sjúkrahús-
anna. Þó svo sjúkrahúsin sjálf geti
sparað stórfé með því að þiggja þá
geti hitt verið þjóðhagslega óhag-
kvæmt ef sjúklingar haldi áfram að
nota rándýr lyf að lokinni sjúkra-
húsavist. Lyf sem þeir hófu að nota
á sjúkrahúsunum vegna þess eins
að lyfjafyrirtækin buðu góðan af-
slátt af fyrstu pöntun.
„Þetta er siðferðileg spurning
sem við verðum að reyna að svara,“
segir Ingolf Petersen.
eir@frettabladid.is
ÓLJÓST HVERNIG VERÐUR
SKIPAÐ Á LISTA
Á kjördæmisþingi undir lok mánaðarins
ræðst hvaða aðferðafræði verður notuð til
að velja frambjóðendur flokksins fyrir
næstu þingkosningar.
Framsóknarmenn ræða
prófkjör og uppstillingu:
Niðurstaða
bíður kjör-
dæmaþings
STJÓRNMÁL Umræður um hvernig
skipa skyldi á lista flokksins í
Reykjavík fyrir næstu kosningar
settu mark sitt á aðalfundi Fram-
sóknarfélaganna í Reykjavíkur-
kjördæmunum tveimur. Tillögu
sem lögð var fram á fundi Fram-
sóknarfélagsins í Reykjavík suð-
ur um að mælst væri til þess að
prófkjör yrði viðhaft var hafnað á
þeirri forsendu að það væri kjör-
dæmisþings að ákveða þetta. Full-
trúar félagsins á kjördæmisþing
voru valdir á fundinum. Í félaginu
norðan megin var niðurstaðan sú
að stjórn félagsins skipaði full-
trúa á kjördæmisþingið.
Þeir sem vilja prófkjör halda
áfram baráttu sinni. Óskar Bergs-
son segir mikla mætingu á fund-
ina vera skýr skilaboð um vilja al-
mennra flokksmanna til að taka
virkan þátt í starfi flokksins við
val á frambjóðendum og undir-
búning kosninga. „Uppstilling er í
raun bara aðferðafræði fyrir litla
flokka sem þora ekki að sýna
hversu litlir þeir eru í raun. Ekki
stóra flokka eins og Framsókn.“
Stjórnir beggja félaga voru
endurkjörnar á fundinum. For-
menn eru Gestur Kr. Gestsson í
Reykjavík norður og Sigrún Jóns-
dóttir í Reykjavík suður.
HEIMSÓKN Forseti Íslands fer ekki
á hestbak í opinberri heimsókn
sinni um Húnavatnssýslur en sá
landshluti er hvað þekktastur fyr-
ir hross sín:
„Forsetinn stoppar aðeins í 20
mínútur hér hjá okkur í reiðhöll-
inni og því gefst ekki tími til að
setja undir hann hest. Í staðinn
ætlum við að vera með sýningu
sem við höfum sett saman um ís-
lenska hestinn og ýmislegt sem
tengist honum frá aldamótunum
1900 og fram til dagsins í dag,“
segir Hjörtur Karl Einarsson, for-
maður hestamannafélagsins
Neista á Blönduósi.
Forseti Íslands var í gær í
Húnaþingi vestra en verður í dag
og á morgun í Austur - Húna-
vatnssýslu. Hann byrjar daginn
klukkan 8:30 í Þingeyrarkirkju og
heldur þaðan til Skagastrandar
þar sem grunnskólinn og ýmis
fyrirtæki verða skoðuð. Að svo
búnu er ferðinni heitið á Blönduós
þar sem bíður þéttskipuð dagskrá
sem nær hámarki með fjölskyldu-
hátíð forsetanum til heiðurs í
íþróttahúsinu á staðnum.
Skömmu fyrir hádegi á morg-
un verður forsetinn svo í reiðhöll-
inni með Neista-mönnum sem
fyrr segir en opinberri heimsókn
hans um sýslurnar lýkur síðar um
daginn.
Tap fyrirtækja síðasta ár:
Mest vegna
gjaldmiðils-
breytinga
VIÐSKIPTI Íslensk erfðagreining
tapaði mestu íslenskra fyrirtækja
á síðasta ári. Í samantekt Frjálsr-
ar verslunar yfir stærstu fyrir-
tæki landsins kemur í ljós að
aldrei hafa eins mörg fyrirtæki
verið tapað stórum fjárhæðum. Í
hópi stærstu fyrirtækja landsins
eru níu fyrirtæki yfir milljarði
króna. Nærtækustu skýringar á
þessari miklu tapaukningu er
gengisfall krónunnar á síðasta ári.
Tapið er í flestum tilvikum bók-
haldslegt og hefur gengið til baka
við styrkingu krónunnar.
Uggvænleg þróun
í lyfjaneyslu:
Hver einasta
króna fer í
lyf eftir 39 ár
HEILBRIGÐISMÁL Ef svo fer fram
sem horfir mun öll landsfram-
leiðsla okkar fara í lyf eftir 39 ár. Á
borði heilbrigðisráðherra er nú
línurit þar sem borinn er saman
verg landsframleiðsla annars veg-
ar og aukning í lyfjakostnaði hins
vegar. Að því gefnu að landsfram-
leiðsla aukist um 3 prósent á ári og
lyfjakostnaður um 14 prósent eins
og verið hefur þá skerast línurnar
tvær árið 2041. Það þýðir að ekki
verður eftir ein einasta króna í öllu
landinu sem nota má til annarra
hluta en lyfjakaupa.
Ekki náðist í Jón Kristjánsson
heilbrigðisráðherra þegar eftir því
var leitað í gær.
DULARFULL UPPÁKOMA
Starfsmenn Reykjavíkurborgar unnu að því
árla morguns að ná listaverkunum í burtu
Listaverk í Tjörninni:
Sett upp í
húmi nætur
MIÐBORGIN Vegfarendur í miðborg
Reykjavíkurborgar snemma í
gærmorgun hafa kannski rekið
augun í torkennilegar fígúrur við
einn hólmann í Tjörninni. Búið
var að setja upp fimm pappírs-
fígúrur í húmi nætur án tilskil-
inna leyfa. Starfsmenn Reykja-
víkurborgar þurftu að hafa mikið
fyrir því að fjarlægja fígúrurnar.
Þykir ljóst að þeir sem voru að
verki hafi verið dágóða stund að
stilla þeim upp. Ekki er vitað
hverjir voru að verki né hver til-
gangurinn var.
FORSETI SKAMMAÐUR „Forseti
veður yfir allt og alla,“ sagði
Gísli S. Einarsson, Samfylkingu,
um Halldór Blöndal, forseta Al-
þingis. Gísli gagnrýndi að full-
trúi VG í fjárlaganefnd ræddi
fjáraukalagafrumvarpið á undan
fulltrúa Samfylkingar. Stærsti
stjórnarandstöðuflokkur hefur
alltaf rætt mál fyrst á eftir ráð-
herra sagði Gísli og kunni ekki
að meta breytinguna.
MISTÖKIN LEIÐRÉTT Meirihluti
samgöngunefndar hefur lagt
fram lagafrumvarp um að lögin
um nýja skipan flugráðs taki
þegar gildi en ekki um áramót.
Umboð meirihluta flugráðs rann
út 9. júní. Það hefur því ekki get-
að tekið ákvarðanir um mál sem
koma til kasta þess.
Aðildin að Alþjóða hvalveiðiráðinu:
Harðir kostir að bíða til 2006
JÓHANN ÁRSÆLSSON
Þótti hart að íslensk stjórnvöld skuldbundu
sig til að hvalveiðar yrðu ekki hafnar á ný
fyrr en 2006.
Forsetinn í Húnavatnssýslum:
Fer ekki á hestbak
ÓLAFUR RAGNAR GRÍMSSON
Fjölskylduskemmtun honum til heiðurs í íþróttahúsinu á Blönduósi í kvöld.
Sjúklingar halda svo áfram að kaupa lyfin á fullu verði. Heilbrigðisráðu-
neytið setur spurningamerki við hvort rétt sé að þiggja afslættina. Gæti
verið þjóðhagslega hagkvæmt að hafna þeim.
LANDSPÍTALINN
Lækkar lyfjakostnað með því að þiggja risaafslætti frá lyfjafyrirtækjum þegar ný lyf koma á markað.
„Þetta er sið-
ferðileg spurn-
ing sem við
verðum að
reyna að
svara.“
Bjóða sjúkrahúsum
afslátt af lyfjunum
FR
ÉT
TA
B
LA
Ð
IÐ
/R
Ó
B
ER
T