Fréttablaðið - 15.10.2002, Blaðsíða 24
Ég þekkti eitt sinn bónda sem ekkigat hugsað sér að skipta við Kaup-
félagið. Hann greip til þess ráðs að
skipta við bóndann á næsta bæ sem
átti svo sín viðskipti við Kaupfélagið.
Þannig gekk þetta fyrir sig í áratugi
og allir voru sáttir. Hvernig hefði
þessi vinur minn brugðist við aftur-
genginni einokunarverslun á landinu
bláa? Matvara er munaður, segja þeir
hjá Haugi og sigla um á snekkjum
sínum. Farið að sauma vambir, skafa
garnir og éta mör, hrópar þingmaður í
sláturbransanum úr pontu. Af hverju
borðar fólkið ekki kökur, sagði eitt
sinn fræg drottning í Frans. Og
biðraðirnar lengjast hjá Mæðra-
styrksnefnd.
Á MEÐAN SITJA glaðir gangsterar
í reykfylltum herbergjum og skipta
þjóðareignum. Þó er þjóðarsálin ekki
dauð, kannski lúin, en ekki dauð. Á
meðan er saumaður rauður dregill í
byggðum lands svo taka megi á móti
erlendum stóriðjudrekum með glans.
Nú skal bjóða til orkuveislu, gefa raf-
magn til hægri og vinstri. Þeir sem
ekki vildu koma ætla samt að drífa
sig því það er ókeypis.
ALDINN ORKUJÖFUR tók sig til
á dögunum og deildi á nóbelsskáldið
vegna þrjátíu ára gamallar greinar
sem enn á erindi við þjóðina og ber
yfirskriftina, Hernaður gegn landinu.
Það tognar svo sannarlega úr mann-
eskjum þegar þær deila á liðin stór-
menni. Snjallræðið er fólgið í því að
greinarhöfundur er farinn yfir móð-
una miklu, horfinn þangað sem ekki
er póstkerfi af nokkru tagi. Þá geta
fjaðralausir hanar galað hátt, verið
föðurlega leiðbeinandi og hreykt sér
af hæsta fjóshaug. Enginn svarar.
Þögn er sama og samþykki. Vonandi
geta hinir látnu lesið pistilinn inni í
eilífðinni og dregið af honum mikinn
lærdóm. Það er sjaldan sem maður
sér svo kjarkmikla menn að þeir leggi
í ritdeilur við hina látnu. Þá skyldi
maður taka ofan því þar eru þó á ferð
bjartsýnustu menn sem væntanlega
bíða svars og trúa á kraftaverkin.
GLEÐILEGT var í liðinni viku að
fregna að Landsvirkjun og umhverfis-
ráðuneytið ætluðu að taka sér hlut-
verk kvikmyndasjóðs. Þetta er heppi-
legasti vettvangurinn og auðvelt að
hafa stjórn á úthlutunum. Löngu var
orðið tímabært að leggja hitt stjórn-
lausa fyrirbærið niður. Spennandi
verður að fylgjast með áframhaldandi
úthlutunum úr kvikmyndasjóði Lands-
virkjunar og umhverfisráðherra.
Hugsanleg verk gætu orðið Lífið er
lotterí og Tætum og tryllum.
Engin lágmarksupphæð
Engin úttektar-þóknun
Enginn kostnaður
Enginn binditími
m.v. vaxtatöflu S24 21.9.2002
Upphæð
0 - 999.999 kr.
1.000.000 - 4.999.999 kr.
5.000.000 kr. og hærra
1. þrep
2. þrep
3. þrep
Vextir*
6,85%
7,25%
8,25%
Sparnaðarreikningur S24 www.s24.is 533 2424 Kringlan
Vertu viss um að þú sért að fá bestu innlánsvextina!
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Tætum
og tryllum
Grensásvegi 12 • Sími: 533 2200
FRÁBÆR PIZZA Á FRÁBÆRU VERÐI!
Bakþankar
Kristínar Helgu Gunnarsdóttur