Fréttablaðið - 18.11.2002, Side 27

MÁNUDAGUR 18. nóvember 2002
Rithöfundurinn J.K. Rowling:
Lét afturkalla bók um
Harry Potter-æðið
BÓKMENNTIR Höfundur Harry Pott-
er-bókanna, J.K. Rowling, lét fyr-
ir helgi fjarlægja bók úr hillum
bókabúðanna sem fjallar um
æðið í kringum sögupersónu
hennar. Ástæðan er sú að kápu
bókarinnar þótti svipa of mikið
til bókanna sem innihalda ævin-
týri galdramannsins unga. Þar af
leiðandi taldi Rowling að almenn-
ingur gæti haldið að hún sjálf
kæmi að einhverju leyti að gerð
bókarinnar, sem er ekki raunin.
Bókin heitir „The Irresistible
Rise of Harry Potter“. Kápan var
fjólublá á lit og notað var sama
leturgerð og Rowling notar fram-
an á bækur sínar.
Útgefandi bókarinnar þurfti
að eyða um 5.000 pundum, and-
virði rúmlega 675 þúsund ísl. kr.,
í það að afturkalla bókina.

Forsetinn var sárþjáður
Sjúkrasaga John F. Kennedy reynist skrautlegri en áður var vitað. Gat
ekki klætt sig hjálparlaust í sokka og skó vegna verkja. Tók inn allt að
átta tegundir lyfja á dag.
NEW YORK, AP John F. Kennedy
Bandaríkjaforseti þjáðist af
verkjum og ýmsum kvillum, sem
ekki hefur verið á almanna vitorði
fyrr en nú. Hann tók mikið af lyfj-
um, þar á meðal verkjalyf, örvan-
di lyf, róandi lyf og svefnlyf.
Þetta kemur fram í grein sem
Robert Dallek, höfundur ævisögu
Kennedys, skrifaði og birtist í des-
emberhefti tímaritsins The Atl-
antic. Sjálf ævisagan kemur út á
næsta ári.
Dallek fékk leyfi til þess að
skoða læknaskýrslur um Kennedy
frá síðustu átta árunum sem hann
lifði. Í gögnunum eru meðal ann-
ars röntgenmyndir og lyfseðlar.
Greinilegt er á þessum gögnum
að Kennedy hefur lagt mikið kapp
á að leyna veikindum sínum fyrir
almenningi. Þetta er þó ekki eins-
dæmi, því fleiri forsetar Banda-
ríkjanna hafa farið ákaflega dult
með sjúkdóma sína.
Meðal annars laug Kennedy að
fréttamönnum, þegar hann sagðist
ekki vera með Addison-sjúkdóm,
sem er lífshættulegur sjúkdómur
sem hefur slæm áhrif á nýrun. Á
almannavitorði var hins vegar að
forsetinn var slæmur í baki.
Samkvæmt skýrslunum tók
Kennedy fjöldann allan af lyfjum,
allt upp í átta tegundir á dag. Þar
á meðal tók hann ýmist kódein,
demerol eða metadon við verkj-
um. Hann notaði ritalín, sem er
örvandi lyf, og bæði meprobamat
og líbríum, sem eru róandi lyf. Þá
tók hann barbítúrlyf við svefn-
leysi og skjaldkirtilshormón
vegna nýrnasjúkdómsins. Enn
fremur fékk hann sprautur með
gamma globulin, sem er unnið úr
blóði, að öllum líkindum til þess
að vinna bug á smiti.
Dallek segir það hafa komið
sér verulega á óvart, hve mikinn
líkamlegan sársauka Kennedy
hafi átt við að stríða á forsetatíð
sinni árin 1962-63. Á hverjum ein-
asta degi hafi hann þurft að bera
harm sinn í hljóði. Hann gat ekki
einu sinni klætt sig hjálparlaust í
sokka eða skó vegna verkja í
baki.

JOHN F. KENNEDY
Forseti Bandaríkjanna var sárþjáður af verkjum á hverjum einasta degi. Hann bar hins vegar harm sinn í hljóði og gleypti pillur
af miklum móð.
J.K. ROWLING
Er greinilega annt um sögupersónu sína,
Harry Potter.