Fréttablaðið - 20.11.2002, Side 6
6 20. nóvember 2002 MIÐVIKUDAGUR
Í Fátæku fólki segir
Tryggvi Emilsson
ótrúlega örlagasögu
sína í byrjun
tuttugustu aldar.
Endurútgef in í k i l ju
„Óhætt er að fullyrða
að æviminningar
Tryggva Emilssonar
séu með merkustu
ævisögum sem gefnar
hafa verið út ...“
GÁG
Sönn örlagasaga
HEILBRIGÐISMÁL Konráð Lúðvíksson,
yfirlæknir á Heilbrigðisstofnun
Suðurnesja, segir ágætt til þess að
vita menn geri sér ljóst hvar Ísland
er á kortinu og sæki um læknisstöð-
ur. Það standi hins vegar ekki til að
ráða erlenda lækna að svo komnu
máli. „Vitaskuld bíðum við eftir
okkar fólki og eigum von á að það
komi til baka. Mér sýnist á öllu að
læknar séu farnir að ræða við heil-
brigðisráðherra. Því er ekki nein
ástæða til að vera annað en bjart-
sýnn á framhaldið. Ég vona bara að
menn horfist í augu og taki skyn-
sama stefnu þannig að þessi mál
verði fljótlega úr sögunni.“
Konráð segir það hafa verið eðli-
leg viðbrögð að leita fyrir sér annað
eftir læknum en ekkert verði gert
meira af því að svo stöddu. „Við
erum ekkert að gefa upp öndina
hérna á Suðurnesjum og okkur hef-
ur gengið prýðilega að þjóna sjúk-
lingum með aðstoð hjúkrunarfræð-
inga.“
Konráð staðfesti að umsóknir
hafi m.a. borist frá Spáni og kam-
bódískum lækni sem býr hérlend-
is.
Konráð Lúðvíksson, yfirlæknir á Suðurnesjum:
Ekki ráðnir erlendir læknar
KONRÁÐ LÚÐVÍKSSON YFIRLÆKNIR
Hann segir að beðið verði eftir læknunum
sem voru í starfi og ekki hugað að því að
ráða erlenda lækna fyrr en ljóst er hvað
kemur út úr viðræðum lækna og heilbrigð-
isráðaherra.
ERLENT
BÍLUM FJÖLGAR Í KÍNA Eftir
því sem velmegun eykst í Kína
fjölgar jafnframt bílum á
götunum þar. Á fyrstu níu mán-
uðum ársins voru seldir
800.000 bílar í Kína, sem er 47
prósent meira en á sama tíma
árið áður. Nú eru nærri tvær
milljónir bifreiða skráðar í Pek-
ing einni.
FRIÐARSAMNINGUR Í ACEH Frið-
arsamkomulag verður undirritað
þann 9. desember milli stjórn-
valda í Indónesíu og uppreisnar-
manna í héraðinu Aceh. Upp-
reisnarmennirnir hafa barist
fyrir sjálfstæði Aceh í 26 ár.
Ekkert stríð í Suðaustur-Asíu
hefur staðið jafn lengi.
MISFERLI „Þetta er ekki beinn
þjófnaður, frekar hitt að maður-
inn seldi framhjá kerfinu og losn-
aði þannig við greiðslu innflutn-
ingsgjalda,“ segir Alfreð Þor-
steinsson, forstjóri Sölunefndar
varnarliðseigna, en starfsmanni
nefndarinnar á Keflavíkurflug-
velli var sagt upp störfum í byrj-
un síðasta mánaðar eftir að grun-
ur um misferli féll á hann. „Það
liggur aðeins einn starfsmaður
undir grun og þetta er fyrsta mis-
ferlið sem upp kemur hjá Sölu-
nefndinni í 50 ára sögu hennar,“
segir Alfreð.
Umræddur starfsmaður mun
hafa selt tvær bifreiðir og einn
tjaldvagn framhjá sölukerfi Varn-
arliðseigna og hagnast persónu-
lega um upphæð sem nemur inn-
flutningsgjöldum á bílunum
tveimur og tjaldvagninum. Málið
er í rannsókn og enn hefur ekkert
komið fram sem bendir til að um-
fang svikanna sé meira en að
framan greinir:
„Þetta eru ekki stórar upphæð-
ir en misferli samt,“ segir Alfreð
Þorsteinsson, forstjóri Sölunefnd-
arinnar, sem lögð verður niður um
næstu áramót.
Starfsmanni Sölunefndar varnarliðseigna sagt upp:
Seldi bíla og tjaldvagn
framhjá kerfinu
ALFREÐ ÞORSTEINSSON
Fyrsta misferlið í 50 ára sögu
Sölunefndarinnar.
Síminn og Lína.Net:
Ekki ástæða
til aðgerða
SAMKEPPNI Samkeppnisráð sér
ekki ástæðu til að aðhafast neitt
vegna kvartana sem fyrirtækin
Landssíminn og Lína.Net hafa
borið upp á hvort annað.
Lína.Net kvartaði undan því að
Síminn hefði misnotað markaðs-
ráðandi aðstöðu sína með því að
lækka gagnaflutningsgjöld
skömmu eftir að Lína.Net hóf
starfsemi sína. Síminn kvartaði
hins vegar yfir samningi Línu.Nets
og Fræðslumiðstöðvar Reykjavík-
ur um rekstur skólanets.
Samkeppnisráði þótti hvorugt
málið gefa ástæðu til aðgerða af
sinni hálfu.
Áramót:
Skaupið
í kassann
SJÓNVARP Síðasti tökudagur á Ára-
mótaskaupi Ríkissjónvarpsins er í
dag. Í framhaldinu fer Skaupið svo
í vinnslu og verður sýnt sam-
kvæmt venju og hefð á gamlárs-
kvöld:
„Skaupið hefur alltaf verið
klukkutími og er það einnig núna,“
segir Rúnar Gunnarsson, dagskrá-
stjóri Sjónvarpsins, sem réð Óskar
Jónasson kvikmyndagerðarmann
til verksins í fyrra með glæsileg-
um árangri. Þeir ætla að endur-
taka leikinn í ár og lofa ekki slak-
ari frammistöðu en í fyrra.
AF TÖKUSTAÐ
Síðasti tökudagur Áramótaskaupsins
er í dag.
HITAVEITA Mörgum Hvergerðingn-
um brá í brún þegar hann fékk
síðasta orkureikninginn inn lúg-
una hjá sér. Reikningarnir sýndu
margir hverjir áður óþekktar
upphæðir í þessum
bæ, sem hingað til
hefur haft úr svo
miklu heitu vatni
að moða að vart
hefur tekið því að
rukka fyrir það. En
nú er öldin önnur.
Sumir fengu reikn-
ing upp á 70 þúsund krónur:
„Það er rétt. Margir fengu him-
inháa reikninga og skýrist það af
nýju dreifikerfi sem við erum að
koma upp,“ segir Guðmundur
Baldursson, bæjartæknifræðing-
ur í Hveragerði. „Áður fyrr var
hitinn hér seldur eftir flatarmáli
húsa en með nýja kerfinu eru
komnir mælar sem gera notend-
um að greiða fyrir það vatn sem
þeir fá. Heita vatnið rennur ekki
lengur viðstöðulaust í gegnum
húsin,“ segir hann.
Iðnaðarráðuneytið gerði fyrir
nokkru athugasemdir vegna fyr-
irkomulags á sölu á heitu vatni í
Hveragerði þar sem litlu skipti
hversu mikið vatn var notað. Í at-
hugasemdum ráðuneytisins kom
fram að Hvergerðingar ættu að
greiða fyrir heitt vatn eftir notk-
un eins og aðrir. Í framhaldi af því
voru mælarnir settir upp:
„Kjarninn í athugasemdunum
var sá að ekki ætti að hvetja fólk
til að bruðla með verðmæti,“ seg-
ir Guðmundur bæjartæknifræð-
ingur og nefnir dæmi um íbúa
sem aldrei skrúfuðu fyrir ofna og
voru jafnvel með sundlaugar í
garðinum hjá sér. „Fólk hugsaði
ekkert út í kostnaðinn vegna þess
að nóg var til. Eini munurinn á
hitareikningum hér var sá að eig-
endur stórra húsa greiddu hærri
reikninga en eigendur smærri
húsa. Nýja dreifikerfið með mæl-
unum er nú komið í 40 prósent
húsa hér og við stefnum að því að
ljúka verkinu á næstu 10 árum,“
segir Guðmundur Baldursson.
Yfirvöld í Hveragerði hafa
brugðist við himinháaum hita-
reikningum íbúa með því að bak-
færa þá og láta engan greiða
meira en 20 prósent álag á fyrri
áætlun. Er það von manna að
upphæð reikninganna núna
verði til þess að íbúar fari að
umgangast heita vatnið af meiri
virðingu og fari að líta á það sem
verðmæti frekar en sjálfsagðan
hlut.
eir@frettabladid.is
Sjóðheitir orkureikn-
ingar í Hveragerði
Dæmi um 70 þúsund króna hitareikninga eftir að nýir mælar voru settir
upp. Sjóðandi vatn rennur ekki lengur óhindrað í gegnum hús. Ráðu-
neyti gerði athugasemdir. Hvergerðingar verða nú að greiða fyrir heita
vatnið eins og aðrir.
HIMINHÁIR REIKNINGAR
Háir reikningar fá fólk til að umgangast heita vatnið sem verðmæti frekar en sjálfsagðan
hlut.
„Heita
vatnið rennur
ekki lengur
viðstöðulaust
í gegnum
húsin.“
Héraðsdómur Vestfjarða:
Dómi
snúið við
DÓMSMÁL Héraðsdómur Vestfjarða
hefur dæmt fyrirtækið Höfin sjö
réttmætan eiganda Fiskverkunar-
húss við Patrekshöfn. Héraðsdóm-
ur hafði vísað málinu frá í sumar,
en þeim úrskurði var hrundið með
dómi Hæstaréttar í september.
Höfin sjö keyptu húsið á nauð-
ungaruppboði í lok ársins 2001 fyr-
ir 11 milljónir króna. Fram-
kvæmdastjórinn framseldi síðan
boðið til annars aðila vegna erfið-
leika með greiðslu. Hann fram-
seldi það áfram til Fasteignafé-
lagsins Ránar ehf. Deilt var um
það hvort framsal framkvæmda-
stjórans hefði verið gilt. Stjórn
Hafanna sjö taldi svo ekki vera.
Héraðsdómur dæmdi Rán til að
gefa út afsal fyrir fasteigninni til
Hafanna sjö gegn 11 milljóna
króna greiðslu ásamt vöxtum.
VEISTU SVARIÐ?
Svörin eru á bls. 18
1.
2.
3.
Læknadeilan á Suðurnesj-
um hefur verið til umfjöllun-
ar í fjölmiðlum. Hvað heitir
yfirlæknirinn?
Þjóðlendumálið hefur kost-
að ríkissjóð nokkra upp-
hæð, hversu háa?
Íbúðalánasjóður hefur fjall-
að um mál sem varða gjald-
þrot Fasteignasölunnar
Holts í Kópavogi. Hver er
forstjóri Íbúðalánasjóðs?
FR
ÉT
TA
B
LA
Ð
IÐ
/B
IL
LI
GENGI GJALDMIÐLA
Bandaríkjadalur 84.91 -0.25%
Sterlingspund 134.79 0.16%
Dönsk króna 11.57 0.08%
Evra 85.96 0.08%
Gengisvístala krónu 128,20 -0,08%
KAUPHÖLL ÍSLANDS
Fjöldi viðskipta 212
Velta 3.180 m
ICEX-15 1.315 0,24%
Mestu viðskipti
Sjóvá-Almennar hf. 56.180.662
Össur hf. 50.398.350
Búnaðarbanki Íslands hf. 43.526.083
Mesta hækkun
Frumherji hf. 10,66%
Marel hf. 10,07%
Þróunarfélag Íslands hf. 8,57%
Mesta lækkun
Vinnslustöðin hf. -8,68%
SÍF hf. -2,50%
Íslandssími hf. -2,33%
ERLENDAR VÍSITÖLUR
DJ*: 8455,6 -0,4%
Nsdaq*: 1376,7 -1,2%
FTSE: 4101,1 -0,4%
DAX: 3178,4 -1,2%
Nikkei: 8365,3 0,2%
S&P*: 896,3 -0,5%
*Bandarískar vísitölur kl. 17.00