Fréttablaðið - 20.11.2002, Qupperneq 7

MIÐVIKUDAGUR 20. nóvember 2002 7
Sameining Kaupþings og J.P. Nordiska:
Næststærsti bankinn
ÚTRÁS Kaupþing er komið langleið-
ina með að innbyrða J.P. Nordiska
bankann í Svíþjóð. 81,5% hluthafa
J.P. Nordiska hafa samþykkt yfir-
tökutilboð Kaupþings. „Við erum
mjög ánægð með þessa niðurstöðu
og hún er í samræmi við væntingar
okkar,“ segir Guðrún Ingólfsdóttir,
forstöðumaður fjárfestingartengsla
hjá Kaupþingi.
Kaupþing hefur veitt þeim eig-
endum bréfa sænska bankans sem
ekki hafa enn tekið tilboðinu frest til
29. nóvember. Taki yfir 90% tilboð-
inu verður afgangurinn að gera það.
Yfirtakan þýðir að Kaupþing er
komið í hóp stærstu fyrirtækja
landsins. Eignir félagsins eftir sam-
einingu verða um 220 milljarðar.
Eigið fé verður um 18,5 milljarðar,
sem er tveimur milljörðum meira en
eigið fé Landsbankans.
Markaðsvirði Kaupþings eftir
sameininguna miðað við gengi dags-
ins er um 28 milljarðar. Kaupþing
verður því næststærsti banki lands-
ins. Félagið stefnir í kjölfarið á
skráningu í Kauphöllinni í Stokk-
hólmi í lok mánaðarins. Kaupþing
verður áfram skráð í Kauphöll Ís-
lands. 
RÓM, AP Dómarinn sem dæmdi
Giulio Andreotti, fyrrverandi for-
sætisráðherra Ítalíu, til 24 ára
fangelsisvistar á sunnudag hefur
fengið morðhótanir. Hann er nú
undir lögregluvernd allan sólar-
hringinn.
Andreotti hlaut dóminn fyrir
morð á ítölskum blaðamanni, sem
framið var árið 1979. Dómstóllinn
komst að þeirri niðurstöðu að maf-
ían hefði myrt blaðamanninn Mino
Pecorelli að undirlagi Andreottis.
Fullyrt var við réttarhöldin að
Andreotti hefði látið myrða
Pecorelli vegna þess að blaðamað-
urinn hefði komist á snoðir um
upplýsingar sem Andreotti vildi
ekki að kæmu fram í dagsljósið.
Andreotti hefur jafnan neitað þess-
um ásökunum.
Pecorelli var þekktur fyrir að
gagnrýna stjórnvöld í greinum sín-
um, ekki síst fyrir tengsl við mafí-
una. Andreotti var stundum nefnd-
ur „guðfaðirinn“ í greinum hans.
Árið 1999 var Andreotti sýknað-
ur af ásökunum um að tengjast
morðinu á Pecorelli. Niðurstaða
áfrýjunardómstóls kom bæði
Andreotti og flestum Ítölum ger-
samlega í opna skjöldu. Andreotti
hyggst nú áfrýja málinu til æðsta
dómstigs Ítalíu.
Andreotti var einn helsti stjórn-
málamaður Ítalíu allt frá lokum
seinni heimsstyrjaldar og fram á
síðasta áratug aldarinnar. Hann
var leiðtogi flokks kristilegra
demókrata og gegndi sjö sinnum
embætti forsætisráðherra.
Snemma á síðasta áratug féll
stjarna hans, eins og fjölmargra
annarra ítalskra stjórnmálamanna,
þegar ljóstrað var upp um hvert
spilingarmálið á fætur öðru. 
STEFNIR Í STÆKKUN
81,5% hluthafa J.P. Nordiska hafa sam-
þykkt yfirtökutilboð Kaupþings. Kaupþing
verður við það næststærsti banki landsins.
Andreotti hyggst áfrýja fangelsisdómi:
Dómarinn fær morðhótanir
GIULIO ANDREOTTI
Andreotti kom fram í sjónvarpi eftir að dómurinn féll. Hann sagðist afar undrandi á
dómnum.
AP
/S
AN
D
RO
P
AC
E