Fréttablaðið - 20.11.2002, Qupperneq 32
Hinn óskeikuli leiðtogi vinstrigrænna hefur af pólitísku lykt-
næmi sínu þefað uppi enn eitt
skuggalegt samsæri í íslensku þjóð-
félagi og bent á að í þeim hópi fjár-
festa sem samið hefur um kaup á
Búnaðarbankanum kunni að leynast
aðilar sem tengist Framsóknar-
flokknum. Þetta mál verður að rann-
saka hið bráðasta og grípa til nauð-
synlegra aðgerða til að fyrirbyggja
að mönnum sem hugsanlega tengjast
Framsóknarflokknum takist að grafa
um sig í efnahagslífi þjóðarinnar.
FYRSTA skrefið í þá átt er vita-
skuld að skipta Framsóknarmönnum
út úr næstu ríkisstjórn í staðinn fyr-
ir vinstri græna og taka upp kerfis-
bundið eftirlit með þessum hættu-
lega hópi fólks. Auðvelt væri að
setja reglur um að Framsóknar-
mönnum bæri að auðkenna sig á al-
mannafæri, til dæmis með því að
skylda þá til að sauma græna
stjörnu á klæði sín og taka upp
löngu tímabærar takmarkanir á að-
gang þeirra að embættum, skólum
og stofnunum.
ENN FREMUR mætti hugsa sér
að safna þeim saman í sérstök hverfi
þar sem þeir gætu umgengist hver
annan og væri bannað að eiga mök
við þá sem ekki eru smitaðir af hinni
hættulegu Framsóknarstefnu. Setja
mætti upp sérstakt ráðuneyti undir
stjórn vinstri grænna til að fjalla um
málefni Framsóknarmanna og ann-
arra minnihlutahópa í íslensku þjóð-
félagi, svo sem gyðinga, múslíma,
þeldökkra og fatlaðra.
FRAMSÓKNARMENN bera eins
og kunnugt er ábyrgð á öllu sem
aflaga hefur farið í íslensku þjóðfé-
lagi öll þau ár sem Davíð Oddsson
og Sjálfstæðisflokkurinn hafa setið
að völdum, og raunar miklu lengur.
Þeir bera ábyrgð á því að við búum
við fiskveiðistjórnunarkerfi, þeir
bera ábyrgð á því að hér hafa risið
virkjanir og stóriðja, þeir bera
ábyrgð á því að hér vaða menn í at-
vinnu og peningum, nema hugsan-
lega vinstri grænir. Þeir bera ábyrgð
á velferðarsamsærinu gegn frjáls-
hyggjunni. Þeir bera ábyrgð á því að
læknum skuli ekki vera heimilt að
skammta sér ótakmörkuð laun. En
fyrst og fremst bera þeir ábyrgð á
því að leiðtogi vinstri grænna skuli
ekki lengur vera landbúnaðarráð-
herra og generalissímó yfir sauð-
kindinni. Þess ber að hefna - út yfir
gröf og dauða.
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R SM Á A U G L Ý S I N G AS Í M I N N E R 515 7500
Sauðkindar-
generalissímó
Bakþankar
Þráins Bertelssonar