Fréttablaðið - 11.02.2003, Qupperneq 9

ÞRIÐJUDAGUR 11. febrúar 2003
Eldheittilboð
Fangar í Afganistan:
Talíbönum
veitt frelsi
KABÚL, AP Í tilefni af íslömsku
trúarhátíðinni Eid al-Adha gaf
Hamid Karzai, forseti Afganist-
an, út þá tilskipun að leysa
skyldi úr haldi 91 fanga úr fang-
elsum víðs vegar um landið.
Fangarnir börðust allir fyrir
stjórn talíbana sem steypt var
af stóli á síðasta ári en nítján
þeirra eru pakistanskir ríkis-
borgarar. Að sögn yfirvalda
voru mennirnir allir vel á sig
komnir.
Hefð er fyrir því í íslömskum
löndum að láta fanga lausa við
upphaf Eid al-Adha hátíðar-
innar. ■
UPPSÖGNUM MÓTMÆLT
Stuðningsmenn olíuverkamanna sem voru
reknir efndu til mótmæla á laugardag.
Chavez harðorður:
Réttast að
fangelsa þá
VENESÚELA, AP Hugo Chavez, for-
seti Venesúela, sagði á fundi með
stuðningsmönnum sínum að rétt-
ast væri að fangelsa þá starfs-
menn í olíuiðnaði sem eru í verk-
falli til að reyna að koma honum
frá völdum.
„Brottrekstur er ekkert. Marg-
ir þeirra ættu að fara í fangelsi
fyrir að skaða efnahag Venesú-
ela,“ sagði Chavez í gær, degi eft-
ir að hundrað þúsund andstæðing-
ar hans efndu til mótmæla í
Caracas. Þar vildu þeir lýsa stuðn-
ingi við 9.000 starfsmenn í olíu-
iðnaðinum sem hafa verið reknir
frá því verkfallið hófst. ■
Breti í farbanni:
Reyndi að
smygla
amfetamíni
FÍKNIEFNI Breti á fertugsaldri var
úrskurðaður í farbann til 21. mars
eftir að hann reyndi að komast inn
í landið með tæplega sjötíu
grömm af amfetamíni innvortis.
Maðurinn var handtekinn á
fimmtudagskvöld á Keflavíkur-
flugvelli. Hann þótti grunsamleg-
ur og var því leitað í farangri
hans. Þar fundust engin fíkniefni
en grunsemdir vöknuðu um að
hann kynni að vera með am-
fetamín innvortis. Reyndist sá
grunur á rökum reistur.
Maðurinn var fluttur til lög-
reglunnar í Reykjavík til yfir-
heyrslu. Þar játaði hann brotið og
telst málið upplýst. Maðurinn bíð-
ur nú dóms. ■