Fréttablaðið - 19.02.2003, Blaðsíða 2
2 19. febrúar 2003 MIÐVIKUDAGUR
Birgitta Haukdal er jafnan klædd gallabuxum þegar
hún syngur með hljómsveit sinni Írafári. Þannig var
hún klædd í Háskólabíó þrátt fyrir að margar söng-
kvennanna kæmu fram í fínum kjólum.
Nei, ég á ekki von á því. Ég er ekki mikið
fyrir að syngja þannig klædd því mér finnst
þægilegra að vera í buxum þegar ég syng.
En ég finn mér örugglega eitthvað fallegt
sem mér líður vel í, fyrir keppnina.
SPURNING DAGSINS
Birgitta, ætlarðu að fá þér
kjól fyrir lokakeppnina?
SKIPULAGSMÁL Borgarráð hefur
samþykkt að auglýsa breytta til-
lögu að nýju deiliskipulagi í Norð-
lingaholti. Samkvæmt henni mun
rísa rúmlega 900 íbúða byggð í
hverfinu, en samkvæmt eldri til-
lögu voru íbúðirnar rúmlega
1.100.
Fjöldi athugasemda barst
vegna eldri tillögunnar. Ásamt því
að draga úr íbúðafjölda hefur
byggðin nú verið lækkuð til að
draga úr útsýnisskerðingu frá
húsum í Selási og fjarlægð byggð-
ar frá Elliðavatni aukin. Fjölbýlis-
hús næst Selási lækka úr fimm og
sex hæðum í þrjár hæðir og
byggðin syðst í hverfinu, næst El-
liðavatni, verður að sérbýli á
tveimur hæðum í stað fjögurra og
fimm hæða fjölbýlishúsa sam-
kvæmt fyrri tillögu.
Bæði borgarfulltrúar Sjálf-
stæðisflokksins og Ólafur F.
Magnússon, oddviti F-listans,
mótmæltu mjög fyrra skipulagi,
þar sem þeim þótti byggðin of
þétt og of nálægt bökkum Elliða-
vatns.
„Komið hefur verið á móts við
athugasemdir í veigamiklum at-
riðum,“ segir í bókun Ólafs F.
„Engu að síður lýsi ég áhyggjum
mínum af svo þéttri byggð í
námunda við vatnasvið og lífríki
Elliðavatns og Elliðaánna, einkum
nálægð byggðarinnar við vatna-
og flóðasvæði Bugðu austan
hverfisins. Tryggja þarf betri um-
ferðartengingar við hverfið og ör-
uggari gönguleiðir barna innan
hverfisins. Loks þarf að tryggja
betur aðgreiningu reiðleiða frá
annarri umferð.“ ■
Bankarnir seldir
beint á markaði
Sala á 2,5 prósenta hlut ríkisins í Landsbankanum er að bresta á. Sölu á
eignum ríkisins, sem fjármagna á framkvæmdir til örvunar atvinnulífs-
ins, vænst á næstu vikum. Íslenskir aðalverktakar verða boðnir út.
EINKAVÆÐING Einkavæðingarnefnd
stefnir að því að kynna sölufyrir-
komulag á afgangi eignar sinnar í
Landsbankanum í dag. Búast má
við að sala á Íslenskum aðalverk-
tökum og Búnaðarbankanum liggi
fyrir á næstunni. Andvirði sölunn-
ar á að nota til þess að fjármagna
framkvæmdir sem ríkisstjórnin
ákvað til að örva
atvinnulífið.
Fastlega er bú-
ist við því að bréf í
Landsbankanum
verði seld í gegn-
um kerfi Kaup-
hallar Íslands.
Sama muni gilda
um sölu afgangshlutar ríkisins í
Búnaðarbankanum. Í Landsbank-
anum eru til sölu bréf fyrir rúmar
600 milljónir króna. Virði níu pró-
senta eignarhlutar ríkisins í Bún-
aðarbankanum er á þriðja millj-
arð. Einkavæðingarnefnd seldi 20
prósenta hlut í Landsbankanum
fyrir 4,8 milljarða gegnum kerfi
Kauphallarinnar síðastliðið sum-
ar. Sú aðferð reyndist vel og seld-
ust bréfin á svipstundu. Að sögn
Guðmundar Ólafssonar, starfs-
manns Einkavæðingarnefndar,
hefur ekki verið tekin ákvörðun
um þetta fyrirkomulag. „Við ger-
um frekar ráð fyrir því að þetta
verði með þeim hætti.“
Að mati sérfræðinga á mark-
aði er tíminn nú til sölu ágætur.
Laust fé í kerfinu sé töluvert.
Kaupgeta lífeyrissjóða á mánuði
er á bilinu fimm til sex milljarðar.
Framboð af hlutabréfum í eigu
ríkisins gæti haft skammtímaá-
hrif á skuldabréfamarkað og á
veltu með önnur hlutabréf. Bank-
arnir eru allmennt taldir sann-
gjarnt verðlagðir. Líklegt er talið
að næg eftirspurn verði eftir
bréfunum.
Ekki liggja fyrir ákvarðanir
um sölufyrirkomulag á bréfum Ís-
lenskra aðalverktaka. Guðmund-
ur segir þó líklegast að bréfin
verði boðin út. Hagkvæmasta
kosts verði leitað. „Við höfum
ekki ákveðið neitt um það, en við
gerum ráð fyrir einhvers konar
útboði.“ Hann segir að þá verði
horft til verðsins, auk annara
þátta. Einkavæðingarnefnd hafi
gefið út að hluturinn í Landsbank-
anum verði seldur í kjölfar aðal-
fundar. Hin söluverkefnin séu
skemmra á veg kominn, en búast
megi við því að ákvarðanir um
sölu hlutar í Búnaðarbanka og Ís-
lenskum aðalverktökum liggi fyr-
ir á næstu vikum.
haflidi@frettabladid.is
CARLA DEL PONTE
Yfirsaksóknarinn við stríðsglæpadómstól-
inn í Haag hefur lagt mikla áherslu á að fá
þá menn framselda sem eru grunaðir um
stríðsglæpi.
Stríðsglæpir:
Kosovo-Alb-
anir kærðir
HAAG, AP Þrír fyrrum yfirmenn
Frelsishers Kosovo hafa verið
fluttir til Haag ásakaðir um
stríðsglæpi gegn Serbum í maí og
júlí 1998. Þar bíða þeirra réttar-
höld frammi fyrir stríðsglæpa-
dómstól.
Mennirnir þrír eru fyrstu
Kosovo-Albanirnir sem eru
ákærðir fyrir stríðsglæpi. Áður
hafa nokkrir Serbar verið ákærð-
ir. Mönnunum er gefið að sök að
hafa staðið fyrir morðum og pynt-
ingum á serbneskum föngum.
Einn þeirra sem voru eftirlýstir
vegna voðaverkanna komst undan
með almennu farþegaflugi við
litla hrifningu Cörlu Del Ponte,
yfirsaksóknara við dómstólinn.■
FUNDU SMYGLGÓSS Í GOÐAFOSSI
Við leit tollvarða Tollgæslunnar í
Reykjavík um borð í Goðafossi í
nótt fundust um 150 lítrar af
áfengi, 4.000 sígarettur og tvö
kíló af fínkorna neftóbaki. Skipið
er í Sundahöfn. Tollgæslan hefur
þegar lagt hald á varninginn. Að
sögn RÚV hafa nokkrir skipverj-
ar gengist við því að eiga hlut að
máli og mega þeir búast við því
að greiða um 600.000 krónur í
sekt.
VEFSÍÐAN
Vefsíðan var tekin niður síðla dags eftir að
fregnir fóru að berast út um tilvist hennar.
Unglingur birti nöfn
skotmarka á vefsíðu:
Sprengdu
við heimili
kennara
LÖGREGLUMÁL Tveir sextán ára pilt-
ar eru grunaðir um að hafa
sprengt rörasprengjur við heimili
tveggja kennara í Reykjanesbæ.
Samkvæmt heimildum Víkur-
frétta urðu talsverðar skemmdir
af völdum annarrar sprengjunnar.
Báðir drengirnir hafa verið yfir-
heyrðir af lögreglunni í Keflavík,
sem segir málið í rannsókn.
Annar unglinganna sem grun-
aðir eru um verknaðinn hefur
haldið úti vefsíðu þar sem listi
yfir væntanleg skotmörk er birt-
ur. Samkvæmt listanum eru þau
fjögur talsins. Þá er að finna ná-
kvæmar upplýsingar um gerð
rörasprengja og uppskriftir að
sprengiefni.
Ásgeir Jónsson hjá Lögbók í
Reykjanesbæ er lögmaður annars
drengsins. Vildi hann sem minnst
tjá sig um málið og bað fólk að
hafa í huga að um óharðnaða ung-
linga væri að ræða sem væru á
viðkvæmu æviskeiði. ■
Snjókoma setti allt úr
skorðum:
Líkist
Síberíu
NEW YORK, AP „Þetta líkist meira Sí-
beríu en Maryland,“ sagði Paul
McIntyre, yfirmaður samgöngu-
mála í fjallasýslunni Garrett í
Maryland, eftir að einn versti byl-
ur í áratugi gekk yfir norðaustur-
hluta Bandaríkjanna. Rúmlega
metri af jafnföllnum snjó lagðist
þá yfir þriggja metra snjóalag
sem hafði safnast upp í sýslunni.
Snjóalögin voru með mesta
móti og settu alla umferð úr
skorðum. Skólum var lokað á
stóru svæði og vinna lögð niður í
opinberum stofnunum. 35 dauðs-
föll eru rakin til bylsins sem gekk
yfir svæðið. ■
FJÖGUR INNBROT Í REYKJAVÍK
Brotist var inn í Ísaksskóla í
fyrrinótt með því að spenna upp
glugga en svo virðist sem engu
hafi verið stolið. Þrjú önnur inn-
brot voru framin þessa nótt. Far-
ið var inn í tvö fyrirtæki og í
öðru tilvikinu var myndavél
stolið. Engu var stolið á hinum
staðnum. Þá var farið inn í bíl við
Njálsgötu. Þaðan var verkfærum
stolið. Málin eru í rannsókn.
Samfélagsleg áhrif atvinnuleysis rædd í bæjarstjórn:
Hrun skelfiskstofns áfall fyrir Stykkishólm
SKELVEIÐAR „Þetta er grafalvarlegt
mál. Ég lít á þetta sem náttúru-
hamfarir, því þarna er fyrst og
fremst um að kenna hækkandi
hitastigi sjávar en ekki ofveiði,“
segir Óli Jón Gunnarsson, bæjar-
stjóri Stykkishólms, um áhrif
hruns skelfiskstofnsins í Breiða-
firði.
Hörpudiskafli í Breiðafirði
hefur á síðustu árum minnkað úr
10 þúsund tonnum á ári niður í
rúm 4 þúsund tonn á yfirstand-
andi fiskveiðiári. Höggið er þungt
fyrir Stykkishólm, enda veiðar og
vinnsla á skel afar þýðingarmikill
þáttur í atvinnulífi staðarins.
„Það eru tvö fyrirtæki hér sem
vinna skelina, Þórsnes og Sigurð-
ur Ágústsson. Þau fengu nokkrar
bætur upp í síðustu skerðingu, 25
þorskígildistonn hvort fyrirtæki,
þegar byggðakvótanum var út-
hlutað fyrir síðustu jól. Þá stunda
sex bátar veiðarnar og svo eru
það afleiddu störfin, þjónustan í
kringum þetta,“ sagði Óli Jón.
Í dag eru 22 á atvinnuleysis-
skrá í Stykkishólmi og segir Óli
Jón að verulega hafi sigið á
ógæfuhliðina í þeim efnum á allra
síðustu vikum. Menn óttast að enn
halli undan, verði ekkert að gert.
Yfir 100 störf eru undir, sem er
býsna hátt hlutfall bæjarbúa.
1. desember síðastliðinn
bjuggu 1.228 manns í Hólminum
og allt að fjórðungur starfa vinnu-
færra Hólmara í húfi.
„Þetta er á vissan hátt nýtt fyr-
ir okkur því hér hefur verið
hverfandi atvinnuleysi. Atvinnu-
ráðgjöf Vesturlands er að taka
saman skýrslu fyrir okkur um
fjárhagsleg áhrif þessa fyrir sam-
félag okkar. Ég vænti þess að
skýrslan verði tilbúin fyrir fund
bæjarstjórnar á morgun. Í fram-
haldinu hljótum við að skoða
hvaða úrræði við eigum,“ sagði
Óli Jón og bætti við að bæjaryfir-
völd hefðu þegar rætt við sjávar-
útvegsráðherra og Hafrannsókna-
stofnunina um málið. ■
LÖGREGLUFRÉTTIR
FYRIRHUGUÐ BYGGÐ Í NORÐLINGAHOLTI
Stefnt er að því að byggja allt að 200 íbúðir í Norðlingaholti í ár, en uppbyggingu á að
ljúka árið 2008.
Breytt deiliskipulag fyrir Norðlingaholt auglýst:
Íbúðum fækkað um tæplega 200
LÖGREGLUFRÉTTIR
SÍÐUSTU BRÉFIN
Landsbankinn er fyrstur í röðinni í sölu einkavæðingarnefndar á hlutum í eigu ríkisins.
Ríkið á 2,5% í bankanum og besta söluaðferðin er talin sú að selja bréfin beint í gegnum
kerfi Kauphallar Íslands.
Að mati sér-
fræðinga á
markaði er
tíminn nú til
sölu ágætur.
VERÐMÆTI EIGNA RÍKISINS
SEM ER TIL SÖLU
Búnaðarbankinn 2.300 milljónir
Landsbankinn 640 milljónir
Íslenskir aðalverktakar 2.000 milljónir
ÓLI JÓN GUNNARSSON
Segist uggandi fyrir hönd rúmlega 100
bæjarbúa sem hafa vinnu af vinnslu og
veiðum hörpudisks. Bindur vonir við kvóta-
úthlutun í öðrum tegundum en segir það
vart duga til.