Fréttablaðið - 20.09.2003, Blaðsíða 6

6 20. september 2003 LAUGARDAGUR
GENGI GJALDMIÐLA
Bandaríkjadalur 78.39 -0.56%
Sterlingspund 127.43 0.17%
Dönsk króna 11.91 -0.43%
Evra 88.53 -0.39%
Gengisvístala krónu 125,90 -0,08%
KAUPHÖLL ÍSLANDS
Fjöldi viðskipta 993
Velta 31.215 m
ICEX-15 1.826 0,34%
Mestu viðskiptin
Sjóvá-Almennar hf 9.291.074.502
Íslandsbanki hf. 9.009.298.316
Fjárfestingarfél. Straumur 4.042.096.617
Mesta hækkun
Marel hf. 4,10%
Síldarvinnslan hf. 3,85%
Samherji hf. 2,08%
Mesta lækkun
Nýherji hf. -3,16%
Fiskmarkaður Íslands hf. -2,56%
Jarðboranir hf. -1,18%
ERLENDAR VÍSITÖLUR
DJ* 9.613,0 -0,5%
Nasdaq* 1.896,5 -0,7%
FTSE 4.257,0 -1,3%
DAX 3.590,3 -0,6%
NK50 1.419,4 0,1%
S&P* 1.034,2 -0,5%
*Bandarískar vísitölur kl. 17.00
Veistusvarið?
1Hvaða tveir utanríkisráðherrarkomust ekki í minningarathöfn um
Önnu Lindh vegna veðurs?
2Hver er helsti forvígismaður Knatt-spyrnuakademíu Íslands?
3Eftir hvern er leikritið Pabbastrákur?
Svörin eru á bls. 38
LUNDÚNIR, AP Breski Verkamanna-
flokkurinn tapaði þingsæti í tákn-
rænum aukakosningum í kjör-
dæminu Brent í norðurhluta
Lundúna. Sarah Teather, fram-
bjóðandi Frjálslyndra demókrata,
sigraði frambjóðanda Verka-
mannaflokksins með 1.118 at-
kvæða mun en frambjóðandi
Íhaldsflokksins hlaut lítið fylgi.
Þetta er í fyrsta sinn í fimmtán
ár sem Verkamannaflokkurinn
missir þingsæti í aukakosningum.
Þykja úrslitin til marks um dvín-
andi vinsældir Tonys Blairs for-
sætisráðherra vegna Íraksstríðs-
ins. Teather þakkaði sigurinn því
að Charles Kennedy, leiðtogi
Frjálslyndra, hefði lagst gegn því
að ráðist yrði inn í Írak.
Boðað var til aukakosning-
anna í kjölfar andláts Pauls Dais-
leys, þingmanns Verkamanna-
flokksins, sem vann sætið með
yfirgnæfandi meirihluta at-
kvæða í kosningunum árið 2001.
Þó Verkamannaflokkurinn hafi
misst Lundúnakjördæmið Brent
heldur hann sterkri stöðu sinni í
breska þinginu með yfir 400
þingsæti af 659. ■
Grænfriðungar
boða aðra heimsókn
HVALVEIÐAR „Viðbrögð Íslendinga
hafa verið afar jákvæð á öllum
þeim stöðum sem við höfum heim-
sótt,“ sagði Frode Pleym, talsmað-
ur Grænfriðunga, á blaðamanna-
fundi, en skip samtakanna er
komið aftur til Reykjavíkur eftir
hringferð um landið. Í ferðinni
var komið við á Ísafirði, Akureyri,
Húsavík, Seyðisfirði og Horna-
firði.
„Tæplega sex þúsund manns,
félagar í Grænfriðungum, hafa
óskað frekari upplýsinga um land-
ið, hætti Íslendingar hvalveiðum.
Gróft áætlað þýðir það 400-600
milljónir í tekjur fyrir efnahag Ís-
lands ef allt þetta fólk heimsækir
landið. Tilboð okkar verður áfram
á borðinu og við ætlum að snúa
hingað aftur í október og kanna
hug íslenskra ráðamanna þá. Við
erum bjartsýnir á að tilboðinu
verði tekið.“
Frode segir ómögulegt að giska
á hversu margir hafi komið um
borð og kynnti sér sjónarmið
Grænfriðunga. „Við gerðum laus-
lega könnun á Seyðisfirði og þar
komu 200 manns um borð. Okkur
telst til að það séu 25% af íbúum
Seyðisfjarðar. Móttökurnar hafa
alls staðar verið góðar, lítið var
um mótmæli en því fleiri lýstu
yfir áhuga á að vita meira um
störf samtakanna. Á Ísafirði
komu móttökurnar þægilega á
óvart. Þar áttum við von á mót-
mælum vegna þess að samfélagið
er hlynnt hvalveiðum en svo kom
á daginn að bestu móttökurnar
voru þar. Fjöldi fólks kom um
borð, við áttum skemmtilegar
samræður við fullt af fólki úr
ýmsum stéttum, hvalfangara,
bæjarstjóra og grunnskólanem-
endur. Á Húsavík var okkur
einnig tekið mjög vel enda hvala-
skoðun stór hluti af bæjarlífinu
þar og íbúar eiga mikið undir því
að hvalveiðum verði hætt.“
Á blaðamannafundinum var
einnig Guðmundur Gestsson, eig-
andi hvalaskoðunarbátanna Gests
og Hafsúlunnar. Hann var ómyrk-
ur í máli gagnvart Hafrannsókna-
stofnun og segir hvalveiðibátinn
Njörð KÓ hafa ítrekað veitt
hrefnu innan þess svæðis sem til-
greint er sem hvalaskoðunar-
svæði á Faxaflóanum. „Mér finnst
skrýtið miðið við hversu umdeild-
ar þessar veiðar eru, hvað Haf-
rannsóknastofnun virðist vera
mikið í mun að veiðar fari fram
beint fyrir framan nefið á erlend-
um gestum um borð í hvalaskoð-
unarbátum.“
albert@frettabladid.is
Hjálparstarf aðventista:
Söfnun
hafin
FJÁRSÖFNUN Sérstakt söfnunarátak
mun hefjast í Reykjavík og ná-
grannasveitarfélögum um helgina
þegar fólk á vegum Hjálparstarfs
aðventista mun fara um og safna fé.
Fénu sem safnast verður að hluta
varið til styrktar íbúum stríðs-
hrjáðra svæða heimsins en einnig
til Líknarfélagsins Alfa, en það fé-
lag veitir einstaklingum og fjöl-
skyldum hér á landi aðstoð.
Söfnunarátakið er gert í sam-
vinnu við ADRA, alþjóða þróunar-
og líknarstofnun aðventista, sem
veitir þróunaraðstoð án tillits til
polítískra skoðana, trúarbragða eða
kynþáttar. ■
Fílar í útrýmingarhættu:
Heimkynnin
horfin
SRI LANKA, AP Fílum hefur fækkað
verulega í Afríku og Asíu á undan-
förnum áratugum vegna eyðingar
skóga, veiðiþjófnaðar og stríðs-
rekstrar. Á þriðja hundrað nátt-
úruverndarsinnar
frá Asíu og Afríku
mættu á ráðstefnu í
Sri Lanka þar sem
ræða á leiðir til að
sporna við þessari
þróun.
Samkvæmt gögn-
um Sameinuðu þjóð-
anna telur fílastofn-
inn í Asíu nú aðeins
um 16.000 dýr en í
upphafi 20. aldar bjuggu hundruð
þúsunda fíla í óbyggðum álfunnar.
Fílarnir hafa orðið undir í harðri
samkeppni við mennina um land-
svæði og auðlindir og eru þeir því
teknir að leita sér að fæðu í þorp-
um og bæjum. ■
STÓR SAMNINGUR
Unnið hefur verið að samningi við Luft-
hansa í þrjú ár.
Air Atlanta:
Tugmilljarða
samningur
ATVINNA Flugfélagið Air Atlanta
hefur gert samning við Lufthansa
Cargo um kaup á þremur Boeing
747 fraktflugvélum. Samhliða
kaupunum var gerður samningur
um endurleigu á vélunum til Luft-
hansa Cargo. Samningurinn er til
þriggja ára með ákvæðum um
framlengingu í hálft til tvö ár í
viðbót. Andvirði samningsins er
tuttugu milljarðar króna. Þetta
kemur fram í fréttatilkynningu
frá Atlanta.
Eftir þennan samning verða
tuttugu og sjö Boeing flugvélar í
eigu og rekstri Air Atlanta. Vélar,
ásamt áhöfnum, eru leigðar út til
flugfélaga vítt og breytt um heim-
inn. Alls starfa nærri eitt þúsund
manns hjá Atlanta og eru starfs-
mennirnir frá þrjátíu og fjörum
þjóðlöndum en flestir þeirra eru
ráðnir gegnum starfsmannaleig-
ur. Á heimasíðu Atlanta segir að
félagið sé nú stærsta félag sinnar
tegundar í heiminum.
Hafþór Hafsteinsson, for-
stjóri Atlanta, segir að samning-
urinn sé stór áfangi fyrir félagið.
„Þetta er gríðarleg lyftistöng
fyrir félagið og styrkir stoðir
þess. Þetta er samningur sem
gefur vel af sér og hér er um
mjög traustan viðskiptavin að
ræða,“ segir Hafþór. ■
Talsmenn Grænfriðunga eru afar ánægðir með viðtökur Íslendinga
við komu sinni hingað. Þeir hyggjast snúa aftur í október og kanna
þá viðbrögð ráðamanna við tilboði samtakanna.
RAINBOW WARRIOR
Heimsókn Grænfriðunga fer brátt að ljúka. Héðan heldur skipið í langferð til Indlandshafs.
Verkamannaflokkurinn tapar þingsæti í kosningum:
Áfall fyrir
Tony Blair
SIGURINN Í HÖFN
Charles Kennedy, leiðtogi Frjálslyndra
demókrata, fagnar sigrinum ásamt Sarah
Teather, nýkjörnum þingmanni flokksins.
FR
ÉT
TA
B
LA
Ð
IÐ
/
VI
LH
EL
M
Impregilo:
Kaupir
íslenskt
launakerfi
VIÐSKIPTI „Ég hef ekkert nema gott
eitt um Ítalina að segja. Samingar
tóku nokkrar vikur, þeir eru ná-
kvæmir og harðir í viðskiptum en
sanngjarnir og og þetta gekk mjög
vel,“ segir Bergur Ólafsson, fram-
kvæmdastjóri sölu- og markaðs-
sviðs Ax.
Ítalska stórfyrirtækið Impreg-
ilo undirritaði nýlega samning við
Ax hugbúnaðarhús um uppsetn-
ingu launakerfis fyrir alla starf-
semi fyrirtækisins við Kára-
hnjúka. Kerfið verður gangsett um
næstu mánaðamót. Samningurinn
skiptir tugum milljóna á verktím-
anum. Samkvæmt heimildum
Fréttablaðsins greiðir Impregilo
Ax 30 milljónir fyrir kerfið.
Bergur segir þetta ákaflega
viðamikið verkefni en kerfinu er
ætlað að halda utan um launamál,
viðveru og réttindi starfsmanna á
Kárahnjúkasvæðinu sem eru vel á
annað þúsund meðan á verktíman-
um stendur. „Við notumst við
Microsoft Axapta launakerfi sem
hefur reynst ákaflega vel, er
sveigjanlegt og auðvelt að laga að
mismunandi tungumálum og að-
stæðum.“
Þetta mun vera í fyrsta skipti
sem Impregilo notar annað kerfi
en sitt eigið á erlendri grundu.
„Ástæða þess er að á Íslandi eru
gerðar meiri kröfur og vinnum-
hverfið er flóknara en á nokkrum
öðrum stað sem Impregilo hefur
starfað á.“ ■
HEIMASÍÐA AX
Framkvæmdastjóri sölu- og markaðssviðs
segir fulltrúa Impregilo harða í samningum
en sanngjarna.
SVANGUR
FÍLL
Fílarnir eru
farnir að leita
sér að fæðu í
sorphaugum
nærri manna-
byggð.