Fréttablaðið - 20.09.2003, Blaðsíða 19

LAUGARDAGUR 20. september 2003
■ Maður að mínu skapi
19
Maður að mínu skapi er MartinScorsese, kvikmyndaleik-
stjóri og ekki síður kvik-
myndaunnandi,“ segir Ásgrímur
Sverrisson kvikmyndagerðarmað-
ur um þann mann sem hann hefur
helst í hávegum. Ásgrímur segir
ástríðu Scorsese smitandi bæði
hvað varðar nálgun á kvikmynda-
gerð og viðhorf til kvikmyndasög-
unnar.
„Myndir hans lýsa kröftugum
átökum og birta okkur magnaðar
sýnir þar sem leitin að endurlausn
og fyrirgefningu syndanna myn-
dar grunntóninn. Sú leit kristallast
gjarnan í baráttunni við djöflana
innra sem ytra og hvergi er hún
jafn nístandi og á heimaslóðum
hans, strætum New York-borgar.
Þær eru vitnisburður um þjáningu
og angist sem mannfólkið kallar
yfir sig með breytni sinni. Hann
hefur aldrei kvikað frá þessari
köllun, aldrei gefið neitt eftir,
aldrei selt sig á markaðstorginu,
ávallt lagt allt að veði.“
Scorsese sagðist eitt sinn hafa
viljað vera prestur. Allt hans líf
hafi snúist um kvikmyndir og trú.
Það er allt og sumt og ekkert ann-
að. „Ekki er hægt annað en að vera
þakklátur yfir því að Scorsese
skili þessu hreina erindi til okkar
með sterkri samlíðan, hæfilegri
gamansemi og einstöku valdi á
þeim frásagnaraðferðum kvik-
myndarinnar sem huggað geta
döpur hjörtu.“
Og Ásgrímur segir svo frá að
Scorsese hafi einmitt líkt kvik-
myndinni við trúarlega reynslu og
bent á líkindin milli kirkjunnar og
kvikmyndahússins. „Á báðum stöð-
um kemur fólk saman til að deila
sameiginlegri reynslu. Kvikmynd-
ir uppfylla hina andlegu þörf fólks
til að deila sameiginlegum minn-
ingum.“
Ekki aðdáandi
allra myndanna
Ásgrímur er ekkert endilega að-
dáandi allra mynda meistarans,
finnst hann jafnvel mistækur, en
hann finnur alltaf sannfæringuna
og ágengan kraftinn sem Scorsese
nær misjafnlega að spila úr:
„Nýjasta myndin hans, Gangs of
New York, finnst mér t.d. ekki vel
heppnuð sem heild, þrátt fyrir
marga magnaða spretti. Myndin
sem á undan kom, Bringing Out the
Dead, var miklu betri, en Mean
Streets, Taxi Driver og Raging Bull
eru í sérstöku uppáhaldi.“
Þegar Ásgrímur var að ljúka út-
skriftarverkefni úr kvikmynda-
skóla í Bretlandi var hann á sama
tíma að lesa ævisögu Scorsese. „Á
hverjum degi tók ég lest eða rútu
frá London í skólann, sem var rétt
fyrir utan borgina. Ferðatímann og
allar dauðar stundir notaði ég til að
lesa þessa bók, algerlega gagntek-
inn af þeim eldmóði sem gaus upp
af síðunum, hélt jafnvel áfram að
lesa meðan ég þrammaði milli lest-
arstöðva og vissi varla af umhverf-
inu. Þegar mér varð litið upp úr
bókinni þurfti ég tíma til að átta
mig á stund og stað. Þessi bók fyllti
mig miklum innblæstri og bylting-
arlöngun. Þeirri kveikju reyni ég
ávallt að halda lifandi, eða að
minnsta kosti endurnýja reglu-
lega.“
jakob@frettabladid.is
KOLBRÚN BALDURSDÓTTIR
„Þeir þættir sem hvað mest höfða til per-
sónulegra tilfinninga og atferlis eins og
ástar og kynlífs geta án efa brenglað sið-
ferðisþróun ómótaðs einstaklings.“
Kolbrún Baldursdóttir
sálfræðingur segir raun-
veruleikasjónvarp geta
haft slæm áhrif á börn:
Tilfinningar
til sölu
Það er engin spurning að börnog unglingar geta auðveldlega
ánetjast því að horfa á þessa þætti
og það gerir aðallega sú spenna
sem er í þeim,“ segir Kolbrún
Baldursdóttir sálfræðingur.
„Þættirnir eru þó ekki allir
eins þannig að áhrif þeirra geta
líklega verið neikvæð eða allt frá
því að geta hugsanlega verið skað-
leg sumum einstaklingum sem
eru enn að móta sín siðferðisvið-
horf og síðan yfir í það að vera
fullkomlega skaðlaus. Í Survivor-
þáttunum er alltaf ákveðinn hvati
allan tímann, sem er ein milljón
dollara. Keppendur eru einfald-
lega að keppa í þrautum, mann-
legum samskiptum og því að vera
úti í náttúrunni og þurfa að bjarga
sér. En allan tímann er möguleik-
inn á að þú vinnir eina milljón
dollara og verðir sigurvegarinn.“
Ástin orðin söluvara
„Makaleitarþættir eins og til
dæmis The Bachelor gætu án efa
haft slæm áhrif á börn og ung-
linga enda ekki mikið í takt við hið
raunverulega líf. Börn sjá ein-
hverja rosamyndarlega og frama-
gjarna manneskju sem velur sér
maka úr stórum hópi af hinu kyn-
inu en allir sem taka þátt eiga sér
þá ósk heitasta að verða fyrir val-
inu. Börn halda kannski að það sé
hægt að finna ást á þennan máta, í
gegnum flott útlit, frægð og
frama. Þarna gengur allt út á það
að verða valinn flottastur. Enda
þótt skilaboð stjórnenda og fram-
leiðenda þáttanna séu á þá leið að
fólk eigi að draga sig út ef því er
tilfinningalega misboðið gerist
það kannski ekki þannig þar sem
miklir peningar eru jú í húfi.
Þarna er verið að selja það sem
mörgum finnst vera eitt af því
allra heilagasta; tilfinningar og
það að fylgja hjartanu og eigin
sannfæringu. Mörgum þykir að
slíkt ætti varla að vera söluvara.“
Sterk fjölskyldutengsl
skipta miklu
„Börn og unglingar sem eru fé-
lagslega einangraðir og hafa tak-
markaða félagslega færni og lágt
sjálfsmat eru í mestri hættu með
að verða fyrir neikvæðum áhrif-
um slíkra þátta. Hugmyndin um
tilfinningalega dýpt og heilag-
leika tilfinningar eins og ástar
verður ekki aðalmálið eða er skipt
út fyrir spennuna og upplifun á
því hvernig hægt er að verða rík-
ur og frægur. Krakkarnir gætu
farið að ímynda sér að þetta sé
raunverulegt og margt að þessu
sé í samræmi við almenn norm, sé
sem sagt í lagi. Í þessu sambandi
skiptir máli í hversu góðum
tengslum viðkomandi er við fjöl-
skyldu sína og hvaða fyrirmyndir
viðkomandi hefur á heimilinu.“ ■
Aldrei selt sig á
markaðstorginu
ÁSGRÍMUR SVERRISSON
Martin Scorsese er sá sem Ásgrímur dáir
umfram flesta, meðal annars vegna þess
að verk hans undirstrika hin sígildu sann-
indi að til þess að vita hvert þú átt að fara
verður þú að vita hvaðan þú kemur.
MARTIN SCORSESE
Ásgrímur segir hann mistækan en dáist hins vegar að því að Scorsese hefur aldrei kvikað
frá köllun sinni. Hér er hann með Robert DeNiro við tökur á Taxi Driver.
Model IS 26
- 3 sæta sófi
og tveir stólar
Verð áður kr.
249.000 stgr.
Sprengi-
tilboð
aðeins
179.000
stgr.
Einnig fáanlegt:
3ja sæta,
2ja sæta og stóll
gæða húsgögn
Bæjarhrauni 12, Hf.,
sími 565-1234
Opið virka daga 10-18
og laugardaga 11-16
Glæsileg ítölsk leðursófasett
Sprengitilboð 70.000 kr. afsláttur