Fréttablaðið - 02.01.2004, Blaðsíða 16
Ímeira en hálfa öld hefur ástr-alski víngerðarmaðurinn Peter
Lehmann þráast við að rækta vín í
Barossa-dalnum í Ástralíu í þeirri
trú að það væri eitt besta víngerð-
arsvæði heims. Seint á áttunda
áratugnum þráaðist hann við þeg-
ar víngerðarhúsið sem hann starf-
aði hjá gekk á bak orða sinna við
bændur á svæðinu og neitaði að
kaupa þrúgur sem fyrirtækið
hafði áður lofað að kaupa. Leh-
mann vildi vera maður orða sinna,
keypti þrúgurnar samt og hætti
hjá fyrirtækinu og stofnaði eigin
víngerð. Á árinu sem leið sýndi
Lehmann enn einu sinni hvað
hann getur verið sauðþrár þegar
hann stóð staðfastur gegn óvin-
veittri yfirtöku eins stærsta vín-
fyrirtækis heims á Peter Leh-
mann Wines. Guði sé lof, segja
margir vínunnendur, því vín Leh-
mann eru einstök og handbragð
meistarans leynir sér ekki.
Þrjóska Lehmanns hefur sann-
arlega skilað sér því nýlega
var hann valinn Vín-
framleiðandi ársins
( I n t e r n a t i o n a l
Winemaker of the
Year) á Inter-
national Wine and
Spirit Competition í
London. Þetta er
einn mesti heiður
sem víngerðarhúsi
getur hlotnast en þessi
aðalverðlaun vínsýningarinnar
hlýtur sá framleiðandi sem vinn-
ur flest verðlaun fyrir vín sín.
Lehmann hlaut fimm gullverð-
laun og fjögur silfurverðlaun.
Nefna má að Steingrímur Sigur-
geirsson, víngagnrýnandi Morg-
unblaðsins, valdi á dögunum rauð-
vínið Peter Lehmann’s Clancy’s
sem eitt af tíu bestu vínum ársins
og telur það afar góð kaup en það
kostar 1.670 kr. í Vínbúðum hér-
lendis. ■
matur o.fl.
Vikulegur blaðauki Fréttablaðsins um mat og drykk
Ritstjórn: sími 515 7500 – netfang: matur@frettabladid.is. Auglýsingar: sími 515 7500 – netfang: auglysingar@frettabladid.is
RÓSAKÁL
Rósakál er vítamínríkt grænmeti sem er yfirleitt borið fram
með kjöti. Það er einkum ræktað í norðanverðri Evrópu og
kennt við Brussel á erlendum tungum. Rósakál á að vera þétt
í sér. Það er yfirleitt soðið áður en það er borðað en það má
einnig borða hrátt.
Hollt í ársbyrjun:
Hrásalat
með ávaxta-
ívafi
hálfur hvítkálshaus, lítill, fínt saxaður
hálfur rauðkálshaus, lítill, fínt saxaður
200 gr þurrkaðar döðlur, fínt saxaðar
eitt rautt epli, gjarnan lífrænt r.
tvö græn epli, gjarnan lífrænt r.
4 msk. sítrónusafi
25 gr furuhnetur, ristaðar
Dressing
5 msk. ólífuolía
2 msk. cider edik
1 msk. hunang
salt og pipar
AÐFERÐ
Setjið skorna kálið í skál og
hnoðið til að mýkja það aðeins.
Bætið döðlunum í skálina.
Kjarnhreinsið eplin og þvoið þau
(ef náðst hefur í lífrænt ræktuð epli
er óþarfi að afhýða þau en annars
mælum við með því).
Skerið eplin í þunnar sneiðar
setjið í aðra skál og vætið með
sítrónusafanum og veltið því saman
svo eplin verði ekki brún.
Blandið nú saman kálinu og
eplunum.
Hristið eða hrærið dressinguna
saman og hellið yfir salatið og strá-
ið furuhnetunum yfir.
Hentar vel með öllum góðum
mat. ■
Drykkjarvörukönnun
ASÍ:
Hægt að
spara töluvert
Talsverður verðmunur er ádrykkjarvörum milli verslana
samkvæmt verðkönnun sem verð-
lagseftirlit ASÍ gerði 17. desember
síðastliðinn. Yfirleitt var munur á
hæsta og lægsta verði innan hvers
flokks, gosdrykkir, ávaxtasafar,
kaffi og te, á bilinu 20 til 60%. Í 35
tilvikum af 51 var munurinn á
hæsta og lægsta verði í könnuninni
30% eða meiri, þar af 50% eða
meiri í átta tilvikum.
Bónus var oftast með lægst
verð í könnuninni, eða í 30 tilvik-
um, Krónan var með lægsta verð í
10 tilvikum, Nettó og Fjarðarkaup
voru með lægsta verð í sjö tilvik-
um. 11–11 var oftast með hæsta
verð eða í 33 tilvikum og 10–11 var
með hæsta verð í 32 tilvikum. Í 35
tilvikum af 51 var munurinn 30%
eða meiri, þar af 50% eða meiri í
átta tilvikum. Þegar skoðaðir eru
einstakir vöruflokkar sést að yfir-
leitt er munur á hæsta og lægsta
verðinu innan hvers flokks á bilinu
frá rúmlega 20% upp í tæplega
60%.
Kannað var verð á 51 drykkjar-
vörutegund í 13 verslunum, Hag-
kaupi, Skeifunni, Nóatúni, Hring-
braut, Fjarðarkaupi, Hólshrauni,
10–11, Glæsibæ, Krónunni, Skeif-
unni, Samkaupum, Miðvangi, Bón-
us, Smáratorgi, 11–11, Skúlagötu,
Nettó, Salavegi, Sparverslun, Bæj-
arlind, Strax, Hófgerði, Sparkaup,
Stigahlíð og Europris, Lynghálsi. ■
Peter Lehmann:
Sauðþrár sigurvegari
Nesti:
Heitt kakó
og samlokur
Snjórinn á skíðasvæðum lands-manna er kærkominn skóla-
nemendum og öðrum þeim sem
enn eru í jólafríi. En skíðaferðum
fylgir nestisútgerð því ekki dugar
annað en næra sig og fylla á orku-
dunkana við slíkar aðstæður. Fátt
er betra en heitt kakó og góð sam-
loka þegar tekin er pása í fjallinu.
Samlokur eru hentugar sem
skyndibiti og geta verið fínasta
fæði sé vandað til hráefnisins.
Brauðið þarf að vera þétt og mat-
armikið og áleggið getur verið af
ýmsum gerðum, ostur af ein-
hverju tagi, fiskur eða kjöt í
sneiðum, grænmeti, egg og salöt
eða sósur. Fitulítil salöt eiga vax-
andi vinsældum að fagna eftir að
fólk fór að huga í auknum mæli að
hollustu. Yfirleitt er brauðið
smurt með eilitlu smjöri, bæði til
að halda álegginu betur á og gera
matinn mýkri í munni. ■
Eftir reykt og steikt kjöt umliðnar hátíðar þykir flestum
kominn tími á léttari mat. Mögu-
leikarnir eru margir og við sner-
um okkur til Brynjars Bergþórs-
sonar, matreiðslumanns á Veit-
ingahúsinu Lauga-ási. Sá staður
er einkum þekktur að góðum fisk-
réttum og Brynjari dettur strax í
hug gufusoðin smálúða til að
mæla með og gefa okkur upp-
skrift að. Hann kann vissulega
fleira fyrir sér og snarar líka sam-
an pasta annars vegar með græn-
meti og hins vegar sjávarfangi
sem er mettandi fæði en fitulítið.
Byrjum á smálúðunni. Brynjar
kveðst ekki hafa magntölur á tak-
teinum enda geti hver og einn haft
þær eftir sínu höfði.
GUFUSOÐIN SMÁLÚÐA Í RÚLL-
UM
smálúðuflök
salt og pipar
gulrætur
sellerí
fiskisoð eða vatn og teningur
hvítvín
laukur
blaðlaukur
Við roðdrögum lúðuna og slá-
um hana létt þannig að hún fletjist
lítið eitt út svo auðvelt sé að rúlla
henni upp. Stráum smá salti og
pipar yfir. Skerum selleríið og
hluta gulrótanna í strimla, leggj-
um þá á flökin og rúllum þeim
upp. Skerum laukinn, blaðlaukinn
og afganginn af gulrótunum í bita.
Setjum þá í botn á potti eða pönnu
og leggjum rúllurnar ofan á. Soði
og hvítvíni hellt út á, þó alls ekki
þannig að fljóti yfir fiskinn. Lokið
sett á og suðan látin koma upp. Þá
er slökkt undir og fiskurinn látinn
soðna í gufunni á sirka tíu mínút-
um. Með þessu er gott að bera
ferskt grænmeti, soðnar kartöflur
eða grjón og nýbakað brauð. Upp-
lagt er að nota soðið sem sósu og
rjómasletta út í hana gerir hana
vissulega ljúffengari.
KALT SJÁVARRÉTTAPASTA
pastaskeljar eða annað pasta
rækjur
fiskur sem til er, jafnvel túnfiskur úr dós
sólþurrkaðir tómatar
paprika
annað grænmeti sem til er
ólífuolía
smá chilisósa
svartur pipar
Pastað er soðið eftir leiðbeining-
um á pakkanum. Kælt og sjávar-
fanginu blandað saman við það.
Ólífuolía og örlítil chilisósa látnar
drjúpa yfir og kryddað með svört-
um pipar.
HEITT PASTASALAT MEÐ
GRÆNMETI OG TÓMATSÓSU
pasta
paprika
blaðlaukur
laukur
annað grænmeti sem til er
parmesanostur
Pastað er soðið og grænmetið
ristað á pönnu.
SÓSAN
maukaðir niðursoðnir tómatar
hvítvín
kjúklingakraftur
svartur pipar
basil
estragon
Tómatar eru soðnir um stund í
hvítvíni. Kryddið sett út í og látið
malla. Sósan er sett yfir pastað á
diskinum, grænmetið sett þar
ofan á og rifnum parmesanosti
stráð yfir. ■
BRYNJAR KOKKUR Á LAUGAÁSI
Fiskurinn er í fyrsta sæti en pastað og grænmetið fylgir fast á eftir.
Að nýloknum hátíðum:
Mettandi fæði og fitulítið
FR
ÉT
TA
B
LA
Ð
IÐ
/G
VA