Fréttablaðið - 02.02.2004, Síða 24

24 2. febrúar 2004 MÁNUDAGURBorðtennis
Evrópumótið í handbolta:
Danir fengu brons
HANDBOLTI „Leikmennirnir voru
vonsviknir í gær en þeir hafa
staðið sig frábærlega allt mótið
svo það var engin ástæða til að
hengja haus eftir tapið fyrir Þjóð-
verjum,“ sagði Torben Winther,
þjálfari danska landsliðsins. Dan-
ir unnu til bronsverðlauna annað
Evrópumótið í röð. Þeir unnu
heimsmeistara Króata 31-27 í
leiknum um þriðja sætið í gær.
„Leikmennirnir voru frekar
fljótir að ná sér að nýju og þeir
vildu ná í verðlaunapening,“ sagði
Winther sem telur að markvarsla
Kasper Hvidt hafi haft úrslita-
áhrif í mótinu. „Enginn vinnur án
góðs markvarðar og okkar mark-
maður er meðal þeirra bestu á
mótinu.“
Danir höfðu frumkvæði í annars
jöfnum fyrri hálfleik og leiddu 15-
14 í hléi. Leikurinn var í svipuðum
farvegi fyrstu tíu mínútur seinni
hálfleiks en þá stungu Danir af.
Þeir skoruðu átta mörk gegn einu á
níu mínútna kafla og setti Søren
Stryger fimm af mörkum þeirra. Á
þessum kafla munaði mikið um að
Króatinn Niksa Kaleb fékk fjög-
urra mínútna brottvísun, tvær mín-
útur fyrir að brjóta á Claus Møller
Jakobsen og aðrar tvær mínútur
fyrir að mótmæla brottvísuninni
kröftuglega.
Lars Christiansen skoraði níu
mörk fyrir Dani, Søren Stryger
skoraði sex mörk, Joachim Bould-
sen, Klavs Bruun-Jørgensen og
Michael Knudsen fjögur hver,
Kasper Nielsen tvö og Lars Jørg-
ensen og Lars Krogh Jeppesen
eitt mark hvor.
Blazenko Lackovic skoraði átta
sinnum fyrir Króata, Ivan Vukas
og Mirza Dzomba fimm sinnum
hvor, Niksa Kaleb og Igor Vori
þrisvar og Tonci Valcic, Slavko
Goluza og Denis Spoljaric einu
sinni hver. ■
Þjóðverjar Evrópu-
meistarar í fyrsta sinn
Þjóðverjar sigruðu gestgjafa Slóvena með fimm marka mun í úrslitaleik
HANDBOLTI „Í fyrsta lagi langar mig
til að þakka leikmönnum mínum
fyrir að sýna hugrekki í mótinu,“
sagði Heiner Brand, eftir sigur
Þjóðverja á Evrópumótinu í hand-
bolta. „Þeir sönnuðu að þeir geta
haldið ró sinni og að þeir geta leik-
ið eins og lið. Við sigruðum í úr-
slitaleiknum og stærsti draumur
okkar rættist með sigrinum,“ sagði
Brand.
Þjóðverjar sigruðu gestgjafa
Slóvena 30-25 í úrslitaleik Evrópu-
mótsins í Ljubljana í gær. Sigur
Þjóðverja var sannfærandi og þeir
höfðu gott forskot á Slóvena allan
tímann. Þjóðverjar náðu fljótlega
forystunni og juku forskotið jafnt
og þétt fram að hléi. Um miðjan
hálfleikinn var staðan orðin 10-5
fyrir Þjóðverja og í leikhléi var
hún orðin 16-10. Slóvenar áttu sinn
besta kafla í upphafi síðari hálf-
leiks og minnkuðu muninn í 21-18
þegar tæpar átján mínútur voru til
leiksloka. Þjóðverjar svöruðu því
með þremur mörkum og áttu Sló-
venar aldrei möguleika á að vinna
upp þennan mun. Florian
Kehrmann skoraði 30. og síðasta
mark Þjóðverja en Renato Vu-
grinec og Zoran Lubej löguðu stöð-
una fyrir Slóvena með tveimur síð-
ustu mörkum leiksins.
„Það var ánægjulegt að sigra í
úrslitaleik,“ sagði Daniel Stephan,
fyrirliði þýska liðsins. „Við töpuð-
um síðustu tveimur úrslitaleikjum
en núna var enginn vafi á því að við
vorum með besta liðið í Evrópu-
mótinu og við sönnuðum það með
frábærri frammistöðu í úrslita-
leiknum,“ sagði Stephan. „Það hef-
ur verið gaman að leika hér í
stemmningunni í Ljubljana, fyrir
framan fjölda áhorfenda og það
var frábært að sjá framkomu sló-
vensku stuðningsmannanna eftir
leikin.“
Florian Kehrmann var marka-
hæstur Þjóðverja með níu mörk.
Daniel stephan skoraði átta, Pascal
Hens sex, Torsten Jansen, Christi-
an Schwartzer og Volker Zerbe tvö
mörk hver og Christian Zeitz eitt.
Renato Vugrinec skoraði sex af
mörkum Slóvena, Vid Kavticnik
fimm, Zoran Lubej og Uros Zorm-
an fjögur hvor, Ales Pajovic þrjú
og Andrej Kastelic, Ivan
Simonovic og Tomaz Tomsic eitt
mark hver. ■
A-LANDSLIÐIÐ
Leikur við Ítali í undankeppni HM 2005
Undankeppni HM 2005:
Íslendingar
leika við Ítali
HANDBOLTI Íslendingar leika við
Ítali í undankeppni heimsmeist-
aramótsins í handbolta. Leikirnir
við Ítali fara fram síðustu helgina
í maí og fyrstu helgina í júní og
verður fyrri leikurinn ytra. Loka-
keppnin fer fram í Túnis í byrjun
næsta árs.
Úkraínumenn mæta Rússum í
undankeppninni en þjóðirnar
mættust í riðlakeppninni á Evr-
ópumótinu í Slóveníu fyrir tíu
dögum og unnu Rússarnir 29-27.
Portúgalar og Tékkar drógust ein-
nig saman í undankeppni HM en
báðar þjóðirnar léku á EM í Sló-
veníu sem lauk í gær. Tvær aðrar
EM-þjóðir, Pólverjar og Svíar,
leika í undankeppninni í vor.
Bengt Johansson hefur lýst því
yfir að hann vilji stjórna Svíum í
leikjunum og skilja við sænska
landsliðið í tryggu sæti á stór-
móti. Staffan Olsson leikur líklega
ekki með Svíum en ekki er ljóst
hvort Magnus Wislander verður
með.
Norðmenn fengu erfitt verk-
efni. Þeir leika við Ungverja sem
komust í milliriðil á EM í Slóven-
íu. Serbar og Svartfellingar leika
við nágranna sína Makedoníu-
menn sem töpuðu fyrir Ungverj-
um í tveimur hörkuleikjum í und-
ankeppni EM. Spánverjar leika
við Letta, Frakkar við Slóvaka og
Svisslendingar leika við Grikki.
Arno Ehret, þjálfari Svisslend-
inga, er mjög sáttur með það. ■
LEIKIR Í UNDANKEPPNI
HM 2005
Portúgal - Tékkland
Noregur - Ungverjaland
Grikkland - Sviss
Úkraína - Rússland
Pólland - Svíþjóð
Lettland - Spánn
Slóvakía - Frakkland
Makedonía - Serbía/Svartfjallaland
Ítalía - Ísland
HANDBOLTI „Ég er ánægður með að
við sigruðum en það sem skiptir
mestu mál er að við notuðum leik-
inn sem fyrsta undirbúning okkar
fyrir Ólympíuleikana í Aþenu,“
sagði Vladimir Maximov, þjálfari
Rússa. „Ég vona að við sjáum
miklu sterkara Rússland í ágúst.“
Rússar unnu Frakka 28-26 í
leiknum um fimmta sætið á Evr-
ópumótinu í handbolta. Sigurinn
færði Rússum sæti á EM á 2006
en Frakkar þurfa að taka þátt í
undankeppninni.
Claude Onesta, þjálfari
Frakka, var ekki eins upplits-
djarfur. „Ef þetta er það sem við
getum í leik sem skiptir máli á ég
erfitt með að átta mig á því hvern-
ig þetta verður í framtíðinni. Ég
held að liðið mitt geti leikið miklu
betur en það hefur gert í mótinu.
Rússarnir verðskulduðu sigurinn
í dag,“ sagði Onesta.
Rússarnir voru ákveðnari í
upphafi leiks og skoruðu fjögur
fyrstu mörkin. Frakkar tóku þá
við sér og komust yfir, 7-6, með
marki Joel Abati þegar rúmar
sextán mínútur voru liðnar af
leiknum. Rússar leiddu 14-11 í
hléi og bættu við forskotið á
fyrstu mínútum seinni hálfleiks.
Þá færðu Frakkar línumanninn
Bertrand Gille í skyttustöðu og
náði hann að jafna leikinn í 20-20
þegar tæpar sautján mínútur voru
eftir. Rússarnir náðu aftur frum-
kvæðinu og leiddu með einu til
þremur mörkum til leiksloka.
Vitaly Ivanov skoraði átta af
mörkum Rússa, Eduard Koks-
harov og Denis Krivoshlykov
skoruðu fimm mörk hvor, Alexey
Rastvortsev og Mikhail Chipurin
fjögur hvor og Alexander Tuchkin
og Alexander Gorbatikov eitt
hvor.
Nikola Karabatic, 19 ára leik-
maður frá Montpellier, var bestur
í franska liðinu. Hann skoraði sjö
mörk í ellefu skotum, Bertrand
Gille skoraði fimm, Joel Abati
fjögur, Cedric Burdet, Patrick
Cazal, Andrej Golic og Franck
Junillon skoruðu tvö mörk hver
og Gregory Anquetil og Didier
Dinart eitt mark hvor. ■
HAO WANG
Kínverjinn Hao Wang í keppni á æfinga-
móti fyrir Ólympíuleikana í Aþenu í sumar.
LARS CHRISTIANSEN
Skoraði níu sinnum í
bronsleiknum gegn
Króötum.
NIKOLA KARABATIC
Skoraði sjö mörk fyrir Frakka gegn Rússum.
Evrópumótið í handbolta:
Rússar á EM 2006
HEINER BRAND
Heiner Brand, þjálfari þýska liðsins, og að-
stoðarmaður hans, Frank Löhr, fagna í
leikslok. Leikmennirnir lofuðu Brand að
þeir mynda raka af honum yfirvaraskeggið
ef þeir yrðu Evrópumeistarar.
ÞJÓÐVERJAR FAGNA
Þjóðverjar fagna Evrópumeistaratitlinum í gær.