Fréttablaðið - 06.02.2004, Blaðsíða 22

börn o.fl.
Vikulegur blaðauki Fréttablaðsins um al l t sem viðkemur börnum
Ritstjórn: sími 515 7500 – netfang: born@frettabladid.is. Auglýsingar: sími 515 7500 – netfang: auglysingar@frettabladid.is
Leikskólarnir Krógaból, Síðuselog Sunnuból á Akureyri standa
á morgun fyrir ráðstefnunni Lífs-
leikni og listgreinar.
Ráðstefnan er liður í þriggja
ára þróunarstarfi leikskólanna
„Lífsleikni í leikskóla“ sem lýkur
formlega nú í maí. Markmiðið
með þróunarverkefninu er að efla
siðferðisvitund barna og fullorð-
inna, í þeim tilgangi að verða
bæði góð og fróð manneskja.
Lífsleiknin er rauður þráður í
starfi leikskólanna, því var ákveð-
ið að skoða hvernig nota má mis-
munandi listir til nálgunar í al-
mennri siðferðisumræðu.
Arna Guðný Valsdóttir, fjöl-
listakona og listvirki, verður ein
fyrirlesara. „Ég ætla að fjalla um
systkinin leik og list en ég held því
fram að þau geti ekki án hvors
annars verið. Ég ber saman rann-
sóknaraðferðir listamannsins og
barnsins í frumbernsku. Barnið
rannsakar heim sinn með forvitn-
ina að vopni og hæfni til að skynja
ólíka þætti tilverunnar. Það lærir
við að heillast af grunnþáttum eins
og ljósi, skugga, litum, formum,
stærðum, fjarlægðum, hraða og
þyngd. Ég ber þetta saman við
starf listamannsins og tel að lista-
maðurinn þurfi áfram að trúa á
rannsóknarafl leiksins. Í fram-
haldi af þessu skoða ég hvernig
vísindamenn vinna og við hvað
þeir eru að fást en þar finnur mað-
ur sömu hugtökin, hinar ýmsu
mælingar á innri og ytri veruleika.
Ég hef til dæmis verið að kynna
mér Einstein en hann fjallar mikið
um mikilvægi þess að kunna að
undrast og heillast og talar um
börn sem ímyndabyggingarmeist-
ara. Ég skoða líka listamenn eins
og Leonardo da Vinci, sem heillað-
ist af vísindaheiminum, og skáldið
Goethe sem setti fram athyglis-
verðar litafræðikenningar.
Ég vil benda fólki á að skynjun
skiptir miklu máli. Hún er upp-
hafspunktur alls námsferils. Og
raunverulegt nám þarf tíma.“
Arna hefur kennt við Háskól-
ann á Akureyri og var þar með
kúrs sem hét Listir - margmiðlun.
Hún heldur því fram að skynfær-
in séu innbyggð margmiðlunar-
tæki. „Ég var að vinna með þá
hugmynd að kynnast nútíma-
tækni í gegnum leik. Við notum þá
myndbandsupptökuvélar, mynd-
varpa og fleira. Ég hef sett upp
listvísindasmiðjur þar sem fólk
getur leikið sér með þætti eins og
ljós, skugga, form og hljóð. Þarna
gef ég fólki færi á að rannsaka
fyrirbæri með skynfærunum í
gegnum leikinn. Markmiðið er að
sýna fram á að listin er rannsak-
andi í eðli sínu og að í upphafi lífs
síns beitir barnið listrænum nálg-
unarleiðum á tilveru sína. Sem
betur fer er fólk sífellt að gera
sér betur grein fyrir því að listin
er ekki bara upp á punt. Við lítum
ekki á listina sem viðbót við dag-
legt líf heldur virkjum hana sem
mikilvægt afl í því hvernig við
tökum á móti og vinnum með það
sem að höndum ber.“
audur@frettabladid.is
Lífsleikni og listsköpun:
Systkinin
leikur og list
Allt að fyllast
af
nýjum vörum
Styttist í útsölulok!
Enn meiri verðlækkun -erum að taka upp nýjar vörur
www.thyme.is
Fleiri feit börn
Fjöldi sænskra barna sem teljast of feit hefur þrefald-ast á undanförnum fjórtán árum. Þetta kemur fram í
nýrri rannsókn sem greint er frá í sænska dagblaðinu Af-
tenposten. Engin teikn eru á lofti um að þessi þróun sé að
breytast. Rannsóknin hefur staðið yfir í tvö ár. Orsökin er
fyrst og fremst sú að sögn Claude Marcus, prófessors við
Huddinge-sjúkrahúsið, að börn eru hætt að hreyfa sig. Á
þeim tveimur árum sem rannsóknin stóð yfir minnkaði
hreyfing barnanna um 15%. Rannsóknin náði til barna á
aldrinum 6–10 ára valinna af handahófi. ■
ARNA VALSDÓTTIR MEÐ BÖRNUM ÚR ÆVINTÝRALEIKHÚSI BARNA
Sem hún rekur ásamt Önnu Richardsdóttur dansara og fjöllistakonu.. Myndin er tekin í
Listvísindasmiðju á UT-2003 sem sett var með Guðrúnu Öldu Harðardóttur, lektor við
Háskólann á Akureyri. „Við Anna höfum þróað aðferðir þar sem unnið er út frá hæfni
barnsins. Við vinnum með fjöllist með börnum og höfum nýtt listvísindasmiðjur við það.“
ÆVINTÝRALEIKHÚS BARNANNA
Hefur sett sér það að markmiði að vera með uppákomur í
gluggum verslana í miðbæ Akureyrar. „Við höfum verið að
vinna með hugtakið gagnsæi.“
FRÁ KENNSLU VIÐ LEIKSKÓLABRAUT HÁSKÓLANS Á AKUREYRI
„Starfsemi mína kalla ég listvirkjun. Ég hef sérhæft mig í hugmynda-
fræði Reggio Emilia, sem hefur haft mikil áhrif á viðhorf mín. Það sem
heillað mig við þessa hugmyndafræði er að vinna út frá því sem barnið
getur en ekki því sem barnið ætti að geta.“
3.999
Glói geimveraá Lestrareyju er nýttkennsluforrit fyrir börnsem eru að læra aðlesa.