Fréttablaðið - 06.02.2004, Blaðsíða 32

32 6. febrúar 2004 FÖSTUDAGUR
NÝ HÁRGREIÐSLA
Abel Xavier, leikmaður þýska félagsins
Hannover 96, skartaði nýrri hárgreiðslu á
æfingu í gær.
Fótbolti
Páll Ólafsson tekur við af Viggó Sigurðssyni:
Hjálpar Haukum
yfir hjallann
HANDBOLTI Páll segir að starfið leggist
mjög vel í sig enda þýði ekkert ann-
að. „Ég klára þetta tímabil þangað til
síðasti leikur er búinn. Svo bara kem-
ur í ljós hvort það verður eitthvað
meira.“
Aðspurður segir Páll að andinn
hjá Haukum sé góður þrátt fyrir læt-
in í kringum brotthvarf fyrrum læri-
meistara síns. „En það er náttúrlega
búið að vera dálítið sjokk fyrir liðið
þetta umrót. Það er spurning hvernig
menn ná að peppa sig saman í verk-
efnið gegn HK á morgun [í kvöld].
Það kemur bara í ljós í leiknum hvort
þetta hafi haft mikil áhrif eða ekki,“
segir hann.
Páll segist ekki ætla að gera nein-
ar stórkostlegar breytingar á liðinu.
Enginn tími sé til þess. Hugsanlega
verður hann þó með einhverjar
áherslubreytingar. Hann segir það
hafa komið sér gífurlega á óvart þeg-
ar Viggó var tilkynnt að hann yrði lát-
inn hætta með liðið. „Ég átti langt í
frá von á þessu. Við vorum búnir að
vera saman í þessu og mér leið vel í
því sem ég var að gera með honum.“
Hann vill ekkert tjá sig um ástæðuna
fyrir brotthvarfinu. „Það er búið að
gefa út yfirlýsingu og þetta mál er
frá. Maður vill fara hugsa um verk-
efnið framundan og ekki vera að
velta sér upp úr þessu of mikið.“
Aðspurður segist Páll ekki líta á
nýja starfið sem eitthvað mikið og
stórt tækifæri fyrir sig sem þjálfara.
„Það er ekkert í mínum framtíð-
arplönum að gerast aðalþjálfari hjá
einhverju liði. Ég lít á þetta þannig að
ég sé að hjálpa félaginu að komast
yfir þennan hjalla og svo myndu þeir
jafnvel finna sér nýjan þjálfara í
vor,“ segir hann og viðurkennir að
honum líði betur á bak við tjöldin.
„Ég vil það frekar heldur en að vera í
forsvari. Mér hefur liðið betur þan-
nig.“ ■
Ótrúleg upplifun
Árni Gautur Arason stóð í marki Manchester City í fyrsta sinn á miðvikudagskvöld.
Danska bronsliðið:
Jeppesen
til Barca
HANDBOLTI „Ég hef átt fjögur góð ár
með félaginu og veit nú að ég tók
rétta ákvörðun,“ sagði Daninn Lars
Krogh Jeppesen sem gerði í gær
fimm ára samning
við Barcelona. „En
nú er rétti tíminn til
að prófa eitthvað
nýtt. Það eru ekki
peninganna vegna
sem ég skipti,“ sagði
Jeppesen sem verð-
ur fyrsti danski liðs-
maður handboltaliðs
Barcelona. Hann
hefur leikið með
Flensborg-Handewitt í fjögur ár.
Danski línumaðurinn Michael
Knudsen hefur einnig verið orðaður
við Barcelona. „Það væri fínt að
halda áfram að leika með Knudsen,“
sagði Jeppesen. „Hann er frábær
línumaður. Ég var að vona að minn
góði vinur Lars Jørgensen hefði sagt
já við Barcelona en hann valdi ann-
að.“ ■
FÓTBOLTI Árni Gautur Arason, mark-
vörður íslenska landsliðsins í knatt-
spyrnu, lék sinn fyrsta leik með
Manchester City á miðvikudags-
kvöldið þegar liðið sótti Tottenham í
ensku bikarkeppninni. Leikurinn
var vægast sagt eftirminnilegur því
að leikmönnum Manchester tókst að
snúa töpuðum leik í sigur á 45 mín-
útum. Þeir voru undir, 3-0, í hálfleik
en skoruðu fjögur mörk í síðari
hálfleik þrátt fyrir að vera einum
manni færri og skoruðu fjögur
mörk. Verðlaunin eru leikur gegn
grönnunum í Manchester United í
næstu umferð. Árni Gautur sagði í
samtali við Fréttablaðið í gær að
þessi leikur hefði verið ótrúleg upp-
lifun. „Ég fékk ekki óskabyrjun því
að ég þurfti að hirða boltann þrisvar
úr netinu hjá mér í fyrri hálfleik en
það hvernig við snerum leiknum við
í síðari hálfleik var alveg frábært.“
Árni Gautur sagði að hann hefði
fundið fyrir spennu fyrir leikinn
enda ekki spilað síðan í lok nóvem-
ber en það hefði fljótt horfið. „Það
er búið að vera draumur minn síðan
ég var smápolli að spila í Englandi
og það var ekki verra að það skyldi
vera á White Hart Lane.“ Aðspurð-
ur sagðist Árni Gautur búast við því
að frammistaða hans myndi ekki
koma í veg fyrir að David James
stæði í markinu í næsta leik liðsins,
gegn Blackburn á sunnudaginn.
„Hann er aðalmarkvörður og ég
geri mér grein fyrir því að það
verður afar erfitt að slá hann út. Ég
reyni bara að gera mitt besta til að
veita honum sem mesta keppni,“
sagði Árni Gautur. ■
FÖGNUÐUR
Páll Ólafsson og Viggó Sigurðsson fagna sætum sigri með Haukum.
Páll hefur nú tekið við stjórn liðsins.
LARS KROGH
JEPPESEN
Lars Krogh
Jeppesen og
Michael Knudsen.
ÁRNI GAUTUR ARASON
Lék sinn fyrsta leik með Manchester City á miðvikudaginn.