Fréttablaðið - 09.02.2004, Blaðsíða 2

2 9. febrúar 2004 MÁNUDAGUR
„Ég stefni nú fyrst og fremst að því
að halda mínu striki og ég vona að
það samræmist að ná góðum ár-
angri í frelsisdeildinni.“
Einar K. Guðfinnsson, þingflokksformaður Sjálf-
stæðisflokksins, er efstur í svokallaðri Frelsisdeild
Heimdallar. Hann er með þrjú stig í plús en þing-
menn fá stig í samræmi við afstöðu þeirra til
þingmála - ýmist í plús eða mínus; allt eftir því
hvernig málin leggjast í Heimdellinga.
Spurningdagsins
Einar, stefnirðu á titilinn í vor?
Bankasameining stenst
vart samkeppnislög
Viðskiptaráðherra telur ólíklegt að Íslandsbanki og Landsbanki megi sameinast.
Ögmundur Jónasson og Lúðvík Bergvinsson taka í sama streng.
STJÓRNMÁL Valgerður Sverrisdóttir
viðskiptaráðherra segir að ef til
þess komi að Landsbanki og Ís-
landsbanki sameinist sé það mál
sem samkeppnisyfirvöld muni úr-
skurða um. Aukinn hlutur aðila
tengdra Landsbankanum í Ís-
landsbanka hefur vakið mikla at-
hygli á mörkuðum á síðustu dög-
um og fullyrt er að vilji Lands-
bankamanna standi til þess að
koma á hagræðingu með aukinni
samvinnu, eða jafnvel samein-
ingu, við Íslandsbanka.
„Miðað við þann forúrskurð
sem gefinn var á árinu 2000 finnst
mér ekki líklegt að þetta gengi
upp,“ segir Valgerður og vísar til
þess þegar Samkeppnisstofnun
stöðvaði fyrirætlaða sameiningu
Landsbanka og Búnaðarbanka.
Í úrskurði Samkeppnisráðs þá
var álitið að sameining Lands-
banka og Búnaðarbanka leiddi til
of mikillar samþjöppunar og
markaðsráðandi stöðu á markaði
fyrir innlán, markaði fyrir útlán,
greiðslumiðlunarmörkuðum og
markaði fyrir verðbréfa- og gjald-
eyrisviðskipti.
Ljóst er að áþekkar hindranir
standa í vegi fyrir samruna
Landsbanka og Íslandsbanka nú
og hefur sérstaklega verið talið að
staða sameinaðs banka á sviði
gjaldeyrisviðskipta yrði of sterk.
Ögmundur Jónasson, þingmað-
ur Vinstri grænna, segir að eftir
að ríkisbankarnir voru einka-
væddir sé það „nánast til að æra
óstöðugan að reyna að spá í spilin
í íslenskum fjármálaheimi, svo
fljótt skipast veður í lofti.“ Hann
segir að þó sé greinilega samfella
í þróun á þeim markaði og hún sé
sú að fámennir hópar stóreigna-
manna öðlist stöðugt meiri eignir
og þar með völd.
„Þetta er hvorki gott fyrir við-
skiptavini bankanna og viðskipta-
lífið í heild sinni, né náttúrlega
lýðræðið í landinu. Enn frekari
samþjöppun finnst
mér því síður en svo
æskileg. Í þessu ljósi
hlýt ég að skoða þess-
ar fréttir,“ segir hann
aðspurður um hvern-
ig honum litist á sam-
einingu Landsbanka
og Íslandsbanka.
Ögmundur telur að
hugsanlega verði erf-
iðara að taka á
hringamyndun í þess-
um geira atvinnulífs-
ins þar sem útlenskir
bankar auki þátt sinn í
samkeppni á markaðin-
um.
Lúðvík Bergvinsson, þingmað-
ur Samfylkingar, segir að sér finn-
ist að íslenskur markaður megi
ekki við því að þátttakendum á
fjármálamarkaði fækki og honum
líst illa á það ef Landsbanki og Ís-
landsbanki sameinuðust.
„Ég trúi því ekki að samkeppn-
islög séu þannig upp byggð að
þetta geti gengið,“ segir Lúðvík.
thkjart@frettabladid.is
John Kerry fékk helming atkvæða í forkosningunum:
Kerry orðinn sigurviss
BANDARÍKIN, AP „Dagar George
Bush eru taldir og breytinga er að
vænta í Bandaríkjunum,“ sagði
John Kerry þegar hann fagnaði
sigri í forkosningum demókrata í
Michigan og Washington. Hann
fékk um helm-
ing atkvæða í
báðum ríkj-
um. Howard
Dean varð í
öðru sæti en
langt að baki
Kerry, með
30% í Wash-
ington og 17%
í Michigan.
Fyrir fram
var búist við því að
Kerry ynni sigur í báð-
um ríkjum. Vandræði
Howards Dean aukast
enn. Forystumenn
þriggja stórra laun-
þegasamtaka funduðu
með honum um helgina
og í það minnsta einn
þeirra tilkynnti honum
að félagið drægi stuðn-
ing sinn við hann til
baka.
John Edwards fékk
14% atkvæða í Michig-
an en aðeins sjö prósent
í Washington. Hann má þó vel við
una miðað við Wesley Clark, sem
fékk sjö prósent og
þrjú prósent at-
kvæða. Báðir gerðu
þeir sér grein fyrir
því fyrir fram að
fylgi þeirra yrði lítið.
Kosið var í Maine
í nótt en úrslit þar
lágu ekki fyrir þeg-
ar blaðið fór í prent-
un. Kerry var þó sig-
urstranglegastur.
Baráttan færist nú
til Suðurríkjanna.
Kosið verður í Virg-
iníu og Tennessee á
þriðjudag og þar er talið að spenn-
an verði meiri. ■
Karl Bretaprins:
Fór til Íraks
BASRA, AP Karl Bretaprins kom til
borgarinnar Basra, í suðurhluta
Íraks, í gær og kynnti sér stöðu
mála í borginni, sem hefur verið
undir stjórn breskra hersveita frá
því í innrásinni í Írak.
Heimsókn Karls kom mönnum
mjög á óvart en hann er fyrsti
meðlimur bresku konungsfjöl-
skyldunnar sem heimsækir Írak
eftir innrásina síðastliðið vor.
Tony Blair forsætisráðherra fór
þangað fyrir nokkrum vikum.
„Venjulega förum við ekki með
prinsinn á svona hættulega staði,“
sagði talsmaður drottningar. „En
það þurfti að hressa upp á her-
mennina. Vonandi skilar þetta ár-
angri.“ ■
Óöld á Haiti:
Barist af
grimmd
HAITI, AP Til blóðugra átaka kom í
borginni Gonaives og bænum St.
Marc á Haiti þegar andstæðingar
stjórnar Jean-Bertrand Aristide
hröktu lögreglu á brott og tóku
völdin í eigin hendur. Lögregla
reyndi að taka aftur stjórnina í
Gonaives en varð að hverfa frá á
nýjan leik.
Í það minnsta níu manns létu
lífið í götubardögum í Gonaives á
laugardag þar sem barist var af
mikilli grimmd. Tveir voru myrt-
ir í St. Marc þegar árás var gerð á
lögreglustöðina, hún yfirtekin og
kveikt í dómshúsi. ■
Ásdís J. Rafnar, hæstaréttarlögma›ur, hefur á n‡ opna›
lögmannsstofu, í Húsi verslunarinnar, 2. hæ›, Kringlunni 7,
Reykjavík undir nafninu Rafnar lögfræ›ifljónusta.
Rafnar lögfræ›ifljónusta er rekin í samvinnu vi› lögmenn
Lögfræ›ifljónustunnar, flá Ingólf Hjartarson, hrl., Kristján Ólafsson,
hrl., Sigur› Sigurjónsson, hrl. og Önnu L. Bjarnadóttur, hdl.
Sími: 520 5588, 520 5585 og 899 2193 (GSM).
Netfang: arafnar@isjuris.is
Húsi Verslunarinnar Kringlunni 7 • 2 hæ›
Sími 520 5588 • Fax 568 9948 • www.isjuris.is
KÁRAHNJÚKAR „Það liggur fyrir í
ljósi atburðanna hér um helgina að
taka þarf öryggisskipulag á svæð-
inu til gagngerrar endurskoðunar.
Það þarf að endurskipuleggja
björgunarsveitarmál og afla auk-
ins tækjabúnaðar,“ sagði Ómar R.
Valdimarsson, talsmaður ítalska
verktakfyrirtækisins Impregilo á
Kárahnjúkasvæðinu, en nærri
áttatíu starfsmenn sátu fastir næt-
urlangt í bílum og vinnuskúrum í
fárviðrinu um helgina.
„Það eru þarna nokkrir menn
sem eru vanir björgunarsveitar-
störfum en engan veginn í stakk
búnir til þess að takast á við slík-
ar hamfarir. Ákveðið öryggis-
skipulag er til staðar hjá starfs-
mönnum öryggis-, umhverfis- og
heilsudeildar Impregilo en ljóst
að gagngerrar endurskipulagn-
ingar er þörf. Það er líka ljóst að
gera þarf einhverjar endurbætur
á þeim vistarverum sem ekki hafa
staðist vetraráhlaupin að undan-
förnu,“ sagði Ómar.
Aðspurður um ástandið sem
skapaðist á svæðinu sagði Ómar að
það hefði verið mjög alvarlegt. „Það
er langt frá því að þetta hafi verið
eitthvað grín. Það geisaði hér fár-
viðri og mér skilst að vindstyrkur-
inn hafi mælst um 50 m/s þegar
mest var. Það var misskilningur
sem fram kom í gær að 50 starfs-
menn hefðu setið fastir í rútu en það
rétta er að þeir sátu fastir í sex til
átta bílum á víð og dreif um svæðið.
Þeir sem stóðu að björguninni eiga
heiður skilið. Þeir lögðu hart að sér
við erfiðar aðstæður og það er fyrst
og fremst þeim að þakka að engum
varð meint af,“ sagði Ómar. ■
JOHN KERRY
Kerry hefur fengið meira en
tvöfalt fleiri kjörmenn en
Howard Dean sem kemur
næstur.
KJÖRMENN
FRAMBJÓÐENDA
John Kerry 412
Howard Dean 174
John Edwards 116
Wesley Clark 82
Al Sharpton 12
2.162 kjörmenn þarf
til þess að frambjóð-
andi hljóti útnefningu
sem forsetaefni.
GONAIVES
Fólk hefur verið myrt og eigur eyðilagðar í
bardögum á Haiti.
ÖGMUNDUR JÓNASSON
Segir að fámennir hópar stóreignamanna hafi stöðugt meiri áhrif.
LÚÐVÍK
BERGVINSSON
Hugnast ekki þróunin á ís-
lenskum fjármálamarkaði.
FRÁ KÁRAHNJÚKUM
Nærri áttatíu starfsmenn sátu fastir næturlangt í bílum og vinnuskúrum.
Fárviðrið á Kárahnjúkasvæðinu:
Skoða þarf öryggisskipulag
Hlýnandi veður:
Storm-
viðvörun
VEÐUR Veðurstofa Íslands varar við
stormi víða á Suðvestur- og Vestur-
landi í dag. Kristína Hermannsdótt-
ir veðurfræðingur segir gert ráð
fyrir að það geti orðið ansi hvasst á
stöðum eins og Kjalarnesi, Snæ-
fellsnesi, undir Eyjafjöllum og á
þeim svæðum suðvestan- og vestan-
lands sem opin eru fyrir suðaust-
anáttinni. „Þetta verður samt ekki
alls staður heldur sýnist okkur að
það verði ansi byljótt og gæti farið
upp í 20 til 25 metra á sekúndu þar
sem hvassast verður,“ sagði Kristín.
Á Austur- og Norðurlandi er
spáð hægri suðlægri átt en rign-
ingu eða slyddu á Austfjörðum
þegar líður á kvöldið. ■
VALGERÐUR
SVERRISDÓTTIR
Segir ólíklegt að sameining
bankanna geti gengið eftir.