Fréttablaðið - 09.02.2004, Blaðsíða 25

HANDBOLTI Valsmenn og Haukar
skildu jafnir, 27–27, í frábærum
leik í RE/MAX-úrvalsdeild karla á
Hlíðarenda í gær. Bæði lið keyrðu
upp hraðann og þrátt fyrir að
nokkrir boltar töpuðust fyrir
vikið buðu tvö sterk lið upp á
handbolta sem féll ekkert í skugg-
ann af nýloknu Evrópumóti.
Haukar voru nærri sigri því
Ásgeir Örn Hallgrímsson skaut í
stöngina og út rétt áður en
lokaflautið gall en þrátt fyrir að
Haukarnir hafi haft frumkvæðið
nánast allan leikinn náðu
Valsmenn þriggja marka forystu
á lokakaflanum, 27–24. Ásgeir
Örn gekk niðurlútur af velli en
þessi 20 ára strákur þurfti þess
ekki því hann kom að sjö síðustu
mörkum liðsins í leiknum og sá til
þess að Haukar komust í þá stöðu
að geta unnið leikinn.
Ásgeir Örn skoraði 4 mörk og
gaf 10 stoðsendingar og var besti
maður Hauka ásamt Birki Ívari
Guðmundssyni í markinu sem
varði 21 skot. Markahæstur var
Robertas Pauzoulis með 6 mörk
og þeir Andri Stefan og Vignir
Svavarsson skoruðu báðir 5 mörk.
„Þetta lítur vel út hjá okkur.
Við erum með góða breidd og það
er góð stemning í hópnum og nú
er bara stefnan tekin á titilinn.
Við eigum enn ýmislegt inni og
auðvitað þarf maður að passa að
vera hógvær en ég hef mikla trú á
þessu liði,“ sagði Markús Máni
Michaelsson, sem skoraði 12
mörk og átti stórleik fyrir
Valsmenn. Markús háði mikla
baráttu í vörn og sókn við Ásgeir
Örn Hallgrímsson í Haukaliðinu
og það var frábær skemmtun að
fylgjast með tilþrifum þeirra
tveggja.
Pálmar Pétursson varði 18 skot
en næstur á eftir Markúsi í
markaskorun voru línumennirnir
Atli Rúnar Steindórsson og
Brendan Þorvaldsson, báðir með 3
mörk.
Haukarnir hafa byrjað vel
undir stjórn Páls Ólafssonar, sem
þótti mikið til leiksins koma eins
og örugglega flestir ef ekki allir
þeir fjölmörgu áhorfendur sem
mættu á leikinn. „Þetta var
frábær handboltaleikur og það
verður ekkert af liðunum tekið.
Leikurinn var mjög hraður og
mjög skemmtilegur þótt auðvitað
hafi verið svekkjandi að taka ekki
með sér bæði stigin. Ég er nokkuð
sáttur, við erum búnir að fá þrjú
stig af fjórum mögulegum. Við
misstum Valsmenn líka ekki
lengra frá okkur og það var
númer eitt. Auðvitað hefðum við
viljað sjá boltinn fara stöngina inn
en ekki stöngina út í lokin en þetta
var ekki alveg að detta með okkur.
Við erum að spila þennan hraða
handbolta, Valsmenn gera það
líka sem og KA-menn og það er
gaman að sjá að það eru fleiri lið
hér heima farin að keyra upp
hraðann í leikjunum,“ sagði Páll
Ólafsson, þjálfari Hauka, að
lokum.
Það má heldur ekki gleyma
hvað gerði þennan leik enn betri
en hann hefði kannski getað’
verið. Frábærir dómarar leiksins,
Stefán Arnaldsson og Gunnar
Viðarsson, héldu í við þann ótrú-
lega hraða sem var í leiknum og
sýndu af hverju þeir eru tveir af
bestu dómurunum í heimi. ■
25MÁNUDAGUR 9. febrúar 2004
RE/MAX-úrvalsdeild karla í handknattleik:
Tveir sigrar í röð hjá KA
HANDBOLTI KA-menn unnu sinn
annan leik í röð í RE/MAX-úrvals-
deild karla í gær þegar þeir tóku á
móti Frömurum á Akureyri. KA-
menn fóru með sigur af hólmi,
31-28, eftir að hafa leitt í hálfleik,
17-11. Þetta var annað tap Fram-
ara í jafn mörgum leikjum en þeir
biðu lægri hlut fyrir ÍR á föstu-
dagskvöldið.
Framarar byrjuðu leikinn bet-
ur og höfðu yfirhöndina fyrstu tíu
mínútur leiksins. Þá tóku KA-
menn við sér og tóku öll völd á
vellinum, drifnir áfram af stór-
leik Arnórs Atlasonar. Þeir náðu
fljótlega forystu, juku hana jafnt
og þétt fram að hálfleik og leiddu
með sex mörkum, 17-11, þegar
flautað var til leikhlés. Framarar
náðu aldrei að komast nálægt KA-
mönnum í síðari hálfleik og varð
munurinn aldrei minni en tvö
mörk. KA-menn sigldu því í höfn
með öruggan þriggja marka sigur,
31-28.
Arnór Atlason var markahæstur
hjá KA með tólf mörk, þar af sjö úr
vítum, Andreas Stelmokas skoraði
níu mörk, Einar Logi Fríðjónsson og
Bjartur Máni Sigurðsson skoruðu
fjögur mörk hvor og Árni Björn
Þórarinsson skoraði tvö mörk. Hans
Hreinsson átti fínan leik í marki KA
og varði sextán skot og Stefán
Guðnason varði tvö.
Héðinn Gilsson var markahæst-
ur hjá Fram með níu mörk, þar af
átta í síðari hálfleik, Valdimar Þórs-
son og Jón Björgvin Pétursson skor-
uðu fimm mörk hvor, Guðjón
Drengsson og Hjálmar Vilhjálms-
son skoruðu þrjú mörk hvor, Guð-
laugur Arnarsson skoraði tvö mörk
og Hafsteinn Ingason skoraði eitt
mark. Egedius Petkevicius varði
átján skot gegn sínum gömlu félög-
um. ■
ARNÓR ATLASON
Arnór Atlason var markahæstur hjá KA-
mönnum í gær með tólf mörk.
HAUKAR BYRJA VEL UNDIR STJÓRN PÁLS ÓLAFSSONAR
Halldór Ingólfsson, fyrirliði Hauka, reynir hér skot gegn Valsmönnum í 27–27 jafntefli liðanna í gær.
RE/MAX-ÚRVALSDEILD KARLA
Úrslit leikja í gærkvöldi
KA–Fram 31–28
Valur–Haukar 27–27
HK–Stjarnan 28-30
Grótta/KR–ÍR 29–26
Staðan
KA 2 2 0 0 65:54 11 (7)
Valur 2 1 1 0 56:47 11 (8)
ÍR 2 1 0 1 58:56 10 (8)
Haukar 2 1 1 0 57:50 8 (5)
Fram 2 0 0 2 55:63 6 (6)
Stjarnan 2 1 0 1 56:62 8 (6)
Grótta/KR 2 1 0 1 49:55 5 (3)
HK 2 0 0 2 51:60 5 (5)
Tölur innan sviga eru stig sem félögin
tóku með sér úr riðlakeppninni
MARKI FAGNAÐ
Leikmenn Manchester United sjást hér
fagna sigurmarkinu gegn Everton á laugar-
daginn.
Manchester United:
Leikmenn
í vondum
málum
FÓTBOLTI Forráðamenn enska úr-
valsdeildarliðsins Everton hafa
ákveðið að hefja rannsókn á
ásökunum á hendur leikmönn-
um Manchester United en þeir
eru sakaðir um að hafa hrópað
ókvæðisorð að stuðningsmönn-
um Everton þegar þeir fögnuðu
sigurmarki Ruud Van Nistel-
rooys á síðustu mínútu leiks lið-
anna á Goodison Park, heima-
velli Everton, á laugardaginn.
Þeir sem liggja undir grun
eru Roy Keane, Gary Neville og
Cristiano Ronaldo en þeir eiga
að hafa blótað stuðningsmönn-
unum á meðan þeir fögnuðu
markinu. Litlu munaði að nokkr-
ir stuðningsmanna Everton
ryddust inn á völlinn í bræði
sinni en vallarstarfsmenn náðu
að hindra það.
Forráðamenn Everton stað-
festu að fjölmargir stuðnings-
menn hefðu lagt inn kvörtun
vegna framkomu leikmanna
Manchester United og líklegt
væri að enska knattspyrnusam-
bandið fengi málið í sínar hend-
ur. Leikmennirnir þrír gætu átt
yfir höfði sér sektir eða leikbönn
ef þeir verða fundnir sekir um
óíþróttamannslega framkomu. ■
Frábær leikur tveggja
frábærra liða
Haukar nærri sigri í 27–27 jafntefli Vals og Hauka í RE/MAX-úrvalsdeild karla í gær.
HANDBOLTI Stjarnan sigraði HK
30-28 í annarri umferð úrvals-
deildar Remax-deildarinnar í
handbolta í gær. Stjarnan varð
fyrir áfalli snemma í leiknum
þegar Vilhjálmur Halldórsson
meiddist illa á hendi og er óttast
að hann verði lengi frá, en líkle-
gast er talið að Vilhjálmur hafi
handarbrotnað.
Stjörnumenn létu ekki bugast
eftir áfallið. Þeir höfðu yfirhönd-
ina mest allan leikinn og leiddu
15-12 í leikhléi. HK komst tvisvar
yfir í seinni hálfleik en Stjarnan
gaf ekki eftir og vann sanngjarn-
an sigur.
Elías Már Halldórsson skoraði
átta mörk fyrir HK og Haukur
Sigurvinsson sjö, þar af fjögur úr
vítaköstum. Alexander Arnarson
skoraði fimm mörk, Ólafur Víðir
Ólafsson fjögur, Andrius Rac-
kauskas þrjú og Már Þórarinsson
eitt.
Björgvin Páll Gústavsson
varði 22 skot, eitt þeirra vítakast.
Arnar Jón Agnarsson var
markahæstur Stjörnumanna með
sjö mörk, David Kekelia og Arnar
Theódórsson sex mörk hvor en
Arnar skoruðu tvö markanna úr
vítaköstum. Björn Friðriksson
skoraði þrjú mörk, tvö úr vítum,
Bjarni Gunnarsson skoraði einnig
þrjú mörk, Gústaf Bjarnason og
Sigtryggur Kolbeinsson tvö hvor
og Jóhannes Jóhannesson eitt. ■
Remax-deild karla:
Sanngjarn Stjörnusigur
HANDBOLTI Grótta/KR kom veru-
lega á óvart í gærkvöld þegar lið-
ið bar sigurorð af ÍR, 29-26, í leik
liðanna í RE/MAX-úrvalsdeild
karla í handknattleik á Seltjarnar-
nesi. Þar með komst Grótta/KR af
botni deildarinnar en ÍR missti af
gullnu tækifæri til að komast eitt
í toppsætið.
Grótta/KR byrjaði betur í
leiknum og hafði yfir, 13-12, þegar
nokkrar mínútur voru til hálf-
leiks. Þá tóku ÍR-ingar hins vegar
mikinn kipp og fóru með tveggja
marka forystu inn í hálfleik, 16-
14. ÍR-ingar höfðu frumkvæðið
mestallan síðari hálfleik og þegar
níu mínútur voru til leiksloka
höfðu þeir fjögurra marka for-
ystu, 25-21. Leikmenn Gróttu/KR
voru hins vegar ekki á þeim bux-
unum að gefast upp, minnkuðu
muninn í eitt mark, 26-25, og
tryggðu sér síðan sigurinn með
því að skora fjögur síðustu mörk
leiksins.
Línumaðurinn Hörður Gylfa-
son fór mikinn í liði Gróttu/KR á
lokasprettinum og skoraði þrjú af
síðustu fjórum mörkum leiksins.
Þessi endasprettur ásamt farsa-
kenndri dómgæslu Ingvars Guð-
jónssonar og Jónasar Elíassonar,
sem voru ansi hliðhollir
Gróttu/KR, lögðu grunninn að
sigrinum. það er athyglisvert að
Ingvar og Jónas dæmdu einnig
leik Gróttu/KR gegn Val á föstu-
dagskvöldið, furðuleg ákvörðun
hjá dómaranefnd HSÍ.
Hlynur Morthens átti frábær-
an leik í marki Gróttu/KR og varði
tuttugu skot og lagði grunninn að
sigri sinna manna en þeir Krist-
inn Björgúlfsson, Daði Hafþórs-
son og Páll Þórólfsson voru
markahæstir með fimm mörk. Áð-
urnefndur Hörður og Þorleifur
Björnsson skoruðu þrjú mörk
hvor.
Einar Hólmgeirsson var
markahæstur hjá ÍR með sex
mörk og þeir Hannes Jón Jónsson
og Fannar Þorbjörnsson skoruðu
fimm mörk hvor. Ólafur Helgi
Gíslason varði átján skot í marki
ÍR-inga. ■
Grótta/KR lagði ÍR að velli, 29-26, í úrvalsdeildinni í gærkvöld:
Endaspretturinn tryggði tvö stig