Fréttablaðið - 09.02.2004, Blaðsíða 6

6 9. febrúar 2004 MÁNUDAGUR
■ Mið-Austurlönd
Veistusvarið?
1Kraftmikil rokksveit sem gerði garð-inn upp úr 1980 með Bubba
Morthens í broddi fylkingar kemur saman
á ný á næstunni. Hvað heitir sveitin?
2Formannsskipti verða í VerslunarráðiÍslands í vikunni. Hver er verðandi
formaður?
3Hvað heitir miðborgarprestur?
Svörin eru á bls. 30
Góðar horfur í ferðaþjónustu í sumar:
Stefnir í metfjölda
erlendra ferðamanna
FERÐAÞJÓNUSTA Góður horfur eru í
ferðaþjónustu fyrir komandi
sumar og búast Samtök ferða-
þjónustunnar við að 350 þúsund
erlendir ferðamenn sæki Ísland
heim, fleiri en nokkru sinni.
Til samanburðar komu 320
þúsund erlendir ferðamenn til
landsins í fyrra. Það stefnir því í
að aukningin geti orðið tæplega
10%.
Skýringanna er að leita í stór-
auknu sætaframboði í flugi til
landsins, Ísland virðist komið á
kortið hjá stórum ferðaheildsöl-
um og það til að vera.
Sem dæmi fjölgar sætum í
flugi frá Þýskalandi í sumar um
tuttugu prósent, ferðum milli
Kaupmannahafnar og Keflavík-
ur fjölgar í allt að sex á dag
næsta sumar og bæði Icelandair
og Iceland Express fjölga ferð-
um og/eða áfangastöðum.
Fleiri erlendir ferðamenn
koma nú á eigin vegum til Ís-
lands en í skipulögðum hópferð-
um og sífellt algengara er að
fjölmennar ráðstefnur séu
haldnar hér á landi. ■
STJÓRNMÁL „Það er verkefni nýrrar
stjórnar kjördæmisráðs að ráða
fram úr þessum fjármálum og sú
vinna er þegar komin í gang.
Ábyrgðir af skuldum munu færast
á herðar nýrra einstaklinga, þegar
og ef til fram-
lengingar kem-
ur,“ segir Stein-
grímur J. Sigfús-
son, formaður
Vinstrihreyfing-
arinnar – græns
framboðs, um
s k u l d a s t ö ð u
flokksins í Suð-
vesturkjördæmi
og ábyrgð Ragnhildar Guðmunds-
dóttur, fyrrverandi formanns kjör-
dæmisráðs, sem Fréttablaðið sagði
frá í gær.
Ragnhildur skrifaði upp á
skuldabréfið í kosningabaráttunni
og er enn ábyrgðarmaður. Stein-
grímur J. segir að misskilnings
gæti hjá Ragnhildi varðandi þá
skuldbindingu. Í fyrsta lagi sé upp-
hæðin talsvert lægri en tvær millj-
ónir króna en þá sé þess að gæta að
Kristín Halldórsdóttir, fram-
kvæmdastjóri VG, sé fyrsti ábyrgð-
armaður lánsins en Ragnhildur ann-
ar.
„Allt tal um persónulegar
ábyrgðir er út í hött því kjördæmis-
ráðið og flokkurinn eru auðvitað
skuldarinn og greiða þetta. Ábyrgð-
ir á borð við þessa eru algengar á
meðal þeirra sem eru í forsvari fyr-
ir félagasamtök og undirrita skuld-
bindingar af ýmsu tagi,“ segir hann.
Steingrímur segist sjálfur hafa
ábyrgst flokkaskuldir af ýmsu tagi
þau 20 ár sem hann hafi starfað í
stjórnmálum og aldrei hafi hvarflað
að sér að þurfa að greiða þær skuld-
ir sjálfur. Hann viðurkennir þó að
ef flokkurinn bregðist algjörlega
standi upp á einstaklinginn að
borga en slíkt komi alls ekki til í
þessu tilviki.
„Það er rétt sem kemur fram í
fréttinni að í Suðvesturkjördæmi er
verið að glíma við nokkrar skuldir.
Slíkt er þó ekkert einsdæmi og á við
um Norðausturkjördæmi líka. Það
er þó ekkert til að kvarta yfir og
eins og hvert annað verkefni að
koma þeim út úr heiminum,“ segir
hann.
Steingrímur segist alfarið hafna
því að um óráðsíu kosningastjórans
hafi verið að ræða. Reikningar hafi
verið endurskoðaðir og hvergi sé
misfellu að finna. Því sé ómaklegt
að skella skuldinni á kosningastjór-
ann.
„Hún vann gott starf við erfiðar
aðstæður og nýtur míns fyllsta
trausts,“ segir Steingrímur.
Hann segir að ný stjórn kjör-
dæmaráðsins vinni nú af krafti að
því að ná niður skuldum.
„Flokkurinn er í samstarfi við
kjördæmin um þau mál,“ segir
Steingrímur og telur það vera kald-
ar kveðjur frá Ragnhildi og Frétta-
blaðinu að segja frá máli þessu þá
helgi sem VG haldi upp á 5 ára af-
mæli sitt.
rt@frettabladid.is
Ný útfararaðferð:
Frysta lík
og brjóta
STOKKHÓLMUR, AP Lík verða fryst
og brotin niður með hljóðbylgj-
um ef hugmyndir sænska líf-
fræðingsins Susanne Wiigh-
Mæsak verða að veruleika.
Hennar hugmynd er að frysta
líkin þar til þau eru nærri 200
gráðu köld. Eftir það er hægt að
brjóta þau niður með hljóðbylgj-
um þannig að eftir verður duft-
kennt efni. Vatn er síðan síað frá
og mengandi efni hreinsuð frá
áður en líkamsleifarnar eru
brenndar eða jarðaðar í litlum
krukkum sem brotna niður í
náttúrunni. Með þessu vill
Wiigh-Mæsak bregðast við
áhyggjum af því að efni skaðleg
umhverfinu sleppi út, svo sem
við brennslu og hefðbundnar út-
farir. ■
Sjúkraþjálfarar
í öldrunarþjónustu:
Lýsa áhyggj-
um af niður-
skurði
HEILBRIGÐISMÁL Aðalfundur Fé-
lags sjúkraþjálfara í öldrunar-
þjónustu lýsir yfir þungum
áhyggjum af fyrirhugaðri
skerðingu á starfsemi og þjón-
ustu Landspítala – háskóla-
sjúkrahúss, sérstaklega fyrir-
huguðum niðurskurði á öldrun-
arsviði og endurhæfingardeild
fjölfatlaðra í Kópavogi.
Í ályktun félagsins segir að
verið sé að skerða þjónustu við
fólk sem eigi erfitt með að berj-
ast fyrir réttindum sínum. Ára-
langri sérhæfingu og uppbygg-
ingu á góðri starfsemi sé fórnað
og ólíklegt sé að það leiði til
sparnaðar í framtíðinni. ■
Ariel Sharon:
Ekki búist
við ákæru
ÍSRAEL Ólíklegt þykir að Ariel
Sharon verði ákærður í tengslum
við rannsókn á meintum mútu-
greiðslum til hans og sonar hans
Gilad, að því er fram kemur í ísra-
elskum fjölmiðlum. Þar er haft
eftir heimildarmönnum innan lög-
reglunnar að ekki séu nægjanleg
sönnunargögn fyrir hendi til að
ákæra hann.
Menahem Mazuz ríkissaksókn-
ari tekur ákvörðun um ákæru á
næstu vikum. ■
BÝST VIÐ FUNDI Ahmed Qureia,
forsætisráðherra Palestínu, seg-
ist eiga von á því að hann hitti
Ariel Sharon, forsætisráðherra
Ísraels, að máli áður en mánuður-
inn er úti. Þeir hafa enn ekki
fundað saman síðan Qureia tók
við embætti.
FRELSIÐ MÚSLÍMA Benny Elon,
ferðamálaráðherra Ísraels, segir
að ekki komi til greina að leyfa
kristnum trúboðum að reyna að
snúa gyðingum til kristni. Hann
hvatti hins vegar til þess að þeir
færu í moskur múslíma og boðuðu
trú sína þar. „Minnið alla íslamska
morðingja á að þeir eigi ekki að
myrða. Gerið þá að kristnu og
góðu fólki,“ sagði hann.
Orðrómur um yfirtöku:
Sá breski
hækkar
VIÐSKIPTI Breski bankinn Singer and
Friedlander hækkaði um rúm fimm
prósent á föstudag. Orðrómur hefur
verið um að bankinn verði yfirtek-
inn, annað hvort af KB banka sem á
9,5% í bankanum, eða belgískum
banka. Orðrómurinn hefur skotið
upp kollinum reglulega. KB banki
þarf að sækja um leyfi til breska
fjármálaeftirlitsins til þess að fara
upp fyrir 10% hlut. Samkvæmt
heimildum er slík umsókn þegar til
umfjöllunar. Það eitt og sér þarf
ekki að þýða að bankinn stefni að
yfirtöku. Hins vegar er talið líklegt
að KB banki hafi fullan hug á að
taka yfir bankann. ■
BJART FRAM UNDAN
Horfur í ferðaþjónustu eru góðar fyrir kom-
andi sumar og má búast við að fleiri er-
lendir ferðamenn komi til landsins en
nokkru sinni.
Ábyrgð á flokksskuld-
um er ekki einsdæmi
Steingrímur J. Sigfússon, formaður VG, segir fráleitt að ábyrgðir einstak-
linga vegna skulda flokksins hvíli á þeim. Flokkurinn standi við skuldir
sínar. Ný kjördæmisstjórn í Kraganum vinnur á kosningaskuldum.
„Kjördæm-
isráðið og
flokkurinn eru
auðvitað
skuldarinn og
greiða þetta.
SKULDIRNAR ERU FLOKKSINS
Formaður VG segir misskilnings gæta vegna persónulegra ábyrgða einstaklinga á skulda-
bréfi vegna kosningabaráttu flokksins. Flokkurinn sé skuldari og muni greiða skuldabréfið.