Fréttablaðið - 09.02.2004, Blaðsíða 24

24 9. febrúar 2004 MÁNUDAGUR
RAFAEL NADAL
Spánverjinn Rafael Nadal í keppni við
Tékkann Radek Stepanek í Davis-bikar-
keppninni í gær.
Tennis
Þýska Búndeslígan:
Bayern á sigurbraut
FÓTBOLTI Michael Ballack kom mikið
við sögu þegar Bayern München
sigraði Hannover 96 í 19. umferð
þýsku Búndeslígunnar í gær. Ball-
ack skoraði fyrsta mark leiksins á
tíundu mínútur og var rekinn af
velli korteri fyrir leikslok með tvö
gul spjöld á afrekaskránni.
Zé Roberto, sem lagði upp
mark Ballacks, skoraði annað
mark Bayern um miðjan seinni
hálfleik. Roy Makaay lagði upp
markið fyrir Zé Roberto og skor-
aði síðan sjálfur þriðja mark
Bayern á 77. mínútu. Makaay fékk
boltann frá Claudio Pizarro við
vítateigslínuna og sendi hann í
markhornið vinstra megin.
Átta mínútum fyrir leikslok
skoraði Stanko Svitlica mark
Hannover með skoti af stuttu færi
en samherja hans Julian De Guz-
man var vísað af velli á lokamínút-
unni.
Bayern stökk upp í annað sæti
deildarinnar og er sex stigum á
eftir Werder Bremen. Stuttgart
féll hins vegar niður í þriðja sætið
eftir 1-0 tap gegn botnliði Herthu
fyrir hálftómum Ólympíuvellinum
í Berlín. Fredi Bobic skoraði mark
Herthu þremur mínútum fyrir
leikslok. Marcelinho sendi boltann
inn í vítateig Stuggart úr auka-
spyrnu og stökk Bobic hæst og
skallaði boltann í markið.
Hertha Berlín hafði ekki unnið
leik frá því félagið lagði Borussia
Mönchengladbach 2-1 í byrjun
nóvember. Þrátt fyrir sigurinn er
félagið í neðsta sætinu með sext-
án stig. Það hefur jafn mörg stig
og Eintracht Frankfurt og Köln en
markatala Berlínarfélagsins er
tíu mörkum lakari en hinna félag-
anna. ■
Chelsea vann
Charlton
Jimmy Floyd Hasselbaink skoraði sigurmark Chelsea en
Maik Taylor bjargaði Birmingham frá tapi gegn Manchester City.
FÓTBOLTI Chelsea fylgir Arsenal og
Manchester United eftir í topp-
baráttu ensku úrvalsdeildarinnar.
Chelsea vann Charlton 1-0 á Stam-
ford Bridge í gær og skoraði
Jimmy Floyd Hasselbaink eina
mark leiksins úr vítaspyrnu á 28.
mínútu. Chelsea fékk vítaspyrn-
una þegar Suður-Afríkumaðurinn
Mark Fish braut á Hasselbaink.
Hermann Hreiðarsson lék allan
tímann með Charlton en Eiður
Smári Guðjohnsen kom inn í lið
Chelsea fyrir Hasselbaink á 74.
mínútu. Eiður lagði upp færi fyrir
Adrian Mutu níu mínútum síðar
en Dean Kiely, markvörður
Charlton, varði með glæsilegum
tilþrifum.
„Ég fann mig í leiknum strax
við fyrstu snertingu,“ sagði Eiður
Smári í viðtali við Sky Sports eft-
ir leikinn. „Ég reyndi að leggja
upp auðvelt færi fyrir Adrian en
vonandi fer hann að skora mörk.“
Eiður Smári sagði að stigin þrjú
hafi skipt öllu máli. „Við eigum
eftir að leika við tvö efstu félögin
og getum enn sett okkar mark á
leiktíðina.“
Maik Taylor, markvörður
Birmingham, var í miklum ham
þegar félagið náði markalausu
jafntefli gegn Manchester City á
útivelli. Taylor varði hvað eftir
annað skot sóknarmanna City en
það var þó markvarsla hans
korteri fyrir leikslok sem stóð
upp úr. Jon Macken skaut að
marki úr miðjum teig en Taylor
varði. Antoine Sibierski náði frá-
kastinu og skallaði að marki af
markteig en Taylor spratt á fætur
og sló boltann í stöng og út.
Um miðjan fyrri hálfleik varði
Taylor skallabolta frá Macken af
stuttu færi en var jafnframt hepp-
inn að frákastið barst ekki til
sóknarmanna City sem fylgdu á
eftir.
„Ég áttaði mig ekki á því
hversu góður hann var þegar ég
keypti hann frá Southampton,“
sagði Kevin Keegan, fram-
kvæmdastjóri Manchester City.
Birmingham fékk Maik Taylor að
láni í haust frá Fulham en Keegan
keypti hann þangað frá South-
ampton árið 1997. „Hann var frá-
bær í dag,“ sagði Keegan. „Hann
varði nokkrum sinnum þegar
hann virtist ekki eiga að geta var-
ið.“ ■
Keppnistreyjur, æfingatreyjur,
töskur, bakpokar,
könnur, treflar o.m.fl.
Ekki missa af þessu.
„Meðlimir í Liverpoolklúbbnum
FÁ 10% AUKAAFSLÁTT
ef þeir eiga gildskirteini“
„LIVERPOOL DAGAR“
10-50% afsláttur
af Liverpool vörum aðeins þessa viku.
Jói útherji
Knattspyrnuverslun
Ármúla 36, Reykjavík,
sími 588 1560
www.joiutherji.is - sendum í póstkröfu
ÚRSLIT LEIKJA Í GÆR
Chelsea - Charlton 1-0
1-0 Hasselbaink, vsp. (28.)
Man. City - Birmingham 0-0
Arsenal 24 17 7 0 47:16 58
Manchester United 24 18 2 4 47:20 56
Chelsea 24 16 4 4 44:19 52
Newcastle 24 9 10 5 34:25 37
Charlton 24 10 7 7 32:26 37
Liverpool 24 9 8 7 34:26 35
Fulham 24 10 5 9 36:33 35
Aston Villa 24 9 6 9 28:27 33
Bolton 24 8 9 7 30:36 33
Birmingham 23 8 8 7 20:26 32
Southampton 24 8 7 9 23:21 31
Tottenham 24 9 3 12 31:36 30
Middlesbrough 23 7 7 9 23:27 28
Blackburn 24 7 5 12 35:39 26
Everton 24 6 7 11 28:33 25
Manchester City 24 5 9 10 32:35 24
Portsmouth 24 6 5 13 28:37 23
Leicester 24 4 8 12 32:46 20
Wolves 24 4 8 12 21:47 20
Leeds 24 4 5 15 19:49 17
NÆSTU LEIKIR
Þriðjudagur 10. febrúar
Arsenal - Southampton
Leeds - Wolves
Leicester - Bolton
Miðvikudagur 11. febrúar
Birmingham - Everton
Blackburn - Newcastle
Charlton - Tottenham
Fulham - Aston Villa
Liverpool - Man. City
Man. United - Middlesbrough
Portsmouth - Chelsea
VÍTI
Mark Fish, varnarmaður Charlton, brýtur á Jimmy Floyd Hasselbaink í leik Chelsea og Charlton í gær. Hasselbaink skoraði eina mark
leiksins úr vítaspyrnunni sem dæmd var á brotið.
MICHAEL BALLACK
Skoraði og var vísað af velli þegar Bayern München vann Hannover 3-1 í gær.
PEARCE OG CLOUGH TIL FOREST
„Draumalausnin fyrir flesta er sú
að Stuart Pearce verði fram-
kvæmdastjóri Nottingham Forest
og Nigel Clough verði aðstoðarmað-
ur hans,“ sagði Stan Collymore,
fyrrum leikmaður Forest, í viðtali
við BBC.
MEISTARADEILDIN Á WEMBLEY?
Enska knattspyrnusambandið vill að
úrslitaleikurinn í Meistaradeildinni
2007 verði háður á Wembley-leik-
vangnum. Leikvangurinn verður
opnaður að nýju snemma árs 2006
og eru Englendingar staðráðnir í að
Wembley fái á ný fyrra hlutverk í
íþróttum og tónleikahaldi.
■ Fótbolti