Fréttablaðið - 18.02.2004, Page 2

2 18. febrúar 2004 MIÐVIKUDAGUR
„Guð sér allan tölvupóst en þú
þarft ekki tölvupóst til að ná sam-
bandi við hann.“
Ísraelskt fjarskiptafyrirtæki býður nú gyðingum
um heim allan að senda Guði tölvupóst en
samkvæmt trúnni geta gyðingar fengið óskir og
bænir uppfylltar með því að setja bréf til Guðs í
Grátmúrinn í Jerúsalem. Séra Örn Bárður bendir
á að kirkjur landsins og prestar í þjónustu Guðs
eru nettengd en áréttar að beina sambandið
við Guð gefist best.
Spurningdagsins
Séra Örn Bárður, er Guð nettengdur?
■ Lögreglufréttir
Lögmaður gagn-
rýnir rannsókn
Lögreglan í Litháen aðstoðar við rannsókn líkfundarins í Neskaupstað.
Hún sýndi manni í Vilníus mynd af hinum látna og tilkynnti honum
ranglega að sonur hans væri dáinn.
LÖGREGLUMÁL Lögreglan í Litháen
hefur verið fengin til að aðstoða
við rannsókn líkfundarins í Nes-
kaupstað vegna gruns um að hinn
látni kunni að vera Lithái. Lög-
reglumenn fóru að heimili manns í
Vilníus í gær, sýndu honum mynd
af hinum látna og tjáðu honum að
sonur hans væri dáinn. Hann sagð-
ist ekkert kannast við hinn látna.
Við nánari athugun kom í ljós að
maðurinn í Vilníus var faðir Lithá-
ans sem hafði ásamt tveimur Ís-
lendingum gefið sig fram hér á
landi vegna málsins.
Guðmundur St. Ragnarsson,
lögmaður þremenninganna,
gagnrýnir rannsókn málsins.
„Það er skrýtið hvernig haldið
er utan um rannsókn málsins og
ljóst að einhver misskilningur er
hér á ferðinni,“ segir Guðmund-
ur. Hann segir að fréttir um að
annar Íslendinganna tengdist
málinu hafi orðið til þess að sá
maður gaf sig sjálfviljugur fram.
Hann hafi hins vegar ekki verið
eftirlýstur, handtekinn eða grun-
aður um verknaðinn. Í kjölfarið
hafi hinn Íslendingurinn og Lit-
háinn flækst inn í málið og gefið
sig fram við lögreglu með sama
hætti, en allir hafi þeir fengið að
fara heim til sín að lokinni
skýrslutöku.
Guðmundur segir að þremenn-
ingarnir tengist ekki líkfundin-
um í Neskaupstað og að hinn látni
hafi ekki verið með þeim. Hann
segir að tveir þeirra sem um
ræðir hafi verið á ferðalagi fyrir
austan á bílaleigubíl. Þeir hafi
fyrst ætlað að fara að Gullfossi
og Geysi, en síðan ákveðið að
fara austur að Skaftafelli og að
lokum endað í heimsókn hjá þeim
þriðja, sem var um stundarsakir
staddur hjá móður sinni í Nes-
kaupstað. Guðmundur segir að
eftir heimsóknina hafi mennirnir
tveir keyrt til baka til Reykjavík-
ur og skilað bílnum. Mennirnir
þrír hafa ekki verið kallaðir aftur
til yfirheyrslu hjá lögreglunni.
Lögmaður þeirra segir málið
hafa haft slæm áhrif á þá. Því
haldi þeir sig í felum.
Rannsókn málsins heldur
áfram af fullum þunga hjá lög-
reglunni á Eskifirði, en auk þess
fer fram eftirgrennslan víðs veg-
ar um landið sem um 20 manna
rannsóknarhópur lögreglu stend-
ur að. Engin hefur enn verið
handtekinn vegna málsins. Jón
H. Snorrason hjá Ríkislögreglu-
stjóra segir að verið sé að vinna
að gagnaöflun með ýmsum hætti.
Stöð 2 greindi frá því í gær-
kvöld að Lithái sem búsettur er á
Íslandi telji sig nokkuð vissan um
að hinn látni sé litháískur ættingi
sinn, en erfitt sé þó að slá því
föstu þar sem líkið sé illa farið.
bryndis@frettabladid.is
Afkoma Landssíma Íslands í fyrra:
Græddi rúma tvo milljarða
SÍMINN Landssími Íslands hf. hagn-
aðist um 2.145 milljónir króna eft-
ir skatta í fyrra. Þetta er sambæri-
leg afkoma og varð árið áður, en
ríflega milljarði meira en árið
2001. Hagnaður Símans eftir
skatta nemur því samtals 5,3 millj-
örðum króna síðastliðin þrjú ár.
Rekstrartekjur Símans í fyrra
voru tæpir 19 milljarðar króna,
rúmum 800 milljónum meiri en
2002. Rekstrargjöldin námu 11,4
milljörðum í fyrra en voru 10,9
milljarðar árið 2002.
Heildareignir Símans voru í
lok síðasta árs 28,6 milljarðar og
eigið fé liðlega 16 milljarðar.
Eiginfjárhlutfallið er 56%.
Í tilkynningu Símans segir að
tekjur af talsímaþjónustu hafi
dregist saman á síðasta ári en
tekjur af farsíma- og gagnaflutn-
ingsþjónustu hækkað á milli ára.
Stjórn Símans ákvað að leggja
til við aðalfund 22. mars næstkom-
andi að greiddur verði 30% arður
til hluthafa, samtals 2.110 milljónir
króna. Íslenska ríkið á nánast allt
hlutafé í Símanum. ■
Hæstiréttur:
Staðfesti
gæsluvarðhald
ÚRSKURÐUR Gæsluvarðhalds-
úrskurður Héraðsdóms Reykja-
víkur yfir tveimur mönnum og
einni konu vegna hasssmygls
var staðfestur af Hæstarétti á
mánudag.
Fólkið var úrskurðað í tveggja
vikna gæsluvarðhald á föstudag
en níu kíló af hassi fundust falin í
húsgögnum sem send höfðu verið
til landsins. Fjögur kíló af hassi
fundust í húsleitum í framhald-
inu. Dómurinn samþykkti rök lög-
reglustjórans í Reykjavík fyrir
gæsluvarðhaldinu þar sem fólkið
gæti hugsanlega haft áhrif á vitni
eða jafnvel samseka. ■
HERMENN Á LANDAMÆRUNUM
Gjöreyðingarvopnaáætlun Norður-Kóreu-
manna verður til umræðu í næstu viku.
Kóreudeilan:
Undirbúa
viðræður
SEÚL, AP Bandarískir, japanskir og
suður-kóreskir embættismenn
funda í næstu viku til að undir-
búa sig fyrir mikilvægar viðræð-
ur um gjöreyðingarvopn Norður-
Kóreumanna. Stefnt er að því að
viðræður fulltrúa sex þjóða hefj-
ist á miðvikudag í næstu viku en
þar verður leitað leiða við að
binda enda á 15 mánaða langa
deiluna.
Á fundinum í næstu viku hitt-
ast embættismenn frá Rússlandi,
Kína og Norður-Kóreu auk land-
anna þriggja sem hafa þegar ver-
ið nefnd. Þar er gert ráð fyrir að
rætt verði um tilboð norður-
kóreskra stjórnvalda um að setja
áætlanir sínar um framleiðslu
gjöreyðingarvopna í bið ef
Bandaríkin samþykkja að af-
nema viðskiptahindranir og veita
Norður-Kóreu efnahagsaðstoð. ■
Tíu mánaða fangelsi:
Braut gegn
stjúpdóttur
DÓMUR Maður var dæmdur í tíu
mánaða fangelsi fyrir kynferðis-
brot gegn stjúpdóttur sinni sem var
á unglingsaldri þegar hann braut
gegn henni. Maðurinn var sakaður
um að þukla á kynfærum og brjóst-
um stúlkunnar og leggja hendur
hennar á kynfæri sín.
Maðurinn var sýknaður af
hluta ákærunnar þar sem
stúlkan ein var til frásagnar.
Maðurinn hefur áður verið
dæmdur fyrir svipuð brot, gegn
dóttur fyrrverandi sambýlis-
konu sinnar. ■
HIV-veiran:
Faraldur í
A-Evrópu
MOSKVA, AP Útbreiðsla HIV-
veirunnar er hvað hröðust í Rúss-
landi, Úkraínu og Eistlandi, að því
er fram kemur í skýrslu Þróunar-
áætlunar Sameinuðu þjóðanna.
Talið er að einn af hverjum hundr-
að fullorðnum í þessum þremur
löndum sé smitaður af veirunni.
„Það er nú þegar of seint að
tala um hvernig megi koma í veg
fyrir að neyðarástand skapist í
Austur-Evrópu,“ segir Kalman
Mizei, einn af yfirmönnum Þróun-
aráætlunarinnar. Mizei bendir þó
á að stjórnvöld og almenningur
um heim allan geti lagt sitt af
mörkum til að draga úr sam-
félagslegum og efnahagslegum
afleiðingum faraldursins og jafn-
vel snúa þróuninni við. ■
Sumarhús fjölskyldu Hrafns Gunnlaugssonar brann:
Vill bæta móður
sinni missinn
BRUNI „Þetta er mikill sorgar-
atburður, hvernig svo sem hann
er til kominn, og þá öðru fremur
fyrir móður mína sem átti sér
griðastað í þessu húsi og hafði af
mikilli elju gert húsið og allt um-
hverfi þess að sameiningarstað
allrar fjölskyldunnar,“ segir
Hrafn Gunnlaugsson kvikmynda-
leikstjóri um bruna á sumarbú-
stað fjölskyldunnar við Hellu-
vatn. Hann segir staðinn vera
móður sinni, Herdísi Þorvalds-
dóttur leikkonu, einkar kæran og
hún eigi því um sárt að binda.
Lögreglan í Reykjavík rannsakar
mál þetta, sem þykir grunsamlegt
í ljósi þess að skemmdarverk hafa
áður verið unnin á mannvirkjum
tengdum bústaðnum og þar í
kring. Ekki er enn vitað um elds-
upptök.
Hrafn segist eiga margar af
sínum bestu æskuminningum frá
dvöl í bústaðnum, ekki síst um
föður sinn, dr. Gunnlaug heitinn
Þórðarson hæstaréttarlögmann.
„Hann gaf húsinu sinn sérstaka
svip með sínu frjóa hugmynda-
flugi. Ég vona heilshugar að okk-
ur systkinum og barnabörnum
Herdísar takist að finna leið til að
bæta móður minni þennan missi,“
segir Hrafn. ■
SÍMAFORSTJÓRINN
Brynjófur Bjarnason settist í forstjórastól
hjá Símanum fyrir hálfu öðru ári. Árið í
fyrra er fyrsta heila árið undir hans stjórn
en það skilaði eigendum ríflega tveimur
milljörðum í hagnað eftir skatta.
HRAFN GUNNLAUGSSON
Sameiningarstaður fjölskyldunnar brann.
DATT Á GRÝLUKERTI Maður sem
var að skoða Raufarhólshelli við
Þrengslaveg datt á grýlukerti í
hálku og rifbeinsbrotnaði.
Slökkviliðið á höfuðborgarsvæð-
inu flutti manninn undir læknis-
hendur.
HENTU STEINHELLUM Í BÍL
Skemmdarverk voru unnin á bif-
reið sem stóð í afgirtu porti við
Grófina í Reykjanesbæ á mánu-
dag. Steinhellum sem stóðu á
vörubretti skammt frá verið hent
í bílinn sem skemmdist nokkuð.
LÖGREGLAN VIÐ BRYGGJUNA Í NESKAUPSTAÐ
Lögmaður þremenninganna segir málið hafa haft slæm áhrif á þá. Því haldi þeir sig í felum.
Afkoma DeCode
Genetics í fyrra:
Tapaði 2,4
milljörðum
DECODE DeCode, móðurfélag Ís-
lenskrar erfðagreiningar, tapaði
35,1 milljón Bandaríkjadala í
fyrra, sem nemur 2,4 milljörðum
íslenskra króna. Til samanburðar
nam tap af rekstri DeCode 130
milljónum dala árið 2002, sem
nemur um níu milljörðum króna.
Tapið í fyrra jafngildir því að 1,32
dalir hafi tapast á hvern hlut í fé-
laginu árið 2003.
Tekjur DeCODE jukust um tæp
14 prósent á milli ára, fóru úr 41,1
milljón dala 2002 í 46,8 milljónir
dala, eða 3,2 milljarða króna, árið
2003.
Í árslok 2003 átti DeCode 74,7
milljónir dala, rúma fimm millj-
arða króna, í handbæru fé. ■
Hælisleitendur í
Hollandi:
Þúsundum
vísað úr landi
HOLLAND Hollenska þingið hefur
samþykkt áætlun um að vísa á brott
þúsundum erlendra hælisleitenda.
Þegar nýju lögin taka gildi verða
um 26.000 einstaklingar að fara úr
landi innan þriggja ára en margir
þeirra hafa verið búsettir í Hollandi
í áraraðir og eiga þar fjölskyldu.
Frumvarpið, sem lagt var fram
af ríkistjórn landsins, hefur verið
harðlega gagnrýnt af almenningi í
landinu. Einn maður sem á von á því
að verða vísað úr landi hefur saum-
að saman augnlok sín og varir í mót-
mælaskyni. ■