Fréttablaðið - 09.03.2004, Blaðsíða 4

4 9. mars 2004 ÞRIÐJUDAGUR
Hefurðu farið í leikhús í vetur?
Spurning dagsins í dag:
Hvernig líst þér á nýgerða
kjarasamninga á almennum markaði?
Niðurstöður gærdagsins
á frett.is
61,8%
38,2%
Nei
Já
Kjörkassinn
Farðu inn á frett.is og segðu þína skoðun
frétt.is
Guðjón A. Kristjánsson:
Ekkert um skattalækkanir
ALÞINGI Guðjón A. Kristjánsson,
formaður Frjálslynda flokksins,
sagðist á Alþingi í gær fagna kjara-
samningi Starfsgreinasambandsins
og Flóabandalagsins við Samtök at-
vinnulífsins til næstu fjögurra ára.
„Það eru miklar líkur til þess að
þetta frumkvæði launþega hafi enn
og aftur tryggt stöðugleika í land-
inu,“ sagði Guðjón og bætti við að
sérstök hækkun lágmarkslauna í
100 þúsund krónur væri áfangi á
réttri leið.
„Það lyftir undir betri afkomu
þeirra sem verst eru settir. Sömu-
leiðis eru auknar eingreiðslur í líf-
eyrissjóðina merkur áfangi í því að
bæta afkomu fólks á efri árum.“
Guðjón Arnar sagði Frjálslynda
flokkinn fagna því að ríkisstjórnin
kæmi að málum eins og raun ber
vitni og taldi mikla ábyrgð því sam-
fara að tryggja hér vinnufrið til
fjögurra ára.
„Ég verð hins vegar að segja að
ég sakna þess að ekki skuli vikið að
lækkandi raungildi persónuafslátt-
arins. Það er í raun og veru ekkert
vikið að skattamálunum sem slík-
um í yfirlýsingu ríkisstjórnarinnar
og við höfum eingöngu orð forsæt-
isráðherra um það að öll áform rík-
isstjórnarflokkanna um skatta-
lækkanir muni koma til fram-
kvæmda. Við eigum eftir að sjá út-
færsluna á þessu,“ sagði Guðjón. ■
Skapa skilyrði til
skattalækkunar
Útgjöld ríkisins vegna nýrra kjarasamninga á almennum markaði nema
um þremur milljörðum á ári. Verði samningarnir mótandi fyrir aðra
samninga skapast skilyrði til skattalækkunar segir forsætisráðherra.
ALÞINGI „Ríkisstjórnin lítur svo á að
þegar allir þeir þættir sem hún lof-
ar að beita sér fyrir í tengslum við
gerð kjarasamninga eru komnir til
framkvæmda, þá verði útgjöld rík-
isins á ári hverju milli 2,7 og 2,8
milljarðar króna. Ríkisstjórnin tel-
ur verjanlegt að láta slíkar fjárhæð-
ir úr ríkissjóði vegna þess að mjög
mikilvægt er að samningar séu
gerðir til jafn langs tíma eins og nú
er gert. Það tryggir áframhaldandi
stöðugleika í landinu og kaupmátt-
araukningu,“ sagði Davíð Oddsson
forsætisráðherra á Alþingi í gær,
þegar hann gerði grein fyrir yfir-
lýsingu sem ríkisstjórnin sam-
þykkti vegna kjarasamninga.
Davíð ræddi ennfremur um þær
skattalækkanir sem fjallað er um í
stjórnarsáttmála ríkisstjórnarinnar.
„Það er mat ríkisstjórnarinnar að
með þessum kjarasamningum, ef
þeir verða mótandi fyrir aðra kjara-
samninga, þá skapist skilyrði til
þess að öll áform um skattalækkan-
ir nái fram að ganga. Ljóst er að
þær muni enn auka við þann kaup-
mátt sem þessir kjarasamningar
leggja grundvöll fyrir með því að
skapa umgjörð stöðugleika og sátta
í þjóðfélaginu,“ sagði Davíð.
Í yfirlýsingu ríkisstjórnarinnar
kemur fram að hún er reiðubúin að
taka upp viðræður við sérstaka líf-
eyrisnefnd sem Samtök atvinnulífs-
ins og Alþýðusamband Íslands
hyggjast koma á fót, um hugsanlega
aðkomu stjórnvalda að tilteknum
þáttum, sem sú nefnd mun taka til
meðferðar, meðal annars að því er
varðar verkaskiptingu milli lífeyr-
issjóða og almannatrygginga. Til að
greiða fyrir kjarasamningum á al-
mennum vinnumarkaði mun ríkis-
stjórnin einnig beita sér fyrir því að
fyrirkomulag varðandi fjármögnun
starfsmenntasjóða verkafólks, sem
gilt hefur frá árinu 2000, verði
framlengt til ársloka 2007. Það þýð-
ir að á tímabilinu komi greiðslur frá
Atvinnuleysistryggingasjóði til
starfsmenntasjóða, í samræmi við
fyrirliggjandi tillögur Samtaka
atvinnulífsins, Starfsgreinasam-
bands Íslands og Flóabandalagsins.
Ríkisstjórnin mun beita sér fyrir
því að atvinnuleysisbætur verði frá
1. mars 2004 88.767 krónur, hækki
um 3% 1. janúar 2005, 2,5% 1. janú-
ar 2006 og um 2,25% 1. janúar 2007.
Almennt tryggingagjald lækkar um
0,45% frá 1. janúar 2007, gegn því
að Samtök atvinnulífsins samþykki
að iðgjald atvinnurekenda til sam-
eignarlífeyrissjóða verði 8% frá
þeim degi.
bryndis@frettabladid.is
Egilsstaðir:
Tveggja
stúlkna leitað
LÖGREGLUMÁL Lögreglan á Egilsstöð-
um leitaði í gær tveggja stúlkna,
fimmtán og sextán ára, sem hurfu
aðfaranótt mánudags. Önnur stúlk-
an mun hafa látið sig hverfa áður
en ekki hin. Lögregla mun meta það
síðar hvort óska eigi eftir aðstoð al-
mennings við leitina að stúlkunum.
Leit lögreglu miðaði að því að
skoða þær leiðir sem færar eru úr
bænum, það er upp að Kára-
hnjúkum, norður í land og út á firði.
Lögreglan sagði að ekki væri sér-
staklega gert ráð fyrir að þær hefðu
farið upp að Kárahnjúkum en sá
möguleiki væri skoðaður líkt og aðr-
ir. ■
Í Héraðsdómi
Reykjavíkur:
Fékk hrossið
bætt
DÓMSMÁL Eigandi ökutækis, sem
ekið var á hest árið 2002, og Vá-
tryggingafélag Íslands, voru
dæmd til að greiða eiganda hests
800 þúsund krónur, auk málsvarn-
arlauna.
Ekið var á hestinn þegar verið
var að reka hross aftur í girðingu
eftir að þeim hafði verið sleppt út
af mannavöldum. Tveir bílar voru
notaðir við reksturinn og voru
báðir með viðvörunarljós. Þegar
þriðji bíllinn nálgaðist án þess að
hægja ferðina hófu ökumenn bíl-
anna, sem stóðu að því að reka
hestana, að blikka aðalljósunum
til að fá ökumann þriðja bílsins til
að draga úr hraðanum en án
árangurs. Ekið var á eitt hross-
anna sem drapst af áverkum.
Dómnum þótti ekkert hafa komið
fram í málinu sem sýnir að þeir
sem ráku hrossin hafi verið með-
valdir að tjóninu hvorki af gáleysi
né ásetningi. ■
ÍFréttablaðinu í gær birtist röngmynd í umfjöllun um siglinga-
vernd. Birt var mynd af Óskari
Inga Sigmundssyni, verkefnis-
stjóra hjá Siglingastofnun Ís-
lands, þar sem átti að birtast
mynd af Sigurði Áss Grétarssyni,
forstöðumanni hjá stofnuninni.
Beðist er velvirðingar á þessu.
STEINGRÍMUR J. SIGFÚSSON
Formaður Vinstri grænna segir það fagnað-
arefni að náðst hafi kjarasamningar á
almennum markaði, en hann segir sumt í
samningunum á hógværum nótum.
Steingrímur J. Sigfússon:
Hlutur
ríkisins rýr
ALÞINGI Steingrímur J. Sigfússon,
formaður Vinstri grænna, segir
það ánægjuefni að náðst hafi
kjarasamningar á almennum
markaði og að ríkið hafi framlengt
þátttöku sína í starfsmenntasjóð-
um í gegnum atvinnuleysistrygg-
ingasjóð.
„Ég fagna sérstaklega styrk-
ingu á lífeyrissjóðakerfinu, í formi
aukinna iðgjaldagreiðslna inn í
sjóðina í áföngum á næstu árum,“
sagði Steingrímur.
Hann sagði hækkun atvinnu-
leysisbóta sjálfsagða og löngu
tímabæra.
„Það vekur að vísu athygli að
hlutur ríkisins í pakkanum þegar
upp er staðið er minni en menn
reiknuðu með og það er augljóst
mál að verkalýðshreyfingin hefur
gefið verulega eftir í þeim efnum.“
Steingrímur gagnrýndi að ekki
skyldi hafa verið minnst á skatta-
lækkunaráform ríkisstjórnarinnar
öðruvísi en í framhjáhlaupi. Hann
benti einnig á að hugmyndir hefðu
verið uppi um mun meiri þátttöku
hins opinbera um að styrkja lífeyr-
issjóðina og létta til dæmis af bein-
greiðslu örorkulífeyris.
„Hér er verið að semja á mjög
hógværum nótum, í trausti þess að
verðbólgumarkmið Seðlabankans
haldi næstu fjögur árin og að verð-
lag hreyfist nánast ekkert,“ sagði
Steingrímur. ■
S24 er sjálfstæð rekstrareining innan Sparisjóðs Hafnarfjarðar
Viltu
minnka
greiðslub
yrðina?
Sæktu um...
WWW.s24.is
Sími 533 2424 – Kringlan
E
in
n
t
v
e
ir
o
g
þ
r
ír
3
12
.0
16
Lán til al
lt að 15 á
ra
• Betri vex
tir
• Lægra lá
ntökugjald
• Allt að 8
0% veðhlu
tfall
Össur Skarphéðinsson:
Fagnar samningum en
gagnrýnir atvinnuleysi
ALÞINGI Össur Skarphéðinsson,
formaður Samfylkingarinnar,
sagði að flokkurinn styddi þá yfir-
lýsingu sem ríkisstjórnin hefði
gefið aðilum vinnumarkaðarins
og að stjórnin hefði gert rétt í því
að liðka til með þessum hætti, svo
hægt yrði að ljúka gerð kjara-
samninga farsællega.
„Samfylkingin mun fyrir sitt
leyti greiða fyrir því að þær
breytingar, sem þurfa að fara í
gegnum þingið, gangi hratt fyrir
sig. Við höfum lýst því yfir að það
skipti miklu máli að ná kjara-
samningum til langs tíma. Kjara-
samningar eru forsenda stöðug-
leika, stöðugleiki er forsenda
vaxtar og við þurfum á vexti að
halda,“ sagði Össur.
Hann sagði það gleðiefni að
þeir sem hefðu lægstu launin
fengju mesta hækkun og hækk-
uðu strax upp í 100 þúsund krón-
ur, en hann gagnrýndi stjórnvöld
fyrir að bæta ekki atvinnustigið í
landinu. Atvinnuleysi væri að
aukast fremur en hitt.
„Við teljum hækkun atvinnu-
leysisbóta upp í tæplega 89 þús-
und krónur alltof lága. Það getur
enginn dregið fram lífið með
þeirri upphæð með mannsæm-
andi hætti. Það er nauðsynlegt að
berjast fyrir því að þessi upphæð
hækki,“ sagði Össur. ■
GUÐJÓN A. KRISTJÁNSSON
Á Alþingi í gær sagðist formaður Frjáls-
lynda flokksins fagna aðkomu ríkisstjórnar-
innar að nýgerðum kjarasamningum. Hann
gagnrýnir hins vegar að ekkert skuli vikið
að skattalækkunum sem slíkum í yfirlýs-
ingu ríkisstjórnarinnar vegna samninganna.
FR
ÉT
TA
B
LA
Ð
IÐ
/G
VA
■ Leiðrétting
■ Lögreglufréttir
ÖSSUR SKARPHÉÐINSSON
Formaður Samfylkingarinnar sagði það
gleðiefni að þeir sem hefðu lægstu launin
fengju mesta hækkun, en hann gagnrýndi
stjórnvöld fyrir að bæta ekki atvinnustigið í
landinu.
FR
ÉT
TA
B
LA
Ð
IÐ
/G
VA
FR
ÉT
TA
B
LA
Ð
IÐ
/G
VA
DAVÍÐ ODDSSON
Forsætisráðherra segir að útgjöld ríkisins vegna kjarasamninganna verði á milli 2,7 og 2,8
milljarðar króna á ári.
FISKIKER FAUK Háseti slasaðist
minniháttar þegar tómt fiskiker
tókst á loft í roki og fauk á hann.
Hásetinn var við vinnu í netabát í
höfninni í Grundafirði þegar
stæða með tómum fiskikerum
fauk í sterkri vindhviðu. Sauma
þurfti manninn nokkur spor í höf-
uðið en hann fékk að fara heim
að því loknu.