Fréttablaðið - 09.03.2004, Blaðsíða 12
12 9. mars 2004 ÞRIÐJUDAGUR
ÓEIRÐIR Í KARACHI
Pakistanskur drengur kastar hylki með
táragasi aftur í lögregluna í óeirðum í
borginni Karachi. Fjöldi manns safnaðist
saman á götum Karachi til að fordæma
morðið á þingmanninum Abdullah Murad
sem skotinn var til bana 6.mars.
Greiningardeildir um samninga:
Launahækkanir umfram
framleiðniaukningu
KJARASAMNINGAR Greiningardeildir
bankanna telja að launahækkanir
sem samið hefur verið um í kjara-
samningunum séu hærri en gerist
í nágrannalöndunum. Greiningar-
deild Íslandsbanka segir að launa-
hækkunin feli í sér hækkun sem
sé töluvert umfram það sem
framleiðnivöxtur í innlendu efna-
hagslífi bjóði upp á, á næstu miss-
erum.
KB banki segir að með undir-
skrift hafi Samtök atvinnulífsins
„játast undir sterka kröfu um hag-
ræðingu á næstu 4 árum, en allar
launahækkanir umfram fram-
leiðniaukningu munu vitaskuld
koma fram í verðlagi.“
Landsbankinn telur ólíklegt að
launaskrið umfram umsamdar
hækkanir verði jafnmikið á samn-
ingstímabilinu eins og verið hafi á
síðasta samningstímabili og nefn-
ir vaxandi hlutdeild erlends
vinnuafls sem ástæðu þess.
Greiningardeildirnar nefna all-
ar hættu á verðbólgu í kjölfar
samninganna en aðgerðum í líf-
eyrismálum er veittur sérstakur
gaumur og segja KB banki og
Landsbankinn þetta muni hafa í
för með sér aukinn þjóðhagslegan
sparnað. Þetta segir KB banki
geta skapað þrýsting til lækkunar
vaxta. ■
Landsbankinn stöðvaði
kjölfestusölu í SH
Búið var að ganga frá samkomulagi um kaup fjárfesta undir forystu Róberts Guðfinnssonar
um kaup á þriðjungshlut í SH. Landsbankinn vildi lengri tíma. Íslandsbanki missti
þolinmæðina og seldi sinn hlut í SH til SÍF.
VIÐSKIPTI Íslandsbanki missti þol-
inmæðina og seldi 23 prósenta
hlut sinn í Sölumiðstöð hrað-
frystihúsanna til SÍF eftir að
Landsbankinn
stöðvaði sam-
komulag sem
búið var að gera
við fjárfesta um
kaup á þriðj-
ungshlut í SH.
Stærstu hluthaf-
ar SH voru auk
Ís landsbanka,
Straumur fjár-
festingarbanki,
Landsbankinn og
Burðarás. Á
f i m m t u d a g s -
kvöld var gengið
frá samkomulagi
um aðkomu
nokkurra fjár-
festa að félaginu
undir forystu
Róberts Guð-
f i n n s s o n a r ,
s t j ó r n a r f o r -
manns SH. Á
laugardag bakk-
aði Landsbank-
inn út úr sam-
komulaginu. Ís-
landsbanki tók
þá ákvörðun um að selja bréfin til
SÍF. Aðrir sem komu að fjárfest-
ingunni ásamt Róbert voru sam-
kvæmt heimildum Fréttablaðsins;
Sindri Sindrason, Gunnlaugur
Sævar Jónsson og Baldur Guðna-
son, allt stjórnarmenn í Eimskipa-
félaginu og Burðarási. Banka-
ráðsmenn undir forystu Björgólfs
Guðmundssonar höfðu efasemdir
um þessa ráðstöfun og vildu ekki
staðfesta samkomulagið á laugar-
dag. Róbert Guðfinnsson segir að
þegar ljóst var að ekki tækist að
koma saman hópi langtímafjár-
festa fyrir aðalfund hafi hann til-
kynnt Íslandsbanka og Straumi að
hann myndi snúa sér að öðrum
verkefnum.
Samkvæmt heimildum taldi
Björgólfur og Landsbankinn að
hugmyndir fjórmenninganna
færu ekki saman við framtíðar-
sýn bankans um fyrirtækin. Sam-
kvæmt heimildum er talið að nýir
eigendur SH hafi haft hugmyndir
um að selja SH í bútum. Vilji eig-
enda Landsbankans mun beinast
að sameiningu við erlend félög á
grundvelli styrks íslensku fyrir-
tækjanna.
Lengi hefur verið rætt um
möguleika á sameiningu félag-
anna, en þreifingar farið út um
þúfur. Ólafur Ólafsson, stjórnar-
formaður SÍF, tók harða afstöðu
gegn sameiningu í haust þegar Ís-
landsbanki og Landsbanki vildu
sameina félögin. „Ég var ósam-
mála aðferðinni, en yfirlýst stefna
okkar hefur alltaf verið um sam-
vinnu félaganna.“ segir Ólafur.
Hann segir kaupin fyrst og fremst
lúta að möguleikum á að nýta bet-
ur fjárbindingu félaganna á er-
lendum mörkuðum.
Eftir kaupin er SÍF í sterkari
stöðu en áður við hugsanlega sam-
einingu. Afkoma SH hefur verið
mun betri en SÍF undanfarin ár.
Vilji stærstu hluthafa SH er að
sameina félögin og eyða óvissu
um framtíðarskipulag þeirra. Í
framhaldinu hefur Landsbankinn
áhuga á að stýra frekari útrás
með sameiningu við erlend sölu-
samtök. haflidi@frettabladid.is
Mikil þátttaka:
Átta í úrslit
TÓNLIST Nokkuð á annað hundrað
áhugasamar og efnilegar söngkonur
mættu í gær á Hótel Nordica í
áheyrnarpróf og sungu fyrir dóm-
nefnd fagfólks í tónlist, sem starfar á
vegum tónleikafyrirtækisins
Concert ehf. Síðdegis voru línur
mjög farnar að skýrast; aðeins átta
stúlkur voru eftir og komnar í úrslit.
Bíður dómnefndar nú það erfiða
hlutverk að sía enn frekar úr þeim
hópi, þar sem afar hæfileikaríkar
söngkonur er að finna. Aðeins þrjár
til fjórar þeirra komast áfram og
verða þær þátttakendur í ýmsum
tónlistarverkefnum sem Concert
ehf. stendur að á næstu mánuðum.
Má þar nefna útgáfu á geisladiski,
dansleiki og tónleikahald ýmiskon-
ar. ■
Stækkun Evrópusam-
bandsins:
Hert eftirlit á
landamærum
BRUSSEL, AP Áttatíu prósent Evr-
ópubúa vilja að eftirlit á landa-
mærum verði hert samfara
stækkun Evrópusambandsins, ef
marka má nýja könnun.
Mikill meirihluti aðspurðra
sagðist vilja að gripið yrði til að-
gerða til að koma í veg fyrir
straum ólöglegra innflytjenda inn
í Evrópusambandslöndin. Tölu-
verður munur var á milli ein-
stakra landa. Í Grikklandi og Ítal-
íu voru 89% aðspurðra fylgjandi
því að eftirlit yrði aukið við landa-
mærin en í Svíþjóð var hlutfallið
aðeins 65%. Þrátt fyrir þessar nið-
urstöður er meirihluti Evrópubúa
hlynntur því að fá erlent vinnuafl
inn í álfuna. ■
Frændur Grétars Sigurðarsonar:
Hittu Jónas og Tomas fyrir tilviljun
LÍKFUNDUR „Okkur fannst þetta
sérkennileg tilviljun en eftir að
hafa rannsakað það og skoðað þá
er það enginn vafi í okkar huga að
þetta var bara tilviljun og að þeir
komi hvergi nálægt þessu máli,“
segir Arnar Jensson, hjá ríkislög-
reglustjóra, um tvo frændur Grét-
ars Sigurðarsonar sem höfðu ver-
ið í einhverju samfloti með þeim
Jónasi Inga Ragnarssyni og Tom-
as Malakauskas auk þess sem þeir
voru veðurtepptir á sama stað í
tvo sólarhringa.
Arnar segir að tilviljunin, hafi
því miður, haft í för með sér
óþægindi fyrir frændur Grétars
og fjölskyldur þeirra.
Arnar segir það rétt að Grétar
hafi sent beiðni til Héraðsdóms
Reykjavíkur þar sem hann óskaði
eftir að fá að skipta um lögmann
og fá Brynjar Níelsson í stað
Ólafs Ragnarssonar. „Hann dró
beiðnina til baka og hætti við að
skipta um lögmann,“ segir Arnar.
Hann segir að hann geti ekki svar-
að til um hvers vegna Grétar hafi
skipt um skoðun, Grétar verði að
svara því sjálfur. ■
Gjaldþrot Ferskra afurða:
Kröfur
nema 325
milljónum
VIÐSKIPTI Alls hefur kröfum upp
á ríflega 325 milljónir króna
verið lýst í þrotabú Ferskra af-
urða ehf. Frestur til að lýsa
kröfum í þrotabúið rann út á
sunnudaginn. Félagið var lýst
gjaldþrota í Héraðsdómi Norð-
urlands vestra 18. nóvember
síðastliðinn.
Ekki er talið líklegt að nokk-
uð fáist upp á almennar kröfur
sem nema ríflega 176 milljónum
króna. Skiptafundur verður 15.
mars.
KPMG endurskoðun hf. mun
innan skamms ljúka rannsókn á
bókhaldi og rekstri félagsins, að
því er fram kemur í tilkynningu
frá skiptastjóra. Tilgangur
rannsóknarinnar er að ganga úr
skugga um hvort og hversu mik-
ið af kjötafurðum var selt fram
hjá afurðalánum KB banka. ■
ARISTIDE
Landflótta forseti Haítí situr við hlið eigin-
konu sinnar Mildred á blaðamannafundi í
Bangui.
Jean-Bertrand Aristide:
Segist enn
vera forseti
Haítí
MIÐ-AFRÍKULÝÐVELDIÐ, AP Jean-
Bertrand Aristide segist enn
vera forseti Haítí og hvetur
landa sína til að halda upp frið-
samlegu andófi gegn uppreisn-
armönnum.
Aristide hélt blaðamanna-
fund í Mið-Afríkulýðveldinu í
gær, í fyrsta sinn síðan hann
flúði frá Haítí 28.febrúar. „Ég er
lýðræðislega kjörinn forseti og
verð það áfram,“ sagði Aristide.
Hann hélt því fram að land sitt
hefði verið hernumið og kallaði
uppreisnarmennina „eiturlyfja-
sala og hryðjuverkamenn“.
Aristide heldur til í íbúð í for-
setahöllinni í Bangui, höfuðborg
Mið-Afríkulýðveldisins, en óvíst
er hvort hann ætlar sér að setj-
ast að í landinu. ■
ÓTTAST OF MIKLAR HÆKKANIR
Greiningardeildir bankanna segja kostnað-
araukningu atvinnurekenda vera meiri en í
nágrannalöndunum vegna kjarasamning-
anna. Þetta muni valda auknu atvinnuleysi
eða verðbólgu.
GRÉTAR SIGURÐARSON
Frændur Grétars eru ekki grunaðir um aðild að málinu.
FR
ÉT
TA
B
LA
Ð
IÐ
/V
AL
LI
RÓBERT GUÐ-
FINNSSON
Vildi fá langtíma-
fjárfesta að félaginu
og móta framtíð
þess.
ÓLAFUR ÓLAFS-
SON
Sá sér leik á borði í
að styrkja stöðu SÍF
gagnvart SH.
BANKARÁÐ VILDI BÍÐA
Búið var að ganga frá samkomulagi um sölu á kjölfestuhlut í SH þegar forysta Landsbankans stöðvaði framvinduna. Björgólfur vildi bíða.
Íslandsbanki seldi sín bréf til SÍF.
FR
ÉT
TA
B
LA
Ð
IÐ
/
G
VA