Fréttablaðið - 10.03.2004, Blaðsíða 2

2 10. mars 2004 MIÐVIKUDAGUR
„Var ég ekki á honum?“
Haraldur Benediktsson, kúabóndi og formaður
Búnaðarsamtaka Vesturlands, var kjörinn formað-
ur Bændasamtaka Íslands til næstu þriggja ára á
Búnaðarþingi í gær.
Spurningdagsins
Haraldur, ertu þá kominn á spenann?
■ Evrópa
Ráðherratal á frá-
farardegi Davíðs
Bók um forsætisráðherra Íslands verður gefin út á kostnað ríkisins á brottfarardegi Davíðs
Oddssonar úr forsætisráðherrastóli, 15. september. Kostnaðaráætlun hefur ekki verið gerð en
tilefni verksins er 100 ára afmæli heimastjórnar.
FORSÆTISRÁÐHERRAR Gefin verður
út á kostnað ríkisins bók um alla
forsætisráðherra Íslands, á síð-
asta degi Davíðs Oddssonar í
forsætisráðherrastóli 15. sept-
ember. Bókin mun fjalla um for-
sætisráðherra landsins frá upp-
hafi og er gefin út í tilefni 100
ára afmælis heimastjórnar, sem
var 1. febrúar. Ekki hefur verið
gerð kostnaðaráætlun vegna
verksins, en að sögn Júlíusar
Hafstein, formanns ritnefndar,
verður það ekki
gert fyrr en
búið verður að
semja um skrif
og ljósmyndir.
Afráðið er að
gefa bókina út á
f r á f a r a r d e g i
Davíðs en að
sögn Júlíusar
lýkur þá síðasti
f o r s æ t i s r á ð -
herra tímabils-
ins störfum. Aðspurður um
hvers vegna bókin hafi ekki ver-
ið gefin út á afmælisdeginum
sjálfum segir Júlíus að ekki hafi
gefist nægilegur tími til þess.
Kostnaðaráætlun vegna
verksins hefur ekki enn verið
birt þótt búið sé að semja við
hluta höfunda. Ólafur Teitur
Guðnason hefur verið ráðinn rit-
stjóri verksins og segir hann að
unnið sé að því að semja við þá
sem leitað hafi verið til.
Forsætisráðherrarnir eru 24
talsins og verður hverjum og
einum tileinkaður sérstakur
kafli. Hver höfundur skrifar
einn kafla sem áætlað er að
verði á bilinu 8-16 síður, eftir því
hve viðkomandi var lengi í emb-
ætti.
Meðal kaflahöfunda verða
Styrmir Gunnarsson, ritstjóri
Morgunblaðsins, sem skrifar um
Davíð Oddsson, Björn Bjarnason
skrifar um Jón Þorláksson og
Hannes Hólmsteinn Gissurarson
um Ólaf Jóhannesson. Auk
þeirra hefur Ingibjörg Sólrún
Gísladóttir verið nefnd til sög-
unnar en ekki fékkst staðfest um
hvern hún skrifar.
Ritnefndin hefur starfað í
mánuð en í henni starfa auk Júl-
íusar, Sigurður Líndal, Haraldur
Ólafsson, Ingólfur Margeirsson
og Jakob F. Ásgeirsson. Tveir
þeir síðastnefndu skrifa sinn
kaflann hvor. Ekkert hefur verið
ákveðið um útgefanda en ekki er
útilokað að ríkisstjórnin muni
gefa bókina út.
Júlíus segir að kostnaður rits-
ins verði tekinn úr sjóði sem ætl-
að er að standa straum af kostn-
aði vegna 100 ára afmælishátíð-
ar heimastjórnarinnar.
„Við Íslendingar höfum verið
ansi slappir að skrifa um okkar
forustumenn og finnst mér
merkilegt að um suma forsætis-
ráðherra landsins er ekkert til,“
sagði Júlíus. Bókin verður að svo
komnu eingöngu gefin út á ís-
lensku.
sda@frettabladid.is
Söluhagnaður af Straumi:
Á að nýta til
frekari sóknar
VIÐSKIPTI Íslandsbanki hyggst efla
fjárfestingarbankastarfsemi sína
í kjölfar sölu á eign sinni í
Straumi. Bjarni Ármannsson, for-
stjóri Íslandsbanka, sagði á aðal-
fundi bankans að unnið væri að
útvíkkun fjárfestingarbanka-
starfseminnar. Söluverð hluta-
bréfa í Straumi var sjö milljarðar
og söluhagnaður bankans var 3,5
milljarðar af viðskiptunum.
„Í kjölfar þessarar sölu er rök-
rétt að við leggjum aukna áherslu
á uppbyggingu, innan samstæðu
Íslandsbanka, á starfsemi sam-
bærilegri við þá sem Straumur
sinnir,“ sagði Bjarni.
Bjarni sagði mikilvægt fyrir
bankann að halda áfram að vaxa
og nýta sem best þekkingu sína á
helstu fagsviðum, svo sem í fisk-
iðnaði víða um heim. Hann sagði
bankann þurfa að huga að öðrum
tækifærum sem í ákveðnum til-
vikum kunni að þýða meiri
áhættu, en að sama skapi meiri
möguleika á ávinningi. „Með öðr-
um orðum, það er ekki nóg að hafa
sterka stöðu, það þarf að nýta
hana til frekari sóknar.“ ■
Frumvarp um framboð
og kjör forseta Íslands:
Kjörskrá
miðuð við
þrjár vikur
STJÓRNMÁL Björn Bjarnason dóms-
málaráðherra kynnti frumvarp um
breytingu á lögum um framboð og
kjör forseta Íslands á ríkisstjórnar-
fundi í gær. Samkvæmt því verður
kjörskrá miðuð við þrjár vikur í stað
fimm vikna eins og nú er, en fram-
boðsfrestur rennur út fimm vikum
fyrir kjördag. Með breytingunni
gefst þannig betri tími til að útbúa
kjörskrárnar og sparast ennfremur
kostnaður ef ekki er efnt til kosn-
inga. ■
Leyniskyttan John Allen:
Dæmdur til
dauða
VIRGINÍA, AP John Allen Muhammad
hefur verið dæmdur til dauða fyrir
þátttöku sína í leyniskyttuárásun-
um í Washington
og nágrenni í októ-
ber 2002. Tíu
manns létust í
árásunum.
Muhammad var
fundinn sekur um
morð af yfirlögðu
ráði í nóvember
síðastliðnum og
mælti kviðdómur-
inn með því að
hann yrði dæmdur til dauða. Dóm-
arinn LeRoy F. Millette Jr. neitaði
að verða við beiðni verjenda
Muhammads um að þyrma lífi
skjólstæðingsins og úrskurðaði að
hann skyldi tekinn af lífi 14.október.
Aftökunni verður þó að öllum lík-
indum frestað til að gefa verjendun-
um færi á að áfrýja.
Vitorðsmaður Muhammads, Lee
Boyd Malvo, hlaut lífstíðardóm. ■
BRESKIR FANGAR SNÚA HEIM
Fimm breskir ríkisborgarar, sem
höfðu verið í haldi í Guantanamo-
herstöðinni á Kúbu, voru framseld-
ir í hendur breskra yfirvalda í gær.
Mennirnir voru væntanlegir til
Bretlands í gærkvöldi. Þeir verða
yfirheyrðir af bresku lögreglunni á
næstu dögum. Að minnsta kosti
fjórir Bretar eru enn í haldi banda-
rískra stjórnvalda í Guantanamo og
verða þeir að líkindum dregnir
fyrir rétt í Bandaríkjunum.
LAGT HALD Á 170 KÍLÓ AF HERÓÍNI
Tyrkneska lögreglan lagði hald á 170
kílógrömm af heróíni sem flytja átti
á markað í Evrópu. Efnið var falið í
kælirými flutningabíls sem var
stöðvaður skammt frá landamærum
Tyrklands og Búlgaríu. Ökumaður
bílsins, sem var á leið með grænmeti
til Hollands, var handtekinn. Áætlað
söluverðmæti heróínsins er um 420
milljónir íslenskra króna.
Fjórar hafnir við Faxaflóa sameinaðar um næstu áramót:
Flýtir framkvæmdum við Sundabraut
HAFNASAMLAG Reykjavíkurhöfn,
Akraneshöfn, Grundartangahöfn
og Borgarneshöfn verða samein-
aðar í eitt fyrirtæki frá og með 1.
janúar 2005. Fulltrúar 10 sveitar-
félaga skrifuðu í gær undir vilja-
yfirlýsingu þessa efnis. Yfirlýs-
ingin var gerð í samráði við sam-
gönguráðherra, sem lýsir stuðn-
ingi við markmið hennar.
Reykjavíkurhöfn mun eiga 75%
í sameinuðu fyrirtæki, Grundar-
tangahöfn 22% og Akraneshöfn
3%. Ætlunin er að efla Grundar-
tangahöfn þannig að hún geti tekið
við starfsemi sem fyrirhuguð var í
Geldinganesi í Reykjavík. Þau
áform hafa verið lögð til hliðar.
Reykjavíkurhöfn verður þróuð
áfram sem fjölbreytt inn- og út-
flutningshöfn. Unnið verður að því
að bæta aðstöðu og auka viðskipti
vegna skemmtiferðaskipa í
Reykjavík. Þá verður Akraneshöfn
efld sem fiskihöfn. Hafnirnar fjór-
ar verða reknar til loka árs 2004 í
samræmi við gildandi fjárhagsá-
ætlanir.
Sveitarfélögin 10 við Faxaflóa
sem aðild eiga að nýju hafnasam-
lagi ætla ennfremur að stuðla að
því að hraðað verði undirbúningi
framkvæmda við Sundabraut og
vinna að framgangi þess verkefn-
is. ■
BJARNI ÁRMANNSSON
Forstjóri Íslandsbanka vill efla fjárfestingar-
bankastarfsemi bankans eftir söluna á
Straumi. Bankinn bókfærir 3,5 milljarða
hagnað af sölunni.
FR
ÉT
TA
B
LA
Ð
IÐ
/H
AR
AL
D
U
R
JÓ
N
AS
SO
N
JOHN ALLEN
MUHAMMAD
Dæmdur til
dauða.
GRUNDARTANGAHÖFN
Höfnin verður efld svo hún geti tekið við starfsemi sem fyrirhuguð var í Geldinganesi.
Hafnarframkvæmdir í Geldinganesi hafa verið lagðar á hilluna.
FR
ÉT
TA
B
LA
Ð
IÐ
/V
IL
LI
RÁÐHERRAR ÍSLANDS 1904-2004 OG KAFLAHÖFUNDAR.
1. Hannes Hafstein (1904-1909, 1912-1914) - Ekki vitað
2. Björn Jónsson (1909-1911) - Guðjón Friðriksson
3. Kristján Jónsson (1911-1912) - Ekki vitað
4. Sigurður Eggerz (1914-1915, 1922-1924) - Sigríður Dúna Kristmundsdóttir
5. Einar Arnórsson (1915-1917) - Ekki vitað
6. Jón Magnússon (1917-1922, 1924-1926) - Sigurður Líndal
7. Jón Þorláksson (1926-1927) - Björn Bjarnason
8. Tryggvi Þórhallsson (1927-1932) - Ekki vitað
9 .Ásgeir Ásgeirsson (1932-1934) - Ekki vitað
10. Hermann Jónasson (1934-1942, 1956-1958) - Tryggvi Gíslason
11. Ólafur Thors (1942, 1944-1947, 1949-1950, 1953-1956, 1959-1963)
- Jakob F. Ásgeirsson
12. Björn Þórðarson (1942-1944) - Ekki vitað
13. Stefán Jóhann Stefánsson (1947-1949) - Ingólfur Margeirsson
14. Steingrímur Steinþórsson (1950-1953) - Gerður Steinþórsdóttir
15. Emil Jónsson (1958-1959) - Ekki vitað
16. Bjarni Benediktsson (1963-1970) - Guðni Th. Jóhannesson
17. Jóhann Hafstein (1970-1971) - Ekki vitað
18. Ólafur Jóhannesson (1971-1974, 1978-1979) - Hannes Hólmsteinn Gissurarson
19. Geir Hallgrímsson (1974-1978) - Jónína Mikaelsdóttir
20. Benedikt Gröndal (1979-1980) - Ekki vitað
21. Gunnar Thoroddsen (1980-1983) - Ekki vitað
22. Steingrímur Hermannsson(1983-1987, 1988-1991) - Ekki vitað
23. Þorsteinn Pálsson (1987-1988) - Ekki vitað
24. Davíð Oddsson (1991-2004) - Styrmir Gunnarsson
„Við Íslend-
ingar höfum
verið ansi
slappir að
skrifa um
okkar forustu-
menn“