Fréttablaðið - 10.03.2004, Blaðsíða 6
6 10. mars 2004 MIÐVIKUDAGUR
GENGI GJALDMIÐLA
Bandaríkjadalur 70.4 -0.26%
Sterlingspund 129.4 -1.13%
Dönsk króna 11.69 -0.31%
Evra 87.12 -0.25%
Gengisvísitala krónu 120,2 -0,77%
Kauphöll Íslands
Fjöldi viðskipta 504
Velta 10.714 milljónir
ICEX-15 2.480 -2,37%
Mestu viðskiptin
Kaupþing Búnaðarbanki hf. 460.445
Pharmaco hf. 321.854
Landsbanki Íslands hf. 226.973
Mesta hækkun
Þorbjörn Fiskanes hf. 5,56%
Tryggingamiðstöðin hf. 4,71%
Kögun hf. 3,08%
Mesta lækkun
Medcare Flaga -4,53%
SÍF hf. -4,09%
Pharmaco hf. -3,81%
Erlendar vísitölur
DJ* 10.469,2 -0,6%
Nasdaq* 2.000,8 -0,4%
FTSE 4.547,3 -0,1%
DAX 4.087,6 -1,4%
NK50 1.457,5 0,1%
S&P* 1.144,4 -0,2%
* Bandarískar vísitölur kl. 17.
Veistusvarið?
1Til hvaða norska liðs fer knattspyrnu-maðurinn Veigar Páll Gunnarsson?
2Hver er formaður Bandalags háskóla-manna?
3Hver er þjálfari kvennalandsliðsÍslands í knattspyrnu?
Svörin eru á bls. 30
Sakborningarnir þrír í líkfundarmálinu í Norðfirði:
Gæsluvarðhaldið staðfest
GÆSLUVARÐHALD Hæstiréttur hefur
staðfest úrskurði Héraðsdóms
Reykjavíkur um að þeir Grétar Sig-
urðarson og Jónas Ingi Ragnarsson
sæti gæsluvarðhaldi til 24. mars
vegna rannsóknar á líkfundi í Norð-
fjarðarhöfn í febrúar. Þriðji sak-
borningurinn, Tomas Malakauskas,
kærði ekki úrskurð héraðsdóms um
gæsluvarðhald.
Hæstiréttur vísar í sínum úr-
skurði til forsendna úrskurða Hér-
aðsdóms Reykjavíkur þar sem segir
að telja verði að rökstuddur grunur
sé fyrir því að mennirnir hafi átt
hlut að brotum gegn nokkrum
greinum almennra hegningarlaga.
Greinarnar fjalla meðal annars um
manndráp, um að koma ekki öðrum
manni til hjálpar sem staddur er í
lífsháska og um ósæmilega meðferð
á líki.
Í forsendum úrskurðanna segir
einnig að hætta geti verið á því að
sakborningar torveldi rannsókn
málsins, sem enn er ólokið, svo sem
með því að skjóta undan gögnum og
hafa áhrif á vitni og eða samseka, ef
þeir fá að fara frjálsir ferða sinna. ■
Stórfelld uppbygging
íbúða og athafna
Tillaga hefur verið kynnt borgaryfirvöldum um að byggja Mýrargötu-slippasvæðið í Reykjavík
upp í áföngum. Markmiðið að gera svæðið líflegt og fýsilegt fyrir fólk og fyrirtæki og tengja það
miðborginni og höfninni segir verkefnastjóri.
SKIPULAGSMÁL Víðtækt kynningar-
og samráðsferli á rammaskipu-
lagi Mýrargötu-slippasvæðisins í
Reykjavík er hafið og hefur um-
ræðutillaga um verkefnið verið
kynnt. Ráðgjafarhópi var falið að
vinna rammaskipulag af svæðinu,
að höfðu samráði við íbúa og aðra,
í kjölfar forvals á vegum Reykja-
víkurborgar. Lögð hefur verið
áhersla á að samtvinna áfram-
haldandi hafnarstarfsemi og vist-
vænt og vandað borgarumhverfi,
en hugmyndirnar verða kynntar á
sérstökum kynningarfundi fyrir
borgarbúa í BÚR-húsinu við
Grandagarð í dag.
Tillaga ráðgjafarhópsins gerir
ráð fyrir um 40 þúsund fermetra
uppbyggingu á Mýrargötu-
slippasvæðinu, en leitast var við
að finna einfalda, raunhæfa og
sveigjanlega heildarlausn, sem
auðvelt yrði að vinna úr með
borgaryfirvöldum og hagsmuna-
aðilum. Í þessu felst meðal
annars að tryggja hafnaryfir-
völdum og útgerð nægjanlegt at-
hafnarými, en samfellt og fjöl-
nota hafnarrými yrði myndað við
Grandagarð. Þá er reynt að
tryggja hæfilegan þéttleika
byggðar og er gert ráð fyrir lágri
byggð, með þriggja til fimm
hæða húsum, sem í senn yrðu á
móti sólarátt og að sjó.
„Með þessari tillögu er mark-
miðið að stuðla að mannlífi með
blandaðri byggð íbúða og athafna-
starfsemi og tengja nýja byggð að
þeirri byggð sem fyrir er á svæð-
inu. Þegar lokaskýrsla og við-
brögð fólks liggja fyrir um málið í
vor þá þarf að fara að vinna að
skipulagi þess. Þá komum við með
endanlega tillögu. Á þessu stigi er
ekki hægt að segja til um kostnað-
inn við uppbygginguna, því í raun
erum við á algerum byrjunar-
reit,“ segir Richard Ó. Briem
verkefnastjóri.
Hugmyndir eru um að fram-
lengja nokkrar núverandi götur
niður að höfn til að binda eldri og
nýja byggð saman. Til að tryggja
umferðarflæði um og í gegnum
svæðið er meðal ananrs gert ráð
fyrir tveggja akreina stokki fyrir
umferð sem ekki á erindi í hverf-
ið og að fjögurra akreina breið-
stræti hverfisins komi ofan á
stokkinn. Einnig eru áform um að
göngu- og hjólaleið úr Kvosinni
út á Granda verði eftir breið-
strætinu.
„Með þessu móti erum við að
reyna að tryggja að búsetukostir
svæðisins nýtist til fulls. Þarna
yrði mjög gott íbúðarhúsnæði í ró-
legu borgarumhverfi með háu
þjónustustigi. Tengslin við mið-
borgina og útivistarsvæði við
höfnina yrðu góð,“ segir Richard.
bryndis@frettabladid.is
Nýtt dótturfélag:
Marel í
Chile
VIÐSKIPTI Marel hf. hefur stofnað
dótturfélag í Chile og hefst starf-
semin í vor. Með opnun Marel
Chile SA er Marel samstæðan
með rekstur á 15 dótturfélögum í
fimm heimsálfum.
Marel hefur í auknum mæli
selt lausnir til fyrirtækja í Chile,
sem er einn stærsti framleiðandi
á eldislaxi í heiminum í dag. Er
opnun skrifstofu liður í því að
þjónusta viðskiptavini Marels enn
betur en nú er.
Sverrir Guðmundsson, sem
starfað hefur hjá Marel í rúm 16
ár, mun veita dótturfélaginu
forstöðu. ■
Uppstokkun í
ríkisstjórninni:
Nýr atvinnu-
málaráðherra
ÓSLÓ, AP Morten Andreas Meyer
hefur tekið við embætti atvinnu-
málaráðherra Noregs af Viktor
Norman. Þetta er fyrsta breyting-
in sem gerð er síðan ríkisstjórnin
tók til starfa í október 2001.
Meyer, sem er 44 ára, er
flokksbróðir Normans í Hægri-
flokknum. Að sögn forsætisráð-
herrans, Kjell Magne Bondevik,
bað Norman um að vera leystur
frá störfum til að geta snúið sér
aftur að rannsóknum við Verslun-
arháskólann í Bergen. ■
LEIDDUR FYRIR DÓMARA
Litháinn Tomas Malakauskas sést hér
koma í fylgd lögreglumanna í Héraðsdóm
Reykjavíkur þegar gæsluvarðhaldsvist hans
var framlnegd til 24. mars. Tomas undi úr-
skurðinum en félagar hans, Grétar Sigurð-
arson og Jónas Ingi Ragnarsson kærðu til
Hæstaréttar sem staðfesti úrskurðinn. FR
ÉT
TA
B
LA
Ð
IÐ
/G
VA
MANNLÍF VIÐ HÖFNINA
Í tillögum sem liggja fyrir
um skipulag á svæðinu er
reynt að tryggja hæfilegan
þéttleika byggðar og gera
svæðið líflegt og fýsilegt.
MÝRARGÖTU-SLIPPASVÆÐIÐ
Ráðgjafarhópur hefur unnið rammaskipu-
lag af svæðinu fyrir Reykjavíkurborg og
samkvæmt því er lögð áhersla á að sam-
tvinna áframhaldandi hafnarstarfsemi og
vistvænt og vandað borgarumhverfi.