Fréttablaðið - 10.03.2004, Blaðsíða 32
SÍMANÚMER FRÉTTABLAÐSINS: 515 75 00, fax: 515 75 16 Ritstjórn: 515 75 05, fax: 515 75 06, ritstjorn@frettabladid.is
Auglýsinga- og markaðsdeild: 515 75 15 - fax 515 75 16, auglysingar@frettabladid.is Dreifing: 515 75 00, dreifing@frettabladid.is
VI Ð S EG J U M F R É T T I R
Bakþankar
SIGURJÓNS M.
EGILSSONAR
Stjörnurnar
á himninum
SM Á A U G L Ý S I N G AS Í M I N N E R 515 7500
Draumar mannanna eru margir ogólíkir. Marga unga drengi dreym-
ir um að verða lögga eða slökkviliðs-
maður og stúlkur sumar dreymir um
að verða flugfreyja eða að hjúkra
veikum. Svo breytast þessir draumar
þegar aldurinn færist yfir. Verða allt
aðrir og oftast raunverulegri en þær
myndir sem börnin sjá í huga sér.
Auðvitað sér barn ekki starf löggunn-
ar eða flugfreyjunnar í réttu ljósi.
Hvernig ætti það svo sem að vera.
VERRI ERU oft draumar þeirra
eldri um framtíð þeirra yngri. Man
eftir manni sem sagði mér, fyrir tutt-
ugu og fimm árum, að nýfædd dóttir
hans sem hann hélt í fangi sínu væri
greind, greindari en önnur börn.
Hvernig sá hann að átta daga gamalt
barn væri afburðagreint? Hann sá
það í augunum á henni. Pabbinn var
strax búinn að vekja með sér drauma
um að frumburður hans væri ekki
bara barn, heldur sérstakt barn.
Greint barn. Það hefur ræst ágætlega
úr dótturinni. Hún er engin kjáni –
alls ekki – hefur greind á við okkur
hin. Pabbinn er eflaust stoltur af
henni, enda má hann vera það. Samt
er hún ekki afburðagreind. Bara í
meðallagi.
DRAUMUR PABBANS rættist
ekki. Samt er hann ánægður. Meira
að segja glaður. Orðinn afi og gengur
stundum um með barnabarn á armin-
um. Hefur samt engin orð um hvort
barnabarnið sé greindara en önnur
börn. Veit núna, aldarfjórðungi sein-
na, að það skiptir ekki meginmáli. Á
sér eflaust draum um hamingju
barnsins en segir það engum, nema
Guði þegar hann fer með bænirnar
og þakkirnar til þess sem ofar okkur
er. Hann lærði að meta það sem hann
á. Og gerir það.
ÞAÐ ER GOTT að eiga drauma. Það
er aftur á móti vonlaust að ætlast til
að þeir verði allir að veruleika.
Þannig er ekki lífið. Flestir hafa ein-
hvern tíma gengið of langt á eftir
draumum sínum, réttast er að segja
dagdraumum. Þegar það er gert er
stutt í að draumur verði að martröð.
Vís maður sagði að það sé um að gera
að horfa upp til stjarnanna en þá
verði að gæta þess að hafa báða fæt-
ur á jörðinni. Framkvæma ekki allt
sem virðist svo gott. Það gera börnin.
Sá sem ætlaði að verða lögga varð
allt annað og er sáttur við það.
Þannig er gott að vera. ■