Fréttablaðið - 10.03.2004, Blaðsíða 12
12 10. mars 2004 MIÐVIKUDAGUR
BJÖRGUNARSVEITARMENN ÆFA KÖFUN
Björgunarsveitarmenn frá St.Pétursborg í
Rússlandi gera tilraunir með nýjan köfun-
arbúnað í stöðuvatni skammt fyrir utan
borgina.
Bændasamtök Íslands:
Ný kynslóð bænda
tekur við stjórn
BÚNAÐARÞING Ný kynslóð bænda
tók við formennsku Bændasam-
taka Íslands er Haraldur Bene-
diktsson, 38 ára kúabóndi af Vest-
urlandi, tryggði sér sigur í kosn-
ingum á Búnaðarþingi í gær.
Hann tekur við af Ara Teitssyni
sem gegnt hefur starfi formanns
frá stofnun Bændasamtakanna
1995. Ari gaf ekki kost á sér í kjör-
inu en mótframbjóðandi Haralds
var Þórólfur Sveinsson, formaður
Landssambands Kúabænda.
Aðspurður um hverju hann
þakkaði sigurinn sagði Haraldur
að bændur og búnaðarþingsfull-
trúar vildu líklega nýtt blóð í
stjórn sambandsins. Hann sagði
jafnframt að sitt fyrsta verk yrði
að huga að landbúnaðinum sem
einni heild með tilliti til þeirrar
þróunar sem framundan væri.
„Einnig þarf að takast á við
mjólkursamninga og er mjög
brýnt að það takist á réttum tíma,“
sagði Haraldur. Auk þess taldi
hann nauðsynlegt að koma fastari
grunn undir loðdýraræktina.
Félagsmenn í Landssambandi
Kúabænda höfðu íhugað að segja
sig úr Bændasamtökunum ef for-
maður þeirra, Þórólfur Sveinsson,
næði ekki kjöri. Þegar úrslit lágu
fyrir sagðist Þórólfur þó ekki eiga
von á að af því verði.“ Hann segist
ennfremur munu gefa kost á sér
að nýju sem formaður LK á aðal-
þingi sambandsins í apríl. ■
Bjarna Ólafsson AK
tók niður á strandstað
Skipstjórinn á Bjarna Ólafssyni AK segir að aðeins hafi munað hársbreidd að ná Baldvini á flot
aftur. Brot kom á Bjarna á strandstað. Skipverji kastaðist utan í spil og slasaðist.
STRAND Loðnuskipið Bjarni Ólafs-
son AK var skammt frá strandstað
þegar Baldvin Þorsteinsson EA
missti afl og rak upp í fjöruna.
Gísli Runólfsson, skipstjóri á
Bjarna, segir að þegar komið hafi
verið á strandstað hafi Baldvin
verið með nótina flækta í skrúf-
unni og því rekið stjórnlaust upp
sandfjöruna. Baldvin reyndi að
notast við hliðaskrúfur en þær
héldu engu. Eftir að loðnuskipinu
Bergi VE hafði mistekist að ná
Baldvini á flot tók Bjarni Ólafsson
AK við björgunaraðgerðum.
„Það var strax farið í að reyna
að koma taug á milli skipanna,“
segir Gísli. „Veðrið var leiðinlegt,
haugasjór og sautján metra vindur
en samt engin skítabræla. Miðað
við aðstæður gekk ágætlega að
koma tauginni yfir. Við þurftum
hins vegar að fara svo langt upp í
fjöru að það tók niður hjá okkur.
Það var ekki góð tilfinning. Ég vil
nú ekki segja að það hafi verið
hætta á að við myndum fara sömu
leið og Baldvin, en maður veit nátt-
úrlega aldrei. Það er grunnt mjög
langt út á þessum stað. Við vorum
í grunnbrotinu uppi í fjörunni og
okkur gekk í
raun ágætlega
að komast út aft-
ur.“
Gísli segir að
það hafi aðeins
munað hárs-
breidd að Bald-
vini hefði verið
náð aftur út áður
en taugin slitnaði.
„Ef við hefðum haft svona
klukkutíma í viðbót hefði þetta
gengið eftir. Við vorum með meira
af vírum en eftir að taugin slitnaði
var bara ekki hægt að komast aft-
ur að Baldvini til að koma annarri
taug yfir.“
Einn skipverji um borð í Bjarna
slasaðist þegar skipið var að reyna
að bjarga Baldvini.
„Það kom brot á skipið þegar
einn var úti á dekki,“ segir Gísli.
„Hann hentist utan í spil og marð-
ist illa á hendi en hann brotnaði
ekki sem betur fer.“
Gísli hefur áður þurft að
standa í björgunaraðgerðum en sú
minnisstæðasta var í júní árið 1983
út af Hornbjargi. Þá kom eldur
upp í skipinu Gunnjóni GK með
þeim afleiðingum að þrír af tíu
manna áhöfn skipsins brunnu inni.
„Aðkoman þá var sú hörmuleg-
asta sem ég hef upplifað,“ segir
Gísli. „Við vorum á svipuðum slóð-
um og Gunnjón og vorum fyrstir
að skipinu. Þetta er allt annað
núna. Það björguðust allir giftu-
samlega og það er fyrir öllu. Hitt
er hægt að bæta.“
trausti@frettabladid.is
LANDSPÍTALINN
Allir sjúklingar á Landspítala - háskóla-
sjúkrahúsi verða hér eftir merktir sam-
kvæmt sérstökum reglum.
Landspítali - háskóla-
sjúkrahús:
Allir sjúk-
lingar verða
merktir
HEILBRIGÐISMÁL Allir sjúklingar
sem leita til Landspítala - háskóla-
sjúkrahúss verða merktir. Er þetta
gert í því skyni að auka öryggi
þeirra, að því er segir á vefsíðu
Landspítalans.
Merkingin verður með þeim
hætti, að sjúklingur verður merkt-
ur strax við komu. Sett verður úln-
liðsband á hægri úlnlið sjúklinga
sem fara í skurðaðgerð og merkt
aukaúlnliðsband á að fylgja sjúk-
lingi á skurðstofu. Reynist af ein-
hverjum ástæðum nauðsynlegt að
fjarlægja úlnliðsband skal strax
setja nýtt, annað hvort á úlnlið
sjúklings eða ökkla. Sjúklingar á
göngudeildum skulu merktir fari
þeir í meðferð eða rannsóknir.
Undanþegnir meginreglu um
merkingar sjúklinga á
Landspítalanum, verða sjúklingar
er sækja þjónustu á göngudeild
dvelji þeir þar skemur en 2
klukkustundir og fari ekki út af
deild til rannsókna eða aðgerða. Þá
gilda sérstakar reglur um merk-
ingar sjúklinga á slysadeild, svo
og um sjúklinga á öllum deildum
geðsviðs. ■
HARALDUR BENEDIKTSSON
Ný kynslóð bænda tók við formennsku Bændasamtakanna eftir kosningu á Búnaðarþingi
í gær. Haraldur Benediktsson tók við af Ara Teitssyni. Haraldur segir fyrsta verk sitt að
takast á við mjólkursamningana.
FR
ÉT
TA
B
LA
Ð
IÐ
/T
EI
TU
R
GÍSLI RUNÓLFSSON SKIPSTJÓRI
Gísli segir að veðrið hafi verið leiðinlegt á
strandstað. Haugasjór og sautján metra
vindur á sekúndu en samt engin skíta-
bræla.
„Ef við
hefðum
svona klukku-
tíma í viðbót
hefði þetta
gengið eftir.”
Á STRANDSTAÐ VIÐ MEÐALLANDSSAND
Baldvin Þorsteinsson EA er nú fastur upp í fjöru
við Meðallandssand. Reynt var nokkrum sinnum
að draga skipið af strandstað aðfaranótt þriðju-
dags en björgunaraðgerðir tókust ekki þar sem
dráttartaugar slitnuðu í sífellu.