Fréttablaðið - 05.05.2004, Blaðsíða 10
10 5. maí 2004 MIÐVIKUDAGUR
HREINSAÐ TIL VIÐ SPORIN
Það var tómlegt um að litast á ítölskum
lestarstöðvum í gær þegar starfsmenn
lestanna fóru í sólarhringsverkfall. Á aðal-
lestarstöðinni í Róm notuðu menn tæki-
færið og hreinsuðu upp rusl á járnbrautar-
sporunum.
Sparnaðarsamningar um lyfjaverð:
Apótekin taka á sig 700 milljónir
LYFJAMÁL „Smásalar lyfja missa út
um 200 milljónir króna af sinni
veltu á ársgrundvelli með sam-
komulaginu sem tók gildi nú um
nýliðin mánaðamót,“ sagði Sig-
urður Jónsson, framkvæmda-
stjóri Samtaka verslunar og þjón-
ustu. Fjallað var um samning
lyfjaverðsnefndar og lyfjafram-
leiðandans Pharmaco í blaðinu
síðastliðinn laugardag, en það
kveður á um lækkun verðs á ýms-
um samheitalyfjum. Lyfjasmásal-
ar eiga einnig aðild að þessu sam-
komulagi. Það hefur í för með sér
að tekjur apótekanna dragast
saman um um það bil 200 milljón-
ir króna eins og áður sagði.
Sigurður bætti við að með
samkomulagi lyfjaverðsnefndar
og lyfjaheilsala sem tæki gildi 1.
júlí næstkomandi myndi velta
apótekanna enn minnka og þá
um 500 milljónir á ársgrund-
velli.
Hann bætti við að þetta sam-
komulag sem um ræddi væri
afar mikilvægt. Það tryggði að
sjúklingar gætu áfram fengið
þau lyf sem þeim hentaði best.
Ljóst væri að rekstur apótek-
anna yrði þyngri en áður með
minnkandi veltu og ekki væri
útilokað að það myndi hafa í för
með sér einhverjar breytingar á
þjónustu við almenning. ■
SVISS, AP Ísland er í fimmta sæti
yfir samkeppnishæfustu lönd og
svæði heims samkvæmt nýrri
úttekt á vegum IMD viðskipta-
skólans sem birt er í The World
Competitiveness Yearbook.
Bandaríkin tróna á toppi listans
eins undanfarin tíu ár þrátt fyr-
ir að viðskiptahallinn þar hafi
vaxið verulega undanfarin ár.
Ríkjum er raðað á listann eftir
því hvernig stjórnvöld haga við-
skiptaumhverfinu innan landa-
mæra sinna.
Löndin sem í fyrra voru í öðru
og þriðja sæti yfir samkeppishæf-
ustu ríki heims falla um nokkur
sæti, Lúxemborg fór úr öðru sæti
í það níunda og Finnland féll úr
þriðja sæti í það áttunda. Ein
helsta ástæðan fyrir því að Finn-
land fellur um nokkur sæti er auk-
in samkeppni frá Eistlandi þar
sem laun eru lítill hluti þess sem
Finnar fá í laun.
Þrjú Norðurlandanna eru á
lista yfir átta samkeppnishæfustu
lönd, Ísland, Danmörk og Finn-
land en Svíþjóð er í ellefta sæti og
Noregur því sautjánda. ■
EINKAVÆÐING Reynsla Dana af
einkavæddum símamarkaði er
góð. Verð til neytenda er lágt og
samkeppni er mikil. Þetta er mat
Henrik Thørring, framkvæmda-
stjóra danska síma-
fyrirtækisins TDC
sem áður hét Tele
Danmark. Henrik
Thørring var gest-
ur á morgunverð-
arfundi Dansk ís-
lenska verslunar-
ráðsins. Einkavæð-
ing fyrirtækisins hófst fyrir tíu
árum og hafa orðið nokkrar breyt-
ingar á eignarhaldi og stefnu fryr-
irtækisins frá því að það var
einkavætt. Thørring segir óskyn-
samlegustu leiðina við einkavæð-
ingu Símans að skilja grunnnetið
eftir í ríkiseigu. „Ef menn vilja
aðskilja þjónustu og grunnnet þá
ætti að einkavæða hvort tveggja.“
Thørring segir að besta leiðin sé
að einkavæða fyrirtækið í einu
lagi. Með reglum megi tryggja að-
gang samkeppnisfyrirtækja í
þjónustu að grunnnetinu. Hættan
við ríkisrekið grunnnet sé sú að
framþróun verði ekki sinnt. Einar
K. Guðfinnsson, þingmaður Sjálf-
stæðisflokksins, sat ásamt Henrik
Thørring fyrir svörum á fundin-
um. Einar taldi það skynsamleg-
ast að selja Símann í heilu lagi
eins og stefnan hefur verið. Ekki
sé æskilegt að vera með mörg
grunnnet þar sem það leiði til of-
fjárfestingar.
TDC sýndi í samstarfi við inn-
lenda aðila áhuga á kaupum á Sím-
anum. Thørring segir hugsalegt
að TDC muni skoða kaup á Síman-
um að nýju. Það verði þó ekki gert
nema um stefnumarkandi fjár-
festingu sé að ræða. TDC hefur
dregið úr erlendum fjárfestingum
sínum og selt nokkrar þeirra.
Ekki er áhugi innan fyrirtækisins
að eiga lítinn hlut í erlendum fyr-
irtækjum. „Eitt af því sem vakti
áhuga okkar á Símanum á sínum
tíma var að þar voru í gangi ýmis
þróunarverkefni og sprotastarf-
semi.“ Hann segir að kaup nú hafi
ekki enn komið sérstaklega til
skoðunar, hvað sem síðar verði.
Einar K. Guðfinnsson var
spurður hvort salan á hlut ríkisins
í Símanum myndi dragast fram
yfir skýrslu um samþjöppun í við-
skiptalífinu og afgreiðslu fjöl-
miðlafrumvarpsins. „Það er verið
að vinna í málinu, en það eru auð-
vitað ýmis sjónarmið sem þarf að
taka tillit til við slíka ákvörðun.“
Hann sagði að niðurstöðu í þeim
málum væri að vænta og því ætti
það ekki að þurfa að tefja undir-
búning sölu Símans.
haflidi@frettabladid.is
MÓTMÆLT Í RÓM
Samningaviðræður standa yfir en
hafa enn ekki borið árangur.
Verkfall hjá Fiat:
Hefur kostað
35.000 bíla
MÍLANÓ, AP Rúmra tveggja vikna
langt verkfall starfsmanna í Fiat-
verksmiðjunum hefur orðið til
þess að framleiðsla fyrirtækisins
hefur dregist saman um 35.000
bíla. Stjórnendur fyrirtækisins
segja þetta hafa valdið fyrirtæk-
inu miklum fjárhagslegum skaða
en fyrirtækið tekst nú á við
margra ára taprekstur.
Stálverkamenn hófu verkfall
19. apríl til að þrýsta á kröfur
sínar um hærri laun og betri
vinnuaðstöðu í verksmiðju fyrir-
tækisins í Melfi í Suður-Ítalíu.
Hluti starfsmanna hefur hafið
störf á nýjan leik en aðrir halda
verkfallinu áfram og því er fram-
leiðslugeta verksmiðjunnar
minni en ella. ■
NJÓTA BLÍÐUNNAR Í SVÍÞJÓÐ
Svíum fer fjölgandi og fara væntanlega yfir
níu milljóna markið í ár.
Mannfjöldi:
Svíar yfir níu
milljónir
STOKKHÓLMUR, AP Svíar verða orðn-
ir níu milljón talsins áður en árið
er úti, segja starfsmenn sænsku
hagstofunnar, sem hafa einnig
reiknað út að tíu milljónasti Sví-
inn komi fram árið 2026.
Helen Marklund, starfsmaður
sænsku hagstofunnar, segir
ástæðu fólksfjölgunar í Svíþjóð
vera aukinn fjölda innflytjenda til
viðbótar við fæðingar innanlands.
Svíþjóð er langfjölmennust
Norðurlandanna. Danir eru 5,4
milljónir talsins, Finnar 5,2 millj-
ónir, Norðmenn 4,6 milljónir og
Íslendingar innan við 300.000 tals-
ins. ■
INNBROT Fimm innbrot voru
framin í Reykjavík í fyrrinótt.
Tveimur vélhjólum var stolið í
fyrirtæki í Höfðahverfi. Hjólin
fundust í gærmorgun í austur-
borg Reykjavíkur og taldi lög-
reglan sig hafa haldgóðar vís-
bendingar um hverjir voru að
verki. Einnig var brotist inn í
hótel í miðbæ Reykjavíkur. Þá
var brotist inn í fimm bíla, litlu
var stolið en einhverjar
skemmdir voru unnar á öllum
bílunum.
LYFJAVERÐ
Samkomulag lyfjaheildsala og lyfjaverðs-
nefndar tekur gildi 1. júlí næstkomandi.
FR
ÉT
TA
B
LA
Ð
IÐ
/G
VA
Aðstaða geðsjúkra:
Fyrir neðan
allar hellur
RÚMENÍA, AP Amnesty International
fordæmir aðbúnað á rúmenskum
geðsjúkrahúsum í nýrri skýrslu
sinni. Þar hvetja samtökin Evrópu-
sambandið einnig til þess að leggja
sitt af mörkum og hjálpa Rúmenum
við að bæta geðlækningar og þá að-
stöðu sem geðsjúkir búa við.
Í skýrslunni er geðsjúkrahús í
bænum Poiana Mare tekið sem
dæmi um slæman aðbúnað. Þar
hafa átján sjúklingar látist á ár-
inu. Þar segir enn fremur að inn-
lögn á geðdeildir sé stundum
beitt á sama hátt og gæsluvarð-
haldi og er það harðlega gagn-
rýnt. ■
■ Lögregla
SLAPPAÐ AF Í KAUPHÖLLINNI
Verðbréfasali í kauphöllinni í Frankfurt
slappar af. Þýskaland er í 21. sæti yfir sam-
keppnishæfustu lönd heims.
SAMKEPPNISHÆFUSTU
LÖND HEIMS
1. Bandaríkin
2. Singapúr
3. Kanada
4. Ástralía
5. Ísland
6. Hong Kong
7. Danmörk
8. Finnland
9. Lúxemborg
10. Írland
Bandaríkin efst á lista yfir samkeppnishæfustu ríki heims:
Ísland í fimmta sæti
GÓÐ REYNSLA
Henrik Thørring, framkvæmdastjóri hjá danska símafyrirtækinu TDC, var gestur Dansk-
íslenska verslunarráðsins. Hann segir skynsamlegast að selja Símann í heilu lagi fremur
en að skilja grunnnet frá þjónustu.
FR
ÉT
TA
B
LA
Ð
IÐ
/G
VA
■
Ef menn vilja
aðskilja þjón-
ustu og grunn-
net þá ætti að
einkavæða
hvort tveggja.
Nefndarvinna á ekki
að tefja sölu Símans
Einar K. Guðfinnsson telur ekki að nefndarvinna um samþjöppun í
atvinnulífinu eigi að tefja vinnu við sölu Símans. Góð reynsla er af
einkavæddum síma í Danmörku að mati framkvæmdastjóra TDC.