Fréttablaðið - 05.05.2004, Blaðsíða 18

Útihlaup eru bæði ódýr og góð leið til að halda sér í formi.
Sá sem stundar útihlaup ræður tíma sínum sjálfur og þarf
ekkert að borga. Eini nauðsynlegi útgjaldaliðurinn er góðir skór.
FRÍ HEIMSENDING
Nánari
uppl‡singar
á somi.is
Handhafar kreditkorta:
Njóta fríðinda umfram aðra
Óneitanlega skýtur það skökku
við að þeir sem velta greiðslum á
undan sér með kreditkortum skuli
fá meiri fyrirgreiðslu en hinir
sem eru með handbært fé til
reiðu. Ef fólk vill versla á netinu
þá er kreditkortið nauðsynlegt og
oft eru svokölluð nettilboð á ferð-
um sem ekki bjóðast þeim sem
staðgreiða. Í DV var nýlega viðtal
við mann sem ekki gat nýtt sér
gjafabréf frá bílaleigu vegna þess
að hann átti ekki kreditkort til að
leggja fram sem tryggingu. Þeir
sem borga ferðir út í hönd geta
ekki safnað sér punktum upp í
næstu ferð og þaðan af síður feng-
ið ferða- og farangurstryggingu
innifalda í flugmiðaverðinu. Allt
eru þetta hlunnindi sem fylgja
kreditkortum.
Til að fá útskýringar á þessari
mismunun hringdum við í Þórdísi
Pálsdóttur, kreditkortafulltrúa
hjá Íslandsbanka. „Það er alveg
rétt að með því að vera handhafi
kreditkorta ertu að kaupa þér
ýmsa þjónustu og tryggingu,“
segir hún. „Til dæmis krefjast
bílaleigur og hótel þess í lang-
flestum tilfellum að viðskiptavin-
ir greiði með slíku korti. Það er
trygging bílaleigunnar fyrir því
að fá bílinn til baka og hótelsins
fyrir að geta greitt símareikninga
og úttekt af míníbar viðskiptavin-
arins ef hann lætur sig hverfa.“
Þórdís nefnir ýmsar tegundir
korta. „Við höfum verið með
fyrirframgreidd kreditkort fyrir
þá sem ekki vilja vera í skuld. Þau
eru eins og debetkort en með
tryggingar og fríðindi kreditkorta
og kosta það sama og þau. Slík
kort standa til boða fólki allt niður
í 15 ára og nýtast því meðal ann-
ars á ferðalögum.
Fríðindalaus kreditkort með
lágmarkstryggingar eru algeng.
Þau fela í sér rétt til að greiða vör-
ur síðar og handhafar þeirra borga
2.500-2.600 kr. árgjald.
Mastercard-ferðaávísun virkar
þannig að í hvert skipti sem kortið
er notað innanlands fær notandinn
fjóra punkta fyrir hvern þúsund-
kall ef hann er með silfurkort og
fimm ef hann er með gullkort. Silf-
urkortið með ferðaávísuninni kost-
ar 5.500 og gullið með ferðaávísun
8.500
Svo eru önnur Visakort sem eru
tengd Icelandair Vildarklúbbnum
og henta þeim sem ferðast mjög
mikið því þau safna punktum og
fyrir þá geta menn flogið frítt öðru
hvoru. Silfurkortið kostar 5.300 á
ári og svo þarf að greiða 1.500 fyr-
ir að tengjast Vildarklúbbnum.
Gullið er á 8.900, plús 1.500 tengi-
gjald en það felur í sér enn meiri
ferðatryggingar, svo sem forfalla-,
farangurs- og sjúkdómatryggingu.
Þannig snúast þessi fríðindi eink-
um um ferðalög.“
gun@frettabladid.is
Góð ráð
INGÓLFUR HRAFNKELL INGÓLFSSON
SVARAR SPURNINGU UM VAXTAVEXTI OG
ÓVERÐTRYGGÐ LÁN.
Útgjaldaliður
sem gefur af sér ávöxt
Sæll og blessaður Ingólfur.
Í framhaldi af umræðu um að borga inn á lán jafnt og þétt
langar mig að heyra hvað þér finnst um að sá sem skuldar
keppi við lánið. Segjum að einhver skuldi níu miljónir hjá
Íbúðalánasjóði til 40 ára en hafi handbærar þrjár miljónir.
Hvort borgar sig fyrir hann að borga inn á lánið eða fjárfesta
og freista þess að fá betri ávöxtun en svarar til þeirra vaxta og
verðbóta sem greiða þarf af láninu?
Kveðjur, Haukur.
Sæll Haukur.
Þetta er góð spurning og svarið er:
Notaðu milljónirnar þrjár til þess að „keppa
við“ lánið eins og þú orðar það svo
skemmtilega. Það eru nokkrar ástæður fyrir
þessu. Ein er sú að skynsamlegt er að
freista þess að ná hærri ávöxtun á spariféð
heldur en lánið kostar og græða þannig
mismuninn. Á íslenskum fjármálamarkaði
eru margar leiðir færar til þess að ná þessu
markmiði. Það er líka gott fyrir sálina að
sjá peningana sína vaxa í stað þess að
setja þá alla í skuldahítina. Sumum kann
að finnast þetta órökrétt því alltaf sé best
að losa sig sem fyrst við skuldirnar og byrja
svo að spara. Það er líka rétt svo langt sem
það nær. Það sem ég er í rauninni að segja
er að eitt útilokar ekki annað. Það er hægt
að greiða niður skuldir og leggja fyrir á
sama tíma.
Ég mæli með því að litið sé á útgjöld
vegna skulda og sparnaðar sem sitt hvorn
hlutinn og að fundnar verði bestu leiðirnar
til þess að gera hvort tveggja samtímis;
greiða hratt niður skuldir og spara. Þetta er
hægt með ýmsu móti. Með veltukerfi Fjár-
mála heimilanna er til dæmis hægt að
stytta lánstímann um 50-75% og eftir það
hefur það sáralítil áhrif á skuldastöðuna
þótt einn hundraðþúsundkall eða fleiri séu
notaðir til þess að borga inn á lánin. Það er
miklu skynsamlegra að setja þá og alla aðra
aukapeninga sem verða til í sparnað.
Sparnaður er líka eini útgjaldaliðurinn sem
getur gefið af sér peningalegan ávöxt. Gam-
alt kínverskt máltæki segir eitthvað á þessa
leið: „Maður verður ekki ríkur af því sem
maður aflar heldur því sem maður eyðir“.
Kær kveðja,
Ingólfur Hrafnkell
Viltu leita ráða hjá Ingólfi? Sendu spurningar á fjarmal@frettabladid.is
Þórdís Pálsdóttir kreditkortafulltrúi segir kortið vera tryggingu bílaleigunnar
fyrir því að fá bílinn til baka og hótelsins fyrir að geta greitt símareikninga
og úttekt af míníbar viðskiptavinarins ef hann lætur sig hverfa.
FR
ÉT
TA
B
LA
Ð
IÐ
/H
AR
I
Það er gaman að gera börnum glaðan
dag og gefa þeim heilan sunnudag að
eigin vali. Afþreyingarmöguleikar eru
mýmargir og oft þarf ekki að kosta mikið
að fara með nesti út í náttúruna og hafa
bolta eða frisbídisk meðferðis. Hins vegar
hefur ungviðið oft fastmótaðar skoðanir
á því hvernig það vill eyða skemmtileg-
um frídegi með mömmu og pabba, og
þá er ekki verra að vera búinn að safna
saman klinkinu því víst kostar að lifa, og
lifa glatt. Hér gefur að líta hvað kostar að
gera sér dagamun fyrir fjögurra manna
fjölskyldu.
Húsdýra- og fjölskyldugarðurinn
í Laugardal:
(á virkum dögum):
2 x börn (eldri en fjögurra ára): 700
krónur
2 x fullorðnir: 900 krónur
samtals: 1.600 krónur
(um helgar):
2 x börn (eldri en fjögurra ára): 900
krónur
2 x fullorðnir: 1.100 krónur
samtals: 2.000 krónur
Sundferð:
2 x börn: 200 krónur
2 x fullorðnir: 460 krónur
samtals: 660 krónur
Hádegismatur á McDonald’s:
2 x barnabox: 698 krónur
2 x fullorðinsmáltíð: 1.398 krónur
samtals: 2.096 krónur
Bíóferð:
2 x börn (yngri en sex ára): 8.00 krónur
2 x börn (eldri en sex ára): 1.600 krónur
2 x fullorðnir: 1600 krónur
samtals: 3.200 krónur (miðað við börn
eldri en sex ára).
Domino’s Pizza í kvöldmatinn:
15 tommu margaríta fyrir börnin: 1.250
krónur
15 tommu pizza með pepperoni, lauk,
sveppum og papriku: 2.180 krónur
brauðstangir með sósu: 470 krónur
tveggja lítra gosflaska: 280 krónur
samtals: 4.180 krónur
Þessi fjölskyldudagur kostar því samtals
13.736 krónur, fyrir utan sælgæti, popp
og kók í bíóinu, ís eða pulsu í Húsdýra-
og fjölskyldugarðinum, eða eftirrétt á
McDonald’s.
Miðaverð í Húsdýra- og fjöskyldugarðinn
verður frá og með þessu ári hærra um
helgar. ■
[ HVAÐ KOSTAR GÓÐUR FJÖLSKYLDUDAGUR? ]
Dýrt gaman
en skemmtilegt